އެމްޑީޕީ ގައުމީ މަޖިލީހުގެ ޖަލްސާގައި ފައްޔާޒު ވާހަކަ ދައްކަވަނީ: ބީއެމްއެލްގެ ނިންމުމަކީ ސަރުކާރަށް އެނގިގެން ނިންމި ނިންމުމެއް ކަމަށް އޭނާ ވިދާޅުވޭ.
25 އޯގަސްޓް 2024 - 23:11
34 comments
ރާއްޖޭގެ މާލީ ނިޒާމްގެ މިނިވަންކަން މި ސަރުކާރުން ނަގާލާފައިވާ ކަމަށް އެމްޑީޕީގެ ޗެއާޕާސަން އަދި ކުރީގެ އިކޮނޮމިކް މިނިސްޓަރު ފައްޔާޒު އިސްމާއިލް މިރޭ ވިދާޅުވެއްޖެ އެވެ.
ބީއެމްއެލް އިން މިއަދު ވަނީ ރުފިޔާ ކާޑުތަކުން ޑޮލަރުގެ މުއާމަލާތް ނުކުރެވޭ ގޮތަށް ހަދައިފަ އެވެ. އެ ނިންމުމާ އެކު އާއްމުން ކަންބޮޑުވުންފާޅުކުރަން ފެށުމުން ބީއެމްއެލް އިން ވަނީ ކާޑު ލިމިޓަށް ގެނައި ބަދަލު އުވާލައިފަ އެވެ.
އެ ބަދަލު އުވާލިކަން އިއުލާންކުރީ، ސަރުކާރުން ބީއެމްއެލްއާ އެކު މިއަދު ބައްދަލުވުމެއް ބޭއްވި ފަހުންނެވެ. އެ ނިންމުމަކީ ސަރުކާރާ އެކު މިދިޔަ ޑިސެމްބަރުން ފެށިގެން ހިނގަމުން އައި މަޝްވަރާތަކާއި ލަފާތަކާ ޚިލާފަށް ބީއެމްއެލް އިން އެޅި ފިޔަވަޅެއް ކަމަށާއި އެ ބޭންކުގެ ކަންބޮޑުވުންތައް މަރުކަޒީ ބޭންކާ އެކު ހައްލުކުރަމުން އަންނަ ކަަމަށް ރައީސް އޮފީހުގައި ހަތަރު ވަޒީރުން މިއަދު ބޭއްވި ނިއުސް ކޮންފަރެންސެއްގައި، އިކޮނޮމިކް މިނިސްޓަރު މުހައްމަދު ސައީދު ވަނީ ވިދާޅުވެފަ އެވެ.
ބީއެމްއެލް އިން އެޅި ފިޔަވަޅާ ގުޅޭ ގޮތުން އެމްޑީޕީން މިރޭ ބޭއްވި ގައުމީ މަޖިލީހުގެ ކުއްލި ޖަލްސާގައި ފައްޔާޒު ވިދާޅުވީ ބީއެމްއެލްގެ އެ ނިންމުމަކީ ސަރުކާރަށް ނޭނގި، "ބަޣާވާތެއް" ކުރުން ކަމަށް ބުނުމަކީ ހަމަޖެހޭ ވާހަކައެއް ނޫން ކަމަށެވެ.
"ނޫން.. ނޭނގި ކިހިނެއްތޯ އެވަރު ކަމެއް ކުރާނީ. ރޭ މުޅި ސޯޝަލް މީޑިއާގައި އެ ވާހަކަ ދެކެވެމުން ދިޔަ. ކީއްވެތޯ ފިނޭންސް މިނިސްޓަރާއި ރައިސުލްޖުމްހޫރިއްޔާ އެކަމަށް ހައްލެއް ހޯދަން ނޫޅުއްވީ. ބީއެމްއެލްގެ ޑިރެކްޓަރުންގެ ބޯޑުގައި ގިނައީ ސަރުކާރުގެ ބޭފުޅުން. ސަރުކާރުން ބޭނުންވާ ގޮތަކަށް ވޯޓު ދެއްވާނެ،" ފައްޔާޒު ވިދާޅުވި އެވެ.
ފައްޔާޒު ވިދާޅުވީ ބީއެމްއެލްގެ ނިންމުން ބަދަލުކުރީ ރައްޔިތުން ކެކިއެރުމުން ކަމަށާއި އަދި އޭގެ ހުރިހާ އިލްޒާމެއް ބީއެމްއެލްގެ ބޮލުގައި އަޅުވަން ސަރުކާރުން މަސައްކަތް ކުރަމުންދާ ކަމަށެވެ. މިއަށް ވުރެ ވެސް ކަންބޮޑުވާން ޖެހޭ ކަމަކީ މާލީ ނިޒާމްގައި އޮތް މިނިވަންކަން މި ސަރުކާރުން ނަގާލުން ކަމަށް އޭނާ ވިދާޅުވި އެވެ.
"ސިޔާސީ މަގާމުތަކުގައި ތިބޭ މީހުން ބޭންކްތަކުގެ ބޯޑަށްލުން. އެއީ ވަރަށް ނުރައްކާތެރި ކަމެއް،" ފައްޔާޒު ވިދާޅުވި އެވެ.
"އަނެއްކާ މިއަދު އެ ވިދާޅުވީ ތިމަންނާ އަންގައިގެންނޭ ބީއެމްއެލްއިން ނިންމުން ބަދަލުކުރީ. އެމްއެމްއޭ އިން ނުކުމެ އެ ބުނީ ތިމަންނަމެން މިހެން އެންގީއޭ. އެއީ ވަރަށް ބޮޑު ގޯހެއް."
ފައްޔާޒު ވިދާޅުވި ގޮތުގައި ރާއްޖޭގެ އިގުތިސޯދު މި ހާލަތުގައި އޮއްވައި، މާލީ ނިޒާމްގައި މިނިވަންކަމެއް ނެތް ކަމުގެ ސިގްނަލް ދުނިޔެއަށް ފޮނުވުމަކީ ވަރަށް ނުރައްކާ ކަމެކެވެ. މާލީ ނިޒާމަށް އޮތް އިތުބާރު ގެއްލޭ ކަމަށްވާ ނަމަ އޭގެ ގެއްލުން ވަރަށް ބޮޑުވާނެ ކަމަށް ވެސް ވިދާޅުވި އެވެ.
އިގްތިސާދު މި ހާލަތަށް ވެއްޓުނީ ބޮޑު އަދަދުން އެމްޑީޕީގެ ވެރިކަމުގައި ނެގި ދަރަންޏާއި މާލީ އިދާރާތަކުގެ ލަފަޔާ އެއްގޮތަށް ދައުލަތުގެ ހަރަދުކުޑަކުރުމުގެ ފިޔަވަޅުތައް ނޭޅުމުން ކަމަށް މި ސަރުކާރުން ބުނަމުން ދަނިކޮށް، ފައްޔާޒް ވިދާޅުވީ ރާއްޖެ މިއޮތް ހާލަތުން އަރައިގަންނަން، ކުރިއަށް ދާން އެއްވެސް ވިސްނުމެއް، ޕްލޭނެއް މި ސަރުކާރުގައި ނެތް ކަމަށެވެ. އެހެންކަމުން، އިދިކޮޅު ޕާޓީއެއްގެ ގޮތުގައި ސަރުކާރު ޒިންމާދާރުކުރަން އެމްޑީޕީން ވަަރަށް ބޮޑު ދައުރެއް އަދާ ކުރަން ޖެހޭ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިލްމީީ
27 August 2024
ފައްޔާޒް އަޑީގަ ހުރެގެން ހަޑިހާވާފަ އަތަށް ގޮވީމާ މިހާރު ކޮން ބަހަނާއެއް ދައްކާކަށް. އެތަށް ބިލިޔަނަކުން ފައިދާވާ ކުންފުންޏަކަށް ލިބޭވަރު ކުޑަ ވެގެންތަ މިއުޅެނީ. މިކަން ކުރީ ހަމަ ފައްޔާޒްގެ އަމުރަށްކަން އެތަށް ބަޔަކު މިޔަދު ގަބޫލްކުރޭ.
ޤާނިމްް
27 August 2024
އެމްޑީޕީގެ ވެސް ހަލާކަކީ ފައްޔާޒް. މިޔަދު އެމްޑީޕީ ތެރެއިންވެސް ތިދައްކާ ވާހަކަ ގަބޫލްކުރާ މީހުން އެހާމެ މަދުވާނެ. އިސްތިއުފާދީފަ މަހަށްދޭ.
ބޮޑުއީސަގެއާދަނު
26 August 2024
ފައްޔާޒު ދެދުވަހުން އެއްދުވަހު ކޮންހާ ކަހެރުވަކެކޭބާ ތިކިޔަނީ. ތިވާހަކައެއްގެ އަޑުއަހާ ވިސްނާ ފިކުރުކުރާނެ ބަޔަކުނެތް. ރައްޔިތުންގެ އިތުބާރުގެއްލި ވެރިކަމުން ބައިލާފަ ތިބިބަޔަކުގެ ފިތުނައިގައެއް ނުޖެހޭނެ. އެމްޑީޕީން މުޅިގައުމު ލުޓުވާލާ ހުޅުމާލޭން ގޯތިބަހާލި މީހުންނަށް ވަކިން ލިޔެފަ ފޮނުވައިލާ ބަހީ
ދަޑިއަލުވިއިބުރާހިމްފުޅުބެ
26 August 2024
ފައްޔާޒުމެން ފަސްއަހަރަށް މުޅިގައުމުގެ ބާރުވެރިކަމުގައި ތިބެފީމު. މާލީނިޒާމެއް ނެތްތާ އެއްކަމެއްނުވެ ގައުމު ކޮރޮޕްޓުކޮށް އަތުޖެހުނު އެއްޗެއްނެގީ.ގައުމުގެ އަގުހުރި ބިންތައް ވަކިބަޔަކަށް ބައިއަޅާބަހާލީ. ރައްޔިތުން ނިކުމެ ވެރިކަން ނަގާއެއްލާލީމަ ދެން ތިޔަހެން ކިޔާފިތުނައެއް އަޑުއަހާނީ ކޮންބައެއް. ހަމައެކަނި ތިޔައުޅޭ ކުޑަ ގުރޫޕަކުން ދެތިންމީހަކު. އެވަރަކުން ނުވާނެއެއްނޫން. މާލީ ނިޒާމުގެ މިނިވަންކަން ގެއްލުނީމަ ރައްޔިތުންނަށް އިގޭނެ.
ބީރުބޮލް
26 August 2024
ކަލެއަށް މާލީ ނިޒާމު އިނގޭވަރުން ގައުމު މިހާލަތަށް ވެއްޓިފަ މިއޮތީ. އަމިއްލަ ވިޔަފާރި ބަނގުރޫޓު ވެފަ އެއޮތީ. ފައިސާ ޗާޕުކޮށް ރައްޓެހިންނަށް ބަދަލޭ ކިޔާ ދިނީ. ބިލިއަނުން ޓެކްސް މާފުކޮށްފަ ފޭބީ. މިކަހަލަ ދައްކާ ވާހަކަ އަށް އަތް ޖަހާ މީހުންވެސް މަދެއް ނޫން.
އަޅި އަލީ
26 August 2024
ކުޑަކޮށް ވާހަކަ މަދުކޮއްލާފަ މި 5 އަހަރު އަރާމު ކޮއްލަން ގޭގަ މަޑުކޮއްލާ! މިވެރިންނަށް ނުވެއްޖިއްޔާ އަންނަ ދައުރުގަ ގޮވާލަނަން! މަޑުމަޑުން އަރާމު ކޮއްލަ ގޭގަ ހުރެލާ! ފައްޔާޒުއަށްވެސް ނުވީމަ ތިހުރީ އެކަހެރި ކޮއްފަ! މިވެރިންނަށްވެސް ނުވިއްޔާ އެކަހެރި ކުރާނަނަ!
ވިކްޓަރީމީހުން
26 August 2024
ފައްޔާޒޫ!!!! ހިންގާލާ މީހަކު އެބަފެނޭތަ. ނުވިއްޔާ އިސްތިއުފާ ދޭނަމެކޭ ނުބުނެ. ނުވިކަންކަން ކުރަމުން އެހެރަދަނީ. ތިމީހުންގެބަހެއް އަހައިގެން ހުރިހާ ކަމެއް ފުލުންދާނީ. ފާޑުކިޔާނީ ކާމިޔާބުވެ ނަތީޖާ ނެރެދީފަ ތިބިމީހުން. ތިމީހުން ހައްޕު ކިޔާބަލަ
ހޭލާފަވަނީ
26 August 2024
ގަުއުމުގެ ކަންކަމަ ވާހަކަ ދައްކަން މޑޕ އަކީ މުހިންމު ބައެއް ނުން ކަން 2 ބުރުން އެގިފަ ވަނީ.
ކަށަވަރު
26 August 2024
ކުރިމަތިލީ ހުރިހާ އިންތިޚާބު ތަކުން ފޭލްވީއެވެ. ހިންގާލާ ޓީމުހެދި އިސްވެރިޔާ އެމްޑީޕީ ރަގަޅަށް ހިންގާލާފިއެވެ. އެމްޑީޕީ މެމްބަރުން އެބުނަނީ އަވަހަށް އިސްތިއުފާ ދޭށެވެ. ލީގަލް މީހަކު އިކޮނޮމިކް މިނިސްޓްރީގައި ހުރެ ގަވާއިދާ ޚިލާފަ އުޅުނު މީހުން ހޯދާ ބޭރުކުރާނެކަމަށްބުނެ އަދި މަގާމުން އިސްތިޢުފާ ދޭނަމޭކިޔާފައި އިސްތިއުފާނުދީ އަގައަރުވަނިކޮށް ރައްޔިތުން ނިކުމެ މަގާމުން ބޭރުކުރީއެވެ. ސިޔާސީ ވާހަކަ ދައްކާނީ ސިޔާސަތަކީ ކޮންއެއްޗެކަށް އެގޭނަމައެވެ.
ނޯ ޓު ފައްޔާޒް
26 August 2024
ސަރުކާރު ޖަވާބުދާރީ ކުރުވަން ބޭނުމިއްޔާ ފުރަތަމަ އެންމެ ބޮޑު އިދިކޮޅު ޕާޓީ އެކްޓިވް ވާންޖެހޭ. ފައްޔާޒް އަކީ ޓެސްޓު ކުރެވި ފެއިލްވެފަ ހުރި މީހެއް. ޖަވާބުދާރީ ކުރުވާ ވާހަކަ ނުދައްކާ ފައްޔާޒް އިސްތިއުފާދީފަ ގެޔަށްދޭ. 2028 ރައީސް ކަން ބޭނުންވެގެން ފައްޔާޒް ތިއުޅޭ ގޮތުން ދިވެހިންނަށް ވާ ގެެއްލުން ވަރަށް ބޮޑު.