ވ.ތިނަދޫ. ރިސޯޓު ހެދުމަށް 17 ރަށެއް ޓޫރިޒަމް މިނިސްޓްރީން ވަނީ އިއުލާނުކޮށްފައި -- ފޮޓޯ: ނިޝާން އަލީ / މިހާރު
31 މެއި 2024 - 09:33
20 comments
ރިސޯޓު ހަދަން ނުވަ އަތޮޅަކުން 17 ރަށާއި ފަޅު ދޫކުރުމަށް ޓޫރިޒަމް މިނިސްޓްރީން އިއުލާނުކޮށްފި އެވެ.
އެ މިނިސްޓްރީން ކުރި އިއުލާނުގައި އެންމެ ބޮޑު އަގެއްގައި ދޫކޮށްލަން ނިންމާފައި އޮތީ ކ އަތޮޅުގެ ހިމިއްޔާ ފަޅުގެ ބަޔެކެވެ. އެ ފަޅުން ބައެއް ދޫކުރަން ކަނޑައަޅާފައިވާ އެކުއިޒިޝަން ކޮސްޓަކީ 24 މިލިއަން ޑޮލަރު (370 މިލިއަން ރުފިޔާ) އެވެ. އެއީ 712 ހެކްޓަރުގެ ސަރަހައްދެކެވެ.
ދެވަނަ އަށް އެންމެ ބޮޑު އަގެއް ހުށަހަޅާފައި އޮތީ، ޅ. ދިއްފުއްޓެވެ. އެ ރަށް ދޫކުރަނީ ކައިރީގައި އޮންނަ މައިދޫ އާ އެކު އެވެ. އެރަށުގެ އަގު 19 މިލިއަން ޑޮލަރު (292 މިލިއަން ރުފިޔާ) އަށް އަރަ އެވެ. އެއީ 36 ހެކްޓަރުގެ ސަރަހައްދެކެވެ.
ތިން ވަނައަށް އެންމެ ބޮޑު އަގެއް ހުށަހަޅާފައި އޮތީ މާލެ އަތޮޅުގެ 46 ހެކްޓަރުގެ ފަޅަކަށެވެ. އެ ތަނުގެ އެކުއިޒިޝަން ކޮސްޓަކަށް ކަނޑައަޅާފައިވަނީ 11 މިލިއަން ޑޮލަރު (170 މިލިއަން ރުފިޔާ) އެވެ.
އެ ތިން ރަށުގެ އިތުރަށް ޓޫރިޒަމް މިނިސްޓްރީން އިއުލާނުކޮށްފައިވާ ރަށްތަކުގެ ތެރޭގައި ރ. ދިއްކުރެއްދޫ އާއި ތ އަތޮޅު ކަނިމީދޫ އާއި ރުށްތިބިރަށާއި އެ އަތޮޅު ގާލީ ވެސް ހިމެނެ އެވެ. އެ ރަށްތަކުގެ އަގު އުޅެނީ 2-2.7 މިލިއަން ޑޮލަރު (30-40 މިލިއަން ރުފިޔާ) އާ ދެމެދުގެ އަގުތަކެއްގަ އެވެ.
އޭގެ އިތުރުން ހދ. ވައިކަރަމުރައިދޫ އާއި ށ. ކުޑަޅައިމެންދޫ އާއި ޅ. ވިހަފަރުފިނޮޅާއި އއ. އަލިކޮއިރަށާއި ވ އަތޮޅުގެ ފަޅަކާއި ލ. ކަށިދޫ އާއި އެ އަތޮޅު ބޮނޑުފުންޏަފުއްޓާއި ހަންހުށި އަދި ގއ. ބޭރުމައުޑޫ އާއި ގދ.ކަޅެހުއްޓާ ހިމެނެ އެވެ.
މިރަށްތަކުގެ ތެރެއިން އެންމެ ކުޑަ އަގެއް ހުށަހަޅާފައިވަނީ ގއ. ބޭރުމައުޑޫ އަށެވެ. ތިން ހެކްޓަރުގެ އެރަށުގެ އެކުއިޒިޝަން ކޮސްޓަކީ 385،000 ޑޮލަރު (6 މިލިއަން ރުފިޔާ) އެވެ.
އެރަށްތަކަށް ޕްރޮޕޯސަލް ހުށަހަޅަން ބޭނުންވާ ފަރާތްތަކުން އެ ކަމުގެ މައުލޫމާތު، ޓޫރިޒަމް މިނިސްޓްރީއަށް ގުޅައިގެން އޮޅުންފިލުވުމަށް އިއުލާނުގައި ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެބޭ
01 June 2024
ޙ އ ގައި ކަމުދާ ރަށެއްނެތީބާ
މޯޑް
31 May 2024
ހޯރަފުށީ ދާއިރާގެ ބައިވަރު ފަޅުރަށްތައް ހުއްޓާ އޭގެން ރަށެއް ނެތުމަކީ ދާއިރާގެ އެމްފީގެ ފެއިލުވުމެއް.
ޜޫނީ
31 May 2024
ދޮޅިޔަދޫ އައް ގެސްޓުން އައީ މިހާރު
އިހްސާސް
31 May 2024
ފަޅުހިއްކައިގެން ރަށްހެދުން ހުއްޓާލާ..
109983
31 May 2024
ޓުއަރިސްޓް މާކެޓަކީ ވެސް ލިމިޓެޑެޑް އެއްޗެއް!!!!! ފަޅުތައް ހިއްކަން ފެށީމާ އަންނަންތިބި ގެސްޓުން ވެސް ހިތް ހަމަ ނުޖެހިގެން އެވާހަކަ އެބަދައްކާ!!!!! ގައުމު ހަލާކު ކޮށްނުލާ!!!! އެކަމަކު މިއަދު ދިވެހި ރައްޔިތުން ތަމްސީލު ކުރާ މަޖިލީހުގެ ބޮޑު ގޮނޑިއަށް ބަލާލީމާ އެނގޭ ރައްޔިތުންގެ ވިސްނުމުގެ ހާލަތު ހުރި ވަރު. ސިނކުޑިއެއް ގެތެރޭ ގައި އެތަށް ބައިތަކެއް ހުރޭ. އެބައިތައް އެކި ކަންކަމަށް ބޭނުންް ކުރެވޭ!!!! މިބުނި އެއްޗަކާ މެދު ވިސްނާލާ!!!
ނަގޫ
31 May 2024
އެއީ ރައްޔިތުންގެ ވިސްނުން ހުރި ގޮތެއްނޫން. އެއީ ޤައުމު ހަލާކުކުރަން އުފައްދާފައިވާ ސިޔާސީ ޕާޓީތަކުން ފައިސަގެ ދަހިވެތިކަން ބޮޑުވީމާ ހަދާ ގޮތް. ޤައުމު ތަރައްޤީ ކުރުމުގެ ނަމުގައި ޤައުމު ހަލާކު ކުރަން ދައުލަތުގެ ބަޖެޓުން ހެސްކިޔާފައި ފައިސާ ނަގަން ޤާނޫނު ފާސްކޮށްގެން ކުރާކަންކަން.
ޑެބީ
31 May 2024
ރާއްޖޭގެ ޓުވަރިޒަމް ދަށަށް ދާނެކަމަށް ތަޖުރިބާކާރުން ބުނަމުންދާއިރު ތިފަދަ ބޮޑެތި އަގުތަކުގަ ރަށްތައް ނަގަން މަހުޖަނުން ޖެހިލުންވާނެ. މިހާރުވެސް 5 ސްޓާރ ރިސޯޓުތަކުގެ ޑިމާންޑަށްވުރެން ސަޕްލައި މާގިނަވެއްޖެ. އަގު ބޮޑު 5 ސްޓާރ ރިސޯޓު ގިނަކުރުމަށްވުރެން މިކަން ޑައިވާސިފައިކޮށް ތަފާތު ޕްރޮޑަކްޓްތަކެއް ނެރެންޖެހޭ.
އަހްމަދުު
31 May 2024
ރިސޯޓުތައް ބިޑަށް ހުޅުވާފަ ދޭންވީ އެންމެގިނައިން ރާއްޖެއަށް ލާރި ވައްދާ ބަޔަކަށް.
ލޮއްލަ
31 May 2024
މަޖިލީހަށް ހުވާ ކުރިތާ ހަފުތާއެއް ނުވޭ. ރަށްތަށް ވިއްކަން ފެށީ. ހުސް އެއްބަޔަކު ކުރާ ވިޔަފާރިއެއްް.
ވިސްނާށޭ
31 May 2024
ރިސޯރޓްސް ހަދަން ރާއްޖެތެރޭ ޑިމާންޑް ދަށް ސަރަހައްދުން ނުއަގުގައި ރާއްޖޭގެ ފަޅުރަށް ތައް ދޫކޮށްލުމަކީ އެއީ ރާއްޖޭން ކާށިހުސްވެ ކާށީގެ އަގު އިންތިހާ އަށް ބޮޑުވެގެން ދާނެ ކަމެކޭ ކަން މިހެން ހުރުމުން ރިސޯރޓް ހަދަން ފަޅުރަށްތައް ދިނުން ހުއްޓާލާ މާލެ ސަރަހައްދުގައި ހުރިއްޔާ ހުރި ހުރިހާ ފަޅު ތަކާއި ގިރި ތައް ދޭންވީއޭ މާފުށި ފަޅު ހުސްކޮށް ބޭއްވުމުގެ ބަދަލުގައި މަހާޖައްރާފުން ހިއްކާލާ 150 ބުރީގެ ހޮޓާ ހަދަން 2 ހެކްޓަރުގެ ބިން ކޮންމެ މީހަކަށް ވިއްކަންވީ
ޝާނިން
31 May 2024
ދައުލަތަށް ބޭނުންވަނީ އަވަސް ފައިސާ.