މާފުށީ ގެސްޓްހައުސްއެއްގެ ޑީޖޭގައި ބަޔަކު ނަށަނީ: އީދާ ދިމާކޮށް މާފުއްޓަށް އަރުވަން އުޅުނު ހުރިހާ ރަލެއް ވަނީ ހިފަހައްޓައިފައި.-- ފޮޓޯ: ނިޝާން އަލީ | މިހާރު
25 ޖޫން 2024 - 14:41
14 comments
މިދިޔަ ބޮޑު އީދާ ދިމާކޮށް ކ. މާފުއްޓަށް އަރުވަން އުޅުނު ހުރިހާ ބަނގުރަލެއް ފުލުހުން ހިފަހައްޓާފައިވާ ކަމަށް ހޯމްލޭންޑް ސެކިއުރިޓީ މިނިސްޓަރު އަލީ އިހުސާން މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ ގައުމީ ސަލާމަތާ ބެހޭ ކޮމެޓީގައި އިހުސާން ވިދާޅުވީ މީހުން ދިރިއުޅޭ ރަށްރަށަށް ބަނގުރާ އެތެކުރުން ހުއްޓުވުމަށް ހާއްސަ މަސައްކަތެއް ކުރަމުން އަންނަ ކަމަށެވެ. މާލެ އަށް އާންމުކޮށް ބަނގުރާ އެތެރެކުރަނީ ހުޅުމާލެ ފަޅުގައި އޮންނަ ސަފާރީތަކުން ކަމަށް އޭނާ ވިދާޅުވި އެވެ.
"ކަސްޓަމްސް އިން ސަފާރީ އުޅަނދަށް ނަގާ ބަނގުރާ ހުޅުމާލެ ފަޅުތެރޭގައި އަޅާފައި ތިބޭ ވެސަލްތަކުންނާއި އަދި ރާއްޖޭގެ ބައެއް ރަށްރަށުގައި ފަޅު ބޭރުގައި އަޅާފައި ތިބޭ ވެސަލްތަކުން މި ބޭރުކޮށްލަނީ،" އޭނާ ވިދާޅުވި އެވެ.
އިހުސާން ވިދާޅުވި ގޮތުގައި، މިކަން ހުއްޓުވަން ދެ ކަމެއް އަންނަނީ ކުރަމުންނެވެ. އެއީ ކަސްޓަމްސް މެދުވެރިކޮށް ސަފާރީތައް އޮޑިޓްކުރުމާއި ސަފާރީތައް ބަލައިފާސްކުރުމެވެ.
މަޖިލީހުގެ ސަލާމަތީ ހިދުމަތްތަކާ ބެހޭ ކޮމެޓީގައި ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ވާހަކަދައްކަވަނީ. -- ފޮޓޯ: ނިޝާން އަލީ | މިހާރު
އެ އޮޑިޓްތަކުން ފެއިލްވެފައިވާ ސަފާރީތަކުގެ ހުއްދަތައް ބާތިލްކުރަން ޓްރޭޑް މިނިސްޓްރީ އާއި ޓޫރިޒަމް މިނިސްޓްރީ އަށް ފޮނުވަމުންދާ ކަމަށް ވެސް އިހުސާން ވިދާޅުވި އެވެ.
"އެ ބޭފުޅުން ދައްކާ ޓެކްސްއާ ނުބައްދަލު އަދަދަކަށް ރާ އެބަ ގެންދޭ [ސަފާރީތަކަށް]. އޭގައި މީހުން ތިބޭ އަދަދާއި ނުބައްދަލު އަދަދަކަށް ރާ އެބަ ގެންދޭ. އެހެންވީމަ މިއީ މިހާރު ދައުލަތަށް އެނގޭ ކަމެއް، މިހާރު އެ ދަނީ ފިޔަވަޅު އެޅެމުން،" އޭނާ ވިދާޅުވި އެވެ.
"މާފުއްޓަށް، މި އީދާ ދިމާކޮށް އަރުވަން އުޅުނު ހުރިހާ ރަލެއް އަޅުގަނޑުމެން ވާނީ އިންޓަސެޕްޓުކޮށްފައި، ސަފާރީގައި ހުރި ހުރިހާ ރަލެއް އަޅުގަނޑުމެންގެ ބެލުމުގެ ދަށަށް ނަގައިފައި،" މިނިސްޓަރު ވިދާޅުވި އެވެ.
ނަމަވެސް، އެއީ ކިހާ އަދަދެއްގެ ރަލެއް ކަމެއް އޭނާ ވިދާޅެއް ނުވެ އެވެ.
އިހުސާން ވިދާޅުވި ގޮތުގައި، މިދިޔަ ނޮވެމްބަރު މަހުގެ 17 ވަނަ ދުވަހުން ފެށިގެން މި އަހަރުގެ މިހާތަނަށް 150 މިލިއަން ރުފިޔާ މަސްތުވާތަކެތި ހިފަހައްޓާފައިވެ އެވެ. އޭގެ ތެރޭގައި، ބަނގުރާ ވެސް ހިމެނެ އެވެ.
ސަފާރީތަކުން މީހުން ދިރިއުޅޭ ރަށްރަށަށް ބަނގުރާ އެތެރެކުރުން ހުއްޓުވުމަށް ދާއިމީ ހައްލެއް ހޯދުމަށް ގާނޫނަށް އިސްލާހުތަކެއް ގެންނަން ޖެހޭ ކަމަށާއި ކުރިއަށް އޮތް މަހެއްހާ ދުވަހުގެ ތެރޭގައި މިނިސްޓްރީން މަޖިލީހަށް ހުށަހަޅާ ބިލުތަކުގައި އެ ބައިތައް ވެސް ހިމެނޭނެ ކަމަށް އިހުސާން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދައިގަންނަގުރާ
27 June 2024
ތާކުން ރާފުޅިއެއް ބުދެއް ފެނިފަ އީމާންތެރިކަން ކުޑަވާންވީ ސަބަބަކީ ކޮބާ؟ ޢުޘްމާނީ ޚިލާފަތުގަވެސް މުސްލިމުން އުޅުނު މި ހުރިހާއެއްޗެއްގެ ތެރޭގަ. ރާފުޅިތަކެއް ނޫންކަންނޭނގެ ހިފަހައްޓަނީ. އެހެން ނޫނަސް ދައުލަތަކުން ނުޖެހޭ މީހަކު ރާ ބުޔެކޭ ނުވަތަ ބޮއެފާނެއޭ ކިޔާފަ ކަމެއް ކުރަން. އެކަން ކުރައްވާ ފަރާތެއް ވޭ އަދި ކުރާނެ ދުވަހެއް އަންނާނެ ކަން އޮވޭ. ހަނދާންކޮށް ދިނުމަކީ އެއި ނެތްކަމެއް ނޫން
ސޭކުބެ
26 June 2024
ތި ސަފާރީ ތަކަށް އަންނަ މީހުންނަކީ ޑައިވިންކުރަން އަންނަ ބައެއް. އެމީހުން ރާބޯނީ ނިސްބަތުން ވަރަށް ކުޑަކޮށް. އެހެންވީމާ ތިކަން އޮޑިޓްކުރުން އެއީ ވަރަށް ފަސޭހަކަމެއް. މިސާލަކަށް 10 ކޮޓަރީގެ ސަފާރީއެއް ފުލް އޮކިއުޕަންސީގަ ހިންގިއަސް އަހަރަކު ލިބޭނީ 7300 ބެޑްނައިޓް. ކޮންމެ މީހަކު ކޮންމެ ރެއަކު ރާފުޅިއެއް ނުބޯނެކަން މީ އެންމެންނަށްވެސް އެގޭ ކަމެއް. ސަފާރީއަކަށް އަހަރަކު 300 ވަރަކަށްވުރެ ގިނަ ރާފުޅި ގެންދާނަމަ އެއީ މައްސަލައެއް.
ކައުންސެލަރު..
26 June 2024
މިއަންނަނީ މަބުނާ ވާހަކަ. ކުރިންވެސް ބުނިން ގެސްޓްހައުސް ވިޔަފާރިޔަކީ ފައިސާ ލިބުނަކަސް ދިވެހިރަށްތަކުގައި ކުރަން ހެޔޮވާވަރުކަމެއްނޫނޭ. އެންމެފަހުން "އިބިލީސް" ދިވެހިންގެ ބޮލަށް ސަވާރުވެގެން އެކަންވެސް ކުރުވީ. އަދި މިދިޔަސަރުކާރުގައި އަޑުކިޔާފައި ފަށައިގަންނަން އުޅުނު ހޯމްސްޓޭ. އެކަން ވައިގައި ހިފިނަމަ މިއަށްވުރެ ގޯސްވީސް. އެންމެފަހުން އަންނާނީ ކޮޓަރިސްޓޭ. އެހިސާބުން ޤައުމު ފަސްއަޅާ ފޮރުވަންވީ. މިކަންވެސް ކުރަން ބަޔަކުތިބީ ފޫގަޅައިގެން
ސުކުންތުކަށި
26 June 2024
މި ސުރުޚީގަ މިއިން އިބާރާތަކުން ހަމަ ކޮސްވެއްޖެ. އަޅެ އެއީ ހަމަ އީދަށް ގެންދިޔަ ތަކެތިތަ. އީދު ފާހަގަ ކުރަނީ އެއްޗެއް ބޮއިގެންތަ. ނޫނީ ބޯންދީގެންތަ. ހުއްދަ ނުނަގާ ގެންދިޔާމަ ގޯސްވީތަ. މިކަހަލަ ވާހަކަ ދައްކަންވާނީ ހަމަ މިގޮތައްތަ.
ދޮންމަނިކާ
25 June 2024
މަމިހިރީ ބުނާނެ އެއްޗެއްނޭގިފައި. އީދަށް މާފުށްޓަށް ބަގުރާ!! އަންތަރީސް. މިއަންނަ ރޯދަޔަށް ކިހިނެއް ކޯޗެއްބާ ގެންދާނީ.
ރަދީފު ބިން ރަފައިދާ
25 June 2024
މާފުއްޓަކީ ނައިޓުކުލަބެއްތަ؟
އިހްސާސް
25 June 2024
ނިކަން ބަނގުރާ މިގައުމަށް އެތެރެކުރުން ހުއްޓާލަބަލަ. ޙަރާމް އެއްޗެއް ވިއްކައިގެން މަންފާއެއް ނުކުރާނެ ފުޅިއަކަށް 1 މިލިއަން ޑޮލަރު ދިނަސް.
ހަސަންޓޭ
25 June 2024
މާފުށި މީ ހަމައަކަށް އަޅުވަން ޖެހޭ ރަށެއް މުޅި ރާއްޖެއިން
އެކިވަރ
26 June 2024
ދެން ކަލޭމެން ހަމަޔަކަށް އަޅުވަންތިބީ ކޮންބަޔެއް. ގަދަބާރުން ކަންކަން ކުރަން ނިންމުމަކީ ގޯހެއް
ސިންކިން ބާ
25 June 2024
ގޫގުލް މެޕްސް ހުޅުވާފަ "Princess Ushwa Floating Bar" ޖަހާފަ ސާޗުކޮށްލަބަލަ އިހުސާނު ނިކަން! އެހާ ފާޅުކަންބޮޑުކޮށް އިސްތިހާރުކޮއްގެން އެކަން އެކުރަނީ!
ކެޕްޓްން އެމެރިކޯ
25 June 2024
ހުޅުމާޅޭ ފަޅުގައި 2 ސަފާރީ އެއްް އަޅާ، އެއިން އެއްވެސް ދަތުރެއްނުކޮށް، ސޯސަލްމީޑިޔާގައި އިސްތިހާރުކޮށް ރާވިއްކަމުންއެދަނީ ދެހިރާއްޖޭގެ ޤާނޫންތަކާ ހިލާފަށް. މިކަންބަލާނޭ ބަޔަކުވެސް ނެތް، އެއީ ސަރުކާރަށްނިސްބަތްވާ ބަޔަކު ހިމެނޭގޭންގަކުން ހިންގާ ސަފާރީތަކެއް.މިކަން އިހުސާނަކަށް ނުފެންނާނޭ. އަޅައެއްވެސް ނުލާނޭ