ހުޅުމާލެ ތިނެއްގެ ބިން ހިއްކުމުގެ މަސައްކަތް ކުރިއަށް ގެންދަނީ: 15 ހެކްޓަރުގެ ބިން ހިއްކާ ވަނީ ނިމިފައި.-- ފޮޓޯ: ފަޔާޒް މޫސާ | މިހާރު
04 އެޕްރީލް 2024 - 17:50
28 comments
ހުޅުމާލެ ފޭސް ތިނަކުން 15 ހެކްޓަރުގެ ބިން ހިއްކައިފި އެވެ.
އެޗްޑީސީން މިއަދު ވަނީ ހުޅުމާލެ ތިނަކުން ހިއްކަމުން އަންނަ ސަރަހައްދު ނޫސްވެރިންނަށް ދައްކާލައިފަ އެވެ.
ހުޅުމާލެ ތިނެއްގެ ބިން ހިއްކުމުގެ މަސައްކަތް ކުރިއަށް ގެންދަނީ: 15 ހެކްޓަރުގެ ބިން ހިއްކާ ވަނީ ނިމިފައި.-- ފޮޓޯ: ފަޔާޒް މޫސާ | މިހާރު
އެޗްޑީސީން ބުނީ ހުޅުމާލެ ތިނަކުން ހިއްކަން ނިންމާފައިވާ 63 ހެކްޓަރުގެ ބިމުގެ ތެރެއިން 15 ހެކްޓަރުގެ ބިން މިހާރު ހިއްކާފައިވާ ކަމަށެވެ. އަދި އެ ސަރަހައްދުގެ ބިން ހިއްކުމުގެ މަސައްކަތް ވަރަށް ބާރު ދުވެލީގައި ކުރިއަށް ގެންދާ ކަމަށް ވެސް އެ ކުންފުނިން ބުންޏެވެ.
ހުޅުމާލެ ތިނެއްގެ ފުރަތަމަ ބައިގެ ގޮތުގައި 10 ހެކްޓަރުގެ ބިން ވަނީ މިދިޔަ އަހަރުގެ އޮކްޓޯބަރު މަހުގެ ތެރޭގައި ހިއްކާ ނިންމައިފަ އެވެ. ބާކީ 53 ހެކްޓަރުގެ ބިން ހިއްކުމުގެ މަސައްކަތް މިހާރު ދަނީ ކުރިއަށެވެ.
ހުޅުމާލެ ތިނެއްގެ ބިން ހިއްކުމުގެ މަސައްކަތް ކުރިއަށް ގެންދަނީ: 15 ހެކްޓަރުގެ ބިން ހިއްކާ ވަނީ ނިމިފައި.-- ފޮޓޯ: ފަޔާޒް މޫސާ | މިހާރު
އެ މަސައްކަތް ކުރީގެ ސަރުކާރުން ހަވާލުކޮށްފައި ވަނީ މިހާރު ފުށިދިއްގަރުފަޅު ނުވަތަ ރަސްމާލެ ހިއްކުމުގެ މަޝްރޫއު ވެސް ހިންގާ ލަންކާގެ ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕެނީ (ސީއެމްސީސީ) އެވެ.
އެޗްޑީސީން އެ ކުންފުންޏަށް މި މަޝްރޫއު ހަވާލުކޮށްފައި ވަނީ 259.2 މިިލިއަން ރުފިޔާ އަށެވެ.
ހުޅުމާލެ ތިނެއްގެ ބިން ހިއްކުމުގެ މަސައްކަތް ކުރިއަށް ގެންދަނީ: 15 ހެކްޓަރުގެ ބިން ހިއްކާ ވަނީ ނިމިފައި.-- ފޮޓޯ: ފަޔާޒް މޫސާ | މިހާރު
މި މަޝްރޫއުގެ ޖުމްލަ އަގު އަދާކުރަނީ ހުޅުމާލޭގެ 10 ހެކްޓަރުގެ ބިމާއި ތިލަފުށިން ހިއްކާ 9.8 ހެކްޓަރުގެ ބިން ވިއްކައިގެން ކަމަށް އެޗްޑީސީން ކުރިން ބުނެފައިވެ އެވެ. އަދި ބިން ހިއްކުމުގެ އިތުރުން ރިވެޓްމެންޓް ޖެހުމާއި ހުޅުމާލެ ތިނެއްގެ މަގުތަށް ހެދުމާއި ފާލަން ހެދުމާއި ޖެޓީ ހެދުން ވެސް މި މަޝްރޫއުގެ ދަށުން އެ ކުންފުންޏާ ވަނީ ހަވާލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފާފް އަބްދުލް މަޖީދު
06 April 2024
މުއިއްޒު ދުވެލި ތަފާތު
އިސްމާއިލް އުޝާމް.
06 April 2024
މިދިޔަ 5 އަހަރުގެ ސްލޯ ސްޕީޑް ބާރުވެއްޖެ
އަސްލު ވަހީދު
06 April 2024
މިހާރުވެސް ތަރައްގީ ގެ މަޝްރޫއު ހަލުވި ވެއްޖެހެން ހީވޭ.
އަމްޝާދު
06 April 2024
މުއިއްޒު ދުވެލީގައި ގޮސް މި ނިންމާލަނީ
ފަހުދު.
05 April 2024
ކުރީ ސަރުކާރުން ދޮޅު މަހެއްހާ ދުވަސްތެރޭ 10 ހެކްޓަރު ހިއްކި.
ސާލިމު
05 April 2024
5 އަހަރު ސުޕަމެޖޯރިޓީގަ ހިއްކުނީ 10ހެކުޓާރ
އަސްލު ސައީދު
05 April 2024
އެހެންވީމާ ކުރީ ސަރުކާރުން ދޮޅުމަހެއްހާ ދުވަސްތެރޭ 10 ހެކްޓަރު، މިސަރުކާރުން 5 މަސްތެރޭ 5 ހެކްޓަރު ބަހާލީމާ މަހަކަށް ހެކްޓަރެއް، ކިހިނެތްތޯ ތިޔަ ހައްދަވަނީ؟
ބޯބެ
06 April 2024
ކުރީ ސަރުކާރައް ހެކްޓަރެއް ވެސް ނުހިއްކޭ 5 އަހަރުން ސުޕަރ މެޖޯރިޓީއާ އެއްކޮއް ބޯ ހިއްކުނީ
ޒައިނަބު
05 April 2024
ތަރައްގީއަށް މުއިއްޒު ފަރިތަވާނެކަން އެއްވެސް މީހަކު ސުވާލެއް ނުއުފައްދާ
ރަމީޒު އަހްމަދު
05 April 2024
ބްރިޖެއް އަޅަންވެސް ބަޔަކު 5 އަހަރު ތެޅި ބޭލުނު. އެވަރުގެ ބަޔަކު މި 5 އަހަރުގަ އަނގައިގަ ޓޭޕް އަޅައިގެން ތިބިއްޔާ ބޮޑަށް ރަނގަޅުވާނީ
ޖުހާ މުހައްމަދު
05 April 2024
މުއިއްޒު ސްޕީޑުގައި ތަރައްގީގެ ކަންކަން ނިމިގެންދާތަން ބަލަން އެމްޑީޕީއަށް ކެތްވާނެތޯ؟
އާރިޝް
05 April 2024
މި ސަރުކާރުން ހިއްކަން ޖެހުނު ތަނެއް ހިއްކާނެ. އާބާދުކުރަން ޖެހުނު ތަނެއް އާބާދުކުރާނެ. އިމާރަތްކުރަން ޖެހުނު ތަނެއް އިމާރާތްވެސް ކުރާން. މިއީ ތަރައްގީއަށް އާއެކޭ ބުނާނެ ސަރުކާރު