ކާނާ ވިހަވެގެން ހާލު ސީރިއަސްވި މީހާ ދޫކޮށްލައިފި

އައްޑޫގައި ހިންގާ ޕޮލިސް ކޮލެޖުގައި ކާނާ ވިހަވެގެން ހާލު ސީރިއަސްވި އެކަކު ހޮސްޕިޓަލުން މިހާރު ދޫކޮށްލާފައިވާ ކަމަށް ފުލުހުން މިރޭ ބުނެފި އެވެ.

ފުލުހުން ބުނީ، ހޮސްޕިޓަލުން ދޫކޮށްލީ އެ ހާދިސާގައި ހާލު ސީރިއަސް ވެގެން އައިސީޔޫގައި ފަރުވާދިން ދެ ދަރިވަރުންގެ ތެރެއިން ވޯޑަށް ބަދަލުކުރި މީހާ އެވެ.

ސ. ހިތަދޫގައި ހިންގާ ޕޮލިސް ކޮލެޖުގެ ތަމްރީނަށް ދިޔަ ފުލުހުންގެ ތެރެއިން 32 މީހަކު ކާނާ ވިހަވެގެން އައްޑޫ އިކުއަޓޯރިއަލް ހޮސްޕިޓަލުގައި އެޑްމިޓްކުރީ މިދިޔަ ބުދަ ދުވަަހުގެ ރެ އެވެ. އޭގެ ތެރެއިން ފަސް މީހަކަށް އައިސީޔޫގައި ވެސް ފަރުވާދިނެވެ.

އެނގިފައިވާ ގޮތުގައި ޕޮލިސް ކޮލެޖުގައި ކޭޓަރިންގެ ހިދުމަތް ދެނީ ބެސްޓް ސިލެކްޝަން ކިޔާ ކުންފުންޏަކުންނެވެ. އެ ކުންފުނީގެ ދަށުން މާލެ އާއި އައްޑޫގައި ވެސް ރެސްޓޯރަންޓުތައް ހިންގާއިރު އެތަނުން ކޭޓަރިންގެ ހިދުމަތް ވެސް ދެ އެވެ.