ފޮޅައި ސާފުކުރުމުގެ ވަޒީފާތަކަށް ޑިގްރީ ފެންވަރުގެ ބައި ލައްކަ މީހުން ކުރިމަތިލައިފި

އިންޑިއާގެ އުއްތަރް ޕްރަދޭޝްގައި އެމްޕްލޯއިމަންޓް އެކްސްޗޭންޖް އޮފީހެއްގައި މީހުން ރަޖިސްޓްރީވުމަށް މާޗް 22، 2012 ގައި މީހުން ކިއޫ ހަދައިގެން: އިންޑިއާގައި ދަނީ ވަޒީފާ ނުލިބުމުގެ މައްސަލަ ބޮޑުވަމުން. -- ފޮޓޯ: އޭޕީ

06 ސެޕްޓެމްބަރ 2024 - 07:34

13 comments

އިންޑިއާގެ ހަރިޔާނާގައި ސަރުކާރުގެ އޮފީސްތައް ފޮޅައި ސާފުކުރުމުގެ ވަޒީފާތަކަކަށް އިއުލާނުކުރުމުން ކުރިމަތިލި މީހުންގެ ތެރޭގައި ޑިގްރީ ފެންވަރުގެ ބައި ލައްކައަށް ވުރެ ގިނަ މީހުން ހިމެނޭ ކަމަށް ބުނެފި އެވެ.

އިންޑިއާގެ މީޑިއާ ރިޕޯޓްތައް ބުނާ ގޮތުގައި ސަރުކާރުގެ އޮފީސްތަކާއި ކުންފުނިތަކާއި އެހެން ބައެއް އިދާރާތަކުގައި ކުނިކަހައި ފޮޅައި ސާފުކުރުމުގެ ވަޒީފާތަކަށް އިއުލާނުކުރުމުން 120،000 މީހަކު ވަނީ ވަޒީފާއަށް ކުރިމަތިލައިފަ އެވެ. އޭގެ ތެރޭގައި 46،000 އަށް ވުރެ ގިނަ މީހުންނަކީ ޕޯސްޓްގްރެޖުއޭޓް މީހުންނެވެ. އަދި ގްރެޖުއޭޓް ފެންވަރުގެ 6،000 މީހުން ހިމެނެ އެވެ.

މި ވަޒީފާގެ ޒިންމާތަކުގެ ތެރޭގައި ކުނިކަހައި ފޮޅައި ސާފުކުރުމުގެ އިތުރުން އާންމު ތަންތަނުގައި ބަހައްޓާފައި ހުންނަ ޑަސްބިންތައް ހުސްކޮށް ސާފުކުރުން ވެސް ހިމެނެ އެވެ.

މި ވަޒީފާތަކަށް ކުރި އިއުލާނުގައި، ބޭނުންވަނީ ކިހާ އަދަދެއްގެ މީހުންނެއް ކަމެއް ބުނެފައެއް ނުވެ އެވެ.

ހިންދުސްތާން ޓައިމްސް އަށް ވާހަކަ ދެއްކެވި ހަރިޔާނާ ސްޓޭޓްގެ އޮފިޝަލަކު ވިދާޅުވެފައިވާ ގޮތުގައި މިއީ ކޮންޓްރެކްޓް ވަޒީފާތަކެކެވެ. މި ވަޒީފާގައި މުސާރަ އަކީ މަހަކު ގާތްގަނޑަކަށް 15،000 ރުޕީސް ކަމަށް އޮފިޝަލް ވިދާޅުވި އެވެ.

އޭނާ ވިދާޅުވީ މަތީ ތައުލީމު ހާސިލްކޮށްފައިވާ ގިނަ އަދަދެއްގެ ބަޔަކު މި ވަޒީފާތަކަށް ކުރިމަތިލީ އޮޅުމަކުން ކަމަށް ނުބެލެވޭ ކަމަށާއި ވަޒީފާއަށް ކުރި އިއުލާނުގައި ތަފްސީލްތައް ހުންނާނެ ކަމަށެވެ.

ބިޒްނަސް ސްޓަޑީޒްގެ ޕޯސްޓްގްރެޖުއޭޓަކު ހިންދުސްތާން ޓައިމްސްއަށް ބުނީ އޭނާ އާއި އަނބިމީހާ ވެސް ވަޒީފާއަށް ކުރިމަތިލާފައިވާ ކަމަށެވެ. އަނބިމީހާ އަކީ ތަޖުރިބާކާރު ޓީޗަރެއް ކަމަށާއި އެކަމަކު އަމިއްލަ ސްކޫލްތަކާއި ކުންފުނިތަކުން މަހަކު 10،000 ރުޕީސް ވެސް ލިބެނީ ކިރިޔާ ކަމަށް އޭނާ ބުންޏެވެ.

އިންޑިއާގައި ވަޒީފާ ނުލިބުމުގެ މައްސަލަ މިހާރު ބޮޑުވަމުން ދާއިރު، ފޮޅައި ސާފުކުރުމުގެ ވަޒީފާއަށް ކުރިމަތިލި ބައެއް މީހުން ބުނެފައި ވަނީ މިއީ އެހެން ގޮތެއް ނެތިގެން ކުރިމަތިލި ވަޒީފާއެއް ކަމަށެވެ.

އިންޑިއާ ވަޒީފާ

13 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވައުދާ

08 September 2024

އެމީހުން ނޫޅޭ ޑިގްރީ ގަނޑެއް ލިބުނޭކިޔަފަ ހިތްމޮޅުވެގެންނެއް. ދިވެހިން ނޭ އެފާޑަށް އުޅެނީ. އެމްޑީ ކަން ނޫނީ ބޭނުމެއްނޫން ގޮވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގުބޯ

07 September 2024

ފޭކް ޑިގްރީ ގިނަ ވާނީ ތިތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޑިހަނު

07 September 2024

ދިވެހި ރާއްޖޭގަ ބޭނުންހާ ގޮތަކަށް ބޭރުގެ މީހުންނަށް ޓެކްނިކަލް ވަޒީފާތައް އަދާ ކުރަން ހުރަހެއް ނެތުމުން ދިވެހިން މިވަނީ މިޤައުމުގަވެސް ބިކަވެފަ. ދެން މިފެންްނަނީ މިތާނގެ ވަޒީފާތަކަށް އިންޑިއާއިން އަގުހެޔޮކޮށް ގެންނަތަން. އަސްލު މިޤައުމުގެ މުހިއްމު ޖޮބުތައް އެބަޖެހޭ ހިފެހެއްޓެން ބޮޑު މުސާރަ ދީގެން ވިޔަސް ދިވެހި ދަރިންގެ އަތުގައި. މިކަންކަން ނުކޮށް ރައީސްމީހާ އަދި ޤައުމިއްޔަތޭ ގޮވިޔަސް ކަމަކުނުދާނެ! ތިއޮތީ ސުޕާރމެޖޯރިޓީވެސް ދީފަ. ނޯ އެކްސްކިއުޒަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Hussain Waheed

07 September 2024

ދިވެހިންނަކަށް މިހާލުޖެހިގެންނުވާނެ.ވަޒީފާ އެބަހުރި ބިރުކަނޱާފަ ވިޔަފާރިވެރިން ދިވެހިންނަށް އުޅެލެވޭވަރުގެ އުޖޫރަ ދޭންޕުރެކްޓިސްކުރންވި،އޭރުން ޓީމުވަރުގަދަވާނެ. ސަރުކާރުން ހުރިިހާ އަމިއްލަ ކުންފުނިތަކަށް ދިވެހިންގެ 70 ޕަސަންޓު ހަދަން މަޖުބޫރުކުރަންވި،އޭރުންވެސް ޑޮލަރު ސޭވްވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

06 September 2024

ރަގަޅު ނުން؟ ދިރި އުޅުމަށް ކުރާ ކޮންމެ ހަލާލު މަސައްކަތަކީ ޝަރަފުވެރި މަސައްކަތެއް. ހުރިހާ މަސައްކަތެއްގަ ތިބެންވީ ކިޔަވައިގެން ތިބި މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިލްބާއޯ

06 September 2024

އަދިވެސް ދިވެހިން ހޭއަރާކަށްނުވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަލްޕަލް

06 September 2024

ރަށްރަށުގައިވެސް ޖެހެނީ ތިޔަ ހާލު، ޑިގުރީ ނިންމާފަ އައީމާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީކީ

06 September 2024

ބަލަ ރަށެއްގެ އާބާދީގެ އެއްކޮށް ޑިގްރީ ހަދައިގެން އައީމަ އެ ރަށަކުން ކިހިނެއްބާ ހުރިހާ އެންމެނަަށް ކައުންސިލްގެ ސެކްރެޓެރީ ޖެނެރަލްކަންދޭނީ،، ރަށެއްގައި ވަޒީފާވެސް ހުންނާނީ ވަކި ވަރަކަށްދޯ، ކިޔަވާ ނިންމާ ކޮންމެ މީހަކަށް ސަރުކާރުން ވަޒީފާއެއްވެސް ނުދެވޭނެ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

06 September 2024

ރަށަށް ނުދެވެނީ އެހެންވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިޔާލީ އަލީ

08 September 2024

ރަށްރަށު މީހުން ބޯދާ ވިސްނުމުގެ ސަބަބުން މި ގައުމު ކުރިއަށް ނުދަނީވެސް، ފުރަތަމަ ކަމަށް ރަށްރަށުގަ އޮންނާނެ ދެ އާއިލާގެ ވާދަ، ދެ އަވަށުގެ ވާދަ، އެކަކު އަނެކަކަށް ސިހުރުހަދާ އެސްފީނާއެޅުން އެއީ އެންމެ ބޮޑަށް ކުރާ ކަންތައް، މާލެ އައީމާ ކޮންމެ މީހަކަށް ވިޔަފާރި ކުރެވޭ، ވަޒީފާގަ އުޅެވޭ، އެއީ މީތާ ނޯވޭ މީހުންނާ ޒާތީވުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލި

06 September 2024

އުމުރުގެ ބޮޑުބައެއް ފޮތެއްގަ ހުރި މައުލޫމާތުތަކެއް ދަސްކުރުމަށް ނަގާލުމަކީ މޮޔަކަމެއް.އިންސާނެއްގެ މަސައްކަތް ކުރެވޭ އުމުރު ކުރު، އެމުއްދަތުގެ ބޭނުން ރަނގަޅަށް ނުހިފި އުޅެނިކޮށް މުސްކުޅިވެ ބަލިކަށިވެ ދިޔުމަކީ ހިތާމައެއް.ކިތަންމެ ފޮތެއް ކިޔަސް އެންމެނެއް މޮޅެއް ނުވާނެކަން ދެނެ ކޮންމެވެސް ކަމެއް ކުރުން ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޑިއާސޮރު.

06 September 2024

މުޅިދުނިޔެ މިއޮތީ ކަރުދާސްކޮޅަކަށް އަޅުވެތިވެފަ. ވިޔަފާރިވެރިންގެ ވިޔަފާރި ހުރިހާވެސް އެއްޗަކީ. އެމީހުންގެ ކޮލެޖުތަކާއި ޔުނިވަރސިޓީތަކާއި ހޮސްޕިޓަލްތަކާއި ކުލިނިކުތަކަށް ކުރާހާ މަސައްކަތެއް. މިހާރު ދަންނަބޭކަލަކަށް ވެވެނީ ވެސް އެކަހަލަ ކަރުދާސްގަނޑެއް ލިބުމުން، ވަރިހަމަ ބުއްދީގެ ބައިކުޅަބައި މަދަސް.