އާބާދީގެ 46 ޕަސެންޓަށް މުސާރަ ވަނީ ބޮޑުކޮށްދީފައި: ޝަފީގު

ފިނޭންސް މިނިސްޓަރު ޑރ. މުހައްމަދު ޝަފީގު މާލިއްޔަތު ކޮމިޓީގެ މިއަދުގެ ބައްދަލުވުމުގައި ވާހަކަ ދައްކަވަނީ -- ފޮޓޯ: ފަޔާޒް މޫސާ / މިހާރު

ފާތިމަތު ޝަނާ މުހައްމަދު، މިހާރު

26 ޖޫން 2024 - 16:39

25 comments

ދައުލަތުން މުސާރަ އަށް ކުރާ ހޭދަ އެހާ ބޮޑަށް އިތުރުވީ، މުވައްޒަފުންގެ މުސާތަކަށް ގެނައި ބަދަލުތަކުގެ ސަބަބުން ކަމަށް ފިނޭންސް މިނިސްޓަރު ޑރ މުހައްމަދު ޝަފީގު މިއަދު ވިދާޅުވެއްޖެ އެވެ.

ރައްޔިތުންގެ މާލިއްޔަތު ކޮމިޓީގެ މިއަދުގެ ބައްދަލުވުމުގައި ހަނިމާދޫ ދާއިރާގެ އެމްޑީޕީގެ މެންބަރު އަބްދުލް ޣަފޫރު މޫސާ (ގަޕޯ) ކުރެއްވި ސުވާލަކަށް ޖަވާބު ދެއްވަމުން މިނިސްޓަރު ޝަފީގު ވިދާޅުވީ، މިދިޔަ އަހަރުން ފެށިގެން މުވައްޒަފުންގެ މުސާރަތައް ބޮޑު ކުރަމުން ދިއުމުން، މުސާރަ އަށް ކުރާ ހޭދަ ބޮޑުވާނެ ކަމަށެވެ.

އޭނާ ވިދާޅުވީ، ޓީޗަރުންނާއި ސިއްހީ ދާއިރާގެ މުވައްޒަފުންނާއި ފުލުހުންނާއި ސިފައިންގެ މުސާރަ އަށް ގެނެސްފައިވާ ބަދަލާ އެކު، ސަރުކާރުގެ މުއައްސަސާތަކުގެ 46 ޕަސެންޓު މީހުންގެ މުސާރަ އަށް ބަދަލުތައް ގެނެސްފައިވާ ކަމަށެވެ.

މާލިއްޔަތު ކޮމިޓީގައި މެންބަރު އަބްދުލް ގަފޫރު މޫސާ ވާހަކަދައްކަވަނީ -- ފޮޓޯ: ފަޔާޒް މޫސާ / މިހާރު

"މުސާރަތައް ބޮޑު ކުރެވިފައިވަނީ މިދިޔަ އަހަރުގެ މެއި މަހު. މުޅި އާބާދީގެ ގާތްގަނޑަކަށް 46 ޕަސެންޓަށް މުސާރަ ބޮޑު ކުރެވިފައި. މުސާރައިގެ އިންއީކުއަލިޓީ ހައްލު ކުރެވޭނީ އެންމެންގެ މުސާރަ ހައްލު ކޮށްގެން،" އޭނާ ވިދާޅުވި އެވެ.

ޝަފީގު ވިދާޅުވީ، ވީ އެންމެ އަވަހަކަށް ސަރުކާރުގެ މުވައްޒަފުންގެ މުސާރަ ހާމަނައިޒް ކުރުމުގެ މަސައްކަތް ކުރައްވާނެ ކަމަށެވެ.

މި އަހަރުގެ ބަޖެޓުގައި މުވައްޒަފުންގެ މުސާރައަށް 12 ބިލިއަން ރުފިޔާ ވަނީ ކަނޑައަޅައިފަ އެވެ. އެއީ މުޅި ބަޖެޓުގެ 25 ޕަސެންޓެވެ. މި އަހަރުގެ މިހާތަނަށް މުވައްޒަފުންގެ މުސާރަ އަށް ވަނީ 5.4 ބިލިއަން ރުފިޔާ ހޭދަކޮށްފަ އެވެ. މުވައްޒަފުންގެ މުސާރަ އިން އެންމެ ބޮޑު އަދަދެއް ހޭދަ ކުރަނީ ތައުލީމީ ދާއިރާގެ މުވައްޒަފުންނަށެވެ.

މި އަހަރުގެ ބަޖެޓުގައި މުސާރަ އެއް ހަމަ ކުރުން ނުވަތަ ހާމަނައިޒް ކުރުމަށްޓަކައި 500 މިލިއަން ރުފިޔާ ކަނޑައަޅާފައިވެ އެވެ. ސަރުކާރުން މުވައްޒަފުންގެ މުސާރަތައް އެއް ހަމަކުރުމަށް އެންމެ ފުރަތަމަ މަސައްކަތް ފެށީ 2022 ވަނަ އަހަރު އެވެ. އަދި 2026 ވަނަ އަހަރު ދައުލަތުގެ ހުރިހާ މުވައްޒަފުންގެ މުސާރަ ހާމަނައިޒް ކުރުމަށް ފިނޭންސް މިނިސްޓްރީން ވަނީ އަމާޒު ހިފައިފަ އެވެ.

ސިވިލް ސާވިސް ވަޒީފާ ޑރ. މުހައްމަދު ޝަފީގް (ކުރީގެ ފިނޭންސް މިނިސްޓަރު) ސިވިލް ސާވަންޓުން ފުލުހުންގެ މުސާރަ ސިވިލް ސާވަންޓުންގެ މުސާރަ ފިނޭންސް މިނިސްޓްރީ ރައްޔިތުންގެ މަޖިލިސް މަޖިލީހުގެ މާލިއްޔަތު ކޮމިޓީ ޓީޗަރުންގެ މުސާރަ ބޯނަސް

25 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިފްރަށް

27 June 2024

އިބުރާހިމް ރަޢިސްކަމަށް ބޫތު ކައިފަ ހުރިވަރުން ދިން ގެއްލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވފސދޗ

27 June 2024

އެންމެ ބޮޑު ކުރިއެރުމެއް ލިބުނީ ޓީޗަރުންގެ މުސާރައަށް! އެކަމަކު ބެލެނިވެރިން ދަރިންނަށް ކިޔަވާދޭންޖެހެނީ ބޮޑު ހަރަދުކޮށްފަ ޓިއުޝަންދޭން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުކެއްބޮޑު

27 June 2024

ހުރިހާ ބާރުތަކެއް ސަރުކާރަށް ރައްޔިތުން ދިނީމަ އަދިވެސް ތިއުޅެނީ ރައްޔިތުން ހަނާކުރަން. ރައްޔިތުން ފެލަން. ރައްޔިތުންނަށް ދޭ އެތިކޮޅުވެސް ކަރުތެރެއަށް އަތްބައިގެން ދަމާ ނެރެން. މިނޫން ގޮތަކަށް ވެރިކަން ކުރަން ނޭނގުނީތަ؟ ރައްޔިތުންނަށް ލުއިފަސޭހައާއި މަންފާ ހޯދަދޭނެ ގޮތެއް ނޭނގުނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްހާން އަލީ

27 June 2024

މިއީ ކިހާވަރެއްގެ ހަގީގަތެއްތޯ ފިނޭންސަގަ އުޅޭ އެއްވެސް ސިޔާސީ ފިކުރެއްގަ ނުޖެހޭ ސޮރެއް ކައިރީ އަހާލީމެވެ. ބުނީ މިއީ ހަމަ ތެދެކޯ.މިކަންވީ މިހެންނޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ ޝާފިއު

27 June 2024

އަސްލު މުސާރަ ބޮޑު ކުރާކާށް ނުވެސް ޖެހޭ އިބޫ. އޭނަ ހަމަ ވޯޓް ހޯދަން މުސާރަ ބޮޑު މީހުންގެ މުސާރަ ބޮޑު ކުރީ. ވަރަށް ދެރަ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާބިދު ސައީދު

27 June 2024

މިދިޔަ 5 އަހަރަކީ ވޯޓު ހޯދަން އިގްތިސާދަށް ގެއްލުން ވާހެން އެތައް ކަމެއް ކުރި 5 އަހަރު. މިވެސް އޭގެން އެއް ބޮޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބާދު މުހައްމަދު

27 June 2024

މިހެންވެ ބުނަނީ ސޯލިހް އެއްވެސް ވަރަކަށް ވިސްނާ ނުލާ ކުރި ކަމެކޭ އޭރު މުސާރަ ބޮޑު ކުރުން އެއީ. ލިބިދާނެ ގެއްލުމެއް އެހެން އެއްވެސް އެއްޗަކަށް ނުބަލާ ބޮޑު ކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިހާޒް މުހުސިން

27 June 2024

މިއީ ހަގީގަތެއް. ބަޔަކަށް ހީވެދާނެ ސަރުކާރުން ބޮލުން ކަޓުވަނީއޭ. ނޫން. އަސްލުވެސް މުސާރަ ބޮޑުކުރީ މި ދިޔަ ސަރުކާރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެސްޖީ

27 June 2024

ކައުންސިލުތަކުގެ ސެކްރެޓަރީ ޖެނެރަލުންގެ ބޮލުގައި ހުރިހާ ޒިންމާއެއް އަޅުވާފަ ހާދަ ކުޑަ މުސާރައެކޭ ތިޔަދެނިީ. ކުރީގެ ގަބުޅި ކަތީބުން ހަމައަށް ޒިންމާ އަދާނުކޮށް އެބަގެންދޭ އެސްޖީންގެ މުސާރައަށްވުރެ ބޮޑު މުސާރައެއް. މީތި ދެކޮޅު ދިމައެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަނދުފެން

27 June 2024

ފުރަތަމަ 90% ކައުންސިލްތަކަށް ތިފަދަ މަގާމެއް ތި މުސާރައިގަ ބޭނުމެއްނުވޭ. ކައުންސިލްތައް މިހާރުން މިހާރަށް އުވާލަންޖެހޭ މިރާއްޖެއާ ނުގުޅޭ ޚަރަދު ބޮޑު ނިޒާމެއްތިއީ. ރކއ ކޮމެޓީތައް އިންތިހާބުކޮށް އެ ކޮމެޓީގެ ރައީސް ނައިބު ހޮވާގޮތަށް ހެދުން އެންމެ ރަގަޅީ