ޒަކިއްޔާގެ މަރުގެ ތަހުގީގަށް ޕޮލިހުންގެ ޓީމެއް ހޮޅުދޫއަށް ދަނީ

ޒަހަމްތަކަކާ އެކު މަރުވެފައި އޮއްވައި ފެނުނު ޒަކިއްޔާ

މާއިދާ މުހައްމަދު ރަޝާދު، މިހާރު

10 ސެޕްޓެމްބަރ 2024 - 14:28

ނ. ހޮޅުދޫގައި ޒަހަމްތަކަކާ އެކު މަރުވެފައި އޮއްވައި ފެނުނު ޒަކިއްޔާ މޫސާގެ މަރުގެ ތަހުގީގަށް މާލެއިން ފުލުހުންގެ ޓީމެއް އެރަށަށް ދާން ފުރައިފި އެވެ.

ފުލުހުން ބުނީ އުމުރުން 50 އަހަރުގެ ޒަކިއްޔާގެ މަރުގެ މައްސަލައިގެ ތަހުގީގަށް ދަނީ ހާއްސަ ތަހުގީގު ޓީމެއް ކަމަށެވެ.

ފުލުހުން ބުނި ގޮތުގައި ޒަކިއްޔާ މަރުވެފައި އޮއްވައި ފެނިގެން ރިޕޯޓުކޮށްފައި ވަނީ ހެނދުނު 10:00 ހާއިރު ކަމަށެވެ.

މީޑިއާތަކަށް ފުލުހުން ފޮނުވި މެސެޖުގައި ބުނީ އެކަމުގެ ރިޕޯޓު ލިބިގެން އެ މީހާ ހޮޅުދޫ ހެލްތު ސެންޓަރަށް ގެންދިޔަ އިރު ވެސް އޭނާ މަރުވެފައިވާ ކަމަށް ހެލްތު ސެންޓަރުން ބުނި ކަމަށެވެ.

ފުލުހުންގެ ހާއްސަ ތަހުގީގީ ޓީމެއް އެރަށަށް ދަތުރުކުރަމުން ދާއިރު މިވަގުތު ވެސް ރަށުގައި ފޮރެންސިކް ޓީމެއް އަންނަނީ ހަރަކާތްތެރިވަމުންނެވެ.

އެކަމާ މަރާ ގުޅިގެން އިތުރު މައުލޫމާތެއް ފުލުހުން އަދި ހާމައެއް ނުކުރެ އެވެ. ނަމަވެސް އެރަށުން "މިހާރު" އަށް ވާހަކަ ދެއްކި މީހަކު ބުނި ގޮތުގައި ޒަކިއްޔާ މަރުވެފައި އޮއްވައި ފެނުނީ ގޭގެ ކުނި ނަގަން ގޭތެރެއަށް ވަން ބިދޭސީންތަކަކަށެވެ. އޭރު އޭނާ ވެއްޓިފައި އޮތީ ގޭގެ ބަދިގެ ފަރާތުގައި ހުންނަ ގުދަނެއް ކައިރިއަށެވެ.

"މަސް ކަނޑަން ގެންގުޅޭ ބޮޑު ވަޅިއެއް ކައިރީގައި އޮތް. ކަރުގައި ވަރަށް ބޮޑަށް ވަޅި އަޅާފައި ހުރީ،" އެ މީހާ ބުންޏެވެ.

UPDATE: Zakiyyaa maruvefai oiy iru kaireega bodu valhi eh oiy

The most trusted news source in the Maldives

Mihaaru

ޒަކިއްޔާ މަރުވި އިރު ފިރިއަކާއި ދެ ކުދިންގެ އިތުރުން މާމަ ދަރިން ވެސް ތިބެ އެވެ. އޭނާއަކީ ނަފްސާނީ މައްސަލައެއް ހުންނަ މީހެއް ކަމަށް ރަށު ތެރޭގައި ވާހަކަ ދެކެވުނަސް އެކަމަށް އެއްވެސް ފަރުވާއެއް ހޯދަމުން އައި ކަމެއް ސާފެއް ނޫނެވެ.

މިދިޔަ އަހަރު އުމްރާގެ އަޅުކަން ވެސް ފުރިހަމަކޮށްފައިވާ ޒަކިއްޔާގެ އާއިލާ އަކީ ރަށުގައި ފުދިގެން އުޅޭ ތަނަވަސް އާއިލާއެއްގެ މީހެއް ކަަމަށް ވެސް "މިހާރު" އާ ވާހަކަ ދެއްކި މީހާ ބުންޏެވެ.

ފުލުހުން މީހުން މެރުން ނ. ހޮޅުދޫ މަރު

5 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޢިއްޒު އައިފަހުން........

10 September 2024

ކިހިނެއްތަ މިވަނީ؟؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެންގަބޯ

10 September 2024

އަވަހަށް ޕޯސްޓްމޯޓަމް ހަދަން އިންޑިޔާއަށް ފޮނުވާ އޭރުން އިނގޭނީ އަމިއްލައަށް މަރުވީތޯ ނޫނީ މީހަކު މަރާލީ ތޯވެސް ހަމައެކަނި ފުލުހުންގެ ބެލުމުގެ ދަށުގައި ހުއްޓާ މަރުވީމަ އެއްނޫން ޕޯސްޓްމޯޓަމް ހަދަންޖެހޭނީ މިގޮތަށް މަރުވާ މީހުންވެސް ޖެހޭނެއެވެ ޕޯސްޓްމޯޓަމް ހަދަން ދެންކިޔާ އޭނާއަކީ ނަފްސާނީ މައްސަލަ ހުންނަ މީހެކެވެ ހިލޭ ބޭސްފަރުވާ ކުރެވޭ އިރު ކާކުނުކޮއް ހުންނާނީ ފިރިމީހާވެސް ބޭނުންވާނެ ބޭސްކޮއްގެން ރަނގަޅުކުރަން އެކަހަލަ ކަމެއްނެތީމާ އަޅާނުލާ ހުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމާލް

10 September 2024

މި އާބާދި ކުޑަ ޤައުމުގަ ގޮތް ނޭނގޭ ކިތައް މަރުގެ ހާދިސާ ހިނގައިފި. ތިޔަ ވިދާޅުވާ ހާއްސަ ތަހުގީގު ޓީމެއް ގޮސްގެން ކަން ހިނގި ގޮތް ހޯދުނު އެއްމެ މަރެއް ދައްކަބަލަ. މިސާލަކަށް ހެންވޭރު ކޮޅުން ކޮށާލި އަންހެން ކުއްޖާގެ މަރު ވެސް އަދި ވެސް ސަބަބު ނުހޯދޭ. ޤާތިލް ހައްޕު. ހުޅުމާލޭ ހުސްބިމުގަ މަރު ވެސް ކާޕެޓް ދަށަށް ލާ ހިރަފުހަށްވެ މީހުން ހަނދާން ނެތިއްޖެ. މިކަހަލަ ކިތައް މަރު ނުހޯދި ވަނީ. މި ހާދިސާ ވެސް ދުވަސް ކޮޅަކުން އަޑު މަޑުވެ ހަނދާން ނެތޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައުމުގެ ޙާލަތު

10 September 2024

ހާދަހާ ދެރަ ކަންތައްތަކޭ މި ފެންނަނީ. އިއްޒެ ޒަޚަމްތަކަކާއެކު ޒުވާނެއް. މިއަދު ޒަޚަމްތަކަކާއެކު މަރުވެފައިވާ އަންހެނެއް. ޤައުމުގެ އަމަން އަމާންކަން މިހާބޮޑަށް ކަޅުވެފައި މިވަނީ ކީއްވެގެންތޯ ސުވާލު އުފެދޭ. އިއްޔެގެ ޒުވާނާއާ ބެހޭ އެއްވެސް އަޕްޑޭޓެއް އަދިވެސް ނެތީތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

10 September 2024

ތިހެން އައްޔުބެގެ މަރުގެ މައްސަލަ ބަލަން މުޤައްދަސް މާލެއިން ދ.ކުޑަހުވަދޫއަށްވެސް 'ހާއްސަ' ތަހުޤީޤްޓީމެއް އައި. އާހިރުގައި އައްޔުބެ މަރާލިމީހަކުވެސް ނުވި. މިއީ ދެވަރުގެކަންކަން.