ކާނި ހޮޓާ. އެ ހޮޓަލުން 16،900 ޓޫރިސްޓުން ވަނީ އައިސްފައި -- ފޮޓޯ: މިހާރު
05 މެއި 2024 - 12:08
14 comments
ރާއްޖޭގައި އެންމެ ފުޅާ ދާއިރާއެއްގައި ގެސްޓް ހައުސް ވިޔަފާރި ކުރާ ކާނި ހޮޓެލްސް އަށް ރާއްޖެ އަންނަ ޓޫރިސްޓުންގެ ދެ ޕަސެންޓު ގޮސް، ހަތަރު މަހުން 4.1 މިލިއަން ޑޮލަރު (64 މިލިއަން ރުފިޔާ) ގެ އާމްދަނީއެއް ލިބިއްޖެ އެވެ.
އެ ކުންފުނިން އާންމުކުރި ތަފާސްހިސާބުތަކުން އެނގޭ ގޮތުން ކާނީގެ ހަތަރު ހޮޓަލަށް 16،900 ޓޫރިސްޓުން މިދިޔަ ތިން މަހު އައެވެ. މިދިޔަ ހަތަރު މަހު ރާއްޖެ އަށް ޒިޔާރަތް ކުރީ 772،651 ޓޫރިސްޓުންނެވެ. އެހެންވެ، ރާއްޖެ އަށް އައި ޖުމްލަ ޓޫރިސްޓުންގެ 2.2 ޕަސެންޓު ގޮސްފައިވަނީ ކާނި ހޮޓަލަށެވެ.
ކާނި ހޮޓާގެ ގެސްޓްހައުސްތަކުގެ ތެރެއިން އެންމެ ގިނަ ޓޫރިސްޓުން އައީ ކާނީ ޕާމް ބީޗަށެވެ. އެ ގެސްޓްހައުސް އަށް 9،784 ޓޫރިސްޓުން ދިޔައިރު ކާނޮ ގްރޭންޑް ސީވިއު އަށް 4،313 ޓޫރިސްޓުން ދިޔަ އެވެ. ކާނި ބީޗަށް 1،672 ޓޫރިސްޓުން ދިޔައިރު ކާނި ވިލެޖަށް 1،172 ޓޫރިސްޓުން ދިޔަ އެވެ. .
ކާނި ހޮޓާ. އެ ހޮޓަލުގެ ދަށުން ހަތަރު ގެސްޓްހައުސް ހިންގާ -- ފޮޓޯ: ނިޝާން އަލީ / މިހާރު
ރާއްޖޭގައި ޓޫރިސްޓުންނަށް ހިދުމަތް ދޭ 1،182 ފެސިލިޓީ އެބަހުއްޓެވެ. އެހެންވެ، ރާއްޖެ އަށް އަންނަ ޓޫރިސްޓުންގެ 2.2 ޕަސެންޓް، އެއް ހޮޓެލް ޗެއިންއަކުން ހިއްސާވުމަކީ ވަރަށް ބޮޑު ބޮޑު ކާމިޔާބެކެވެ.
ކާނީގެ ހަތަރު ހޮޓަލުގައި 490 އެނދު ހުންނަ އިރު އެ ހޮޓަލުގެ ދަށުން އއ. އުކުޅަހުގައި އަންނަނީ 350 އެނދުގެ ހޮޓަލެއް އަޅަމުންނެވެ.
ކާނި ހޮޓެލްސްގެ ޗެއާމަން އަދި ގެސްޓްހައުސް އެސޯސިއޭޝަންގެ ރައީސް އަބްދުﷲ ނަޝީދު ވިދާޅުވީ، އަންނަ އަހަރު ކާނީގެ ދަށުން ހިންގާ ގެސްޓްހައުސްތަކުގެ ބެޑް ކެޕޭސިޓީ 940 އަށް އަރާނެ ކަމަށެވެ. އޭނާ ވިދާޅުވީ، އެހާ ބޮޑު ކާމިޔާބީއެއް ލިބުނީ ދުނިޔޭގެ އެންމެ ބޮޑެތި ޓްރެވަލް ފެއާތަކުގައި ބައިވެރިވެ، ހޮޓާ އިޝްތިހާރު ކުރާތީ ކަމަށެވެ.
"އަޅުގަނޑުމެން މި އަންނަނީ ހުރިހާ ފެއާތަކެއްގައި ބައިވެރިވެ ރާއްޖެ އިޝްތިހާރު ކުރަން ބޮޑެތި މަސައްކަތްތަކެއް ކުރަމުން،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަންދީލ
06 May 2024
ތިބަލަން ޖެހޭ ބަންގާޅުންތޯ ގެންނަނީ ޓޫރިސްޓުންނޭ ކިޔާފަ، ވަރަށް ހީވޭ އެކަހަލަ ޖަރީމާއެއް އުޅޭހެން!
ނާޑުވާ
06 May 2024
ރިސޯރޓް ތަކަށް އަންނަ ގެސްޓުންނާ ގެސްޓް ހައުސް ތަކަށް އަންނަ ގެސްޓުންނަކީ ތަފާތު ދެ ކެޓަގަރީގެ ބައެއް. އެހެން ނަމަވެސް އަގުހެޔޮކޮށް ޖިފުޓިގަނޑެއްގަ ހުްނަންވިޔަސް ކޮންމެބަޔަކަށް އާދެވޭނެމަ ރާއްޖެ އާންމުތާކަށް ވެ ބޮޑުއަގުގަ ރިސޯރޓްތަކަށް އަންނަ ގެސްޓުން މަދުވެ ދައުލަތަށް ލިބޭ އާމްދަނީ މަދުވާނެ.
ރެވެނިޔު އެނެލިސްޓު
05 May 2024
ކިހާ ދެރަ.. ތިގެސްޓުން ރިސޯޓަކަށް ދިޔަނަމަ 4 މަހުން މަދުވެގެން 20 މިލިޔަނުގެ ޑޮލަރުގެ ޓެކުސަބުލް ރެވެނުޔު ހަދާނެ.. މިހާރު ތިހެދުނު އެންމެ 4 މިލިޔަނަކީ ގައުމަށް ވާ ގެއްލުމެއް.. 40 ވަރަކަށް މިލިޔަން ދިވެހި ރުފިޔާގެ ޓެކުސް ރެވެނިއު މަދު އެވީ ތިގެސްޓުން ރިސޯޓަކަށް ނުގޮސް އަގުހެޔޮ އެކޮމޮޑޭށަން ނެގީމަ..
ޖާހިލު.
05 May 2024
ކަލޭ ކޮންތާކުން ހިސާބު އަދި އިޤުތިސޯދު ކިޔެވީ ؟ އެތަން ބަލަން ބޭނުންވަނީ އެތަކނަށް ދިވެހި ކިޔަވާ ކުދިން ކިޔަވަން ދިއުން މަނާ ކުރަންވެގެން. ތިކަހަލަ އެއްޗެހި ގިނަވިވަރަކަށް ޤައުމު ހަލާކުވުން ބޮޑުވާނެތީ.
ވާނުވާ101
05 May 2024
ރިސޯޓުތަކުން ފައިސާ ރޯލު ކުރަނީ މިތާކު ނޫން. އެބައި މީހުންގެ އޮފްޝޯ ޓްރެވަލް އޭޖެންސީތައް މެދުވެރިކޮށްގެން ޓެކްސް އެވޮއިޑް ކޮށް ރާއްޖޭގެ އިގްތިސާދުގައި އެ ރޯލު ކުރަމުން ދަނީ %30 ވަރު. އެހެންވީމަ ތި ޖައްސަވާ ހިސާބު އަދި މުޅިއަކުން ރަނގަޅު ކަމަކަށް ނުފެނޭ
ރެވެނިޔު އެނެލިސްޓު
06 May 2024
‘ޖާހިލުޔަށް’ ދަންނަވަން އޮތީ ހިސަަބު ޖައްސަވާށޭ.. އަޅުގަނޑާ ނަންބާސް އިން ޗެލެންޖުކުރާށޭ.. ފޯދަރިކޯޑު، އަހަންނަކީ މިކަމުގަ އެތަށް އަހަރެއްގެ ތަރުރިބާ ހުރިމީހެއް.. ކާނި ހޯޓާތަކުން 4 މަހުން 4 މިލިޔަން، އަހަރަކަށް 12 މިލިޔަން ހެދީޔޯ. މީގެއިން މީރާޔަށް ލިބެނީ 1.9 މިލިޔަން ޑޮލަރު. ރާއްޖޭގެ ޓީޖީއެސްޓީ އުޅެނީ 600 މިލިޔަން ޑޮލަށު ހިސާބުގަ. 600 މިލިޔަން ޑޮލަރުގެ 2% ކާނިން ނަހަދަންޔާ 2% ގެ އެރއިވަލް ކުޑައަގުގަ ކަހާލައިގެން ގައުމަށް ރަނގަޅު؟؟
ރެވެނިއު މެނޭޖަރ
06 May 2024
ރެވެނިއު އެނަލިސްޓްގެ ތަޖުރިބާ ކިތަންމެ ހުއްޓޭ ބުންޏަސް އެކަމެއް ކޮމެންޓަކުން ނޭގުނު. ރިސޯޓަށް އަގު ބޮޑުކޮށް ލާރި ދީފަ ދެވޭ ފެންވަރުގެ މީހުންނެއް ނޫން މައިގަނޑު ގޮތެއްގަ ގެސްޓް ހައުސް އަށް ދަނީ. ރާއްޖޭގަ މިހާރު ހުރީ ހެސްކިޔާފަ އަގު ބޮޑު ރިސޯޓް ތައް. އެހެންވީމަ ކާނި ހޮޓަލަށް އެދިޔަ ގެސްޓުން ކިހިނެތް ރިސޯޓަށް ދާނީ؟
ރެވެނިއު ޑައިރެކްޓަރު
06 May 2024
ރާއްޖެޔަށް އަންނަ ގެސްޓުން ގިނަވެއްޖެޔޭ ބުންޔަސް ގައުމަށް ލިބޭލާރި އެ % އިން އިތުރުނުވޭ. އަންނަ މީހުން އެލްއޯއެސް ކުރުވެފަ އޮކިއުޕެންސީ ދަށް. ދިވެހިން ވިސްނަންވީ ގައުމަށް އެރައިވަލް އިންކުރީޒް ވުމަކީ އަދި އެއަދަދަށް ޓީޖީއެސްޓީ ލިބޭވަރު އިތުރުވުމެއް ނޫނެ. ސަރުކާރުން އިއުލާން މިކުރާ އެރައިވަލް އިންކުރީޒް އަކީ ބޮޑަށް ލޯވާކުލާސްއަށް އަންނަ އިންކުރީޒް.. ރަޝިޔާގެ މަހުޖަނެއްގެ ބައިއައުޓެއް، ނުވަތަ އިންޑިޔާގެ ބޮޑު ވެޑިން ބައިއައުޓެއް ނޭތް މިއަހަރަކު..
ހާސަރު
05 May 2024
މިހިސާބުތަކުން އެގެނީ ރިޒޯޓްތަކުން ރަގަޅަށް ޓެކްސް ނުދައްކާ އޮޅުވާލާކަން. މީރާމިއީކީއްކުރާތަނެއް!؟ ކުދިކުދި ވިޔަފާރިތަށް އަބަދުވެސް އޮޓިޓްކޮށް ޖޫރިމާނާ ކުރެވޭތޯ ބަލަނީ!
މަޓާޓޯ
05 May 2024
މި ހިސާބު ރަގަޅު ކަމަކަށް ނުބެލެވޭ. ގެސްޓުން މަދުވެގެން 4 އެއް ނޫނީ 5 ދުވަހު މަޑު ކުރާނެ. ރޫމް ކުއްޔާއި ކެއުމާއި އެކްސްކާޝަން ތަށް ހިމަނައިގެން ގެސްޓަކު 5 ދުވަހަށް 242 ޑޮލަރެއް ނޫން ހޭދަ ކުރާނީ. ދުވާލަކަށް 48 ޑޮލަރަށް ވުރެ މަތިވާނެ. ކާނި ހުރިހައި ތަނެއްގައި ވެސް ރޫމް ރޭޓް ވެސް އުޅެނީ އެވްރެޖް ކޮށް 90 ޑޮލަރަށް ވުރެ މަތީގައި. ގެސްޓުން އައި ކަމަށް ބުނާ އަދަދުން ގާތް ގަޑަކަށް 9 މިލިޔަން ޑޮލަރު އެކުންފުންޏަށް ލިބޭނެ.
ޓެކުސް
05 May 2024
އަސްލު ލިބުނު ވަރާއި މީރާއަށް ޑިކްލެޔާ ކުރާވަރު ގައި ތަފާތެއް އުޅުމަކީ ވެދާނެގޮތެއް.
ކުކޫ
05 May 2024
ގްރޫޕް ބުކިން ގިނައިން ވިއްކާނީ. ކޮޓަރިއެއް 50 ވަރަކަށް ޑޮލަރަށް (ޑަބަލް)
ގާސިމް
05 May 2024
ތިބުނާ އަދަދުތަކައްވާ ޓެކްސް ދެއްކިފަ އޮތިއްޔާ ގަބޫލުކުރާނަން. ނޫނީ ތިޔައީ ހޮޅިވާހަނަ ނޫނީ ޓެކްސްއަށް މަކަރު ހަދަނީ
ޖާހު
05 May 2024
ކަލޯ ތީ އާދަޔާހިލާފަށް ގިނަ އަދަދެއް ނޫނޭ.. އެނެންމެ 4 މިލިޔަން ޑޮލަރު.. އާދައިގެ ރިސޯޓކަށް ތި އަދަދަށް ގެސްޓުން ދިޔަނަމަ 40 މިލިޔަން ޑޮލަރު ހެދޭނެ.. ހިތަށް ގެންނަވާ ރިސޯޓާށްދާންތިބި ގެސްޓުން އަގުހެޔޮ ރޫމުތަކަށް ލައިގެން ގައުމަށް ޓެކުސް މަދުވާނެވަރު.. ރިސޯޓު އެފޯޑުނުވާ ސެގުމެންޓެއް ނަމަ އިންކުރިމެންޓަލް.. އެހެން ނޫންނަނަމަ މާޖިނަލް ރެވެނިއު ލޮސްޓުޓު މީރާ..