އިގްތިސާދީ ކޮމެޓީގެ މުގައްރިރު އިލްހާމް (ވ) އަދި ކުޑަހުވަދޫ ދާއިރާގެ މެމްބަރު އާމިރު. ސިނގިރޭޓް އާއި އެނާޖީ ޑްރިންކުން ޑިއުޓީ ބޮޑުކުރާ އިސްލާހު ކޮމެޓީން ފާސްކޮށް މަޖިލީހުގެ ތަޅުމަށް ވަނީ ފޮނުވާފައި.- ފޮޓޯ: ހުސެއިން ވަހީދު/ މިހާރު
22 ފެބުރުއަރީ 2017 - 13:39
37 comments
ސިނގިރޭޓާއި އެނާޖީ ޑްރިންކުން ނަގާ ޑިއުޓީ ބޮޑުކުރަން އެކްސްޕޯޓް އިމްޕޯޓް ގާނޫނަށް އިސްލާހު ގެނައުމުގެ ބިލު ރައްޔިތުންގެ މަޖިލީހުގެ އިގްތިސާދީ ކޮމެޓީން ފާސްކޮށްފި އެވެ. ކޮމެޓީން ގެނައި ބަދަލު މަޖިލީހުގެ ތަޅުމުން ފާސްކޮށްފި ނަމަ ސިނގިރޭޓަކުން ރުފިޔާއެއް ބޮޑުވެގެން ދާނެ އެވެ. އެއީ ސިނގިރޭޓް ފޮއްޓަކުން ވިހި ރުފިޔާގެ ބޮޑުވުމެކެވެ.
ސަރުކާރުގެ ފަރާތުން ކުޑަހުވަދޫ ދާއިރާގެ އެމްޑީއޭ މެމްބަރު އަހުމަދު އާމިރު ހުށަހެޅުއްވި އިސްލާހު ކޮމެޓީން ފާސްކުރީ ބިލަށް ބައެއް ބަދަލުތައް ގެނައުމަށް ފަހު އެވެ. މި ބިލު ފާސްކުރަން ފެނޭތޯ އަންނަ ހަފްތާގައި މަޖިލީހުގެ ތަޅުމުގައި ވޯޓަށް އަހާނެ ކަމަށް ބެލެވެ އެވެ.
ކޮމެޓީގައި ބައިވެރިވެވަޑައިގެންނެވި މެމްބަރުންގެ އަޣުލަބިއްޔަތުން ބިލަށް ގެނައި ބަދަލުތަކުގެ ތެރޭގައި ކޮންމެ ސިނގިރޭޓަކުން 75ލ. ޑިއުޓީ ބޮޑުކޮށް އޭގެ އިތުރުން ސިނގިރޭޓްގެ ކޮންމެ އިންވޮއިސް ވެލިއުއެއްގެ ގޮތުގައި 25 ޕަސެންޓް ނެގުން ވަނީ ހިމަނައިފަ އެވެ. ސިނގިރޭޓް ފޮއްޓެއް މާލޭގައި މިހާރު އެވްރެޖްކޮށް ވިއްކަނީ 50ރ. އަށެވެ. އަދި ވަކިން ސިނގިރޭޓެއް 2.50ރ. އަށް ވިއްކާ އިރު، މިގޮތަށް ފާސްކޮށްފި ނަމަ ވަކި ސިނގިރޭޓެއްގެ އަގު 3.50ރ. އަށް ބަދަލުވެގެން ދާނެ އެވެ.
ގަމު ދާއިރާގެ މެމްބަރު ފައްޔާޒް. އޭނާ ހުށަހެޅުއްވި އިސްލާހެއް ކޮމެޓީން ވަނީ ފެއިލްކޮށްލާފައި. - ފޮޓޯ: ހުސެއިން ވަހީދު/ މިހާރު
ސިނގިރޭޓަކުން ޑިއުޓީގެ ގޮތުގައި މިހާރު ނަގަނީ 1.25ރ. އެވެ.
އެނާޖީ ޑްރިންކުން ޑިއުޓީ ބޮޑުކުރީ ލީޓަރަކަށް 4.60ރ. ނަގާށެވެ. އޭރުން ގާތްގަނޑަކަށް 25ރ. ރުފިޔާގެ އެނާޖީ ޑްރިންކު ދަޅަކުން ރުފިޔާއެއް ވަރު ބޮޑުވެގެން ދާނެ އެވެ. ސޮފްޓް ޑްރިންކުން މިހާރު ވެސް ނަގާ ގޮތަށް ޑިއުޓީގެ ގޮތުގައި 15 ޕަސެންޓް ނަގާ ގޮތަށް ވަނީ ކޮމެޓީން ފާސްކުރި އިސްލާހުގައި ވެ އެވެ.
ސިނގިރޭޓުން ނަގާ ޓެކްސް ބޮޑުކޮށްގެން 200 މިލިއަނަށް ވުރެ ގިނަ ރުފިޔާގެ އާމްދަނީއެއް ލިބޭނެ ކަމަށް ސަރުކާރުން ލަފާކޮށްފައިވެ އެވެ.
ކަސްޓަމްސް އިން އާންމުކުރި ތަފާސްހިސާބުތައް ދައްކާ ގޮތުން މިދިޔަ އަހަރު 497 މިލިއަނަށް ވުރެ ގިނަ ސިނގިރޭޓު އެތެރެކުރި އިރު، ސިނގިރޭޓު އިމްޕޯޓްކޮށްގެން އާމްދަނީގެ ގޮތުގައި 622 މިލިއަން ރުފިޔާ ލިބުނެވެ. އޭގެ ކުރީ އަހަރު 460 މިލިއަނަށް ވުރެ ގިނަ ސިނގިރޭޓް އެތެރެކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީ
23 February 2017
ހާދަ ރުފިޔާއެކޭ ދޯ..
ބޫ
23 February 2017
ކިހިނެއް ބޮޑުކުރާނީ؟ އެންމެ ގިނައިން ތިޔަ ބޮނީ މެންބަރުން. ބޮޑު މުސާރަ ލިބުނަސް ދަހިވެތިކަން ފުކެއް ކުޑަނުވޭ. ރައްޔިތު މީހާ އަތުން ނަން ހުސްކޮށް ޓެކްސް ނަގައި ފެލަމުން ދާއިރު އިންކަމް ޓެކްސްގެ ޤާނޫނު ފާސްނުކޮށް އޮތީ މިބޭފުޅުން ދައްކަންޖެހޭނެ އެއްޗަކަށް ވާތީ. އަނެއްކާ ސިނގިރޭޓްގެ ވިޔަފާރި އެންމެ ފުޅާކޮށް ކުރައްވަނީ ތިޔަ މަޖިލީހުގެ މެންބަރުން. ތިހިރަ އިޚްލާޞްތެރިކަމަކަށް ހަމަ ސާބަސް.
ނިހާން.ދ
23 February 2017
ރައްޔިތުން މަޖިލިސްގެ ގިނަމެމބަރުނަކީ ދުްފަތުގެ އިސްތިއުމާކޮއް ދުންފަތްު އެއްބާވަތް ތަކާ އެނަޖީ ޑްރިންކް ގެބާވަތް ތަށް ރާއްޖެ އަށް އެނމް ގިނައިން އެތެރެ ކޮއް ވިއްކާ ފަރަތްތަށް، އަދި އެފަރާތްތަކާ އެކު ގޮތްނޭގޭ ގާތްކަމެއއ ބާއްވަމުންދާ ބައެއް. ރައްޔިތުން މަޖްލިސް ތިބި 85 މެމްބަރުން %90 މެމބަރުންނަކީ ރައްޔިތުން ނަތް ހިޔާނަތްތެރިވެ ގައުމަށް ގައްދާރުވަމުން ދާމީހުން ކޮރަޕްޝަނާ ފަސާދައިގެ ބައިވެރިން
ތޮލާލް
23 February 2017
މިސަރުކާރުގެ އަމާޒަކީ ސިގިރޭޓު ބޯމިހުން މަދުކުރުންތަ،ނުވަތަ ދައުލަތައް ލިބޭ އާމްދަނީއިތުރުވުންތަ. މިކަމާސަރުކާރުގެ ބަހެއްބޭނުން
ޢުބައިދު
23 February 2017
ސިގިރޭޓް ބޯމީހުނަން ސަރުކާރުން ސަބްސިޓީއެއް ދޭން ފެނޭ
އުބައިދު
23 February 2017
މިސަރުކާރަށް ސިގިރެޓްނޫން އެއްޗަކުން އަގުބޮޑުކުރަން ނޭގެނީބާ، ތިއަށްވުރެން މާރަނގަޅެއްނޫންތަ އޫރުމަހާ ރަލުލުން ބޮޑު ޑިއުޓީއެއް ނެގިއްޔަކާމުން
ތަކުރު
22 February 2017
ތިކަހަލަ އަނިޔާނުކޮން މަހަކު 1000 ރުފިޔާ ކޮންމެރައްޔިތަކު އަތުން ނަގާނަމަ މާރަގަޅުވީސް އޭރުން ގައުމުހިންގޭނެ! ދެން މަހަކު 5 ފަސް ރަށާ 5 ފަސް ފަޅު ވިންކާނީ އޭރުން މާރަގަޅުވާނެ! ދިވެހިން ގަމާރުކަން މަތީ އަބަދަން!
މީހާ
22 February 2017
2008 ގަ ވެސް ތިއްބެވިޔޭ ތިޔަފަދަ އިޚްލާސްތެރި މެންބަރުން. 7000ހާަ ރުފިޔަާ ލިބިލެއްވިރު މަސައްކަތް ވަރަށް ލުއި. ޔެސް އޯ ނޯ.ވިދާޅުވީމަ ނިމުނީ. ޚަރަދު ވެސް ކުޑަ ވަގުތުވެސް ދެއްތޯ.
އެއްލާލާ
22 February 2017
ކޮމެޓީން ފާސްކުރީ ސިނގިރޭޓް ފޮއްޓަކުން 20ރ. ބޮޑުވާ ގޮތަށް. ދެން ކޮބާތޭ މައްސަލަ އަކީ. އެއްވެސް މައްސަލަ އެއް ނެތެއް ނޫންތޭ. އެއްވެސް މައްސަލަ އެއް ނެތެއް ނޫން ދޯ. ދެން ވެސް ރަންރީނދޫ ޓްވިޓަރޭ މެންނޭ ތަމެން ވެސް ފެގް ދެމުން ހުއްޓާލަންވީއެވެ. އެއްގޮތަކަށް ވެސް ތިޔާ ފެގް ދަމާ ދުން ބޯޓެއް ގޮތަށް މުޅި ރަންރީނދޫ އޮފީހުގެ ސައިކޮޓަރި ހަދައިގެން އުޅޭނެ ކަމެއް ނެތޭ އިނގޭ. ތަމެން ފެގް ނުބޮމޭ. ކޮންމެހެން އޮޅުވާލަން އުޅޭނެ ކަމެއް ނެތޭ އިނގޭ ހަމަ މިހާރު ހުއްޓާލާ ތިޔާ ފެގް ފޮށި އެއްލާލާ ޕާރސްއިން ނަގާ ބޭރަށް. ހުއް، ހުއް، ހުއް، ލަޑާ ފެގް ވަސް ތަމެންގެ އަތް ދަބަހުން ވެސް ދޯ. ހޮޑުލެވެނީ ދޯ، ބުއާއް، ބުއާއް، ބުއާއް.. ހޮޑުލެވުނީއޯ. ގެނޭ ފެންތައްޓެއް އަވަހަށް. މަޑުކުރޭ މިގެންނަނީ ފެން ތައްޓެއް އިނގޭ..
ގކހ
22 February 2017
ޢެހެން ވީމަ އެބަ އެނގޭ މީ ކޮންމެހެން ސިއްޚަތަށް ގެއްކުން ވާތީ ކުރާ ކަމެއް ނޫންކަން.. އާންމުންނަށް ވެސް ކުޅަދާނަވެ ސަރުކާރަށް .ލަފާކުރި އާމްދަނީއެއް ހޯދަން މި އުޅެނީ..