ވެލި ނެގުމުގެ ގަވައިދު ބަދަލުކުރީ 2014 ގައި، މި ފަހަރު ބަދަލުކުރީ ކެބިނެޓް ކޮމިޓީއަކުން ހުއްދަ ދެވޭ ގޮތަށް
ބިން ހިއްކާފައިވާ ސަރަހައްދެއް: ހިމާޔަތްކޮށްފައިވާ ސަރަހައްދުތަކާ 200 މީޓަރަށް ވުރެ ކައިރިން ވެލި ނެގޭނީ ވަޒީރުންގެ މަޖިލީހުގެ ކޮމިޓީއެއްގެ ހުއްދަ ލިބިގެން ކަމަށް ގަވާއިދަށް ވަނީ އިސްލާހު ގެނެސްފައި.
09 އެޕްރީލް 2024 - 11:50
4 comments
ރާއްޖޭގައި ހިމާޔަތްކޮށްފައިވާ ސަރަހައްދުތަކާ 200 މީޓަރަށް ވުރެ ކައިރިން ވެލި ނެގުމާއި ބިން ހިއްކުން އަދި ފަޅު ފުންކުރުން ފަދަ ކަންކަމަށް ހުއްދަ ދެވޭ ގޮތަށް ގަވައިދު ބަދަލުކުރި ކަމަށް މީޑިއާގައި ރިޕޯޓްކޮށްފައި ވިޔަސް އެއީ 2014 ވަނަ އަހަރު ގެނެސް އޮތް އިސްލާހެއް ކަމަށް އެންވަޔަރަމަންޓް މިނިސްޓްރީން މިއަދު ބުނެފި އެވެ.
"ރާއްޖޭގެ ރަށްރަށާއި ފަޅުގެ ސަރަހައްދު ހިއްކުމާއި ފުންކުރުމުގެ ގަވާއިދު" އަށް ގެނައި އިސްލާހާ ގުޅޭ ގޮތުން އޮޅުން އަރާ ގޮތަށް ފެތުރި ޚަބަރުތަކާ ގުޅޭ ގޮތުން މިނިސްޓްރީން ނެރުނު ބަޔާނެއްގައި ބުނީ މި ފަހަރު ގެނައި އިސްލާހަކީ "އެންވަޔަރަންމަންޓަލީ ސެންސިޓިވް އޭރިއާ" އެއްގެ ގޮތުގައި ކަނޑައަޅާފައިވާ ތަނަކާ 200 މީޓަރަށް ވުރެ ކައިރިން ވެލި ނެގުމާއި ބިން ހިއްކުމާއި ފަޅު ފުންކުރުމުގެ މަސައްކަތަށް ހުއްދަ ދެވޭނީ ވަޒީރުންގެ މަޖިލީހަށް ކަމަށް ކަނޑައަޅާފައި އޮތް އޮތުމުގެ ބަދަލުގައި، ވަޒީރުންގެ މަޖިލީހުގެ ކޮމިޓީއަކަށް އެ ހުއްދަ ދެވޭ ގޮތަށް ހެދުން ކަމަށެވެ.
މިނިސްޓްރީން ބުނީ މި އިސްލާހުގެ އިތުރުން އިތުރު އެހެން ކަމެއް ގަވައިދުން މި ފަހަރު ބަދަލު ނުކުރާ ކަމަށެވެ.
މިނިސްޓްރީން ބުނި ގޮތުގައި އެ އިސްލާހު ގެންނަން ނިންމީ ސަރުކާރު ހިންގުމުގެ އިދާރީ އިންތިޒާމުތައް މިވަގުތު ހަމަޖެހިފައިވާ ގޮތުން މިފަދަ ނިންމުންތައް ނިންމުމަށް "އިކޮނޮމިކް ކައުންސިލް" ގެ ނަމުގައި ރައީސް ޑރ. މުހައްމަދު މުއިއްޒު ކައުންސިލެއް އުފައްދަވާފައިވާތީ އެވެ.
ހިމާޔަތްކޮށްފައިވާ ސަރަހައްދުތަކާ 200 މީޓަރަށް ވުރެ ކައިރިން، ވަޒީރުންގެ މަޖިލީހުން ނިންމައިގެން، ސަރުކާރުން ހިންގާ ތަރައްގީގެ މަޝްރޫއުއެއްގެ ބޭނުމަށް ވެލި ނެގުމާއި ބިން ހިއްކުމާއި ފަޅު ފުންކުރެވޭ ގޮތަށް ގަވާއިދު ބަދަލުކޮށްފައިވަނީ ފެބްރުއަރީ 9، 2014 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުވަރު
09 April 2024
މިއީ ބޮޑުވަރުދެން. ހުރިހާކަމެއް މިކުރަނީ ކުރީގެ ސަރުކާރުން. މިމީހުން ކުރާ އެއްވެސްކަމެއް ނެތީތަ!
އޮނަރަބްލް އަފީފު ދީދީ
09 April 2024
ޤަވާއިދަށްގެނެސްފައިވާ ބަދަލުބޭނުންކޮށްގެން އައްޑޫ "ކޯއްޓޭ ބްރިޖް" ހަދާއިރު ބްރިޖްގެ ސައިޒު 1 ކިލޯ މީޓަރަށް ކުޑަކުރުމަށާއި، ޙަރަދު އެތައްގުނައެއް ތިރިކުރުމަށްޓަކާ ހުޅުމީދޫ ކޮޅުންނާއި އަދި ހިތަދުއާއި ވީކޮޅުން ހިއްކައިގެންހަދާންޖެހޭ ދެކޮޅުންވެސް ބުރިޖާއިގުޅޭ މަގު ނުވަތަ ހައިވޭ ހެދުމަށްޓަކާ އައްޑޫފަޅުތެރެއިން ވެލިނަގަން ގެނައިބަދަލެއްނަމަ ތިއީ "އައްޑޫގެ ދުވަސް ދުއްވާލަން" ގަސްތުގައި ބަޔަކުކުރި ނުބައިކަމެއް. ތިކަންކުރާނަމަ ބުރިޖް އަޅާނެކަމެއްނެތް.
ސޮފުހާނު.
09 April 2024
އަފީފު ކަންބޮޑުނުވޭ. ޑރ މުއިއްޒުއަކީ ވައުދުވެ ވައުދު ފުއްދާ ރައީސެއްކަން މިފަހަރު އައްޑޫ މީހުނަށް އިގޭނެ. ކޯއްޓޭ ބުރިޖު ވެސް އަޅާނެ. އަދި ބުރިޖު އަލަން އައްޑުގެ އެއްވެސް ފަޅެއްގެ ތެރެއިން ވެއްޔެއްވެސް ނުނަގާނެ. ރައީސަކީ ފިސަހަރި ރައީސެއްކަން އިގޭނެ. ބަލަންތިބޭ.
ދީމުގުރާތުސް
09 April 2024
ދެން 2014 ގެ އިސްލާހެއް ކަމަށްވިޔަސް، މިހައި ކައިރިން ވެލިނެގުން ހުއްދަކުރުން ބުއްދިވެރިބާ؟ ޓެކްނިކަލް ނޮލެޖް ހުރި ކުއްޖަކު މިކަމުގައި އެޑްވައިޒްއެއްދީބަލަ.