ސްމާޓްފޯން މާކެޓް އަންދާޒާކުރާ މީހުން ދެކޭ ގޮތުގައި އެޕަލް އަދި ސެމްސަންގް އަށް ވާވޭ އަދި ވެސް އުނދަގޫކުރާނެ
22 ފެބުރުއަރީ 2017 - 06:33
11 comments
ސްމާޓްފޯން މާކެޓްގައި ވާވޭ އޮތީ އެޕަލް އަދި ސެމްސަންގް އަށް ވުރެ ފަހަތުގަ އެވެ. އެކަމަކު ގާޓްނާ ކޮންސަލްޓޭންސީ ގުރޫޕުން ބުނާ ގޮތުގައި އެ ދެ ކުންފުންޏަށް ވުރެ ވާވޭގެ ދުވެލި ބާރެވެ. ފާއިތުވި އަހަރު ވާވޭ ހޯދި ކާމިޔާބީ އަށް ބަލާއިރު އެޕަލް އަދި ސެމްސްންގަށް ވުރެ ވެސް ވިޔަފާރި ރަނގަޅެވެ. މާނަ އަކީ ނިސްބަތުން ބޮޑު ފައިދާއެއް ވާވޭ ހޯދާފައި ވުމެވެ.
ގާޓްނާ ކޮންސަލްޓޭންސީ ގުރޫޕުން ޖަމާކޮށްފައި ހުރި ތަފާސްހިސާބުތަކުން ދައްކާ ގޮތުގައި 2016 ގައި ވާވޭ 2015 އަށް ވުރެ ފައިދާ އިތުރުކޮށްފައި ވެ އެވެ. އެޕަލް އަދި ސެމްސަންގަށް 2015 އަށް ވުރެ 2016 ދަށެވެ.
ގެލަކްސީ ނޯޓް7 އަށް ދިމާވި ހާދިސާއާ ގުޅިގެން ސެމްސަންގަށް ވަރަށް ބޮޑު ލޮޅުމެއް އަރާނެ ކަމަށް ބެލެނުނު ނަމަވެސް އެކަން އެ ގޮތަށް ފެންނާކަށް ނެތެވެ.
ކޮންސަލްޓޭންސީ ފާމްތަކުން ވަކި ދާއިރާއަކަށް ނިސްބަތްކޮށް ހަދާ ރިޕޯޓްތަކަކީ ވިޔަފާރި މާކެޓްގައި ކުންފުނިތަކުގެ ދުޅަހެޔޮ މިންވަރު ދައްކައިދޭ މިންގަނޑެކެވެ. އެ ކުންފުންޏަކުން އެހެން ޕްރޮޖެކްޓްތަކަށް ކުރާ ހޭދަ އާއި ލިބޭ ފައިދާ އެ މަސައްކަތަކަށް ޚާއްސަ ފާމްތަކުން އަބަދުވެސް އަންދާޒާކުރެ އެވެ.
ގާޓްނާގެ މި ރިޕޯޓާ ގުޅިގެން ވާވޭއާ މެދު ބެލެވެނީ އެޕަލް އަދި ސެމްސަންގް އަށް ހުރި އެންމެ ބޮޑު ވާދަވެރި އަކީ ވާވޭ ކަމަށެވެ. އެހެން ނަމަވެސް ސްމާޓްފޯން މާކެޓުން ވާވޭ ހޯދާ ފައިދާ އަކީ އެޕަލް އަދި ސެމްސަންގުން ހޯދާ ޖުމުލަ ފައިދާއާ އަޅާ ކިޔޭ މިންވަރެއް ނޫނެވެ. ޗައިނާގެ ވާވޭ އަކީ މުއްސަަނދި ކުންފުންޏެކެވެ. އެހެނެއްކަމަކު ސްމާޓްފޯން ސެކްޓަރުގައި ދަރަޖަކުރެވި، ލިސްޓްކުރެވެނީ އެޕަލް އަދި ސެމްސަންގްގެ ފަހަތުގަ އެވެ.
ޗައިނާގެ ސްމާޓްފޯނު ކުންފުނިތަކުން މާކެޓުން ބޮޑު ބައެއް އަތުލާފައިވެ އެވެ. އަގު ހެޔޮ އެހެނަސް ރީތި ފޯނުތައް ދުނިޔޭގެ މާކެޓަށް ތައާރުފުކޮށް، ޝޯމީ، އޮޕޯ، ވަން ޕްލަސް، ވީވީ، ޒީޓީއީ އަދި ލެނޮވޯ ފަދަ ކުންފުނިތައް އެކުވެ ވަނީ މޮޅަށް ކުޅެފަ އެވެ. މި ސަބަބާ ހެދި ބާރުގަދަ ބައެއް އެހެން ކުންފުނިތަކަށް ވަނީ ނޭވާލާން ދަތިވެފަ އެވެ.
ސްމާޓްފޯން މާކެޓް އަންދާޒާކުރާ މީހުން ދެކޭ ގޮތުގައި އެޕަލް އަދި ސެމްސަންގް ވިޔަފާރި ވައްޓަފާޅި ބަދަލުނުކޮށްފި ނަމަ، ވާވޭ އަދި ޝޯމީ ފަދަ ޗައިނާ ކުންފުނިތަކުން ކުރާ އުނދަގޫ ހީނުކުރާހާ ބޮޑުވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުހާރީ
22 February 2017
އެޕަލް ނޫނީ ސަމްސަމް ފޯނެއް އަތުގަ އޮވެގެންނޫނީ ހިންހަމައެއްނުޖެހެ. އުފަލަކީ ހިންހަމަޖެހުން ބޮޑުއަގުދީފަ ވިޔަސް..
ޕިޔާ
22 February 2017
ވާވޭގެ އުފެއްދުން ތަކުގެ ކޮލިޓީ ވަރަށްވެސް ރަނގަޅު! އައި ފޯނަށްވުރެ ވާވޭ ފޯނުތަކުގެ ކެމެރާ ކޮލިޓީވެސް ރަނަގަޅު! ވާވޭ އިޒް ދަބެސްޓް!
މއ
22 February 2017
އެއްކަމެއް މަށަން ރަނގަޅު ފާހަގަ ކޮށްލާނަން، ތި ވާވޭ ފޯނު ތަކުގެ ބެޓެރީ ސަމްސަންގު އަދި އެޕަލް ފޯނުތަކަށް ވުރެއް ރަނގަޅު،
އަލީ
22 February 2017
ކީކުރަން ބޮޑުއަގުދީފަ އެފަލް ނުވަތަ ސެމްސަންގ ފޯނެއް ގަންނަންވީ އަގު ހެޔޮކޮން ވާވޭ ނުވަތަ ޒިއޯމީ ފޯނުތަށް ހުރިހާކަމެއް ފުރާފުރިހަމަކޮން މާކެޓްގަ ހުއްޓަ.
ވާވޭ
22 February 2017
ވާވޭ؟؟؟؟؟ ރަގަޅުގޮތަކީ ހުއާވީ
ރަނގަޅަށް އޮތީ
22 February 2017
ސްޕެލިންގް ގައި އިތުރު އަކުރުތަކެއް ފެނުނަސް މިނަން ކިޔަންޖެހޭ ގޮތަކީ "Wah-Way" މިހެންނެވެ.
މަ
22 February 2017
ތިހެންތޯ ކިޔަނީ ބަލާލަން ބޭނުން، ލިންކެއް ނެތްތަ؟
ހަމަ
22 February 2017
ރަނގަޅުވި ގޮތެއް ބުނެދިންނަމަ، އަދި ވާވޭ ނުބައިވި ގޮތެއް ބުނެދިންނަމަ! އެހެން މީހަކު އައިސް ބުނެފާނެ އެންމެ ރަގަނޅު ގޮތަކީ ހުވާ އޭ. އަހަރެމެން އަޑުއަހާ އުޅެނީ އެއީ ވާވޭ ކަމުގައި. ސުނާމީގެ ޓީ ސައިލަންޓްކޮށް އިންނަ ގޮތަށް މިތަނުގައި އެޗް އަކުރަކީ ސައިލެންޓް އަކުރެއްކަމަށް އެނގިފައި އޮތީ. ދެން ހުއާވީ ރަނގަޅުވީ ކީއްވެކަން ބުނެލަދިންނަމަ!
ވާވޭ
22 February 2017
ވާވޭ ގެ ނަން ރަނގަޅަށް ކިޔާ ގޮތް: https://www.youtube.com/watch?v=KGAqvpYLiGw
ޖަމަލު
22 February 2017
އެއްކަމެއް ނުކުރިޔަސް އެޕަލް ނޫނީ ސެމްސަންގުން ހަދާ ފޯނަކަށް 20 30 ފޭކު ފޯނު ހަދާނެ ޗައިނާ މީހުން..
ވާވޭ
22 February 2017
ހުއާވެއި އަކީ ޗައިނާ ބަހެއް. އަސްލު ޗައިނާގައި ކިޔަނީ ހަމަ ހުއާވެއި.华为 މިއީ ޗައިނާބަހުގައި އިންނަގޮތް. ވާވޭ ކިޔާފޯނެއް ޗައިނާގައި ނުއުފައްދާ. ދެން އޮތީ ޝިއައޯމީ ކިޔާ ފޯނެއް ، ޝާއޯ މީއެއްނޫން.