އިކޮނޮމިކް މިނިސްޓަރު ސައީދު: އަހަރީ ފީ ނުދައްކާ ކުންފުނިތައް އުވާލަން ކޯޓަށް ދާންޖެހޭނެ ކަމަށް ގާނޫނުގައި ބުނޭ .-- ފޮޓޯ: ރައީސް އޮފީސް
02 މާޗް 2017 - 11:30
6 comments
އަހަރީ ފީ ނުދައްކާ އޮތް 6،000 އަށް ވުރެ ގިނަ ކުންފުނި އުވާލަން ކޯޓަށް ހުށަހަޅަން އިކޮނޮމިކް މިނިސްޓްރީން ނިންމައިފި އެވެ.
އިކޮނޮމިކް މިނިސްޓްރީން މިއަދު ކޮށްފައިވާ އިއުލާނެއްގައި، އަހަރީ ފީ ނުދައްކާ 6،300 އަށް ވުރެ ގިނަ ކުންފުނީގެ މައުލޫމާތު އާންމު ކުރުމަށް ފަހު އެ އިއުލާނުގައިވާ ގޮތުން އެ ކުންފުނިތައް އުވާލަން ކޯޓަށް ހުށަހަޅަން ވަނީ ނިންމައިފަ އެވެ. އޭގެ ތެރެއިން އުވާލަން ބޭނުންނުވާ ކުންފުނިތަކުން އަންނަ މަހުގެ ދެވަނަ ދުވަހުގެ ކުރިން އަހަރީ ފީ އާއި ޖޫރިމަނާ ދެއްކުމަށް އެ އިއުލާނުގައި އަންގާފައިވެ އެވެ.
މީގެ އިތުރުން އުވާލަން ކޯޓަށް ހުށަހަޅަން ނިންމާފައިވާ އެއިން އެއްވެސް ކުންފުންޏަކާ މެދު ދަރަންޏެއް ނުވަތަ ދައުވާއެއް އޮތް ނަމަ އެކަން އެ މިނިސްޓްރީ އަށް އަންގަން އެ އިއުލާނުގައި އެދިފައިވެ އެވެ. އެފަދަ މައްސަލައެއް އޮތް ކަމަށް އަންނަ މަހުގެ ދެވަނަ ދުވަހުގެ ކުރިން ނާންގައިފި ނަމަ އެއްވެސް ދަރަންޏެއް ނުވަތަ ދައުވާއެއް ނެތީ ކަމަށް ބެލެވޭނެ ކަމަށް އިއުލާނުގައި ބުނެފައިވެ އެވެ.
ކުންފުންޏާ ބެހޭ ގާނޫނު ބުނާގޮތުން އަހަރީ ނުދައްކާ ކުންފުނިތައް އުވާލަން ކޯޓަށް ހުށަހެޅުމަކީ އިކޮނޮމިކް މިނިސްޓްރީގެ ރަޖިސްޓްރާ އޮފް ކޮމްޕެނީޒްގެ ޒިންމާ އެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮޕްޓިމިސްޓް
02 March 2017
މި ރަޖިސްޓަރައެވެ، ކިޔުނު ބޭފުޅާގެ ނުވަތަ އެކަމަނާގެ ކުރިން މިކަން ކުރަން ހަވާލުވެ މީހުންގެ ނާގާބިލު ކަމުން ތިޔަ ކުންފުނިތަކުން މީރާއަށާއި އެހެން މީހުނަށް ދައްކަންޖެހުނު ޖޫރިމަނާއާއި އެހެން ފައިސާ އެމީހުންގެ އަތުން ހޯދަން ޖެހެއެވެ. އެހެންނާފަހެ ހައިރާނެއް ނުވާނެތަ. ކުންފުނި އުވާލަން ލައިގެން އެކަން ނުވެގެން ދިޔައީމަ އެބަ ބުނޭ ނުލައެ. ލީމަ ދިން ސްލިޕް ހިފައިގެން ދިޔައީމަ ބުނަނީ ގެއްލުނީއޭ. ލިކުއިޑޭޓް ނުކުރޭއޭ ކިޔާފަ މީރާ ކުދިން ހެސް ކިޔާފަ ގުޅާ ޖޫރިމަނާ ކުރޭ. މި ކަންވެސް ރަނގަޅަށްވާނީ މިރާ ކުދިން ތި ރަޖިސްޓރަރ އަކަށް ނިދިޔަ ނުދީ އުދަގޫ ކުރީމަ ކުރަން ނިންމި ކަމަކަށް.
އުމަރު
02 March 2017
މަނިކުފާނު ކުރިން ވިދާޅުވީ އެތަކެއް ބިލިއަން ރުފިޔާގެ އިންވެސްޓްމަންޓް ރާއްޖޭގައި ރަޖިސްޓްރީކުރިވާހަކަ، މިއަދު ތިޔަ ވިދާޅުވަނީ 6300 ކުންފުނި 2500 ރުފިޔާ ނުދެއްކިގެން އުވާލާވާހަކަ، މިއިން އެނގޭ އެއްޗަކީ ރާއްޖޭގެ ޕްރައިވަޓް ސެކްޓަރު އޮތީ ބަނގުރޫޓުވެފައިކަން އަދި އެމީހުން އެއުޅެނީ އަހަރީވެސް ނުދެއްކިގެންކަން އަދި ތިޔައިން އެއްވެސް ކުންފުންޏަކީ މިހާރު ހިންގާ ކުންފުނިތަކެއްނޫންކަން،
ރަނގަޅު
02 March 2017
ވަރަށް ރަގަޅު ކަމެއް
މެންޓަލިސްޓް
02 March 2017
އަހަރީފީކިޔަނީ ވަކިމުއްދަތެއްގައި ދައްކަން އޮންނަ ފައިސާއަކަށް ކިޔާނަމެށް ،، އަހަރީފީ އެކިއެކި ސަބަބުތަކާޢި ހުރެ ނުދެއްކި ހުރި ކުންފުނިތަށް އުވާލުމަކީ އޯކޭކަމެށް ،،، ނަމަވެސް ހަމައެމޭރުމުން އަމިއްލަމީހުންނަށް ފައިސާދޭންހުރި އޮފީސްތަށްވެސް ޖެހޭނެ އުވާލަން ،،، އޭރުން ހަމަހަމަ ވާނީ ،، މިހާރުވެސް ފިނޭންސްއިން އެތަށްބައެއްގެ ފައިސާ ނުދީ އެއުޅެނީ ،، އެހެންވީމައި ބަރާބަރަށް ފައިސާނުދައްކާތީވެ ފައިނޭންސްމިނިސްޓްރީ އުވާލަން ވީނޫންތޯ ؟؟؟؟ އޭރުންނޫންތޯ ތިޔަކިޔާ ހަމަ ދިމާވާނީ ،،، ވަރަށްވެދުން
ޖިގި ޖިގި އެންޓަރ ޕުރައިސް ޕުރައިވެޓު ލިމިޓެޑް
02 March 2017
ބޮޑުމީހާ ފީދެއްކޭހާވަރެއް ނެތް ކަލޭމެންގެ ތިޔަ ފިސާރި މޮޅު ގަވާއިދުތަކުގެ ފޮނިމީރުކަމުން ބަނގުރޫޓުވީ...
ފިއުޗަރ
02 March 2017
އަދިކިރިޔާ "ރެޖިސްޓަރަރ" އަށް ހޭފުޅު ލެއްވުނީ!!! ޤާނޫނަކުން ލާޒިމްކޮށްފައިން ޒިންމާތަކާއެކު މިއޮތްހާ ޒަމާނުގަ ފިލާކުޅުނީތޯއްޗެއް... ތިހުރިހާ އަހަރީފީއަކާއި ޖޫރިމަނާއެއް "ފަތްމިނި އެކަމަނާފާނު" އަތުން ހޯދުމަށް ގޮވާލަން...