ނިލަންދޫގައި ހުންނަ އެ އަތޮޅު ތައުލީމީ މަރުކަޒު.--
01 އޯގަސްޓް 2024 - 09:17
ފ. ނިލަންދޫގައި ހުންނަ އެ އަތޮޅު ތައުލީމީ މަރުކަޒުގެ ކެޕްޓަންކަން ވަކި ކުއްޖަކަށް ދިނުމަށް މާކްސް ބަދަލުކުރި ލީޑީން ޓީޗަރު ޔާސިރު އަބްދުއްނާސިރު ސަސްޕެންޑްކޮށް، މައްސަލަ އެޑިއުކޭޝަން މިިނިސްޓްރީން ބަލަން ފަށައިފި އެވެ.
ފ. ތައުލީމީ މަރުކަޒު ސްކޫލުގެ ކެޕްޓަން ހޮވުމަށް ގްރޭޑް 11 ގައި ކިޔަވާ ދެ ދަރިވަރުންގެ މެދުގައި ވޯޓެއް ނެގީ މިދިޔަ މަހުގެ 13 ވަނަ ދުވަހު އެވެ. އެ ދެ ކުދިންގެ ތެރެއިން އެއް ކުއްޖެއްގެ ބެލެނިވެރިއަކު މިނިސްޓްރީ އަށް މައްސަލަ ހުށަހެޅީ މާކްސް ދިނުމުގައި އަމަލުކޮށްފައިވާ ގޮތާ މެދު ހިތްހަމަ ނުޖެހިގެންނެވެ.
މި މައްސަލާގައި އެޑިއުކޭޝަން މިނިސްޓަރު އިސްމާއިލް ޝަފީއު "މިހާރު" އަށް ރޭ ވިދާޅުވީ، ފ އަތޮޅު ތައުލީމީ މަރުކަޒުގެ ކެޕްޓަން ހޮވުމުގައި މައްސަލަތަކެއް އުޅޭ ކަމުގެ ޝަކުވާ މިނިސްޓްރީ އަށް ލިބުނު ކަމަށެވެ. އެ މައްސަލަ ބެލިއިރު ފާހަގަވީ ލީޑީން ޓީޗަރަކު، ކުއްޖެއްގެ މާކްސް ބަދަލުކޮށްފައިވާކަން ކަމަށާއި އެ މައްސަލާގައި އެ ޓީޗަރު ސަސްޕެންޑު ވެސް ކޮށްފައިވާ ކަމަށް މިނިސްޓަރު ވިދާޅުވި އެވެ.
ނަމަވެސް ސިވިލް ސާވީސް ކޮމިޝަނުން އެ ޓީޗަރުގެ ސަސްޕެންޝަން އުވައިލުމުން މިނިސްޓްރީން މިހާރު ވާނީ އަލުން އިވެލުއޭޝަން ހެދުމަށް ސްކޫލަށް އަންގާފައި ކަމަށް މިނިސްޓަރު ވިދާޅުވި އެވެ.
ނިލަންދޫގައި ހުންނަ އެ އަތޮޅު ތައުލީމީ މަރުކަޒުގެ ދަރިވަރުންތަކެއް.-- ފޮޓޯ: ނިލަންދޫ ސްކޫލު
ސިވިލް ސާވިސް ގަވާއިދުގައިވާ ގޮތުން، ލިޔެކިޔުމަށް ބަދަލު ގެނައުމަކީ ތިން ވަނަ ދަރަޖައިގެ ކުށެކެވެ. ވަގުތުން އެ މީހަކަށް ސަސްޕެންޝަން އަންނާނެ އެވެ. އޭގައިވާ ގޮތުން ތިން ވަނަ ދަރަޖައިގެ ކުށެއް ކުރުމަށް ފަހު، އެނބުރި ވަޒީފާ އަށް ނުކުންނައިރު ކުރިން ހުރި ލެވެލަށް ވުރެ މަގާމު ދަށްވާނެ އެވެ.
ފ. އަތޮޅު ތައުލީމީ މަރުކަޒުގެ ކެޕްޓަން ކަމަށް ކުރިމަތިލައި، ނުހޮވުނު ކުއްޖާގެ އާއިލާގެ މީހަކު "މިހާރު" އަށް ބުނީ ލީޑީން ޓީޗަރު ޔާސިރު ސަސްޕެންޑު ކުރީ މިދިޔަ މަހުގެ 17 ވަނަ ދުވަހު ކަމަށެވެ. ނަމަވެސް އޭގެ ފަސް ދުވަސް ފަހުން އަލުން ވަޒީފާ އަށް ނުކުތީ އެ މަގާމުން އިސްތިއުފާ ދިނުމަށް ފަހު އެވެ.
"[ލީޑިން ޓީޗަރު ޔާސިރު] ސަސްޕެންޑު ކޮށްފައި، ޖެހިގެން އައި ދުވަހު ސްކޫލު ގްރޫޕަށް މި ލީ، އެ ދުވަހު ނެގި ވޯޓު ބާތިލް ކޮށްފައިވާ ކަމާއި އަލުން އުސޫލުތަކެއް ހަދާފައި އިއުލާނު ކުރާނެ ކަމަށް. އަޅުގަނޑުމެންނަށް މެސެޖެއް އައި ސްކޫލުގެ ލިޔެކިޔުންތަކުގައި މައްސަލައެއް އުޅޭތީ ރަނގަޅު ކޮށްފައި ކުރިއަށް ގެންދަން މިނިސްޓްރީން އަންގާފައިވާ ކަމަށް،" އެ ބެލެނިވެރިޔާ ބުންޏެވެ.
ނިލަންދޫގައި ހުންނަ އެ އަތޮޅު ތައުލީމީ މަރުކަޒުގެ ދަރިވަރުންތަކެއް.-- ފޮޓޯ: ނިލަންދޫ ސްކޫލު
އެ ކަންތައްތަކަަށް ފަހު އެ ކުއްޖާ އަލުން ކެޕްޓަން ކަމަށް ކުރިމަތިލާކަށް ވެސް ބޭނުމެއް ނުވި އެވެ. އެއީ ވަކި ކުއްޖަކަށް އެ މަގާމު ދޭން ވަކި ޓީޗަރެއްގެ ނުފޫޒުން މާކްސްތަކާ ކުޅެ، ބޮޑު ކަންތައްގަނޑެއް ހިންގާފައި ވާތީ އެވެ. އެކަމަކު، އެ ކުއްޖާގެ ބެލެނިވެރިން ސާބިތުކޮށްދޭން ބޭނުންވީ އަބަދު އެ ކުއްޖާ އާއި ބެލެނިވެރިން ގޯސް ނުވާނެކަން ކަމަށް "މިހާރު" އާ ވާހަކަ ދެއްކި ބެލެނިވެރިޔާ ބުންޏެވެ.
އަޅުގަނޑު އަދިވެސް އާދޭހާ އެކު މި އެދެނީ ޓީޗަރުންނާއި ބެލެނިވެރިންނަށް މި ކަމުގެ ހަގީގަަތްތައް ސާފުކޮށް ކިޔައިދޭން. ގޮތް ދޫކޮށް، ކަންކަން ނުފޮރުވައި، ނަތީޖާ ޝީޓުތައް ހާމަކަން ބޮޑުކޮށް އިސްލާހު ކުރުމަށް. ކޮންމެ ކުއްޖަކު ހޮވުނަސް އެއީ ރަނގަޅު ގޮތް،"--- ބެލެނިވެރިއެއް
ފ. ތައުލީމީ މަރުކަޒުގެ ކެޕްޓަން ހޮވުމަށް ނެގި އިމްތިހާނުގެ ނަތީޖާއާ ގުޅޭ ގޮތުން ކަނބޮޑުވުން ފާޅުކުރި ބެލެނިވެރިންނާ، ޕްރިންސިޕަލް އިއްޔެ ވަނީ ބައްދަލު ކުރައްވައިފަ އެވެ. އެ ބައްދަލުވުމުގައި ލީޑީން ޓީޗަރު ޔާސިރު މާސްކްސް ބަދަލުކޮށްފައިވާ ކަމަށާއި އެކަން މިނިސްޓްރީ އަށް ވެސް އެނގޭ ކަމަށް ޕްރިންސިޕަލް ވިދާޅުވި ކަމަށް އެ ބެލެނިވެރިޔާ ބުންޏެވެ.
"އެކަން ބެލެނިވެރިންނާ ހިއްސާ ނުކުރަނީ ކީއްވެގެންތޯ ސުވާލު ކުރުމުން ޕްރިންސިޕަލް ވިދާޅުވީ ޓީޗަރަކު ބަދުނާމު ކުރަން ބޭނުން ނުވާތީ ކަމަށް. ހަމަ މިހެން [ޕްރިންސިޕަލް] ވިދާޅުވީ "ޓީޗަރަކު އޮރިޔާން ކުރަން" ބޭނުން ނުވާތީ އެ ވާހަކަތައް އެހާ ތިލަކޮށް އަދި ކިޔާ ނުދެވޭނެ ކަމަށް ވިދާޅުވި،" އެ ބައްދަލުވުމަށް ދިޔަ މީހަކު ބުންޏެވެ.
އެޑިއުކޭޝަން މިނިސްޓްރީން މިހާރު އަންގާފައިވާ ގޮތަށް، ހުވާކުރުން ކުރިއަށް ނުގެންދަނީ ކީއްވެތޯ އެ ބައްދަލުވުމުގައި ބެލެނިވެރިއަކު ސުވާލު ކުރުމުން ޕްރިންސިޕަލް ވިދާޅުވީ، އެންމެ ފުރަތަމަ ސްކޫލުން ވެސް ގެންގޮސްފައިވާ ގޮތަށް އިންތިހާބު ކުރިއަށް ގެންދާ ނަމަ ޔާސިރު ހޮވަން ބޭނުންވާ ކުއްޖާ ނުހޮވޭނެ ކަމަށެވެ.
ނިލަންދޫގައި ހުންނަ އެ އަތޮޅު ތައުލީމީ މަރުކަޒުގެ ޕްރިންސިޕަލް އަހުމަދު އަބްދުﷲ ވާހަކަ ދައްކަވަނީ.-- ފޮޓޯ: ނިލަންދޫ ސްކޫލު
އެކަން އެގޮތަށް ވެއްޖެ ނަމަ މުޅި ސީނިއާ މެނޭޖްމެންޓް ޓީމް (އެސްއެމްޓީ) އިސްތިއުފާ ދޭނެ ކަމަށާއި އެހެންވެ މި ވަގުތު އިތުރު ގޮތެއް ހޯދުމަށް ޕްރިންސިޕަލް މަސައްކަތް ކުރައްވާ ކަަމަށް އެ ބައްދަލުވުމުގައި ވިދާޅުވި ކަމަށް ވެސް އެ ބެލެނިވެރިޔާ ބުންޏެވެ.
ސައްހަ ވޯޓުގެ ނަތީޖާ ދައްކާ ގޮތުން، ވަކި ޓީޗަރަކު އިސްވެ ހުރެ މަގާމުން ކަޓުވާލަން ބޭނުންވި ކުއްޖާ އަށް ސްކޫލްގެ ކެޕްޓަންކަން ލިބޭ ކަމަށް އެ ބައްދަލުވުމުގައި ޕްރިންސިޕަލް ވިދާޅުވި ކަމަށް އެ ބެލެނިވެރިޔާ ބުންޏެވެ.
"އަޅުގަނޑު އަދިވެސް އާދޭހާ އެކު މި އެދެނީ ޓީޗަރުންނާއި ބެލެނިވެރިންނަށް މި ކަމުގެ ހަގީގަަތްތައް ސާފުކޮށް ކިޔައިދޭން. ގޮތް ދޫކޮށް، ކަންކަން ނުފޮރުވައި، ނަތީޖާ ޝީޓުތައް ހާމަކަން ބޮޑުކޮށް އިސްލާހު ކުރުމަށް. ކޮންމެ ކުއްޖަކު ހޮވުނަސް އެއީ ރަނގަޅު ގޮތް،" ބެލެނިވެރިއަކު ބުންޏެވެ.
"ސްކޫލާ މެދު ގެއްލިފައިވާ އިތުބާރު ލިބޭނީ ވެސް ރަނގަޅަށް ކަންކަން ކޮށްގެން."
ފ. ތައުލީމީ މަރުކަޒުގެ ލީޑިން ޓީޗަރަކަށް ޔާސިރު ހަމަޖެއްސީ މި އަހަރުގެ ޖެނުއަރީ މަހު އެވެ. އޭނާ އެ ސްކޫލްގައި މަސައްކަތް ކުރާތާ ގިނަ ދުވަސްތަކެއް ވެއްޖެ އެވެ.
އެ ސްކޫލްގެ އޯ ލެވެލް އާއި އޭ ލެވެލްގެ އެންމެ ރަނގަޅު ކުދިން ހޮވުމުގައި ގޯސްތަކެއް ހެދި މައްސަލަ ވެސް ކުރިން ފެންމަތިވި ކަމަށް ބެލެނިވެރިއަކު ބުންޏެވެ. އެކަމަކު، އެކަން ފަހުން ރަނގަޅު ކުރި ކަމަށް ވެ އެވެ.
މި މައްސަލަތަކާ ގުޅޭ ގޮތުން، ފ. ތައުލީމީ މަރުކަޒުގެ ޕްރިންސިޕަލް އަބްދުﷲ އަހުމަދުގެ ބަހެއް ހޯދުމަށް ގުޅި ނަމަވެސް އޭނާ ވާހަކަ ދައްކަވަން ބޭނުމެއް ނުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ނިލަންދެ
02 August 2024
މިއްޔަކީ ޕްރިންސިޕަލް ހިންގި ފުރަތަމަ ޖަރީމާއެއް ނޫން . ތިޔަ ސްކޫލް ގެ ދަރިވަރަކު ދުނިޔޭގެ ވަނަތައް ޙާސިލް ކުރިއިރު ސްކޫލުގެ ވަނަތަކުން ސުމެއް މިކަން ވެސް ހަނދާނަށް ގެނަސް ލަ
ދެފުއްކެހެރިތ
02 August 2024
ދިކަހަލަ ރޮއްޖެއް ހުންނާނެ ކ.އަތޮޅު މަދަރުސާގަވެސް
އޮތްގުޅުން
01 August 2024
ސިޔާސީ ދާއިރާއިން ފެންނަހާ ކޮރަޕްޓް ކަންކަން ސްކޫލް ހިސާބުން ފެށިގެން އަންނަކަން މިކަމުން އެނގެނީ. އަމިއްލަ އެދުން އެއްފަރާތްނުކޮށް ޚުލްގު ރަގަޅުނުކޮށް ދީންވެރިނުވެ އިސްލާހުނުވާނަމަ ކިޔަވަދެވޭނީ އަދި ނަމޫނާ ދެއްކޭނީވެސް ނުބައި ގޮތަށް. ސްކޫލްތަކުން ކުދިންތަކެއް ނިމޭއިރު ދަސްވެފައި ތިބޭނީ ދަސްނުވާންވީ އެތައް ގޯސްކަމެއް. މުޅި މުޖްތަމައު އޭރުން އެ ހަލާކުވަނީ.
މަންދިޔަ
01 August 2024
ނިލަންދޫއޭކިޔައިފިއްޔާ ވާވަރުތާ، ގއ.ނިލަންދޫ އިންވެސްހަމަ ތިހެން ހެދީ ކެޕްޓަންކަމާ ޕްރިފެކްޓްކަންދޭން
ބާބް
01 August 2024
ތިއީ ވަރަށް މޮޅު ޕޭރެންޓުން ތަކެއް. އޭލެވެލް އާއި އޯލެވެލް ގެ އެންމެ ރަނގަޅުކުދިން ހޮވުމުގައި ސްކޫލަށް ގޯސްތަކެއްހަދަން އޮތް ފުރުސަތެއް ނުވިސްނުނު. އެ2 އިމްތިހާނަކީ ސްކޫލުން ބާއްވާ 2 އިމްތިހާނެއް ނޫން. އިމްތިހާންގެ ނަތީޖާ އަކީ ދިވެހި އިސްލާމް ފިޔަވައި ބޭރުން އަންނަ އެއްޗެއް. ދިވެހި އިސްލާމްގެވެސް ނަތީޖާ ހަދަނީ ސްކޫލްތަކަކުންނޫން.
ޓީޗަރު މުދައްރިސް
03 August 2024
އެެއީ ބެސްޓް އޯލް ރައުންޑް ދަރިވަރު ހޮވުން ކަމަށް ބެލެވެނި
ކެޕުޓަނު
01 August 2024
ކެޕުޓަނުކަމަކީ ދެންމާ މޮޅު ކަމެއްތަ؟ ވަޒީފާއަށް މީހުން ހޮވާއިރު ނުބަލާ ކެޕުޓަނުކަމަށް.
އަހުމަދުބޭ
01 August 2024
މާނައަކީ ޓީޗަރުން ބޭނުންގޮތަކަށް ކަންކުރުން އޯކޭތޯ؟ މީގަ މައްސަލައަކީ ކެޕްޓަންކަމެއްނޫން މާކްސް އޮޅުވައިލުން ސުވާލްއަކީ މިފަދަ ކިތައްކަންކަން ހިނގައިފަހުންނާނެތޯ
މަނިކުބޭބެ
01 August 2024
މިހާރު ކަން ހިނގާގޮތަށް ބަލާއިރު ކުލާސްތަކުގެ މޮނިޓަރުންވެސް ނަގަން މިޖެހެނީ މިނިސްޓްރީން އަންގާކުދިން. ބޮޑުވަރުމީ! ސުކޫލުތަކަށް މިނިވަންކަން ދޭންޖެހޭ!
ޢަބުޖީބޭ
01 August 2024
ސުކޫލުން ކިތަންމެ ރަނގަޅަކަށް ކަންކުރިޔަސް ތަނެއް ދޮރެއް ނުދަންނަ ބެލެނިވެރިޔަކު ގުޅައިފަ ތިމާދަރިއަށް މަގާމު ނުލިބުނީމަ މިނިސްޓްރީއަށް ޝަކުވާކުރީމަ ބެލެނިވެރިން ދެކެ ގަންނަ ބިރެއްގެ ސަބަބުންތޯއްޗެ މިނިސްޓްރީން ކުޑަކަކޫ ޖަހާލާ އެފަދަ މީހުނަށް ސުކޫލު ބަދުނާމު ކުރަން ހިއްވަރުލިބޭގޮތަށް ވާހަކަ ދައްކާކަން ފާހަގަކިރެވޭ! ސުކޫލަށް މިފަދަ ކަންކަން ނިންމުމުގެ ފުރިހަމަ މިނިވަންކަން ނުލިބި ތައުލީމީދާއިިރާ އިސްލާހެއް ނުވާނެ.
ސުނާރު
01 August 2024
ބައެއް ޕޭރެންޓުންވެސް ދަނޑިދިގު އުދުޅިޔަކަށްވުރެ ނޮހޮރުއްޕާން ބޮޑީ، ސުކޫލް ކެޕްޓަނުންނަށް ހޮވަނީ، ޓީޗަރުންނާ މެނޭޖްމަންޓުން ބޭނުންވާ ކުދިން، އެކަމަށް ވަކިން ޓެސްޓް ހަދާ ނަތީޖާއަށް ބެލުން އެއީ މޮޔަކަމެއް. ޓެސްޓް ހަދާދުވަހު ކުއްޖާއަށް ދިމާވާ ހާލަތަކުން ކުއްޖާގެ ހުރި އަސްލު ފެންވަރު ނުފެނިދާނެ. އެހާލަތުގާ ކަމަށް އެންމެ ގާބިލުކުއްޖާއަށް ހެލްޕިން ހޭންޑެއް ދެވިދާނެ ކަމަށްފެނޭ.
ހިމޭން
01 August 2024
އެކަމަށް ޓެސްޓު ހަދާގޮތަށް ހަމަޖެއްސީ ބެލެނިވެރިންނެއް ނޫން.. އެއީ ސުކޫލުން އަމިއްލައަށް ހެދި ޤަވާއިދެއް.. އެހެންވީމަ އެއަށް ޢަމަލު ކުރަންވާނެ.. ޓެސްޓުގެ ނަތީޖާއާ ވޯޓުގެ ނަތީޖާއަށް ބަލާފަަ މި ހޮވަނީ.. އެހެންވީމަ ވާނުވާ ނުބަލާ މޮޅެތި ވާހަކަ ދައްކަން ނުހަދާ ހިމޭނުން ހުރޭ..
ބޭބެ 1
01 August 2024
ތިޔަ ޕްރިންސިޕަލް އަކީ އަބަދުވެސް ވައި ޖެހޭކޮޅަކަށް ކަންތައްކުރާ މީހެއް. މިމީހުން މިފަހަރު މައްސަލަޖެހިގެން މާލެ ގެންދިޔަ. ޕްރިންސިޕަލާ ޑެޕިއުޓީއާދެމީހުން ގެންގޮއްސަ ޕީއެސް މެންގެއަށް ގެންދިޔައީ. ގެންގޮއްސަބުނީ ތި ޤަވާޢިދު ބަދަލުކުރާށޭ. ދެން ބަދަލުކުރީ. ފަހުން މިނިސްޓްރީން މިއަހަނީ ކީއްވެހޭ ބަދަލުކުރީ. އެމީހުން ބުނީ ޕީއެސް ބުނެގެންނޭ. ޕީއެސްބުނީ އެމީހުން އޮފީހަށް ނުވެސް ގެންނަމޭ، ހީހީ ހަލާކު. އަނެއްކަ އޮތްގޮތަށް ހަދާށޭ. ކުށްވެރިވީ އެލްޓީ