"އައްޑޫގެ ބްރިޖަކީ ސަރުކާރުން އެންމެ އިސްކަންދީގެން ހިންގާ އެއް މަޝްރޫއު. ފައިސާ ހަމަޖެހުމާ އެކު އަވަހަށް މަޝްރޫއު ކުރިއަށްދާނެ"
ރައްޔިތުންގެ މަޖިލީހުގެ މިއަދުގެ ޖަލްސާގައި ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް ވާހަކަ ދައްކަވަނީ: އައްޑޫގެ ބްރިޖު މަޝްރޫއަކީ ސަ
15 ޖުލައި 2024 - 10:39
49 comments
ހިތަދޫ-މީދޫ ގުޅުވާލާ، ރާއްޖޭގެ އެންމެ ބޮޑު ބްރިޖް މަޝްރޫއުގައި މިހާރު ކުރިއަށް ދަނީ އެކަމަކަށް ބޭނުންވާ ފައިސާ ހަމަޖެއްސުމުގެ މަސައްކަތް ކަމަށް ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް މިއަދު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ އައްޑޫގެ ބްރިޖުގެ މަޝްރޫއު ހުއްޓިފައިވާ ކަމަށް އިދިކޮޅު ފަރާތްތަކުން ބުނާ ކަމަށް ވިދާޅުވެ މަޖިލީހުގައި، ހިތަދޫ މެދު ދާއިރާގެ މެންބަރު އަހުމަދު އަޒާން ކުރެއްވި ސުވާލަކަށް ޖަވާބު ދެއްވަމުންނެވެ.
މިނިސްޓަރު ވިދާޅުވީ އައްޑޫ ބްރިޖުގެ މަޝްރޫއަކީ ސަރުކާރުން އެންމެ އިސްކަމެއް ދީގެން ހިންގާ މަޝްރޫއު ކަމަށެވެ.
ދިގު މިނުގައި 13-15 ކިލޯ މީޓަރުގެ މި ބްރިޖުގެ މަސައްކަތް "ދަ އަރަބް ކޮންޓްރެކްޓާސް - އޮސްމާން އަހުމަދު އޮސްމާން އެންޑް ކޯ"އާ ހަވާލުކުރީ މިދިޔަ ފެބުރުއަރީ މަހުގެ ތެރޭގަ އެވެ.
މިނިސްޓަރު ވިދާޅުވީ އެ މަޝްރޫއު ހަވާލު ކޮށްފައިވާ ކުންފުނިން މިހާރު ކުރަމުން އަންނަ މަސައްކަތަކީ ފައިސާ ހަމަޖެއްސުން ކަމަށާއި އެ ފަރާތުން ހުށަހަޅާ ފައިނޭންސިން ޕްރޮޕޯސަލްތައް ސަރުކާރުން ބަލައި އިވެލުއޭޓް ކުރަމުން އަންނަ ކަމަށެވެ.
"އެއްބަސްވުމުގެ ދަށުން ފައިސާ އެރޭންޖު ކުރަން ޖެހެނީ އެ ކުންފުނިން. ނަމަވެސް ލޯނު ނަގައިގެން އެކަން ކުރާނީ ސަރުކާރުން،" މުއްތަލިބް ވިދާޅުވި އެވެ.
އައްޑޫ: ހިތަދޫ-މީދޫ ގުޅުވާލާ ބްރިޖުގައި ގާތްގަނޑަކަށް 15 ކިލޯ މީޓަރު ހުންނާނެ.
މަޝްރޫއަށް ބޭނުންވާ ފައިސާ ހަމަނުޖެހެނީސް އެހެން ބަޔަކާ ހަވާލު ކޮށްގެން ކުރިޔަށް ނުގެންދާނެ ކަމަށާއި ފައިސާ ހަމަޖެހުމުން ވަރަށް އަވަހަށް މަޝްރޫއު ކުރިޔަށް ގެންދަން ގަސްތު ކުރައްވާ ކަމަށް މުއްތަލިބް ވިދާޅުވި އެވެ.
"މިވަގުތު ކުރިއަށް ދަނީ އެ ފަރާތުން ހުށަަހަޅާފައިވާ ފައިނޭންސިން ކަންކަމަކީ ސަރުކާރަށް ގަބޫލު ކުރެވޭ ކަންތަކެއްތޯ ބަލައި އިވެލުއޭޓްކޮށް މަޝްވާރާ ކުރުމުގެ މަސައްކަތް،" މިނިސްޓަރު ވިދާޅުވި އެވެ.
އައްޑޫ ބްރިޖް މަޝްރޫއުގެ ޕްރިލިމިނަރީ ޑިޒައިން އަދި ސާވޭގެ މަސައްކަތް ހަވާލު ކޮށްފައިވާ ކުންފުނިން ވަނީ ބްރިޖުގެ ފުރަތަމަ ޑިޒައިން ހެދުމަށް ބޭނުންވާ ސާވޭގެ މަސައްކަތް ނިންމާލައިފަ އެވެ.
މި އަހަރުގެ ބަޖެޓުގައި ހިތަދޫ-ހުޅުމީދޫ ބްރިޖުގެ ސާވޭ ހެދުމަށް 30 މިލިއަން ރުފިޔާ ހިމަނާފައިވެ އެވެ.
"ދަ އަރަބް ކޮންޓްރެކްޓާސް - އޮސްމާން އަހުމަދު އޮސްމާން އެންޑް ކޯ" އަކީ މެދު އިރުމަތީގައި މިފަދަ މަޝްރޫއުތައް ހިންގުމުގެ ތަޖުރިބާ ހުރި ކުންފުންޏެކެވެ.
އައްޑޫގައި ބްރިޖް އެޅުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުކެވެ. އެ މަޝްރޫއުގައި ސޮއިކުރީ އިންތިހާބަށް ފަހު އެމަނިކުފާނު އައްޑުއަށް ކުރެއްވި ފުރަތަމަ ދަތުރުފުޅުގައި، ހުޅުދޫ ރައްޔިތުންނާ އެކު އޮތް ބައްދަލުވުމުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖައުފަރްް
16 July 2024
މި ބްރިޖްގެ އަމަލީ މަސައްކަތް އަވަހަށް ފެށޭނެ ދުވަހަކަށް ވަރަށް އިންތިޒާރުކުރަން.
ހަމްޒާާ
16 July 2024
މި ބްރިޖުގެ ސަބަބުން މުޖުތަމައުތައް ގުޅުވައިލުމުގެ އިތުރުން ފަތުރުވެރިކަމާއި ވިޔަފާރި ކުރިއެރުމަށް އާ ފުރުސަތުތަކެއް ހުޅުވިގެންދާނެ
ލީވާންް
16 July 2024
މި ބްރިޖް މަޝްރޫޢުގެ ކުރިއެރުންތައް އާންމުންނަށް އަޕްޑޭޓް ކުރުމުގައި ސަރުކާރުން ހާމަކަން ބޮޑު ގޮތެއްގައި މަސައްކަތް ކުރަމުންދާކަން ފާހަގަކުރަން
އަސްލަމްް
16 July 2024
ހިތަދޫ-މީދޫ ބްރިޖް މަޝްރޫޢުގެ ސަބަބުން ދަތުރުފަތުރަށް ފަސޭހަވެ، ހަލުވިކަމާއެކު ދަތުރުފަތުރު ކުރުމަށް މަގުފަހިވެގެންދާނެ. މިކަން ވީއެންމެ އަވަހަކަށް ވުން އެއީ އުންމީދަކީ
އަލީބެ
16 July 2024
ރައްޔިތުން ހިތިބޭސް ބޯންޖެހިފަވާއިރު އިތުރު ލޯން ނަގައިގެން ކުރަންވާނީ އާމްދަނީ ލިބޭކަންކަން. ފިނިބުރުޖަހަން ދިގު ބުރިޖު އެޅުމަކުން ނުފުދޭ.
ގޫބައްޑާ
15 July 2024
ކައުންސިލް އިންތިޚާބްގައި މޭޔަރ ނިޒާރު ހުޅުދޫ އަދި މީދޫގެ ވޯޓުކޮޅު ހޯދީ ބްރިޖްގެ ހުވަފެން ދައްކަވާފައި، ޑރ.މުއިއްޒުވެސް ކުރެއްވީ އެކަން. ހުޅުދޫ މީދޫގެ ރައްޔިތުން ސިޔާސީ ބޭފުޅުންގެ އަވާމެނދުރުގައި ޖެހޭލެއް އަވަސްވުމުން ހުރިހާ ގެއްލުމެއް އޮތީ ތިކޮޅަށްކަން ޤަބޫލުކުރާނެނަމަދޯ. ނިޒާރުވެސް އަނެއްކާ ބްރިޖްގެ ވާހަކަ ދައްކަން ފަށާ ދުވަސްކައިރިވެއްޖެ. ނިކަންބާރަށް ހުޅުދޫ މީދޫގެ ހައްޤުގައި ބަސްބުނާ އަޑުއިވޭނެ އަދި އެދެރަށުގެ މީހުން ހެއްލިގެއްލޭނެ
އެކްސިސް
15 July 2024
ތިއަށް ދާނެ ޚަރަދު ވިދާޅުވުން އެދެން. 2 ކިލޯ މީޓަރުގެ ސިނަމާލެ ބްރިޖަށް 200 މިލިއަން އެމެރިކާ ޑޮލަރު އެރި އިރު ، 14 ކޮލޯމީޓަރަށް އެ ރޭޓުން 1.4 ބިލިއަން ޑޮލަރު އަރާނެ. ތިއީ ވެލާނާ އެއާޕޯޓަށް ކުރި ޚަރަދާ އެއްވަރު. ވެލާނާ އެއާޕޯޓަކީ ޑޮލަރު ވަންނަ އިންވެސްޓްމަންޓެއް. ތި ބްރިޖުން ޑޮލަރު ނުލިބޭ ތާގަ ރުފިޔާ ގަނޑެއްވެސް ނުލިބޭނެ. އިގްތިސާދީ ހާލަތޭ ކިޔައިގެން ދައްކާ ވާހަކަ ދެކޮޅު ނުޖެހޭ.
އަފްރާސިޔާބު
15 July 2024
އެއީ އެއްވެސް އެއްޗެއް ނޫނެއްނުން. ބްރިޖު ނާޅާއި މީދޫން މީހުން ބޭލުމަކީ ބްރިޖު ސަލާމަތްކުރެވިދާނެ ކަމެއް. އެއީ އެފައިސާ އެހެން ކަމަކަށް ބޭނުންކުރެވިދާނެ ކަމެއް.
ސަލީމު އިދުރީސް
16 July 2024
އަދި ތިއެއްނޫން ތިންހާސް މީހުން ދިރިނޫޅޭ ރަށަކާ ގުވާލަން ތިވަރު ބޮޑު ހޭދަކޮއް ބުރިޖު އަޅާ ނިމުނަސް ތިވަރު ދިގު ބުރިޖެއް މަރާމާތު ކޮއްބެލެ ހެއްޓުމައް ތިން އަތޮޅައް ކުރާހަރަދައް ވުރެ ބޮޑުވާނެ
އެކަހެރި
15 July 2024
މީމިގައުމުގެ މައްސަލައަކީ ..އެކަކަށްވުރެ އަނެކަކު މޮޅުވާންވެގެން ދެކޮޅުނުޖެހޭ ބޮޑެތިޕްރޮޖެކްޓް ތަށް ރައްޔަތުންކުރިމަތީ މަމޮޅުވާންވެގެން ހިންނގަނީ... މީފީސަބަލްކިމެއްތޯވެސް ނުބަލާ...ނުވަތަ ރައްޔަތުންގާތަށް އަންނަންވާނީ ދެކޮޅު ޖައްސާނޭގޮތުގެ ޕްލޭނެއްހިގފައިން/ ... ރައްޔަތުންހޭލާ"""
ޖަގަތު
15 July 2024
ދީދީ ހަމަޖެހިބަލަ. މަށަށް ކޮމެންޓުތައް ކިއުމުގެކުރިންވެސް އެނގޭ އަފީފު ދީދީ ގައިން ހުންނާނީ މިޚަބަރު ފެނުމާއެކު ކަނިބުރަބުރާކަން.
އޮނަރަބްލް އަފީފު ދީދީ
15 July 2024
އައްޑޫ ކޯއްޓޭ ބުރިޖް އަޅައިގެން އޭގެ އަގު ނުކިބޭނެ ކަމަށާއި "އެއީ ދައުލަތަށް ލިބޭނެ ގެއްލުމެއް" ކަމަށް ބުނާ މީހުންނަށް އިގޭތޯ ކ.އަތޮޅު މާލޭ މީހުންނަށް "ހިލޭ" ކޮންމެ މީހަކަށް 25މ ރުފިޔާގެ ގޯއްޗެއްދިން ބިން (ހމ ފޭސް 1 އަދި 2) ހިއްކަން 315މ ގުޅިފަޅު ހިއްކަން 70މ ޑޮލަރު ހުޅުމާލެ ބުރިޖަށް 300މ އަދި ވިލިގިލި ބުރިޖަށް 800މ ޑޮލަރު ފުޅުމާލެ ދެފޭސް ދޭތެރޭ ހިކިފަސްތާގައި 5 ބުރިޖް އަޅަން 80މ ޑޮލަރު ޙަރަދު ކުރިކަން!؟ އަދި ފުލެޓަށް އެރަށުމީހުން ލާރި ނުދޭކަން!
ބައްލަވާ
16 July 2024
ތިޔަ ބުނާ ގޯތިތައް ނޫން ދެން އެހެން ހުރިހާ ކަމެއް އެއީ މާލެ ސަރަހައްދަށް ޚަރަދުކުރެވުނުތަން ފެނުނަސް މާލެ ސަރަހައްދުގަ އުޅެމުންދާ ރަށްރަށުގެ މީހުން ހިމަނައިގެން ކޮށްދީފަ ހުރި ކަންކަން. ހުއްޓި ނެތި މާލެ ސަރަހައްދަށް މީހުން ޖަމާވަމުންދަންޏާ ބްރިޖްތައް އަޅައިގެން އެކަމުގެ ހައްލު ނުނެރެ ނުވާނެ. ކަމަކީ ރަގަޅު ކަމެއް ނޫނަސް އާބާދީގެ ބޮޑުބައެއް އެއް ދިމާލަކަށް ޖަމާވެ ނިމިއްޖެ. ޖަމާވުން އަދިވެސް ކުރިއަށް ދާތީ މާލެ ސަރަހައްދުން އަތް ދޫކޮށްލެވޭކަށް ނޯންނާނ