ހެލްތު މިނިސްޓްރީގައި މިއަދު ބޭއްވި ނިއުސް ކޮންފަރެންސްގައި މިނިސްޓަރު ޑރ. ހަލީލް ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
16 މެއި 2024 - 15:36
5 comments
ރާއްޖޭގައި ކިޑްނީ ޓްރާންސްޕްލާންޓް ހަދަން ފެށުމަށް ބޭނުންވާ ގާނޫނު އާ މަޖިލީހުން ހެދޭނެ ކަމަށް ހެލްތު މިނިސްޓަރު ޑރ. އަބްދުﷲ ހަލީލް މިއަދު ވިދާޅުވެއްޖެ އެވެ.
ހެލްތު މިނިސްޓްރީގައި ބޭއްވި ނިއުސް ކޮންފަރެންސްގައި، "މިހާރު"ން ކުރި ސުވާލާ ގުޅިގެން މިނިސްޓަރު ވިދާޅުވީ، ގުނަވަން ބަދަލުކުރުމަކީ ދުނިޔޭގެ ހުރިހާ ތަނެއްގައި ވެސް ގާނޫނަކުން ވަރަށް ބޮޑަށް ރެގިއުލޭޓްކޮށްގެން ކުރާ ކަމެއް ކަމަށެވެ.
އެ އުސޫލުން ރާއްޖޭގައި ވެސް އެ ހިދުމަތް ފެށުމަށް ބޭނުންވާ ގާނޫނު ޑްރާފްޓް ކުރުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ. އެއަށްފަހު، މި މަހުގެ 28 ގައި އާ މަޖިލިސް ހުވާކުރުމުން ބިލް ފޮނުވާނެ ކަމަށް މިނިސްޓަރު ވިދާޅުވި އެވެ.
"އެ ވުޖޫދަށް އަންނަ ހިސާބުން ނޫނީވިއްޔާ ނޫނީ ވުޖޫދަށް ނަޔަސް ހަރުދަނާ އުސޫލުތަކެއް ގާއިމްވެގެން ނޫނީ ކުރެވޭނެ ޒާތުގެ ކަންތަކެއް ނޫން އެ ހުންނަނީ. އެ ގާނޫނު ނުވަތަ އެކަމުގެ އުސޫލުތައް ނަޔަސް އަޅުގަނޑުމެން މަސައްކަތްކުރަމުން މި ގެންދަނީ މިހާރު ވެސް ދެވޭ ހިދުމަތެއް، އޭގެ ތެރޭގައި ޓްރާންސްޕްލާންޓް ކުރަން ބޭނުންވާ ފަރާތްތަކަށް ޓްރާންސްޕްލާންޓް ކުރަން ބޭނުންވާ ފަންޑިންއާ އަދި އެހެނިހެން ވެސް ލުއިކަން ރައްޔިތުންނަށް ފޯރުކޮށްދިނުމުގެ ޔަގީންކަން ދިނުން."
"ގާނޫނު އިރާދަކުރެއްވިއްޔާ އަޅުގަނޑުމެން މި ބަލަނީ މި އަންނަ މަޖިލީހުގެ ތެރެއިން އަޅުގަނޑުމެންނަށް [ގާނޫނު] ވުޖޫދުކުރެވޭނެ ކަމަށް. ކުރެވޭ ހިސާބުން އިރާދަކުރެއްވިއްޔާ ރާއްޖޭގައި ވެސް ގާއިމްކުރެވިގެންދާނެ. ބައެއް ޕްރައިވެޓް ހޮސްޕިޓަލްތަކުން އެބަހުރި ޝައުގުވެރިކަން ފާޅުކުރައްވާފައި." އޭނާ ވިދާޅުވި އެވެ.
ކިޑްނީ ފެއިލްވެއްޖެނަމަ އެކަމަށް އޮތް ދާއިމީ ފަރުވާއަކީ ޓްރާންސްޕްލާންޓް ހެދުމެވެ. ނަމަވެސް، ރާއްޖޭގައި މި ވަގުތު އެ ހިދުމަތް ނުލިބޭތީ ރާއްޖޭން ބޭރަށް ގޮސް، ގިނަ ދުވަސް ވަންދެން މަޑުކުރަން ޖެހެ އެވެ. އެ ފަރުވާ ފެށުމަށް އައިޖީއެމްއެޗުން މަސައްކަތްކުރާތާ އެތައް އަހަރެއް ވެއްޖެ އެވެ. މި ފަހުން ޓްރީޓޮޕް ހޮސްޕިޓަލުން ވެސް ވަނީ ކިޑްނީ އާއި ލިވަ ބަދަލުކުރުމުގެ ފަރުވާ ފެށުމަށް ސަރުކާރުގެ ހުއްދައަށް އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާކުންބޭ
17 May 2024
އައިވީއެފް ޙިދުމަތް ވެސް ދޭން ފަށަންޖެހޭނީ ޤާނޫނެއް އޮވެގެން ތިއީ ވަރަށް އެތިކަލް އިޝޫޒް ހިމެނޭ ކަމަކަށް ވެފައި އަދި އެތައް ބައެއްގެ ޕާރސަނަލް ކަންތައްތައް ހިމެނޭކަމަކަށް ވެފަ ޤާނޫނެއް ފާސް ނުކޮށް ފެށިގެންނުވާނެ
މަރުކަޒީ ބެންކުގެ އަނިޔާވެރިކަން
16 May 2024
އޯކޭ މަވެސް ކިޑްނީ ވިއްކާނަމު. ބެންކަކުން ލޯނެއް ލިބެނީކީ ނޫން ފާޑެއްގެ ފިއްތާ ގަވާއިދެއް ހަދާގެން. ސަރުކާރު ދުވަނީ ލޯނު ދެއްކުން ފަސްކުރުމަށް ގައުމުތަކުން ހަމަޖައްސަމުން އެކަމަކު މަމެން 1 ދުވަސް ލަސްވިއަސް ބެންކުން ހޭހަދާލައެބަ! އެކައުންޓް ފްރީޒްކޮށް ކެއުންބުއިމުން މަހުރޫމުކޮށް ކުލި ނުދެއްކި މަގުމަތިވިޔަސް ބެންކަށް މުސާރައެއް ކީއްކުރަން މީހަކަށް އޮޅިގެން ފައިސާއެއް ފޮނުވުނަސް އެބަ ބޯލާ! އަވަހަށް ތިގާނޫނު ގެނޭ މަގޭ ބޭނުން ކިޑްނީ ވިއްކާފަ ސަލާމަތް
ހަލީމްބެ
16 May 2024
މިނިސްޓަރުގެ އާއިލާގެ މީހުންނަށް ކިޑްނީ ބަދަލުކުރަން ސިންގަޕޫރަށް ދެވުނަސް ނިކަމެތި ރައްޔިތުންނަކަށް ނުދެވޭނެ. .....ގާނޫނެއް ނުހެދުނަސް މިއަދުން މިއަދަށްވެސް ރާއްޖޭގައި ކިޑްނީ ބަދަލުކުރެވޭ އުޞޫލެއް ހަދަން ޖެހޭ..ސަރުކާރުތަކާއި މަޖިލީހުގެ ބޮޑު ނަގައިދެން ތިބޭ ބުއްދިއެއް ނެތް މީހުންގެ ދޯހަޅިކަމުން ގާނޫނެއް ނުހެދިގެން ރާއްޖޭގައި ކިޑްނީ ބަދަލުކުރެވޭނެ ގޮތެއް ނުހެދި، މީހުންގެ ފުރާނަ ގެއްލުމުން އޭގެ ޒިންމާ ނަގާނީ ކާކުތޯ؟
ޑރ ވާންޗޯ
16 May 2024
އަނެއްކާ ރާއްޖޭގެ ކޮންގާނޫނެއްގެ ކިޑްނީ ހަލާކުވެގެން ބަދަލުކުރަން ތިޔައުޅެނީ؟
އެ ހިޔާލު
16 May 2024
ޑރ ހަލީލް އެވެ.އާއްމު ސިއްހަތު ރައްކާތެރި ކުރުމުގެ ގާނޫނުން ޑިރެކްޓަރ ޖެނެރަލް އޮފް ޕަބްލިކް ހެލްތް އަށް ލިބިދޭ ބާރުގެ ދަށުން ޚޮވިޑްގައި ރައްޔިތުން ކަރަންޓީނުކޮށް ވެކްސިން ޖަހަން މަޖުބޫރު ކުރި ގޮތަށް މަދިރީގެ ޒަރިއްޔާއިން ނުރައްކާތެރި 3 ބައްޔެއް ފެރުރޭކަމަށް ކަމާގުޅުންހުރި ބޭފުޅުން ހާމަކުރަމުން ގެންދާއިރު އަދި އެތަށް ކެމިކަލް އަކުން ތަގައްޔަރުވެފައިވާ މޭވާއާއި ތަރުކާރީ ބާޒާރުގައި ވިއްކަމުން ދާއިރު ޑޖޕ ގެ ބާރުގަދަ އަމުރުތައް މިހާރު ކޮބާތޯއެވެ.