ވެލާނާ އިންޓަނޭޝަނަލް އެއާޕޯޓްގެ އާ ރަންވޭގެ އަމަލީ މަސައްކަތް ރައީސް ޔާމީން މިއަދު ފައްޓަވައިދެއްވަނީ. ފޮޓޯ: ނިޝާން އަލީ /މިހާރު
27 ފެބުރުއަރީ 2017 - 09:15
25 comments
ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި، 400 މިލިއަން ޑޮލަރު ހަރަދުކޮށްގެން އަޅާ އާ ރަންވޭގެ އަމަލީ މަސައްކަތް ރައީސް އަބްދުﷲ ޔާމީން މިއަދު ހެނދުނު ފައްޓަވައި ދެއްވައިފި އެވެ.
އާ ރަންވޭ އެޅުމަށް ހިއްކި ސަރަހައްދުގައި ބޭއްވި ހާއްސަ ރަސްމިއްޔާތެއްގައި ރައީސް ޔާމީންގެ އިތުރުން މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ މެނޭޖިން ޑިރެކްޓަރު އާދިލް މޫސާ އާއި ވަޒީރުން ބައިވެރިވެވަޑައިގެންނެވި އެވެ.
ޗައިނާ އެގްޒިމް ބޭންކުގެ ލޯނު އެހީގައި ހަދާ 3،400 މީޓަރު ދިގު އަދި 60 މީޓަރު ފުޅާ އާ ރަންވޭގެ މަސައްކަތް ކުރަނީ ޗައިނާގެ އެންމެ ބޮޑު އެއް ކޮންސްޓްރަކްޝަން ކުންފުނި، ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އިންނެވެ. މި މަސައްކަތް އަންނަ އަހަރުގެ ތެރޭގައި ނިމޭނެ ކަމަށް އެމްއޭސީއެލް ބުންޏެވެ.
ވެލާނާ އިންޓަނޭޝަނަލް އެއާޕޯޓްގެ އާ ރަންވޭގެ އަމަލީ މަސައްކަތް ފެށުމަށް ބޭއްވި ރަސްމިއްޔާތުގައި ރައީސް ޔާމީން (މ) އަދި އެމްއޭސީއެލްގެ އެމްޑީ އާދިލް މޫސާ (ކ) އަދި މިނިސްޓަރު މުހައްމަދު ސައީދު އަދި އުއްތަމަ ފަނޑިޔާރު އަބްދުﷲ ސައީދު (ވ) ބައިވެރިވެވަޑައިގަންނަވަނީ. ފޮޓޯ: ނިޝާން އަލީ /މިހާރު
ދުނިޔޭގައި މިހާރު ގެންގުޅޭ އެންމެ ބޮޑެތި މަތިންދާބޯޓު ކަމަށްވާ އެއާބަސް އޭ 380 މަރުކާގެ ބޯޓު ވެސް ޖެއްސޭ ގޮތަށް ހަދާ އާ ރަންވޭގެ ބިން ހިއްކުމުގެ މަސައްކަތް ފެށީ މިދިޔަ އަހަރުގެ ޖުލައި 25 ވަނަ ދުވަހު އެވެ. އާ ރަންވޭގެ އިތުރުން މި މަޝްރޫއުގައި 45 މިލިއަން ލީޓަރުގެ ތެޔޮ ރައްކާކުރެވޭނެ ފިއުލް ފާމަކާއި 120،000 ޓަނުގެ ކާގޯ ފެސިލީޓީއެއް ހެދުން ވެސް ހިމެނެ އެވެ.
އާ ރަންވޭ އަޅާ ބީޔޫސީޖީން ބިން ހިއްކަން ފެށީ އެއް ޑްރެޖަރުންނެވެ. އަދި އެ ޕްރޮޖެކްޓަށް ފަހުން އިތުރު ދެ ޑްރެޖަރު ގެނެސް، އެއް ފަހަރާ ތިން ޑްރެޖަރުން އަންނަނީ ބިން ހިއްކަމުންނެވެ. މި މަސައްކަތް ނިމޭއިރު، އެއާޕޯޓުގެ ބިމަށް ގާތްގަނޑަކަށް 30 ޕަސެންޓް ނުވަތަ 62 ހެކްޓަރު އިތުރުވެގެން ދާނެ އެވެ.
ބިން ހިއްކުމުގެ މަސައްކަތް އަންނަ މަހުގެ ތެރޭގައި ނިމޭނެ ކަމަށް އެމްއޭސީއެލް އިން ލަފާކުރެ އެވެ.
އާ ރަންވޭގެ އަމަލީ މަސައްކަތް ފުރަތަމަ ކުރާނީ ދެކުނު ފަރާތުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަން އަވޭ
28 February 2017
ރަންވޭއެއް 400މ ޑޮލަރަށް، ބްރިޖެއް 250މ ޑޮލަރަށް؟ އަޑީގަ އެބޯޅެ ކޮންމެވެސް ގޯހެއް
މުޙައްމަދު
27 February 2017
މާލެ އިން ހުޅުލެއަށް އަޅާ ބްރިޖް 250 މިލިއަން ޑޮލަރު. ނަމަވެސް ތާރު އަޅައިގެން ހަދާ ރަންވޭއަށް 400 މިލިއަން ޑޮލަރު. ހަމަ ހުސް އަދީބު.
ޒައިން
27 February 2017
މާލޭ ޕްރޮޖެކްޓްތައް ނިންމާނެ ބުނާ ޑޭޓަށް ބުނާ ޑޭޓަށް ފަށާނެ
އުމަރު
27 February 2017
400 މިލިއަން ޑޮލަރު، މިއީ ބޮޑު އަދަދެއް، މީގެ ތަފްސީލް ދިވެހިންނަށް އެނގެން އެބަޖެހޭ، ކޮންޓްރެކްޓަރުންނާ ހަވާލުކުރި އަދަދުތަށް އެނގެން އެބަޖެހޭ، 400 މިލިއަން ޑޮލަރު ހަރަދުވާއިރު ދިވެހިންނަށް ތިޔައަދަދުން ލިބޭ ކޮންޓްރެކްޓްތަށް އެނގެން އެބަޖެހޭ، ދިވެހިންނަށް ތިޔަ 400 މިލިއަން ޑޮލަރު ހަރަދުކޮށްގެން އުފެދުނު ވަޒީފާ އެނގެން އެބަޖެހޭ، ތިޔަ 400 މިލިއަން ޑޮލަރު ޓެކުސްގެ ފައިސާއިން ހަރަދުކުރާއިރު ރާއްޖޭގެ ވިޔަފާރިވެރިންނަށް ތިޔައިން ލިބުނު ވިޔަފާރި އެނގެން އެބަޖެހޭ، މިފަދަ ކޮންމެ ބޮޑު ބިޔަ ޕްރޮޖެކްޓެއްގެ އަގު ކިޔާލާއިރު މިދަނީ ތަރިބުރައިގެން، އެކަމަކު މިއިން އެއްވެސް ޕްރޮޖެކްޓެއްގައި ދިވެހި ކޮންޓްރެކްޓަރުން ބައިވެރިނުކުރާ ހާލުގައި ދިވެހި ކޮންސަލްޓެންޓުންނާއި ދިވެހި ކިޔަވާކުދިންވެސް ބައިވެރިނުކުރޭ، އަދި މިއިން އެއްވެސް ޕްރޮޖެކްޓެއްގެ އަޑިނެއެނގޭ، އެއާޕޯޓް، ބުރިޖް، ފިނޭންސް ބިލްޑިންގް، އައިޖީއެމްއެޗް އިމާރާތް، ނަސަންދުރާ، ހުޅުމާލެއިން ހިއްކި ބިން، ރައްރަށުގައި އަޅާ ނަރުދަމާ، ރައްރަށުގައި ކުރާ މަސައްކަތް، މިއިން އެއްވެސް ޕްރޮޖެކްޓެއްގެ ދެފުއް ނުފެނޭ، އަދި ބޮޑެތި އަދަދުޖަހާފައި މިގެންނަނީ ރައީސް ޔާމީނުގެ ޕޯސްޓަރުތަކެއް، މިއީ އޮޑިޓަރުން އަދި އިދކޮޅު ޕާޓީތަކުން ބަލައި ދިރާސާކުރަންޖެހޭ ކަންކަން، އަދި ރައްޔިތުންނަށް ސާފްކޮށްދޭންޖެހޭނެކަންކަން
ޔާންބޯ
27 February 2017
މިއަނެއްކަާ ހަގީގަތެއްބާ!
ޒާ
27 February 2017
ތަރައްގީ ގެނެސްދޭން އުޅޭ ވެރިއަކަށް މި ކަންވާނީ. މީގެ ކުރީން މިރާއްޖޭގައި ވެރިކަން ކުރި އެއްވެސް ވެރިއަކު ތަރައްގީގެ ބިޔަ މަސްރޫޢުތައް މިހާ ގިނައިން އެއްފަހަރާ ހިނގާތަން ފެނިފައިނެތް.
އައްޑޫ ރަދުން
27 February 2017
ކޮބައިހޭ އައްޑޫއަށް ގެންނަން ބުނި ތަރައްގީ ރާއްޖޭގަ އޮތީ މާލެ އެކަނިތަ.....؟ކޮބައިހޭ 1 އަހަރުތެރޭ ގެންނަން ބުނި 5000 އެނދު..ބަލަ އަހަރުމެންގެ ކަންތަށްވެސް ޗައިނާ ހަވާލު ކޮއްބަލަ.ހަމައެކަނި މާލެ މާލެ ކިޔަކަސް ރަނގަޅެއް ނުވާނެ.އައްޑޫ މީހުންނަކީ ފާޑެއްގެ ބައެއް ހަމަ މިހެންތިބެފަ މިނިވަންކަންވެސް އިއުލާލު ކޮއްފާނެ...
ސައްޕު
27 February 2017
ދިވެހިރާއްޖޭގައި އޮތީ ހަމަ އެކަނި އައްޑޫތަ؟ މިހާރުވެސް މާލެ ފިޔަވާ އެންމެ ތަރައްގީވެ ހުރިހާ ސަރުކާރަކުން ވެސް އެންމެ ގިނަ ވަސީލަތްތައްވެސް ފުރިހަމަކޮށްދީފައި ހުރީ ވެސް އައްޑޫގައި! ކޮބާ މާލެއަށް ވުރެ އެތައް ތަނެއް ޑިޔުޓީކުޑަކޮށް އެތެރެކުރާ ކާރުތަކުން ނަގާފައިދާ! އަހަރުމެން އުޅޭ މާލޭން އުތުރަށް ޖައްސާލަބަލަ! އެހެންނޫނަސް ދެން ތިޔަ ބުނިކަންތައްވެސް 1950 ގައި، ބޮޑު ފުލޮޕަކަށް ވިޔަސް ވެސް އޮތީ ކޮށްފައި!
Kaanal
27 February 2017
ބޭނުމީ ރަންވޭއެއްނޫން. ތަރައްގީއެއްވެސް ނޫން. ބޭނުމީ ޢަދުލު އިންސާފު ގާއިމުވުން. މިނިވަން މުއައްސަސާތަކުން އޮބިއެޅުން ފިލުވާލުން. މިނިވަންކަމާއެކު ހިތްހަމަޖެހުމާއެކު ވަޒީފާގާ އުޅެވޭނެ މާހައުލެއް. ސަޢުދު ގަބީލާގެ އަޅުންނަށް ނުވެ މި ގައުމުގާ އުޅެވުން. އެއަށްފަހު ތަރައްގީ.
ބާނަ؛ލް
27 February 2017
ތިކަން ފުރިހަމަ ވެފައި ތަރއްގީވާން 500 އަހަރު ނަގާނެ. ތިހާ ލަހުން ލިބޭ ތަރައްގީއެއް ބޭނުމެއް ނޫން.
މެންޓަލިސްޓް
27 February 2017
400 މިލިއަންޑޮރުގެ ލޯނެއްއަނެއްކާ ތިޔައެޅުނީ ރައްޔަތުންގެ ބޮޅުގައި ، މިހާރުވެސް ޓީބިލްއާޢި ބޮންޑްވިއްކައިގެން އޭގެ އިންޓަރެސްޓުން މިއުލޭނީ ރައްޔަތުން ސަލާމަތްނުވެވިގެން ، އަނެއްކޮޅުން ދައުލަތުން 1.2ބިލިއަން ވަނީ ސަރުކާރުން އެމީޙުންގެ ޖީބަށް ޖަހައިލައިފައި ،،،،،، ވީމާ ގައުމުމިއޮތީ އިގްތިސޯދީގޮތުން ވަރަށް ހާލުގައި ކަމަށް ބުނެވެން އޮތީ ،،،، ހުރިހާވެސް ބަރޯސާއެއް އޮތީ ސައޫދީ ސަރުކާަރަށް އެމީހުންއަތުން ފައިސާކޮޅެށް ނުލިބިއެއް ދެނެއް ކުރިއަކަށް ދެވޭކަށްނެތް ،، ވަރަށްވެދުން
އެހާރާއި މިހާރު
27 February 2017
އާންމު ގޮތެއްގައި ބިލް ވިއްކަނީ 1. ކުރީގައި ވިއްކާފައި ހުރި ބިލްތަކަށް ޕޭ ކުރަންް 2. އަހަރު ތެރޭގައި ލިބޭނެކަމަށް ލަފާ ކުރާ އާމްދަނީ، އެކައުންޓަށް ވަނުމުގެ ކުރިން އެފައިސާއިން މަޝްރޫޢުތަކަށް ހަރަދު ކުރަން. ފައ 3. އިކޮނޮމީގައި ރޯލްވާ ފައިސާ މަދު ކުރުމަށްޓަކައި
ހަސަނު
27 February 2017
ކޮބާތަ ބިންލާދީން ގުރޫޕުން ހަދާ ޓާމިނަލް...
ރަދީފް
27 February 2017
ތިގޭގެ ވަލުފަރާތަށް ނުކުމެ ބެލީމަ ފެންނާނެ. ލޮލް