އައްޑޫ ކަރަންޓު ކެނޑެނީ މަގު ހަދާއިރު ކޭބަލްތަކަށް ގެއްލުންވާތީ: ފެނަކަ

އެފްކޮންސް މީހުން މަސައްކަތުގައި: ހިތަދޫ ޕީސީއެސްއާ ގުޅިފައިވާ ރަށްތަކުން ކަރަންޓު ކެނޑުމުގެ ހާދިސާތައް މީގެ ކުރިން ވެސް ދިމާވެފައިވާ ކަމަށް ފެނަކައިން ބުނި.--

ފާތިމަތު އަޖްފާން، މިހާރު

24 ޖުލައި 2024 - 13:44

17 comments

އައްޑޫ ސިޓީގެ ރަށްތަކުން ކަރަންޓު ކެނޑެމުންދަނީ ޖެނެރޭޝަންގެ ކެޕޭސިޓީގެ މައްސަލައިގެ އިތުރުން މަގު ހަދާއިރު ކޭބަލަށް ތަކުރާރުކޮށް ގެއްލުން ލިބެމުންދާތީ ކަމަށް ފެނަކަ ކޯޕަރޭޝަނުން ބުނެފި އެވެ.

އައްޑޫގެ ގުޅިފައިވާ ރަށްތަކުގައި ދިރިއުޅެން ދަތިވާ ވަރަށް ކަރަންޓު ކެނޑެމުންދާ ކަމަށް ބުނެ އެމްޑީޕީގެ ފަރާތުން ރައްޔިތުންގެ މަޖިލީހަށް މިއަދު ވަނީ ކުއްލި މައްސަލައެއް ވެސް ހުށަހަޅައިފަ އެވެ.

ކަރަންޓު ހާލަތު ބަޔާންކޮށް ފެނަކައިން މިއަދު ނެރުނު ނޫސް ބަޔާނެއްގައި ބުނީ އައްޑޫއަށް ދިމާވެފައިވާ މައްސަލައަކީ ކަރަންޓު އުފައްދާނެ ކެޕޭސިޓީ ނެތުމާއި އައްޑޫގައި މަގު ހެދުމުގެ މަސައްކަތްކުރާ އެފްކޮންސް ކުންފުނީގެ އަތުން އެޗްވީ ކޭބަލާއި ނެޓްވޯކަށް ތަކުރާރުކޮށް ގެއްލުންވާތީ ކަމަށެވެ.

ފެނަކައިގެ މެނޭޖިން ޑިރެކްޓަރު މުއާޒް މުހައްމަދު.-- ފޮޓޯ: ނިޝާން އަލީ / މިހާރު

ހިތަދޫ ޕީސީއެސްއާ ގުޅިފައިވާ ރަށްތަކުން ކަރަންޓު ކެނޑުމުގެ ހާދިސާތައް މީގެ ކުރިން ވެސް ދިމާވެފައިވާކަން ފާހަގަކޮށް، ފެނަކައިން ބުނީ އެންމެ ފުރަތަމަ އެފްކޮންސް އަތުން ކޭބަލް ހަލާކުވީ މި މަހުގެ ފުރަތަމަ ދުވަހު ކަމަށެވެ.

އިއްޔެ ދިމާވި މައްސަލައަކީ އޭގެ ފަހުން ނެޓްވޯކަށް ދިމާވާން ފެށި މައްސަލައެއް ކަމަށް ފާހަގަ ކުރެވިފައިވާ ކަމަށާއި އިއްޔެ ދިމާވި މައްސަލަ ތަކުރާރު ވެދާނެ ކަން ގަބޫލު ކުރާ ކަމަށް ވެސް ފެނަކައިން ބުންޏެވެ.

މަގު ހެދުމުގެ މަޝްރޫއު ކުރިއަށް ގެންދިއުމުގެ ސަބަބުން ނެޓްވޯކަށް ދިމާވި މައްސަލަ އިތުރަށް ދިމާވެދާނެ ކަމަށް ގަބޫލު ކުރެވޭތީ އެކަން ހައްލު ކުރަން އަބަދުވެސް މަސައްކަތް ކުރާނެ ކަމުގެ ޔަގީންކަން ފެނަކައިން ދިނެވެ.

އެ ކުންފުނިން ބުނީ އައްޑޫގެ ޖެނެރޭޓަރު މަރާމާތު ކުރުމަށް ސްޕެއާ ޕާޓު ހޯދުމާއި 1.6 ވެގަވޯލްޓުގެ އާ ޖެނެރޭޓަރެއް އައްޑޫއަށް ފޮނުވުމުގެ މަސައްކަތް ކުރަމުންދާ ކަމަށެވެ.

Addu karantu massala hallukuran China bayakaa havaalu koffi

The most trusted news source in the Maldives

Mihaaru

މިދިޔަ އޭޕްރީލް މަހު ވަނީ އައްޑޫގެ ކަރަންޓަށް ދިމާވެފައިވާ މައްސަލަ ހައްލުކުރުމަށް ޗައިނާގެ ކުންފުންޏަކާ ހަވާލުކޮށްފަ އެވެ. ފެނަކައިން ބުނެފައިވަނީ އެ މަޝްރޫއު ނިމުމުން އައްޑޫގެ ކަރަންޓަށް ދިމާވެފައިވާ މައްސަލައަށް ދާއިމީ ހައްލެއް ކުރިއަށް އޮތް 20 ވަރަކަށް އަހަރަށް ލިބިގެންދާނެ ކަމަށެވެ.

އައްޑޫ ފެނަކަ ކޯޕަރޭޝަން އެފްކޮންސް ކަރަންޓު އައްޑޫ ސިޓީ ކައުންސިލް

17 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމްސް

25 July 2024

ކޮންބަޔެއްގެ މައްސަލައެއްބާއެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދގމއލމތ

25 July 2024

މިއީ ކަނޑައެޅިގެން ބޮޑު ދޮގެއް........ ކޮންމެ ދުވަހަކު އެކި ގަޑިތަކުގައި ކަރަންޓު ކަނޑަމުންދާތާ އެތަކެއް ދުވަސް ވެއްޖެ.......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަމުހައްމަދު

24 July 2024

ކޮންފާޑެއްގެ ވާހަކައެއްމިދައްކަނީ. މިވަރުގެ ޕްރޮޖެކްޓު ހިންގަނީ ހަމަމިވަރަށް ތަންދޮރު އޮޅުންނުފިލާ ބައެއްބާ. ބިމުއަޑީގައި ނަރުތަކާޢި އޭތިމީތި އެބަތިބިކަމާއި އެތަކެތި ދެނެގަންނާނެ ވަސީލަތައީއެކު ހޯދާފަހުމުވެގެން ނޫނީ މަގުކޮނެގެން ނުވާނެކަމާއި ވާގެއްލުމަކަށް ޒިއްމާވާންޖެހޭކަން އެއްބަސްވުމަކު ނެތްބާ. އަމާބުނީތީ ފަރަށްދާހެން ހިންގާ މަސައްކަތްތައް ދާނީ ތިޔަހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެދޯނި

24 July 2024

ނޫސްވެރިން ނިކަން ގޮސް ސީޕީ އެސް އަށް ވަދެ މަޢްލޫމާތު ހޯދަބަލަ. ތަން ހުރިގޮތް ބަލާލަ ބަލަ. ގަން/ފޭދޫ/މ.ފޭދޫ/މަރަދޫ/ހިތަދޫ އަށް ކަރަންޓް ދޭން ހިންގާފަ ހުންނަ ޖަނަރޭޓަރު ތަކަށް އޮބި ނޯވެގެން އެކި ހިސާބުތަކުން ކަރަންޓް ކަނޑަން ޖެހުމަކީ އާއްމު ކަމެއް. މިހާރު ވެސް ތަނުގައި ހުރި އެންމެ ބޮޑު 3 ޖެންސެޓް އެހެރީ ސްޕެއަރ ނުލިބިގެން މެއިންޓެއިން ނުކޮށް ޑައުންކޮށްފަ. ކުންފުނިން ޚަރަދުކުޑަކުރަން ސްޕެއަރ ނުގަނެ ވެރިން ރަށްރަށަށް ދަތުރުއަޅަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސޭ

25 July 2024

ސްޕެއަރ އޯޑަރ ކުރީ މިދިޔަރޯދަމަހު މިސަރުކާރުގަ. ކުރީސަރުކާރުގަ ސްޕެއަރ ނުލިބިގެން ކަރަންޓުކެނޑިފަނެތް. އޯޑަރ ކުރީމަ ބުނީ މިވަގުތަށް މަޑުޖައްސާށޭ. ކެބަލް ތަކަށް ގެއްލުންވަނީ ކޭބަލް އޮތްތަން ރަގަޅަށް ބުނެދެވިފަ ނެތް ތަންތަނުގަ. މަގުހަދާމީހުން ނުކޮންނަ މަގެއްނެތް. މިސަރުކާރު އައިފަހުން ފެނަކާ ކުދިން ތިބެނީ މުޅިންވެސް ހޮޓާތަކުގަ. ބަލާނެބަޔަކުނުތިބޭ. ތަންދޮރުނޭގޭމީހުން އެގޭމީހުންގެ ވެރިންނަށްލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެޓްރިކްސް ހުސެއިނާ

24 July 2024

މަގު ހަދާ އިރު ކޭބަލް އަށް ގައްލުން ނުވެއެކޫ ނޫން އެކަމަކު ކޮންމެ ދުވަހަކު އެކި ސަރަހައްދު ތަކުން ދުވާލު 1 ގަޑި އިރު އަދި ރޭގަޑު 1 ގަޑިއިރު ޖުމުލަ 2 ގަޑިއިރަށް ކަރަންޓް ކަނޑާތާ އެއްމަސް ވެއްޖެ. މަނިކުފާނަށް މި މައުލޫމާތު ނޭގުމަކީ ދެރަކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުވާ ކުޑަ

24 July 2024

ފަރުވާ ކުޑައީ.. މަގުތައް ހަދާއިރު ކޭބަލްތައް ހުރީ ކޮންތާކުކަން ބަލާ ކަރަންޓަށް ބުރޫނާރާގޮތަށްވެސް އެކަން ކުރެވޭނެ. މާލޭގަ އަމީނީ މަގު އެއޮކޮށް އެ ނިންމާލީ ތިކަހަލަ އެއެެވެސް މައްސަލައެއް ދިމާ ނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަންބެއްޔާބެ

25 July 2024

ހައިވޮލްޓެޖު ކޭބަލަކަށް ފަރުވާކުޑަވެގެންވެސް ބަޔަކު ހަމަހޭގަ ހުރެގެން ގެއްލުމެއްނުދޭނެ. އެމީހަކު ނުހުންނާނެ ސަލާމަތަކުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު..

24 July 2024

ތީކީ ފެނަކައިގެ ސަބަބުން ކަރަންޓްދާތީ ކުރާކަމެއްނޫން. އެމްޑީޕީގެ ތިބީ 12 މެމްބަރުން ތޯއްޗެއް. ލައިގެން ކާވަރުވެސް ނުވޭ. އެހެންވެ މިކަމުންވެސް މަޖިލީހަށް ޖެއްސުމެއްކޮށްލެވޭތޯ ބަލަން މިއުޅެނީ. ނުތެޅިމަޑުން ތިބޭ. ތެޅެންޏާ ދާނީ ހުޅުނބު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންނެލި

24 July 2024

މީހުން ނޫޅޭ ރަށްރަށުގަ ސަރުކާރުން ބޮޑު ހަރަދު ކޮށްގެން ކަރަންޓު ލުމަށް ވުރެއް ފުޅިބައްތިން ދިއްލުން މާ ބުއްދިވެރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗް އެމް

24 July 2024

ތިޔައީ ކުންފުނީގެ މައްސަލައެއް ނޫން. ރައްޔަތުންގެ މައްސަލައެއް. ރައްޔަތުން ޖެހޭނެ ކެޕަސިޓީ މަތިވާކަން ދަނެ ކުރީބައިގަ ފެސިލިޓޭކޮށްދޭން. ކޭބަލްގެ ކުރެހުން ހޯދައި މަގު ކޮންނައިރު އިރުޝާދުދީ ސުޕަވައިޒު ކުރުމަކީވެސް ރައްޔަތުން ކުރަންޖެހޭކަމެއް. ރޫޓިން ސާވިސްދީ ސްޕެއްރ ގަވާއިދުން ލިބޭނެ ގޮތް ހެދުމަކީވެސް ރައްޔަތުންގެ ކުރަންޖެހޭކަމެއް. ކުންފުނީގެ މަސައްކަތްތެރިންނާ ވެރިން ޖެހޭނީ ކޮފީބޮއެގެން ސޯސިއަލް މީޑިއާގަ ސަނާކިޔަން.