ސިއްހީ ހަރަދުތައް ކުޑަކުރުމުގެ ޒިންމާ އޮތީ އަމިއްލަ އަތުގައި: މިނިސްޓަރު

ދުންފަތުގެ އިސްތިއުމާލުނުކުރާ މީހުންގެ ދުވަސް ފާހަގަކުރަން ނ. މަނަދޫގައި ބޭއްވި ރަސްމިއްޔާތުގައި ހެލްތު މިނިސްޓަރު ޑރ. ހަލީލް ރޭ ވާހަކަދައްކަވަނީ.-- ފޮޓޯ: ހެލްތު މިނިސްޓްރީ

އާސިމާ ނިޒާރު، މިހާރު

11 ޖޫން 2024 - 13:03

24 comments

ސިއްހީ ކަންކަމަށް ދައުލަތުން ބޮޑު ހޭދައެއް ކުރާ ކަމަށް ބުންޏަސް އެ ހަރަދުތައް ކުޑަކުރުމުގެ ޒިންމާ އޮތީ އަމިއްލަ އަތުގައި ކަމަށް ހެލްތު މިނިސްޓަރު ޑރ. އަބްދުﷲ ހަލީލް ރޭ ވިދާޅުވެއްޖެ އެވެ.

ދުންފަތުގެ އިސްތިއުމާލުނުކުރާ މީހުންގެ ދުވަސް ފާހަގަކުރަން ނ. މަނަދޫގައި ބޭއްވި ރަސްމިއްޔާތުގައި މިނިސްޓަރު ވިދާޅުވީ ރާއްޖޭގައި ތަފާތު ބަލިތައް އިތުރުވެ، އޭގެ ސަބަބުން ޖީބަށް ބަރުވެ އަދި ދައުލަތުގެ ހަޒާނާއަށް އޭގެ ބުރަކަން އަންނަ ވާހަކަ ދައްކާ ކަމަށެވެ.

ނަމަވެސް، މިނިސްޓަރު ވިދާޅުވީ އޭގެ ހައްލު އޮތީ މާ ދުރުގައި ނޫން ކަމަށެވެ.

"އެ ހައްލު އޮތީ އަޅުގަނޑުމެންގެ އަތުގައި. މާ ދުރަކު ނޫން. އެ ހައްލު އޮތީ އަޅުގަނޑުމެން އަތުގައި. އެ ހައްލުގައި އަޅުގަނޑުމެން ހިފަންވީ. އަޅުގަނޑުމެން އެ ހައްލުގައި ހިފައިފިއްޔާ އަޅުގަނޑުމެން މި ކުރަންޖެހޭ ވަރަށް ގިނަ ހަރަދުތަކުން، އާއިލާތައް ތަހައްމަލުކުރާ ވަރަށް ގިނަ ތުރާތަކުން އާއިލާތަކުން، އާއިލާތައް ކުރިމަތިލާންޖެހޭ ވަރަށް ގިނަ ހިތާމަތަކުން ސަލާމަތްވާނެ." ހަލީލް ވިދާޅުވި އެވެ.

އެ ރަސްމިއްޔާތުގައި ކުޑަކުދިން ދުންފަތުން ދުރުކުރަން "ދަފަރާ" ނަމުގައި އެއް އަހަރުގެ ކެމްޕެއިނެއް ވަނީ އިފްތިތާހުކޮށްފަ އެވެ. މިދިޔަ މަހުގެ 31 ގައި ފާހަގަކުރި ދުންފަތުގެ އިސްތިއުމާލު ނުކުރާ ދުވަހުގެ މުނާސަބަތުގައި ނެރުނު ބަޔާނުގައި އެޗްޕީއޭއިން ބުނީ ރާއްޖޭގައި ދުންފަތުގެ އިސްތިއުމާލުން ކުދިން ސަލާމަތްކުރަން ގިނަ މަސައްކަތްތަކެއް ކުރަންޖެހޭ ކަމަށެވެ.

ދަފަރާ ކެމްޕެއިން އަކީ ދުންފަތުގެ ވަބާއިން ޒުވާން ޖީލު ސަލާމަތްކުރަން ދަރިން ހުށަހެޅޭ ނުރައްކަލަކީ ކޮބައިކަން އަދި އެކަމުން އެ ކުދިން ރައްކާތެރިކުރަން ބެލެނިވެރިން ކުރަންޖެހޭ ކަންތައް ސާފުކޮށް، ބެލެނިވެރިން ބާރުވެރި ކުރުމުގެ މަގްސަދުގައި ކުރިއަށް ގެންދާ ކެންޕެއިނެކެވެ.

Dhunfathun rajjeygai aharaku 150 maru, Aasandhaige bodu heydha ves dhunfathuge faruvaa ah!

The most trusted news source in the Maldives

Mihaaru

ކުޑަކުދިންނާއި ޒުވާނުންގެ ސަމާލުކަން ދަމައިގަންނަ ގޮތަށް އުފެއްދުންތަކާއި އިޝްތިހާރުތައް ބޭނުންކޮށް، ސޯޝަލް މީޑިއާ އާއި ސްޓްރީމިން ޕްލެޓުފޯމުތަކުގައި އިލެކްޓްރޯނިކް ސިނގިރޭޓާއި ނިކޮޓިކް ޕައުޗް ފަދަ އުފެއްދުންތައް ޒުވާނުންގެ މެދުގައި މަގުބޫލްވެފައިވާ ކަމަށް ވެސް ބުންޏެވެ. މީގެ ދެ އަހަރު ކުރީގެ ތަފާސްހިސާބުތަކަށް ހަވާލައިދީ، އެޗްޕީއޭއިން ބުނީ 15-16 އަހަރުގެ މަދުވެގެން 37 މިލިއަން ކުދިން ކޮންމެ ވެސް ވައްތަރެއްގެ ދުންފަތެއް ބޭނުންކުރާ ކަމަށެވެ.

މީހަކު ސިނގިރޭޓެއް ނިއްވާލަނީ--. ފައިލް ފޮޓޯ: މިހާރު

އެ އެޖެންސީން ނެރުނު ބަޔާނުގައި ބުނީ ރާއްޖެއަށް އަހަރަކު 400 މިލިއަން ސިނގިރޭޓް ނުވަތަ 1.8 ބިލިއަން ރުފިޔާގެ ސިނގިރޭޓް އެތެރެކުރާ ކަމަށެވެ. އެއީ މިނިސްޓަރު ވިދާޅުވި ގޮތުގައި ނުވަ ހޮސްޕިޓަލް އަޅަން ދާނެ ހަރަދެވެ.

އޭނާ ވިދާޅުވި ގޮތުގައި ވަރަށް ޅައުމުރުގައި ދުންފަތުގެ އިސްތިއުމާލުކުރަން ފަށާ ކަމަށެވެ. ޅަކުދިންގެ މެދުގައި މިހާރު މަގުބޫލުވަމުން އަންނަ ވޭޕަކީ ގިނަ ގޭބިސީތަކުގައި ކަންބޮޑުވުމެއް ނޫން ކަމަށާއި އެކަމަކު، ގޭގެއިން ވަރަށް ގިނައިން ފެންނަ ކަމަށް ހަލީލް ވިދާޅުވި އެވެ.

ނަމަވެސް، އޭގެ ނުރައްކާ ބޮޑުވުމުން ދުނިޔޭގެ ބައެއް ގައުމުތަކުން ވޭޕް މަނާކުރަމުން ދާ ކަން އޭނާ ފާހަގަކުރެއްވި އެވެ. އެހެންވެ، މިނިސްޓަރު ވަނީ ޝީޝާ އާއި ވޭޕް އަދި ދުންފަތުގެ ބާވަތްތަކުން ދުރުވުމަށް ނަސޭހަތްތެރިވުމަށް އެދިވަޑައިގެންފަ އެވެ.

"ސިނގިރޭޓު ނުވަތަ ޝީޝާ ބުއިމަކީ އެއްގޮތަކަށް ވެސް ގަޓު ކަމެއް ނޫން. އަމިއްލަ ނަފްސު ބިނާކުރަން އަޅުގަނޑުމެން މުޖުތަމައު ތެރެއަށް ނުކުމެ އަޅުގަނޑުމެންނަކީ ހައިބަތު ހުރި މީހަކަށް ކުރާ މަސައްކަތް، އެއީ ގަޓު މަސައްކަތަކީީ." އޭނާ ވިދާޅުވި އެވެ.

ދުންފަތުގެ އިސްތިއުމާލުކުރުން ހެލްތު މިނިސްޓްރީ ޑރ. އަބްދުﷲ ހަލީލް (ފޮރިން މިނިސްޓަރު)

24 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސެއިން ޝާމް

12 June 2024

ބަލިވެގެން ސިގިރެޓްގެ ވާހަކަ ނުދައްކާ މަނިކުފާނުގެ މިނިސްޓްރީ އޮތީ 24 ގަޑި އިރުގެ މަސައްކަތުން ފޭލްވެފަ.އެންސްޕާގެ ސީ.އީ.އޯ ހަސަންވަލީދުގެ ހީނާ ވަލީދު ކޮބާތޯ.އަޅުގަނޑު އެންސްޕާ ލިސްޓުގަ އޮތީ ލިސްޓް ހޯދާށޭ މަންމަ ބުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭޒީ

12 June 2024

އާސަންދަ ޚަރަދު ކުޑަކުރަން މިނިސްޓަރު ބޭނުންފުޅުވަނީ މީހުން ބަލި ނުވާން. މި ކަމަށްވެސް ޖެހޭ ޕްރައިމަރީ ހެލްތުކެއަރ ވަރުގަަދަކުރަން އަދި ހަށިހެޔޮ ލައިފްސްޓައިލެއް އަށަގަންނުވަން. މިއީ ވެސް ސަރުކާރުގެ ޒިންމާ ހިމެނޭ ކަމެއް. އާސަންދައިގެ ހިމެނޭ އިސްރާފް އަދި އޭގެ ތެރެއިން ބޭހާއި ތަކެތި އަގުބޮޑުކުރުމަކީ ނިޒާމުގެ މައްސަލެއް. މިކަންވެސް ރަނގަޅުކުރެވޭނީ ސަރުކާރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުދު

12 June 2024

ފަރުދީ ޒިންމާ ނަގައިގެން ދުވަހަކުވެސް ދުންފަތުގެ އިސްތިއުމާލު ނުކުރަން އަމިއްލައަކަށް. އެކަމަކު ސައިހޮޓަލަކަށް ވަދެއްޖެޔާ ސިނގިރޭޓު ބުއިން މަނާ ބޯޑު ދަށުގަ ތިބެގެން އެފޮނުވާލާ ބޯ ދުންތަކުން މިފަރުދުގެ ފުއްޕާމޭއަށްވެސް ގެއްލުންވޭ! ކޮންއިރަކުންތޯ ސަރުކާރުގެ ޒިންމާ ނަގައިގެން އަހަރެމެން ސެކަންޑްހޭންޑް ދުމުން ސަލާމަތްކޮށްދޭނީ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑު ތިލަދުންމަތި

12 June 2024

ރައްޔަތުންގެ ޓެކްސްފައިސާ ނަގާގެން ބޭސްފަރުވާކުރަނީ ސަރުކާރުގެ އިސްވެރިން މެންބަރު ފަޑިޔާރުން ސިފައިން ފުލުހުން ރައްޔަތުމީހާމިހިދުމަތައްސަލާންޖަހަނީފެންނާނެ މިސްކިތްކާރީގާއުޅޭތަން ކޮބައި މިވެރިންހަޔާތާއަގަލު ސިއްހަތޭކިޔާގެން ހަލީލު ވާހަކަދައްކަންލަދުގަނަނަވާނެ ލައްކަޔަގަތަ ހުޅުމާލޭގައި މީހުންއުޅޭހުޅު މާލޭ ހޮސްޕިޓަލުގެ ހިދުމަތް ހުއްޓިފައި މެސަނުތައްހަލާކުވެފައިވާތާ އެތައްމަހެއްވެއްޖެ ؟ ލޮބުވެތި ރައީސް މިކަންބައްލަވާދެއްވާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

12 June 2024

އާސަންދަ ހަރަދު ވަރަށް ބޮޑުތަނުން ކުޑަކުރެވޭނެ ގޮތެއް ބުނެދީފާނަން. ދަރިފުޅު ނުވަތަ ތިމާމީހާ ރޯގާ ޖެހި ހުން އަންނަ އިރަށް އޭ.ޑީ.ކޭ އަށާ ޕްރައިވެޓް ކްލިނިކް ތަކަށް ގޮސް ސްޕެޝަލިސްޓުންނަށް އާސަންދަ ހޯދުމުގެ ބަދަލުގައި ދަމަނަވެއްޓަށް ދައްކައި ފަރުވާ ހޯދުން. އެތަނުން ޖެނެރަލް ޑޮކްޓަރަކަށް ދައްކައި ބްލަޑް ޓެސްޓު ހެދުމަށް ފަހު ކަންބޮޑުވާ ކަމެއް ފާހަގަވެއްޖެނަމަ ނަތީޖާ ހިފައިގެން އެހެން ތަނަކަށް ދާންވީ. ސަރުކާރުން މިގޮތަށް ހެދުން މުހިއްމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަންނަ

12 June 2024

1.8 ބިލިއަން ގެ 3 ބައިކުޅަ އެއްބަޔަކީ ޓެކްސް ގެ ގޮތުގަ ދައުލަތަށް ލިބޭލަރި. ކީއްވެ ތި ހޮސްޕިޓަލްތައް ނޭޅިގެން ތިއުޅެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯހަލަކް

12 June 2024

ސިއްހީ ހަރަދު ކުޑަ ކުރަން އެންމެން ބަލިވެގެން ބޭސް ނުކޮށް މަރުވާންވީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޔު

12 June 2024

އެއްމެ ކުޑަމިނުން ހެދިފަ އޮތް ގާނޫނު "ސިގިރޭޓް" ވެސް ސަރުކާރުން ތަންފީޒުކޮށްބަލަ. ހޭލުންތެރިކުރުމުގެ ޕްރޮގްރާމުން ސިގިރޭޓާއި ވޭޕް އިސްތިހާރުވުން ފިޔަވައި އެހެން ކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަހުމަދުފުޅު

12 June 2024

ވޭޕުގެ ނުރައްކާ ބޮޑުވުމުން ދުނިޔޭގެ ބައެއް ގައުމުތަކުން ވޭޕް މަނާކުރަމުން ދާ ކަން ފާހަގަ ކުރެއްވި އިރު މިނިސްޓަރު ވަނީ ޝީޝާ އާއި ވޭޕް އަދި ދުންފަތުގެ ބާވަތްތަކުން ދުރުވުމަށް ނަސޭހަތްތެރިވުމަށް އެދިވަޑައިގެންފަ އެވެ. ސުވާލަކީ، ކީއްވެތޯ މިތަކެތި ދިވެހި ރާއްޖެއަށް އެތެރެވިޔަ ނުދޭން މަނާ އެއްޗަކަށް ނުހެދެންވީ އެހެން ޤައުމު ތަކުގަ މި މަނާ ކުރާ އިރު އަދި މީގެ ސަބަބުން އެތައް ހާސްބަޔަކު ަހަރަކު މަރުވާއިރު؟