ފަސް މިލިއަން ގަސް އިންދުމުގެ ޕްރޮގްރާމްގެ ދަށުން އެމްޕީއެލްގެ މުވައްޒަފުން ގަސް އިންދަނީ.-- ފޮޓޯ: އެމްޕީއެލް
11 ޖުލައި 2024 - 13:46
5 comments
ރާއްޖޭގައި ފަސް މިލިއަން ގަސް އިންދުމުގެ ޕްރޮގްރާމްގެ ދަށުން އެކި ރަށްރަށުގައި 1.3 މިލިއަން ގަސް އިންދަން އަމިއްލަ ފަރާތްތަކުން ޝައުގުވެރިކަން ފާޅުކޮށްފި އެވެ.
ތިމާވެއްޓާ ބެހޭ މިނިސްޓްރީން އިއްޔެ ބޭއްވި ނޫސްވެރިންގެ ބައްދަލުވުމުގައި މިނިސްޓަރު ތޯރިގް އިބްރާހިމް ވިދާޅުވީ މި އަހަރުގެ ތިމާވެށީގެ ދުވަހާ ދިމާކޮށް، ރައީސް ޑރ. މުހައްމަދު މުއިއްޒުގެ އިސްނެންގެވުމުގެ މަތިން ފެށި ފަސްމިލިއަން ގަސް އިންދުމުގެ ޕްރޮގްރާމްގައި، އެ ދުވަހު އެކަނި ވެސް 300،000 އަށް ވުރެ ގިނަ ގަސް އިންދާފައިވާ ކަމަށެވެ.
މި ޕްރޮގްރާމްގައި ބައިވެރިވާން ބޭނުންވާ އަމިއްލަ ފަރާތްތަކަށް ވެސް އެ ފުރުސަތު ވަނީ ހުޅުވާލައިފަ އެވެ. އަމިއްލަ ފަރާތްތަކުން މި ޕްރޮގްރާމްގައި ބައިވެރިވުމަށް ޖެހެނީ މިނިސްޓްރީގެ ވެބްސައިޓްގައިވާ ފޯމެއް ފުރާށެވެ. އަދި އިންދަން ގަސްތުކުރާ ގަސްތަކުގެ އަދަދާއި ގަހުގެ ބާވަތާއި ގަސް އިންދާ ލޮކޭޝަން އެނގޭނެ ގޮތަށް ޕްލެޖެއް ކުރަން ޖެހެ އެވެ.
"މިހާތަަނަށް އެކި ފަރާތްތަކުން ވަނީ 1.3 މިލިއަނަށް ވުރެ ގިނަ ގަސް އިންދަން ޕްލެޖުކޮށްފައި،" އޭނާ ވިދާޅުވި އެވެ.
ތިމާވެއްޓާ ބެހޭ މިނިސްޓްރީން ބޭއްވި ޕްރެސް ކޮންފަރެންސްގައި މިނިސްޓަރު ތޯރިގް އިބްރާހިމް ވާހަކަދައްކަވަނީ.-- ފޮޓޯ: ފަޔާޒް މޫސާ | މިހާރު
ތޯރިގް ވިދާޅުވި ގޮތުގައި ގަސް އިންދުމަށް ޝައުގުވެރިކަން ފާޅުކޮށްފައިވާ ފަރާތްތަކުގެ ތެރޭގައި ރިސޯޓްތަކާއި މަދަނީ ޖަމިއްޔާތަކާއި އަދި ސްކޫލްތައް ވެސް ހިމެނެ އެވެ.
ފަސް މިލިއަން ގަސް އިންދުމުގެ ޕްރޮގްރާމް ރައީސް މުއިއްޒު އިއުލާންކުރެއްވީ، މިދިޔަ ޑިސެމްބަރު މަހު ދުބާއީގައި ބޭއްވި "ކޮޕް28"ގައި ދެއްވި ތަގުރީރުގަ އެވެ.
މި ޕްރޮގްރާމްގައި އިސްކަންދެނީ ރާއްޖެއިން ނެތިގެން ހިނގައިދާނެ ކަމުގެ ބިރުހީވެފައިވާ ގަސްތައް އިންދުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮއްޔެ.
12 July 2024
ރާއްްޖޭގެ އާބާދީ މުސްކުޅިވެ ޒުވާނުން މަދުވެ ޤައުމުގެ ކުރިމަގު މިލާމޯޅިވާން މިސްރާބުޖަހާފައިވާއިރު އެކަމާމެދު އެއްވެސް ވާހަކައެއް ސަރުކާރުން ދައްކާއަޑެއްނީވޭ. 5މިލިޔަން ކީއްކުރަން 15މިލިޔަން ގަސްވެސް އިންދިދާނެ. އޭގެފަހުން ޤައުމުގެ ހުންގާނުގައި ހިފަންއޮތީ ޒުވާންވެ ފައްކާވަމުން، އިތުރުވަމުން އަންނަ ބަންގާޅީ ޖީލުންތޯ؟ ދުނިޔޭގައި ތިބި ބައެއްވިއްޔާ އަދި އެދުވަސް ދެކޭނޭހެން ހީވޭ. މިހާރުވެސް ގިނަބަންގާޅީންގެ ދިވެހި އަންބަކާ ބަންގާޅީ އަންބަކު ހުންނާނެ.
ގުންސާ
12 July 2024
ތަންތާނގަ ފިތުރޯނު ގަސް އިންދުމުގެ ބަދަލުގަ ރަށްރަށުގަ ކުރީޒަމާނުގަ ހުންނަ ގަސްތައް އިންދާ އިނާމުވެސް ދޭން އެބަޖެހޭ. ހިރުނދު ކާނި މަދޮށި ރުއް ފުނަ ނިކަ ދެން އެހެންގޮސް. ބަނބުކެޔޮ ކަށިކެޔޮ ކަހަލަ.
ޢަލިއެގެ ހަސަނާ
11 July 2024
ކޮންތާކު އޮތް ބިމެއްގައި ތި ގަސް އިންދަނީ.... ޙޯދާ ހޯދާ 5 މިލިއަން ގަސް އިންދާނެވަރުގެ ހުސް ބިމެއް މި ރާއްޖެއަކުން ނިފެނޭ...
ރިއެކްޝަންސް
11 July 2024
ގަސް ތަ އިންދަންވީ ނޫނީ ދަރިންތަ ހޯދަންވީ.. ކޮންމެސް 1 ކަމެއް ކުރެވެން އޮތީ.
އުނބުށޭމު
11 July 2024
ސަރުކާރުން މިލިޔަނުން ގަސްއިންދަންއުޅޭއިރު އެޗްޑީސީން ފްލެޓްގެ ބޭރުގައި އިންދާ ރާނބާގަހާއި ހިކަނދިފަތްގަހާއި މުރަނގަގަސްތައް ލުއްސައި ކޮށައި އުކާލަމުން ދިޔައީމާ ދެކޮޅު ދިމާވޭބާވައެވެ. މަގުމަތީގައި ހުންނަ ބޮޑެތި ގަސްތަކުގެ މޫއަރައިގެންނާއި ޖަންގްޝަންތަކަށް ވަދެގެން ނުލިބޭ ގެއްލުމެއް މިބުނެވުނު ފަދަ އަމިއްލަ މީސްމީހުން އިންދާ ގަސްގަހުން ލިބޭގޮތެއް ވިސްނަ ވިސްނާވެސް ނޭނގުނެވެ. އަނެއް ކޮޅުން ބޮޑުމަގުގެ ދެފަރާތުގައި ހުންނަ ރުކާއި ބަނބުކެޔޮގަހެއް ނުފެނ