މަގުމައްޗަށް ކުނި އެޅި އެކަކު ޑީޕޯޓުކޮށް، 185 މީހުން ޖޫރިމަނާކޮށްފި

ރޯދައަށް ގޭތައް ސާފުކުރުމަށް ފަހު މަގަކަށް ނެރެފައިވާ ކުނިތައް ބައެއް މަގުތަކުގައި ހިނގާބިގާވެ ނޫޅެވޭވަރަށް ކުނި ނެރެފައި -- ފޮޓޯ: ފަޔާޒު މޫސާ | މިހާރު

ފާތިމަތު އަޖްފާން، މިހާރު

07 މެއި 2024 - 11:17

7 comments

މާލޭގެ މަގުތަކަށް ކުނި އެޅި 185 މީހަކު މިހާތަނަށް ޖޫރިމަނާ ކޮށްފައިވާ ކަމަށް މާލޭގެ މޭޔަރު އާދަމް އާޒިމް މިއަދު ވިދާޅުވެއްޖެ އެވެ.

މިދިޔަ ރޯދަމަހުން ފެށިގެން މާލޭގެ މަގުތަކަށް ކުނި އުކާ މައްސަލަ ވަނީ ވަރަށް ބޮޑުވެފަ އެވެ. މާލޭގެ އެކި ގޯޅިތަކަށް ބޮޑެތި ކުނިތައް ނެރެފައި ހުންނަ މައްސަލަ ބޮޑުވެ، މާލޭ ސިޓީ ކައުންސިލާއި ވެމްކޯ އަދި ފުލުހުން ގުޅިގެން އެކަން ހައްލުކުރަން ވެސް މަސައްކަތް ކުރި އެވެ.

މައްސަލަ ހައްލު ނުވުމުން ސިޓީ ކައުންސިލުން އަންނަނީ ގަވާއިދާ ހިލާފަށް ކުނި ބަހައްޓާ މީހުން ޖޫރިމަނާކޮށް، އެ މީހުންގެ ވީޑިއޯތައް ސޯޝަލް މީޑިއާގައި އާންމު ކުރަމުންނެވެ.

އާޒިމް ވިދާޅުވީ މަގުތަކުގައި ކުނިތައް ބެހެއްޓި މައްސަލާގައި މިހާތަނަށް އެކަކު ޑީޕޯޓު ކޮށްލުމަށް ކަމާގުޅޭ އިދާރާތަކާ ހަވާލުކޮށްފައިވާ ކަމަށެވެ. އަދި 180 އަށް ވުރެ ގިނަ މީހުން ޖޫރިމަނާ ކޮށްފައިވާ ކަމަށް މޭޔަރު ވިދާޅުވި އެވެ.

އޭގެ ތެރެއިން 85 ޕަސެންޓަކީ ބިދޭސީން ކަމަށް އޭނާ ވިދާޅުވި އެވެ.

"އަޅުގަނޑުމެން މި ކުރާ ކަމަކީ އެގޮތަށް ގެންނަ އަންޑޮކިއުމެންޓެޑް [އެއްވެސް ލިޔެކިޔުމެއް ނެތް] ބިދޭސީން ޑީޕޯޓް ކޮށްލަނީ،" އާޒިމް ވިދާޅުވި އެވެ.

ފުލުހުން އަންނަނީ އިމިގްރޭޝަނާ ގުޅިގެން އެ ބިދޭސީމީހާ ޑީޕޯޓް ކުރުމުގެ މަސައްކަތް ކުރަމުން ކަމަށް މޭޔަރު ވިދާޅުވި އެވެ.

މަގުތަކަށް ކުނިއަޅާ މީހުން ޖޫރިމަނާ ކުރަނީ 500ރ. އިންނެވެ.

ގެތަކުން ނެރޭ ބޮޑެތި ކުނިތައް މަގު މައްޗަށް އުކާ މައްސަލަ ހައްލު ކުރުމުގެ ގޮތުން ވެމްކޯ އިން ވަނީ ކުނި އުކައިދޭ އަގުތައް ވެސް ހެޔޮކޮށްފަ އެވެ.

ފުލުހުން މާލެ ސިޓީ ކައުންސިލް ވެމްކޯ ކުނި އުކާލުމުގެ ފީ

7 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަންނަ

08 May 2024

ނަންތައް އާމު ކުރަންނުކެރެނީކީއްވެ؟ ތިހެން ބުނެލާ އެއްޗެއް ގަބޫލުކުރަންދަތި މިހާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުޑު

07 May 2024

މަގޭ އެކްސް މަގުމަތިންފެނިއްޖެޔާ އޭނަ ޖުރިމަނާ ކުރައްޗޭ. އެނާއަކީ ހަމަ މި ގައުމަށް ގެއްލުންހުރި ޓްރޭޝް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބާ

07 May 2024

މިހުރިހާ ވިޔާ ނުދާކަމެއް ފެށުނީ ޑިމްކްރަސީ އޭ ކިޔާފަ ކެނެރގޭ ނަޝީދު ބިރުފަހަނައަޅާ ދާން ގޮވާލި ފަހުން . އޭގެ ކުރިން ދިވެހިންނަކީ މިކަހަލަ ކަންތައް ކުރާ ބައެއް ނޫން. އަނެއްކާ ބިދޭސީން ހިތުހުރި ގޮތަކަށް މިރާއްޖޭގަ އުޅެވޭ އެހެން ގައުމު ތަކުގަ އެއްވެސް ބަޔަކަށް ބޭނުންހާ ގޮތަކަށް ނޫޅެވޭނެ. މިރާއްޖޭގަ ގަވައިދު ހަދާނެ . އެއަށް އަމަލެއް ނުކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބބވވވ

07 May 2024

ޑީޕޯޓް ކޮއްލާ ބިދޭސީ މީހާއަތުން ޖޫރިމަނާ ގެ ގޮތުގައި ފޮނުވާލުމުގެ ޓިކެޓްގެ އަގަށްވާ ވަރަށް ޖޫރިމަނާ ނަގާފަ ޑީޕޯޓްކޮށްލާ. ތި ބިދޭސީން ޑީޕޯޓްކުރަން ދައުލަތުގެ ބަޖެޓުން އެންމެ ލޯ ލާރިއެއްވެސް ނުނަގާތި!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހުއްމާ

07 May 2024

ހުޅުމާލޭގައި ތިގޮތަށް ތަންތަނަށް ފުޅި ސިގިރޭޓް ބަޓް ސްޕާރީ ޕެކެޓް އުކާމީހުންވެސް ޖޫރިމައިނާކުރަންވީ 500ރ އަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

07 May 2024

ހަމައެކަނި މާލޭގަ؟ ހުޅުމާލޭގަ ވެސް ފެނޭ ފްލެޓްތަކުގެ މަތީގަ އުޅޭ ފަރާތްތަކުން ތިރީގަ ބޮޑެތި ކުނިތައް ބާލާފަ ބަހައްޓާތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

07 May 2024

ފައިސާ ދެއްކި ބާ؟؟ދައްކާނެ ބާ؟؟ ކޮވިޑް ލޮކްޑައުންގަ ބޭރަށް ނިކުމެ އުޅުނު ގިނަ ބަޔަކު ޖޫރިމަނާކުރި.އޭގެތެރެއިން އެއްވެސް ފައިސާއެއް ލިބުނު ބާ؟؟!! ނަމެއްގަ ފޭކް ސްލިޕެއް ދިނަސް ނުނިމޭ. ވ.ވެދުން