ބާޒާރުމަތީ ފިހާރައަކަށް ބިދޭސީއަކު ފުށް ބަސްތާއެއް ގެންދަނީ: ބިދޭސީން ގައުމަށް ފޮނުވާ ފައިސާ ޓެކްސް ނަގަން ވަނީ ނިންމާފައި. -- މިހާރު ފޮޓޯ: މުހައްމަދު ޝަރުހާން
12 ޖޫން 2016 - 14:24
8 comments
މިދިޔަ އަހަރުގެ ނިޔަލަށް ބިދޭސީންނަށް މުސާރަ އާއި އިނާޔަތުގެ ގޮތުގައި ލިބުނު އާމްދަނީގެ ތެރެއިން 363 މިލިއަން ޑޮލަރު (5.5 ބިލިއަން ރުފިޔާ) ރާއްޖެއިން ބޭރުކޮށްފި އެވެ.
މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ (އެމްއެމްއޭ)އިން ދާދި ފަހުން އާއްމުކުރި ތަފާސްހިސާބުތައް ދައްކާ ގޮތުން މަނީ ޓްރާންސްފާ އޮފީސްތަކާއި ބޭންކުތައް މެދުވެރިކޮށް އަދި ނުރަސްމީ އުސޫލުތައް މެދުވެރިކޮށް، ފޮނުވި އަދަދު މިދިޔަ އަހަރު 363 މިލިއަން ޑޮލަރަށް އަރައެވެ.
އެމްއެމްއޭ އިން ބުނީ އެއީ ބެލެންސް އޮފް ޕޭމަންޓްގެ ހިސާބުތަކުގެ ތެރެއިން ބަލަމުން އަންނަ ހިސާބުތަކެއް ކަމަށެވެ.
"މިއީ ވަރަށް ބޮޑަށް ތެދު މައުލޫމާތުތަކެއް. މީގެ ހިސާބުތައް އަހަރަކު ދެ ފަހަރު ދަނީ ރިވައިސްކުރަމުން،" އެ އޮފިޝަލް ވިދާޅުވި އެވެ.
ސަރުކާރުން މިއަހަރަށް ލަފާކޮށް ދައުލަތުގެ ބަޖެޓް ހުށަހެޅިއިރު ވަނީ ބިދޭސީން ގައުމަށް ފޮނުވާ ފައިސާގެ ތެރެއިން ތިން ޕަސެންޓް ރެމިޓެންސް ޓެކުހެއް މި މަހުން ފެށިގެން ނަގަން ނިންމައިފަ އެވެ. އެގޮތުން މި އަހަރު ރެމިޓެންސްފީގެ ގޮތުގައި 56 މިލިއަން ރުފިޔާ ލިބޭނެ ކަމަށް ލަފާކޮށްފައިވެ އެވެ. އެކަމަކު ބަޖެޓްގައި އެހެން ހިމަނާފައިވީ ނަމަވެސް އެކަމާ ގުޅޭ ބިލެއް ރައްޔިތުންގެ މަޖިލީހަށް މިހާތަނަށް ފޮނުވާފައެއް ނުވެ އެވެ.
އިމިގްރޭޝަންގެ ތަފާސްހިސާބުތައް ދައްކާ ގޮތުން ރާއްޖޭގައި ލައްކައަކަށް ވުރެ ގިނަ ބިދޭސީން މަސައްކަތް ކުރެ އެވެ. އަދި ގަވައިދާ ހިލާފަށް ގާތްގަނޑަކަށް 20،000 ބިދޭސީން އުޅޭނެ ކަމަށް ލަފާކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
13 June 2016
އެހެންވީމަ މަހަކަށް ވިއްސަކަށް މިލިޔަން ރުފިޔާ ފަނާވާ ވާހަކަ މިދެއްކެނީ، ސަރުކާރުގެ އިޤްތިޞާދީ ސިޔާސަތުގެ ވާހަކަ މިދެއްކެނީ
ހަހަ
13 June 2016
އަނގަ ނުހުޅުވާ އެއްވެސް މީހަކު، އެމީހުން ކުރާ މަސައްކަތް ތީން އެކަކަށް ވެސް ކުރަން ކެރޭނެތަ؟ ދިވެހިންގެ ފޮނި ބޮޑުވީމަ ވާގޮތްމީ، ވަޒީފާ ބޭނުމީ ޓައިގަ ސަރުކާރު ވަޒީފާ އެކަނި، ފިހާރަ އެއްގައިންނަން ލަދުގަނޭ...އިންނަންޔާ ދެ ދުވަހުވެސް ނާދެވޭ...ކޮނޑަށް އެއްޗެއް އުފުލައިގެން ދާކަށް ބޭނުމެއްނުވޭ މީހަކަށް ފެނިދާނެތީ، ކޮންސްޓްރަކްސަން ދާއިރާ އަށް ވަންނާކަށް ބޭނުމެއް ނުވޭ މުސާރަ ކުޑައީމަ ޔޯ، ހީވާކަހަލަ ތިމާ ބޭނުން ވާހާގޮތަކަށް ހުރިހާކަމެއް ހުންނާނީ ފުރިހަމަ ކޮށް ކަމަށް..ސަރުކާރުގެވެސް ދޯދިޔައީ ބިދޭސީން ހިންގާ ކިތައް ކިތައް ވިޔަފާރި އެބެހުރި މިރާއްޖޭގެ ...ނަމެއްގަ ދިވެއްސަކު ބަހައްޓައިގެން؟ ކާކު ބަލަނީ މިކަންކަން؟ ހަމަ އެއްކަަލަ ޓައި ގަ ވަޒީފާ އަށްދާ ކުދިން ކޮޅު! ޒިންމާ އެއީ ކޯންޗެއްކަންވެސް ނޭނގޭ އެމީހުންނަށް، އޮފީހުގަ އިނިއްޔާ ފޭސްބުކް ނޫނީީ ކޮންމެވެސް ސޯސަލް މީޑިއާއެއްގަ ބޭރަށް ތަން ތަން ޗެކްކުރަން ފޮނުވީމަ އެންމެ ކައިރި ތަން ބަލައިލާފަ ކޮފީ އަކަށް...ޒިންމާދާރުވެރިންގެ ކަމަކީ އެމީހެއްގެ ޖީބު ލޯޑްކުރުން މަޖިލިސްގެ ކަމަކީ އަޗާތެޅުން ޕާޓީ ތަކުގެ ކަމަކީ ޖެއްސުންކުރުން، ފުލުހުންގެ ކަމަކީ ޖިޕު ނުވަތަ ސައިކަލު ދުއްވުން، ތަނަކަށް ހުއްޓައިފި ތަ ކޮންމެވެސް މީހެއްގެ ސައިކަލުގަ ސްޓިކަ ޖެހުން..ކޯޓުތަކުގެ ކަމަކީ ފިލްމު ކުޅުން، ވެރިމީހާގެ ކަމަކީ ޓޮމް އެންޑް ޖެރީ ކުޅުން އަދި ރައްޔިތުންގެ ކަމަކީ ކުޅިބެލުން! ދެން އެއްޗެކޭ ބުނެވޭނީ ކާކަށް؟
މަލާކް
12 June 2016
ބިދޭސީންނަށް ކުރުން މަނާ ކަންތައް ކޮށްގެންވެސް ރާއްޖޭން ގިނަ އަދަދެއްގެ ޑޮލަރު ބޭރުކުރޭ. މިސާލަކަށް ދަންނަވަނީ ނަމަ، ފޮޓޯގްރާފަރުންގެ ގޮތުގައި ބިދޭސީން އުޅުމާއި ފޮޓޯގްރަފީގެ ވިޔަފާރި ބިދޭސީން ކުރުމަކީ ގާނޫނީގޮތުން މަނާކޮށްފައިވާ ކަމެއް. އެކަމަކު ގިނަ ރިސޯޓްތަކުގައި މިހާރުވެސް ފޮޓޯގްރާފަރުންނަށް ތިބެނީ ބިދޭސީން. އެ ވިޔަފާރި ހިންގަނީވެސް ބިދޭސީންނަށް ނިސްބަތްވާ ކުންފުނިތަކުން. އެކަމަށް އެއްވެސް ފިޔަވަޅެއް އަޅާތީއެއް ނުފެނޭ.
ނޯޓެޑް
12 June 2016
ކީއްކުރާނީ. އިއްޔެ ދުވަހަކުވެސް 750000 ޑޮލަރު ހިފައިގެން ބަންގަާޅު ސެކުއުރިޓީ ގާޑެއް އެފުރީ ރާއްޖެއިން. ކުރެވުނު ކަމެއްނެތް.
ފަލަކު
13 June 2016
އޭނާގެ ފައިސާވީމާ ކޮންކަމެއްކުރާނީ. ހަމަ ތިވަރުގެ އަދަދެއް އިމިގްރޭޝަން އޮފިސަރުންނަށް ދީފާނޫނީ ހިއެއްނުވޭ ކޭޝްގެ ގޮތުގައި ގެންދެވޭނެ ހެނެއް.
ހަސަން
12 June 2016
ކޮބާ މައްސަލައަކީ. ކެލޭމެން ވާރކްޕާމިޓް އެޕްރޫވްކޮށްދިނީމަދޯ އެމީހުންނަށް ރާއްޖެ އާދެވުނީ.
ފަސީހު
12 June 2016
ތިޔައީ ސަރުކާރަށް އެނގިގެން ދިޔަވަރު، ނޭންގި ކިހާވަރެއް ބޭރުކުރާނެ، 450000 އާބާދީ ދިވެހިން ކަމަށް ބަލާނަމަ ބޮލަކަށް 800 ޑޮލަރ
މީދޫކޮއްޖާ
12 June 2016
ހިސާބުން 800 ޑޮލަރު ދިވެއްސަކަށް ޖެހޭ ކަމަށް ފަސީހު އެ ވިދާޅުވީ. ދެރަކަމަކީ ޙަޤީޤަތުގައި ދިވެއްސަކަށް މި އުޅެނީ 100 ޑޮލަރުވެސް ނުލިބިގެން. ޓިކެޓެއް ހިފައިގެން ދިޔައިމާވެސް ލިބެނީ 500 !!!