ހުޅުމާލެ 2 ގައި ހަދާ ލަގްޒަރީ ވިލާތަކުގެ މޮޑެލް.-- ފޮޓޯ: ރައީސް އޮފީސް
27 ޖޫން 2024 - 20:25
26 comments
ހުޅުމާލެ 2 ގައި ހަދާ މުއްސަނދިންނަށް ހާއްސަ ޕްރިމިއަމް ވިލާތަކުގެ ބޮޑު މަޝްރޫއުގެ ބިންގާ މިއަދު އަޅައިފި އެވެ.
ހުޅުމާލޭގައި މިއަދު ހަވީރު ބޭއްވި ހާއްސަ ރަސްމިއްޔާތެއްގައި "އަސޭރިއާ ހޯމްސް އެންޑް ޓައުންހައުސަސް" މަޝްރޫއުގެ ބިންގާ އަޅުއްވައިދެއްވީ ނައިބު ރައީސް ހުސެއިން މުހައްމަދު ލަތީފެވެ.
ހުޅުމާލެ 2 ގައި ހަދާ ލަގްޒަރީ ވިލާތަކުގެ ބިންގާ ނައިބު ރައީސް ހުސެއިން މުހައްމަދު ލަތީފް އަޅުއްވައިދެއްވަނީ.-- ފޮޓޯ: ރައީސް އޮފީސް
ހުޅުމާލޭ 2 ގެ އިރުއުތުރު ކަންމަތީގައި 19،000 އަކަމީޓަރަށް ވުރެ ބޮޑު ސަރަހައްދެއްގައި ހިންގާ މި މަޝްރޫއުގެ މަސައްކަތް އެޗްޑީސީން ހަވާލުކޮށްފައި ވަނީ ބެޗް ކޮންސްޓްރަކްޝަންސް ޕްރައިވެޓް ލިމިޓެޑާ އެވެ.
ރައީސް އޮފީހުން ބުނީ މި މި މަޝްރޫއުގެ ދަށުން މަތީ ފަންތީގެ ތިން ބާވަތެއްގެ ގެދޮރު އިމާރާތްކުރާނެ ކަމަށެވެ. އޭގެ ތެރޭގައި ބީޗް ވިލާގެ ގޮތުގައި 37 ޔުނިޓާއި ގާޑަން ވިލާގެ ގޮތުގައި 14 ޔުނިޓް އަދި އާބަން ވިލާގެ ގޮތުގައި 22 ޔުނިޓް އިމާރާތްކުރާނެ ކަމަށް އެ އޮފީހުން ބުންޏެވެ.
ހުޅުމާލެ 2 ގައި ހަދާ ލަގްޒަރީ ވިލާތަކުގެ ޑިޒައިން.-- ފޮޓޯ: ރައީސް އޮފީސް
މި މަސައްކަތް ހަވާލުކުރީ ތިން އަހަރު ދުވަހުގެ ތެރޭގައި ނިންމަން ޖެހޭ ގޮތަށް ކަމަށް ވެސް ރައީސް އޮފީހުން ބުންޏެވެ.
މި ޕްރިމިއަމް ވިލާއިން ލިބޭނެ ބައެއް ހިދުމަތްތަކުގެ ތެރޭގައި، ސެމީ ގާޑެޑް ސެކުއިރިޓީ، ޕްރައިވެޓް ނެއިބަހުޑް، ރެސިޑެންޓް ބަގީޗާ، ގާޑްރޫމް، ޕޮލިސް ޕޯސްޓް، ކްލަބް ހައުސް، ލެޕް ޕޫލް އަދި ޕޫލް ހައުސް، ވެލްނެސް ސެންޓަރެއް، ރެކްރިއޭޝަން ސެންޓަރެއް، މަލްޓި ޕަޕޮސް އިވެންޓް ހޯލެއް އަދި ކޮމާޝަލް ކޮމްޕްލެކްސް ވެސް ހިމެނެ އެވެ.
ހުޅުމާލެ 2 ގައި ހަދާ ލަގްޒަރީ ވިލާތަކުގެ ބިންގާ އަޅައިދެއްވުމަށް ނައިބު ރައީސް ހުސެއިން މުހައްމަދު ލަތީފް ވަޑައިގަންނަވަނީ.-- ފޮޓޯ: ރައީސް އޮފީސް
އެޗްޑީސީން މި މަޝްރޫއު ބެޗް ކޮންސްޓްރަކްޝަންއާ ހަވާލުކުރީ ނޮވެމްބަރު 13، 2022 ގަ އެވެ.
އެޗްޑީސީން ކުރިން ބުނެފައިވާ ގޮތުގައި، އެ މަޝްރޫއުއާ އެކު ހުޅުމާލެ އަށް "ލަގްޒަރީ ލިވިން" ތައާރަފުވުމުގެ އިތުރުން 100 އަށް ވުރެ ގިނަ ވަޒީފާ އުފެދޭނެ އެވެ. ހުޅުމާލެ އާއި ރާއްޖެ އަށް ވެސް އިގުތިސާދީ ގޮތުންނާއި އިޖުތިމާއީ ގޮތުން ގިނަ ފައިދާތަކެއް އެ މަޝްރޫއުގެ ދަށުން ލިބޭނެ އެވެ. ނަމަވެސް އެ މަޝްރޫއު އަގު ހާމަކޮށްފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރީގެކަމެއް
29 June 2024
މިއީ ކުރީގެ ސަރުކާރުގެ ކަމެކޭ ނުބުނީ ކީއްވެ!
ކޮލިގާޒީ
28 June 2024
ހަރަދު ކުޑަކުރުން ވިލާތަކެއް އަޅައި، ފަގީރުންނަށް ހާއްސަކުރި ބިން މި ދިޔައީ ތޮޅިއަށް
ބަބުލް
28 June 2024
ތިޔަ ތަންތަން ލަގުޒަރީ ވިޔަސް ވާނީ ޖަލަކަށް ދޯ މިހާރު. ހުޅުމާލޭ ފޭސް ދޭއްގެ އާބާދީ އެހާ ބޯދުވެފަ މަގުތައް ހަނިވެފަ، އެވަރުން ނުވެގެން ނުގަވައިދުން ޕާކުކޮށް، ބުރިޖާ ހިސާބުން ގުޑާނުލެވޭގާ ތޮއްޖެހުނީމާ ބޯހިޔާކޮށްލާ ތަންކޮޅު ލަގުޒަރީ ވިޔަސް ވާނެ ކަމެއް ނޯންނާނެ. އަނެއްކާ ބައެއް ޓަވަރުތަކުގައި އުޅުއްވާ އައްޑާ ބޭބޭފުޅުންގެ ހާއްސަ ޓާގެޓަކަށް ވުން ގާތް ތިޔަ މުއްސަނދި ހިސާބުތައް. މިހާރު ދިވެހީން ބަލަނީ ބޯހިޔާވެހިކަމަށްވުރެ ރިއަލް އެސްޓޭޓަށް.
ދެފުއް ހުސޭނު
28 June 2024
ޢެމަޝްރޫއުގެ އަގު ހާމައެއް ނުކުރޭ، ކުރިންބުނީ ކުރާނަމޭ ވަރަށް ދެފުއްފެންނަ ގޮތަށޭ ވެރިކަން ކުރާނީ، ބަދަލަކަށް ގެނައި ވެރިކަން ރަނގަޅަކަށް ނޫން މިދަނީކީ، ރާކަނިމަސް އެނދީ ރަހަޔާއެކީ ކެވެމުން މިދަނީ
ޅޮލްމޭން
28 June 2024
ހަހަހަ. ބޮލަށް ޗިޕުޖެހިގެން އައިސް ދެން މިތާ ނުހޭރޭ
ޜައްޔިތުގެ
28 June 2024
ހުރިހާސަރުކާރަކުންވެސް ފުރަތަމަ ކުރަންޖެހިފަ އޮންނަކަމަކީ މުއްސަދިންނަށް ވިލާނުވަތަ ބިންހަދައިދިނުން. ވެރިކަމަށްއަންނަން ހަރަދު ކޮށްދިންމީހުންނަށް ވައުދުފުއްދާނިމޭއިރު އާދައިގެރައްޔިތުންނަށްކަމެއްކޮށްދޭނެ ފައިސާއެނޯވެ. މިގައުމު ހަލާކުކުރާބަޔަކީމީ. ޏިކަމެތި ރައްޔިތުންނަށްހަދާތަންތަނުގަ ދިރިއުޅުމުގެ ގަވާއިދުވެސްފުރިހަމަނުވޭ. ހިޔާފުލެޓުގަ ވައިގޮޅިތަށްކުޑަކަމުން މިހާރުވެސް އެއަރކޯންތަށް އެވައިގޮޅިތެރޭހަރުކުރަންޖެހުމުން އަބަދު އެއަކުންސަލާމަތެއްނުވޭ.
ވާނުވާ.
28 June 2024
ޢަދިވެސް ލަކްޒަރީ އެޕާޓްމަންޓް ތަ ހަދަންވީ؟ ކޮންމެ މަގެއްގަ މިޔޮއް ކާރުތައް ޕާކު ކުރާނެ ބިލްޑިންގެއް އަޅާބަލަ...މުޅި ފޭސް2 ހީވަނީ ކާރު ޝޯ ރޫމެއް ހެން!
ދިރާސާވެރިޔާ
28 June 2024
100 ވަޒީފާގެ ތެރެއިން 80 ވަޒީފާ ބިދޭސީންނަށް.. ދެން ކޮބާ ދިވެހިންނަށް ކުރާ ފައިދާ އަކީ...
ރަބަތު
28 June 2024
އަދިވެސް މުއްސަނދިންނަށް ގެދޮރު އަޅައިދޭން. ނިކަމެތި ގެދޮރު ބޭނުންވެފަ ތިބި މީހުންނަށް ގެދޮރު އަޅައިދޭންވީ. ބޮޑެތި އިމާރާތްތައް ކުއްޔަށް ދީގެން އުޅޭ މަހުޖަނުންނަކަށް ނޫން
އަފްރާސިޔާބު
28 June 2024
ތިވިލާ ތައް އެޅީމާ ގައުމަށް ބޭރުފައިސާ ވަންނާނެހޭ. ތިޔަޔަށްވުރެ މާރަނގަޅު ނޫންތޯ ބޭރުފައިސާ ހޯދޭނެ ގޮތްތައް ހޯދުން. ތިޔަ ޚަރަދުތައް ހުއްޓާލައްވާ. ނިކަމެތިންގެ ބޯހިޔާވަހިކަމަށް ފަށާފައިވާ މަޝްރޫއު ތައް ލަސްނުކުރައްވައި ނިންމަވާ ދެއްވާ. ވެރިކަމަށް އައުމަށް ކީހާ ޅެން ފަރިއްސަށް ވިޔަ ނުދެއްވާ.
ޙުސެންތަކުރު
28 June 2024
13 މިލިޔަނަށް މީގެ 5 ބުރީގެ ބީޗްފުރަންޓު ގެޔެއް ދެއްތޯ؟؟ ސަޅި.. ބެންކުން ފައިނޭންސް ކުރެވޭބާ؟ 13 މިލިޔަންގެ ލޯނެއް ލިބޭނީ މަހަކު ،325،000 ( ތިންލައްކަ ވަރު ) އާމްދަނީޔެއް ލިބޭފަރާތަކަށް .. މަހަކު 20،000 ޑޮލަރުވަރު .. މީގެ ތަނެއް މެންބަރަކަށްވެސް ހަލާލުކޮއް ގަނެ ނުލެވޭނެ.. އެމީހުންނަށް މިލިބެނީ މަހަކު 100،000. ތިޔަކީ ފީޒިބުލް ޕޮރޮޖެކްޓެއްނޫން ހަމަ އެކަނި ދިވެހިންނަށް ޓާގެޓް ކުރަންޔާ..