ފުލުހަކު ޑިއުޓީގައި: ޑްރަގް އޮޕަރޭޝަނެއްގައި މާލެއިން ފަސް މީހުން ވަނީ ހައްޔަރުކޮށްފައި.-- ފޮޓޯ: ފަޔާޒް މޫސާ | މިހާރު
16 މެއި 2024 - 10:37
2 comments
ފުލުހުން މާލޭގައި ހިންގި ޑްރަގް އޮޕަރޭޝަނެއްގައި ފަސް މީހުން އިއްޔެ ހައްޔަރުކޮށްފި އެވެ.
ފުލުހުން މިއަދު ބުނީ އެ އިދާރާގެ އިންޓެލިޖެންސަށް ލިބުނު މައުލޫމާތަކާ ގުޅިގެން އިއްޔެ މާލޭގައި ހިންގި މަސްތުވާތަކެތީގެ އޮޕަރޭޝަނުގައި ފަސް މީހުން ހައްޔަރު ކޮށްފައިވާ ކަމަށެވެ.
ޑްރަގް އެންފޯސްމަންޓާއި އިންޓެލިޖެންސް ގުޅިގެން ހިންގި އެ އޮޕަރޭޝަނުގައި ހައްޔަރުކޮށްފައި ވަނީ އުމުރުން 27 އަހަރާއި 45 އަހަރާ ދެމެދުގެ ފަސް ފިރިހެނުން ކަމަށް ފުލުހުން ބުންޏެވެ.
ފުލުހުން ބުނީ ކޯޓު އަމުރެއްގެ ދަށުން އެ މީހުން ހައްޔަރުކޮށް، އެ މީހުން ތިބި އެޕާޓްމަންޓް ބަލައި ފާސްކުރިއިރު މަސްތުވާތަކެތި ކަމަށް ބެލެވޭ އެއްޗެއް ހުރި 29 ރަބަރު ޕެކެޓު ފެނިފައިވާ ކަމަށެވެ.
އެ މައްސަލައާ ގުޅިގެން އެ މީހުންގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް އަމުރުކޮށްފައިވާ ކަމަށް ވެސް ފުލުހުން ބުންޏެވެ.
ފުލުހުން ބުނީ ޑްރަގް އެންފޯސްމަންޓުން އެ މައްސަލަ ތަހުގީގުކުރަމުން އަންނަ ކަމަށެވެ.
މާލޭގައި ފުލުހުން ދޭތެރެދޭތެރެއިން ހިންގާ އޮޕަރޭޝަންތަކުގައި މަސްތުވާތަކެތީގެ މައްސަލާގައި އަބަދުވެސް މީހުން ހައްޔަރުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑރ.ސްޓްރެހެންބަރގް
17 May 2024
މަންނޫ އެނގެއި ކުމައްކެރަންނަ ކަމަށް މިއުޅެނީ.
ރަދީފްއޮފިޝަލް
16 May 2024
ތަމެން ތިޔާ މީހުންނަށް ކުކުޅު އަދި ދިވެހި ކެއުން ކާންދީގެން ބުރަކަށީގަ ފިރުމަފިރުމާ ތިބޭ. އިންޑޮނޭޝީޔާގެ ރައީސް ޖޯކޯ ވިޑޯޑޯ މެން ނުތިބޭނެ ތިހެން ފިރުމަން. ޖާވާގެ އިރުމަތީގަ އޮންނަ ނުސަކަންބަންގެ ނުސަކަންބަން ޖަލުގެ ފަޔަރިން ސްކޮޑް އެއީ މިފަދަ މީހުންނަށް އޮންނަ އިނާމް. މި އިނާމްގަ 12 މީހުން އަތުގަ 12 ބަޑި ، ވަޒަން ހުންނާނީ އެންމެ ބަޑިއެއްގަ.ދެން މިކަމުގެ ނަތީޖާ ހިތަށް ގެންނަވާ.ވ.ވެދުން