މައުމޫން: ޑީއާރުޕީގެ ދަރަންޏަށް އެމަނިކުފާނު ޒިންމާވާން ޖެހޭނެ ކަމަށް ބުނެ އެމްޓީސީސީން ހުށަހެޅި މައްސަލަ ކުރިއަށް ގެންދެވޭނެ ކަމަށް ހައި ކޯޓުން ވަނީ ނިންމާފައި --- ފޮޓޯ/މިހާރު
19 މާޗް 2024 - 15:52
26 comments
ދިވެހި ރައްޔިތުންގެ ޕާޓީ (ޑީއާރުޕީ) ގެ ދަރަންޏަށް އެ ޕާޓީގެ ކުރީގެ ލީޑަރު މައުމޫން އަބްދުލްގައްޔޫމް ޒިންމާ ކުރުވަން އެމްޓީސީސީން ހައި ކޯޓަށް ހުށަހެޅި މައްސަލަ ބޭރުކޮށްލެވެން ނެތް ކަމަށް އެ ކޯޓުން ނިންމައިފި އެވެ.
ޑީއާރުޕީން އެމްޓީސީސީގެ ފަރާތުން ހޯދި ހިދުމަތްތަކަށް 1.1 މިލިއަން ރުފިޔާ ނުދައްކާ އޮއްވާ އެ ޕާޓީގައި މެމްބަރުން ހަމަނުވާތީ އުވާލުމުން އެމްޓީސީސީން ސިވިލް ކޯޓުގައި އެދުނީ އެ ޕާޓީގެ ކުރީގެ ލީޑަރުގެ ހައިސިއްޔަތުން އެ ދަރަންޏަށް މައުމޫން ޒިންމާވާން ޖެހޭނެ ކަމަށް ކަނޑައެޅުމަށެވެ.
ނަމަވެސް މިދިޔަ އަހަރު ސިވިލް ކޯޓުން ނިންމާފައި އޮތީ އެ ދަރަނި ދައްކަން މައުމޫންގެ މައްޗަށް އަމުރު ނުކުރެވޭނެ ކަމަށެވެ. އެހެންވެ، އެ މައްސަލަ އެމްޓީސީސީން އޮތީ ހައި ކޯޓުގައި އިސްތިއުނާފް ކޮށްފަ އެވެ. އެ މައްސަލާގައި މައުމޫންގެ ފަރާތްޕުޅުން އިޖްރާއީ އިއުތިރާޒެއް ނެގީ އެމަނިކުފާނަށް ރައްދުވާ ގޮތަށް އެ މައްސަލަ ކުރިއަށް ނުގެންދެވޭނެ ކަމަށް ބުނެ އެވެ. އެއީ ޑީއާރުޕީގެ ދަރަނީގެ އަސްލު މައުޟޫއީ މައްސަލަ ސިވިލް ކޯޓުގައި ކުރިއަށް ދިޔައިރު މައުމޫންގެ މައްޗަށް ދައުވާ ކޮށްފައި ނެތުމުންނެވެ.
މައުމޫންގެ ފަރާތްޕުޅުން އެދިވަޑައިގަތީ އެމަނިކުފާނުގެ މައްޗަށް އެ މައްސަލަ ހައި ކޯޓުގައި ނުބެލޭނެ ކަމަށް ކަނޑައަޅައި އަދި އެމްޓީސީސީން އަމަލުކުރި ގޮތަށް ރިއާޔަތްކޮށް، އެމަނިކުފާނަށް ބަދަލު ދޭން އެ ކުންފުނީގެ މައްޗަށް އަމުރުކޮށް ދިނުމަށެވެ.
ނަމަވެސް ހައި ކޯޓުގެ ދެ ފަނޑިޔާރުންގެ އަގުލަބިއްޔަތުން މިއަދު ނިންމެވި ނިންމުމުގައިވަނީ ދަށު ކޯޓުގައި މައްސަލާގެ ހަސްމަކަށް ނުވާ ފަރާތަކާ ދެކޮޅަށް ވެސް އިސްތިއުނާފެއް ހުށަހަޅަން ގާނޫނީ ހުރަހެއް ނެތް ކަމަށެވެ. އަދި ޑީއާރުޕީގެ ދަރަންޏަށް މައުމޫން ޒިންމާވާން ނުޖެހޭނެ ކަމަށް ނިންމި ނިންމުމާ މެދު ގާނޫނީ ބަހުސެއް އެމްޓީސީސީން އުފައްދާފައި އޮތުމުން އެއީ މައުމޫނާ ދެކޮޅަށް ކުރެވިދާނެ އިސްތިއުނާފެއް ކަމަށް އެ ނިންމުމުގައިވެ އެވެ.
އެހެންވެ، އެ ނިންމުމުގައިވަނީ އެ މައްސަލާގެ އިސްތިއުނާފީ ބައެއް ނުކުތާތަކަށް ޖަވާބުދާރީވާން މައުމޫނަށް ޖެހިވަޑައިނުގަންނަވާނެ ކަމަށެވެ. ނަމަވެސް ދަރަންޏަށް ޒިންމާވުމުގެ ބަޔާ މެދު ޖަވާބުދާރީވުމަށްޓަކައި 20 ދުވަހުގެ ފުރުސަތެއް މައުމޫނަށް ދެއްވީ ކަމަށް އެ ނިންމުމުގައިވެ އެވެ.
އެގޮތަށް ނިންމެވީ ފަނޑިޔާރު ފާތިމަތު ފަރުހީޒާ އާއި ފަނޑިޔާރު ހުސައިން މަޒީދުގެ އަޣުލަބިއްޔަތުންނެވެ. ނަމަވެސް ފަނޑިޔާރު ދީބާނާޒް ފަހުމީގެ ރައުޔަކީ އެ މައްސަލަ ހައި ކޯޓުން ބަލައިނުގަނެ، ބޭރުކޮށްލުމަށާއި އަދި އެމްޓީސީސީން 75،000ރ. ގެ ބަދަލެއް މައުމޫނަށް ދިނުމަށް އަމުރު ކުރަން ޖެހޭނެ ކަމަށެވެ.
ފަނޑިޔާރު ދީބާނާޒްގެ ރައުޔަކީ އެ މައްސަލަ މައުމޫނާ ދެކޮޅަށް އެމްޓީސީސީން ހައި ކޯޓަށް ހުށަހެޅީ އެއްވެސް ބޭނުމެއް ނެތި، މީހަކަށް އުނދަގޫ ކުރުމުގެ ގޮތުންނާއި ކޯޓުގެ ބޭނުން ނަހަމަ ގޮތުގައި ހިފުމަށް ހުށަހެޅި މައްސަލައެއް ކަމަށެވެ.
ކުރިން އެންމެ ބޮޑު އިދިކޮޅު ޕާޓީގެ ގޮތުގައި އޮތް ޑީއާރުޕީގެ އެތެރޭގެ ހިޔާލު ތަފާތުވުންތަކާ ހެދި އެ ޕާޓީ ދޫކުރައްވައި، 2011 ވަނަ އަހަރު މައުމޫން އިސްވެ ހުންނަވައިގެން ޕީޕީއެމް އުފެއްދެވި އެވެ. އަދި 2016 ވަނަ އަހަރު އެމަނިކުފާނު އެ ޕާޓީން ވަކިކޮށްލުމުން އެމްއާރުއެމްގެ ނަމުގައި އާ ޕާޓީއެއް އުފެއްދެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލުގ
20 March 2024
އެއިރު ޕާޓީގެ އިސްސަފުގަ ޕާޓީއާ ހަވާލުވެގެން ތިބި އެންމެން ޒިންމާވާންވާނެ ތިފަދަ ކަންކަމުގަ. ސަރުކާރުން ޕާޓީތަކަށް ފައިސާ ދޭ. އެފައިސާއާ ޕާޓީގެ އެހެން މާލީ ކަންކަން ބެލެހެއްޓުމުގެ ޒިންމާ އެ ޕާޓީގެ ކޮންމެވެސް ފަރާތަކާ ހަވާލުކޮށްފަ އޮންނާނީ. ކަމާބެހޭ އެންމެން ޒިންމާކުރުވެންވާނެ.
ފަިނޔާރުން
20 March 2024
"ފަނޑިޔާރު ދީބާނާޒް ފަހުމީގެ ރައުޔަކީ އެ މައްސަލަ ހައި ކޯޓުން ބަލައިނުގަނެ، ބޭރުކޮށްލުމަށާއި އަދި އެމްޓީސީސީން 75،000ރ. ގެ ބަދަލެއް މައުމޫނަށް ދިނުމަށް އަމުރު ކުރަން ޖެހޭނެ ކަމަށެ" މީކޮންކަހަލަ ކަމެއް
ބަޑިތަކުރު
20 March 2024
އެއީ ކޮންވާހަކައެއްކަން އެނގޭނީ އެމައްސަލަ އުފުލި ހާލަތަށް ބެލީމައެވެ. މިއަދާ އެދުވަހާ ތަފާތުވެދާނެއެވެ.
ހަރާމްކޯ
20 March 2024
ޕާރޓީގެ ބޮޑެތި ދަރަނިތަކެއް ހުއްޓާ ޕާރޓީ އުވާލެވޭނެކަމަކަށްވެސް ނުދެކެން، ޕާރޓީތައް އުވާލެވެންޖެހޭނީ ކްރެޑީޓަރސް ގެ ރައިޓްސް ހިމާޔަތްކުރެވޭނެގޮތަކަށް، އިލެކްޝަން އާ ދެކޮޅަށް ކޯޓަށް މައްސަލައެއް ތިކަމާ ހުށަހަޅާންޖެހޭކަމަށް ދެކެން. އެތައް ބައެއް ހެ ހައްޤުތަކަށް އަރާ ރެޖިޖސްޓްރަރ އޮފް ކޮމްޕެނީޒް އިން ވެސް ވަނީ އެއެއް މިއެއް ނުބަލާ ދައުލަތުގެ ކުންފުނިތަކެއް އުވާލާފަ، ދެން ކްރެޑީޓަރސް ގެ ހިމާޔަތްވާނެގޮތެއް ބުނެބަލަ؟؟
ހަރާމްޒާދާ
24 March 2024
ކުންފުނިވެސް އެބަހުރި ތިޔަހެން ކޯޓުގަ މައްސަލަތައް އޮއްވާ އުވާލާފަ
އިސްމާލި
20 March 2024
"ފަނޑިޔާރު ދީބާނާޒްގެ ރައުޔަކީ އެ މައްސަލަ މައުމޫނާ ދެކޮޅަށް އެމްޓީސީސީން ހައި ކޯޓަށް ހުށަހެޅީ އެއްވެސް ބޭނުމެއް ނެތި، މީހަކަށް އުނދަގޫ ކުރުމުގެ ގޮތުންނާއި ކޯޓުގެ ބޭނުން ނަހަމަ ގޮތުގައި ހިފުމަށް ހުށަހެޅި މައްސަލައެއް ކަމަށެވެ." މަ ހީކުރީ އިސްލާމްދީނުގައި ހުކުން ކުރަނީ ބޭރުފުށުން ފެންނަ ކަންކަމަށް ރިއާޔަތްކޮށްފައި ކަމަށް. ފަނޑިޔާރަށް ކިހިނެއްބާ އެނގުނީ މޓސސ އިން މައްސަލަ ވެއްދީ މެގް އަށް ޖެއްސުމަށް ކަން؟
ދިއްދޫމީހާ
20 March 2024
ޔައުނީ ދެން ފަހެއް މައުމޫން ޒިންމާ ވާން ޖެހޭނީ ޒައީމްއަ އެކަނި.. މައުމޫން އަކީ މިރާއްޖޭގައި ހުރި ހަމައެކަނި ރޯޔަލް ޒައީމް..
ނަށީދު
20 March 2024
ޖެހޭނެ ޒިންމާވާން. ނިކަމެތި ރައްޔިތުމީހާ ކުންފުނީގެ އެމް.ޑީ އަކަށް އީނީމަ މީރާއިން ހަދާލާގޮތް ބަލާބަލަ. ޑީ.އާރު.ޕީ ރައީސްއަކަށް ހުރި މީހާވެސް ޖެހޭނެ ޒިންމާވާން.
އަފްރާސިޔާބު
20 March 2024
އެއީ އެމްޑީ ޒިންމާވާންޖެހޭ ކަމެއްނޫން ބޯޑު އޮފް ޑިރެކްޓަސް ކަންކަން ނިންމާނީ. އެހެންވީމާ ދަރަންޏަށް އެއިރަކު އޮންނަ ބޯޑެއް ޒިންމާ ކުރުވާ ގާނޫގައި ލިޔަންވީ ނުން. އެއިރުން ނުކެރޭނެ ސަރުކާރުގެ ކުންފުނި ތަކުގެ ބޯޑުތަކަށް ބޭނުން ގޮތަކަށް ދަރަނި ނަގާކަށް. އަދި ޚަރަދުވެސް ކުރާކަށް. މިހާރު މިވާގޮތުން އެހެން މީހުންގެ ބޮލަށް ދަރަނި ޖަހާލާފައި ދަނީ.
އަބޫ
20 March 2024
ރައީސް މައުމޫނު ތިއްޔަކަމުގެ ޒިމާ ނަގާކައް ނުޖެހޭނެ އެނމެފަހުން ޕާޓީގެ ރައީސްަ ސައް ހުނެވި ބޭފުޅަކު ނަގަން ޖެހޭނީ
ޅޮސްބެ
20 March 2024
ރައުޔު ތަފާތުވި ފަނޑިޔާރުކަމުގަ މިއަދު އެތާއިނީ މައުމޫނުގެ ސަބަބުންކަން އިންގޭނެ މާލޭގަ ގިނަމީހުންނަށް،،،، އަދުލު އިންސާފު އެންމެނަށް ހަމަ ހަމަވާންޖެހޭން ދައުލަތަށް ލިބެންޖެހޭ ލާރިއެއް ހޯދަން މަތީ ކޯޓެއްގަ އިސްތިއުނާފުކުރީމަ ގާޒީއެއްގެ ވާހަކަ ތިހުރީ ދައުވާ ލިބޭ ހަސްމު ސަލާމަތްކޮއްފަ ދައުލަތް ބަދުނާމް ވާގޮތަށް ފަނޑިޔާރުވިދާޅުވީ ކޯޓުގެ ބޭނުން ނަހަމަ ގޮތުގައި ހިފުމަށް ހުށަހެޅި މައްސަލައެއް ކަމަށެވެ.“ ކޮބާތޯ މަތީކޯޓެއް އޮތުމުގަ ބޭނުމަކީ؟
ކުރަފި ބޯ
19 March 2024
ދެން މިހާރު އެމްއާރުއެމް ކޮބާ؟
ދުންމާރި1
19 March 2024
ތިޔަ މައްސަލަ ބަލަން ނިންމެވި ދެ ފަނޑިޔާރުންނަކީ ދުނިޔޭގަ ނެތްވަރުގެ މޮޅު ރޯނު އެދުރުން ސިޔާސީ ގޮތުން ބާރުހޯދައިގެން ހައިކޯޓަށް ވަދެ ޢަދުލުގެ ނިޒާމު ފުނޑާލަނީ ޝަރީޢަތަކީ ކޮން އެއްޗެއްކަން ނުވެސްދަނޭ އެކަމަކު ބޮޑޫކޯޓުތުރުކުރައްވާފަ ބޮޑުގޮނޑީގަ މަމީ ހައިކޯޓުގެ ފަނޑިޔާރެކޭ ބުނީމަ އެވީނު