ޒަރޫރީ ބޭނުންތަކަށް މާލެ ދަތުރު ކުރާ ފަރާތްތަކަށް މޯލްޑިވިއަން އިން ހާއްސަ އަގުތަކެއް

މޯލްޑިވިއަން އިން ގެނައި އޭޓީއާރް މަތިންދާ ބޯޓު. އެ ބޯޓާ އެކު މިހާރު އެ އެއާލައިންގެ ދަށުން އޭޓީއާރްގެ ހަތަރު ބޯޓު ހިދުމަތް ދޭނެ -- ފޮޓޯ: ނިޝާން އަލީ | މިހާރު

ފާތިމަތު ޝަނާ މުހައްމަދު، މިހާރު

15 ޖޫން 2024 - 11:13

13 comments

ބޮޑު އީދު ބަންދާ ދިމާކޮށް މާލެ އަންނަ ފަރާތްތަކަށް ހާއްސަކޮށް މޯލްޑިވިއަން އެއާލައިނުން ޕްރޮމޯޝަނެއް ފަށައިފި އެވެ.

އެ އެއާލައިނުން ބުނީ، ހާއްސަ ރޭޓުތަކުގައި މޯލްޑިވިއަން ދަތުރުކުރާ ގިނަ މަންޒިލްތަކަކަށް ޓިކެޓް ލިބޭނެ ކަމަށެވެ.

އަޟްހާ އީދާ ދިމާކޮށް މިފަދަ ޕްރޮމޯޝަނެއް ފެށީ، އާންމުންނަށް ވީހާ ވެސް ފަސޭހަކަމާ އެކު، ރާއްޖޭގެ އެކި ރަށްތަކަށް ދަތުރު ކުރެވޭނެ ގޮތް ފަހިކޮށްދިނުމަށް ކަމަށް އެ އެއާލައިނުން ބުންޏެވެ. އަދި ޒަރޫރީ އެކި ބޭނުންތަކުގައި މާލެ އަންނަ ފަރާތްތަކަށް ހެޔޮ އަގެއްގައި މާލެ އާދެވޭނެ ގޮތްތައް ފަހި ކޮށްދިނުމަށް ކަމަށް އެ އެއާލައިނުން ބުންޏެވެ.

މިދިޔަ ބުރާސްފަތި ދުވަހުން ފެށިގެން މާދަމާގެ ނިޔަލަށް މާލެ އަށް އަންނަ މީހުންނާއި މި މަހުގެ 17 އިން 24 ގެ ނިޔަލަށް މާލެއިން ރިޓާން ދަތުރު ކުރާ މީހުންނަށް ހާއްސަ ފެއާ ރޭޓުތަކުގައި ޓިކެޓް ލިބޭނެ އެވެ.

ހާއްސަ ފެއާ ރޭޓުތަކުގެ އަގު އުޅެނީ 1،200ރ. އިން ފެށިގެން 750ރ. އާ ދެމެދުގެ އަގުތަކެއްގަ އެވެ. އެކި މަންޒިލްތަކުގެ ޓިކެޓަށް ކަނޑައަޅާފައިވަނީ އެކި އަގުތަކެވެ.

އެންމެ ކުޑަ އަގެއްގައި ދަތުރު ކުރެވޭނީ ބ. ދަރަވަންދު އަށެވެ. އެ ރަށަށް ދަތުރު ކުރެވޭ އެންމެ ކުޑަ އަގަކީ 749ރ. އެވެ. އޭގެ އިތުރުން އައްޑޫ ގަމަށް 1،222ރ. ގައި ދަތުރު ކުރެވޭ އިރު ފުވައްމުލަކަށް 1،155ރ. ގައި ދަތުރު ކުރެވޭނެ އެވެ. ކުޅުދުއްފުއްޓާއި ހަނިމާދު އާއި ތިމަރަފުއްޓާއި ކޫއްޑު އަށް ދާން 1،111ރ. ޓިކެޓް ލިބޭނެ އެވެ.

މި ފެއާ ރޭޓުތައް ލިބޭނީ ލިމިޓެޑު އަދަދަކަށެވެ. އެހެންވެ، ވީހާ ވެސް އަވަހަށް ޓިކެޓް ބުކިން ހަމަޖެއްސުމަށް މޯލްޑިވިއަން އިން އެދެ އެވެ.

ކޮންމެ އީދަކާ ދިމާކޮށް ވެސް މޯލްޑިވިއަންގެ ދަތުރުތަކަށް ވަރަށް ބޮޑަށް ބާރު ބޮޑުވެ އެވެ. މި ފަހަރު ވެސް ވަނީ އީދަށް ހާއްސަކޮށް 100 އަށް ވުރެ ގިނަ ދަތުރު އިތުރު ކޮށްފަ އެވެ.

ޑޮމެސްޓިކް ދަތުރުތައް ކުރުމަށް އެ އެއާލައިންގެ ފްލީޓުގައި 15 ބޯޓު ހިމެނެ އެވެ. އޭގެ ތެރޭގައި އެއާބަސް އޭ320 މަރުކާގެ ބޯޓަކާއި ޑޭޝް އާއި އޭޓީއާރްގެ ބޯޓުތައް ވެސް ހިމެނެ އެވެ. މޯލްޑިވިއަން އިން އަންނަނީ އެ އެއާލައިންގެ ފްލީޓު އިތުރު ކުރުމަށް މިހާރު ވެސް ބޯޓުތައް ގެނައުމުގެ މަސައްކަތް ކުރަމުންނެވެ.

މޯލްޑިވިއަން އެއާލައިން އައިލެންޑް އޭވިއޭޝަން އަޟްހާ އީދު އީދު ފާހަގަކުރުން

13 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިއެގެ ހަސަނާ

15 June 2024

ޢަދި ތަންކޮޅެއް އަވަސް ތި ވާހަކަ ބުނަން.. މާދަމާ އީދު ނަމާދުކޮށްގެން ތިވާހަކަ ބުނިނަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 June 2024

ކ.އަތޮޅު މާލެއިން އެރަށުކުންފުނި މޯލްޑިވިއަންގެ މަތިންދާބޯޓު ATR-72 ގައި އައްޑުއަށް ރިޓާން ޓިކެޓް 20 ކިލޯ ލަގޭޖްއާއި، އަތްމަތީދަބަސް 7 ކިލޯ އަދި ދަތުރުމަތީގައި ސާވްކުރާ ބާޒާރުންލިބޭ އެންމެއަގުހެޔޮ ޖޫހުގެ 100މލ ގެ ކޯވަރަކާއި، ފީވެފައިއޮތް ރޯ 3 އޮތް ކެޝޫނަޓްއާއި އެކު (2 ފަހަރަށް ޑިލޭނުވެ ފުރުމަކީ ނާދިރުކަމެއް) އައްޑޫމީހާއަށް އާންމުކޮށް ގަންނަންލިބެނީ 3800ރ އަށް. އެކަމަކު ކ.އަތޮޅު މާލޭމީހާ އިންޑިޔާއަށް ދިއުމަށް ލިބޭ އަގު ތިރީގައި ގެނެސްދޭނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 June 2024

އެތެރޭގެދަތުރަކަށް އައްޑޫމީހާއަތުން މާލޭގެކުންފުނިން މަތީގައިދެންނެވި އަގުނަގާއިރު ބައިނަލްއަޤުވާމީ މަންޒިލަކަށް (ކޮޗިން، ބެންގަލޫރު، ޗެންނާއީ) ދިއުމަށް 40 ކިލޯ އަދި ބޯޓުމަތީގައި ކުކުޅު ކާންދީފައި ކ.މާލޭމީހާއަތުން ޓިކެޓަށް ކުޑައަގެއް ނަގަނީ އިންޑިޔާ އެއަރޕޯޓަށް މޯލްޑިވިއަނުން ޗާޖް ނުކުރާތީއާއި، ތެލުގެ ޙަރަދުވެސް އިންޑިޔާއިން ދޭތީތޯ! މ ދެންނެވި އަގާއި ކ.މާލެއިން އައްޑުއަށްދިއުމަށް ނަގާ އަގާއި ދެމެދުހުރީ އެންމެ %25 ގެ ފަރަޤު!؟ ކިހިނެއް ހަދާ އަގެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮއްޔެ.

15 June 2024

"މިފެއާ ރޭޓްތައް ލިބެނީ ލިމިޓެޑް ޢަދަދަކަށެވެ." މާނައަކީ މަތީފަންތީގެ ސަރުކާރުގެ ވަޒީފާތަކުގައި ތިބި ނިކަމެތިކުދިންނަށް. ޢާންމުންނަކަށްނޫން. މޯލްޑިވިއަން ތިޔަހާ ޔަހޫދީނުވިއަސް ވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަމަނަމަ

15 June 2024

މިގަ މިއޮތް ހެޑްލައިނަކީ މިކަހަލަ މާތް ދުވަހެއްގައި ޖަހާވަރަށްވުރެ މާބޮޑަށް ހަގީގަތް އޮޅޭގޮތައް ލިޔެފަ އޮތް ސުރުޚީއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ބޭބެ

15 June 2024

ޗުއްޓީ އަށް ދާން ތިބި އެންމެން ތިބީ ދުރާލާ ޓިކެޓްނަގާފައި. ދެންކޮންދޮގެއްތިހަދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަޅި ދިވެހިން

15 June 2024

ދެން ހަމަ ހީހީ ހަލާކުވެދާނެ ބަޔަކުދޯ. . މީގެ 1 ޙަފްތާކުރިން މަޑިވަރަށް އަންނަން ޓިކެޓެއް ހޯދަން ގުޅިމަބުނީ ޙަފްތާއަށް ހުރި ފްލައިޓްތައް މިހާރު ހުރިބހަފްތާގެ ތިކެޓް ވިކި ހުސްވެއްޖެކަމަށް އެއީ ބޮޑު އަގުގައި ލިބެންހުރި ޓިކެޓް. މިހާރު ތިޔަވީ ގޮތަކީ ޗުއްޓީ މީހުން ދެކޮޅުޓިކެޓް ބޮޑުއަގުގައި ނަގައި ހުސްކޮށްދާ ދުވަސްތަކު ތާރީޚު ދެން ދަތުރު ކުރާނެ މީހަކު ނުވާނެތީ ޗިޕެއްޖަހާލީ. ތިޔަށ އަހަރެމެން މިކިޔަނީ ޔަހޫދީވުމްވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނުހީނާ

15 June 2024

ތިޔަ އަގުހެޔޮ ޓިކެޓެއް ހޯދާކަށް ލާހިކެއްނޫން! ނުލިބޭނެ. އަބަދުވެސް ހުސްވެފަ. ލިމިޓެޑްއޭ އިކިޔަނީ އެހެންހަދަންވެގެން. އޮޅުވާލަން ވެގެން. އެއްމެން ޓިކެޓު ނަގާ ނިމުނީމަ ދޯ ތިކަމެއް ތިފެށީ؟ ސާބަހޭ!