ގަވަރުނަރު މުނައްވަރު "މިހާރު" އަށް ދެއްވި ހާއްސަ އިންޓަވިއުއެއްގެ ތެރެއިން -- ފޮޓޯ: ނިޝާން އަލީ / މިހާރު
01 އޮކްޓޯބަރ 2024 - 22:56
13 comments
ފައިސާއާ ބެހޭ ގަވައިދާއި މަނީ ޗޭންޖިން ވިޔަފާރިއާ ބެހޭ ގަވައިދާ އެކު، ޓޫރިޒަމް ދާއިރާގައި ދިވެހި ރުފިޔާ އަށް ޑިމާންޑެއް އުފެއްދޭނެ ކަމަށް ގަވަރުނަރު އަހުމަދު މުނައްވަރު މިރޭ ވިދާޅުވެއްޖެ އެވެ.
ޕީއެސްއެމްގެ "ރާއްޖެ މިއަދު" ޕްރޮގްރާމްގައި ގަވަރުނަރު ވިދާޅުވީ، ލީގަލް ޓެންޑާ ނުވަތަ ދިވެހިން ބޭނުންކުރާ ފައިސާއަކީ ރުފިޔާ ކަމަށް ގާނޫނުގައި ލިޔެފައި އޮތަސް މިހާރު ކަންކަން ތަރުތީބު ކޮށްފައިވާ ގޮތުން ރުފިޔާގެ ބޭނުން އެހާ ވަރަށް ޓޫރިސްޓުންނަށް ނުކުރެވޭ ކަމަށެވެ.
"މިހާރު ރާއްޖެ އަށް ޓޫރިސްޓެއް އައިސްފައި، ދިވެހި ރުފިޔާއަކީ ކޯޗެއްކަން ނުފެނި މިދަނީ. އޭގެ ސަބަބުން ދިވެހި ރުފިޔާގެ ޑިމާންޑެއް ނެތް. އެ ބޭފުޅުން ސީދާކޮށް ޑިމާންޑެއް ނުކުރައްވާ. އެހެން ނަމަވެސް ހުރިހާ ގައުމަކުން ވެސް އަޅުގަނޑުމެންނަށް މި ފެންނަނީ މިއީ ކަން ހިނގާ ގޮތެއް ނޫން ކަން،" ގަވަރުނަރު ވިދާޅުވި އެވެ.
މުނައްވަރު ވިދާޅުވިގޮތުގައި، ބޭންކުތަކަށް ޑޮލަރު އިތުރުކޮށް، އާ ގަވައިދުތަކުގެ ސަބަބުން ރުފިޔާގެ ޑިމާންޑު އިތުރުވާނެ ކަމަށް ވަރަށް ބޮޑަށް ގަބޫލު ކުރެވެ އެވެ.
އޭނާ ވިދާޅުވީ، މަނީ ޗޭންޖިން ގަވާއިދު އައުމުގެ ކުރިން ބޭރު ފައިސާގެ މުއާމަލާތްތައް ހިންގުމުގައި ގަވާއިދާ ހިލާފަށް އެ ކަންކަން ކުރަމުން ދިޔަ ކަމަށެވެ.
"މަނީ ޗޭންޖިން ގަވައިދު ވެސް އޮންނަން ޖެހޭ އުސޫލަށް ފެއްޓުމަށްޓަކައި، މި އިސްލާހު ކުރެވިގެން މިދަނީ. އޭގެ ފައިސާއަކީ އަޅުގަނޑުމެންނަށް ލިބޭ ބޭރު ފައިސާގެ ބޮޑު އިންސައްތައެއް ބޭންކުތަކަށް ވަދެގެން ގޮސް އަޅުގަނޑުމެންގެ ރާއްޖޭގެ އިގްތިސާދު ބަރޯސާވާ، ޓޫރިޒަމްގެ ނަފާ ރައްޔިތުންނަށް އެންމެ އެދެވިގެންވާ ގޮތަކަށް ލިބިގެން ދިއުން،" ގަވަރުނަރު ވިދާޅުވި އެވެ.
އެމްއެމްއޭ އިން މިރޭ އާންމުކުރި ގަވާއިދުގައިވާ ގޮތުން، ޓޫރިޒަމް ދާއިރާގެ ހުރިހާ ފެސިލިޓީތަކަކުން ވެސް ކަނޑައަޅާފައިވާ ވަކި އަދަދެއް ބޭންކުތައް މެދުވެރިކޮށް މާރުކުރަން ޖެހޭނެ އެވެ. ރިސޯޓުތަކާއި ހޮޓާތަކާއި ޓޫރިސްޓުން އުޅަނދުތަކަށް ކޮންމެ މަހު އަންނަ ޓޫރިސްޓެއްގެ ބޮލަކަށް 500 ޑޮލަރުގެ ރޭޓުން ރާއްޖޭގެ ބޭންކުތަކުގަިއ މާރުކުރަން ޖެހޭނެ އެވެ. ގެސްޓް ހައުސްތަކުން ޓޫރިސްޓެއްގެ ބޮލަކަށް 25 ޑޮލަރުގެ ރޭޓުން ކޮންމެ މަހަކު އަންނަ ޖުމްލަ ޓޫރިސްޓުންނަށް ޖެހޭ އަދަދު ވެސް ރާއްޖޭގެ ބޭންކަކަށް މާރުކުރަން ޖެހޭނެ އެވެ
މުސްތަގްބަލުގައި ވެސް އަޅުގަނޑުމެން މި ގެންނަ ބަދަލުތައް ހެޔޮ ބަދަލަކަށް ވެގެން ދާނީ މެކްރޯ ފްރޭމްވޯކަށް ވެސް ބަދަލުތަކެއް އައިސްގެން. އޭގެ މާނައަކީ ހަމައެކަނި މަނިޓަރީ ޕޮލިސީ އަށް އަޅުގަނޑުމެން މިކުރާ ކަމަކުން ބަދަލުތަކެއް އެއްކޮށެއް ނާންނާނެއޭ. ފިސްކަލް ސިޔާސަތުތައް ވެސް ހާއްސަ ގޮތެއްގައި ސަރުކާރުން ރާވާފައިވާ ސަބްސިޑީ ޓާގެޓު ކުރުމާއި އާސަންދަ ރިފޯމާއި ސަރުކާރު ކުންފުނިތަކަށް ގެންނަ ރިފޯމު ކުރަން ޖެހޭ،"--- ގަވަރުނަރު
މުނައްވަރު ވިދާޅުވީ، ކޮވިޑަށް ފަހު ސަރުކާރާއި ޓޫރިޒަމް ދާއިރާ އަށް ވެސް ބޭރު ފައިސާ ހޯދުމުގައި ދަތިތަކެއް ދިމާވި ކަމަށާއި އެހެންވެ، އޭރުގައި 8 ބިލިއަނެއްހާ ރުފިޔާ ޗާޕުކުރި ކަމަށެވެ.
ރުފިޔާތަކެއް ބަންޑެލި ޖަހާފައި: އާ ގަވައިދުން ދިވެހި ރުފިޔާ ޓޫރިޒަމް ދާއިރާގައި ޑިމާންޑެއް އުފެއްދޭނެ -- ފައިލް ފޮޓޯ: މިހާރު
ޑޮލަރުގެ ޕްރެޝަރު އެހާ ބޮޑުވުމުގެ އެއް ސަބަބަކީ ކުރީގެ ފިނޭންސް މިނިސްޓަރު އަދި ފިނޭންސް މިނިސްޓަރުގެ އެޑްވައިޒަރުކަން ވެސް ކުރެއްވި މިހާރުގެ ގަވަރުނަރު ވިދާޅުވި ގޮތުގައި، ދިވެހި ރުފިޔާގެ އެކްސެސްއެއް އިގުތިސާދުގައި ދައުރުވުމެވެ.
އޭނާ ވިދާޅުވީ، މިހާރު ވެސް ގާތްގަނޑަކަށް ފަސް ބިލިއަން ރުފިޔާ އިތުރަށް އިގްތިސާދުގައި ދައުރުވަމުންދާ ކަމަށެވެ. އެކަން ހައްލު ކުރަން އަންނަ މަހު އެ ފައިސާ އަނބުރާ އެމްއެމްއޭ އަށް ނެގުމަށް އޯޕަން މާކެޓް އޮޕަރޭޝަނެއް ފަށަން އެމްއެމްއޭގެ ބޯޑުން ވަނީ ނިންމައިފަ އވެ.
ގަވަރުނަރު ވިދާޅުވީ، އިގްތިސާދަށް ދިމާވެފައިވާ މާލީ ދަތި ހާލަތުން އަރައިގަތުމަށް ލިބޭ އާމްދަނީއާ އެއްވަރަށް ހަރަދުތައް ހިފެހެއްޓެން ޖެހޭ ކަމަށެވެ. ދަރަނި ވެސް ދެމެހެއްޓެނިވި މިންވަރެއްގައި ހިފެހެއްޓިގެން ނޫން ގޮތަކަށް މުޅި މައްސަލައަށް ޖުމްލަ ހައްލެއް ނުހޯދޭނެ ކަމަށް ވިދާޅުވި އެވެ.
"މުސްތަގްބަލުގައި ވެސް އަޅުގަނޑުމެން މި ގެންނަ ބަދަލުތައް ހެޔޮ ބަދަލަކަށް ވެގެން ދާނީ މެކްރޯ ފްރޭމްވޯކަށް ވެސް ބަދަލުތަކެއް އައިސްގެން. އޭގެ މާނައަކީ ހަމައެކަނި މަނިޓަރީ ޕޮލިސީ އަށް އަޅުގަނޑުމެން މިކުރާ ކަމަކުން ބަދަލުތަކެއް އެއްކޮށެއް ނާންނާނެއޭ،" ގަވަރުނަރު ވިދާޅުވި އެވެ.
"ފިސްކަލް ސިޔާސަތުތައް ވެސް ހާއްސަ ގޮތެއްގައި ސަރުކާރުން ރާވާފައިވާ ސަބްސިޑީ ޓާގެޓު ކުރުމާއި އާސަންދަ ރިފޯމާއި ސަރުކާރު ކުންފުނިތަކަށް ގެންނަ ރިފޯމު ކުރަން ޖެހޭ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިންގަނޑު
02 October 2024
އަހަރެން ކުރިއައްއޮތްތާ އެވަގުތަކުއޮތް ސަރުކާރަކައް ވޯޓުލާނެ މިންގަނޑަކީ ކަޅުބާޒާރުގަ ޑޮލަރުއަގުހުރި މިންގަނޑައްބެލުމައްފަހު. މިފިޔަވަޅުން ގޮތުގަހިފަހައްޓާލެވިއްޖިއްޔާ ފައިދާކުރާނެކަމައްފެނޭ. ވޯޓުގެ ބާރުތޯ މަހިޖަނުންގެ ބާރުތޯ ގަދައީ މިފަހަރު އެނގޭނެ
މިވަރެއްނެތް
02 October 2024
އާޓިފިޝަލްކޮށް ވިޔަފާރީގެ ބާޒާރު ހިންގާ ކަންކަން ބަލަހައްޓަނީ ކޮމިއުނިސްޓް ސިސްޓަމުގައި. ވިޔަފާރި ވެރިންގެ އިތުބާރުލިބޭ އިގްތިސާދީ ސިޔާސަތެއް ގެންގުޅުނީމަ އޮޓޯއިން ކަންކަން ހައްލުވާނެ. މިފަހަކާ ޖެހެންދެން ރާއްޖޭގެ ތަރައްގީގެ ސިއްރަކަށްއޮތީ ޓެކްޒޭޝަނާއި ބޭރުގެ ފައިސާ ގެނައުމާއި ބޭރުކުރުމުގެ ހުރި ލުއިފަސޭހަކަން. އެކަންކަން ހުރަސްއެޅޭނަމަ ރާއްޖެއެކޭ އިންޑިޔާއެކޭ ނުވަތަ ލަންކާއެކޭ ނުވަތަ އެފަދަ އެހެން ގައުމެކޭވެސް ތަފާތެއް ނޮއޮންނާނެ.
ހޮޓްކިންގ
02 October 2024
މުއިއްޒުގެ ވެރިކަމުގައި ހުރި އެންމެ ހަރުދަނާ މިޒަމާނަށް ފެތޭ ބޭފުޅެއްތީ. ގިނައިން ތިބީ .."ޓ ދަށުވެފައި ތިބި ވަރަށް ނާގާބިލް ވެރިން.
ފަރަންޖީ
03 October 2024
އެހެންދޯ؟ ތި ބެލި މިންގަނޑެއް މަށަކަށް ނޭންގެ. އެކަމަކު މިބޭފުޅާއަކީ "އާދެ ލައްބަ" އަދި އެޅިހާ ބަތަކަށް ރިހަ އެޅުމުގެ ހިސްޓްރީއެއް ފިނޭންސް މިނިސްޓަރަކަށް ހުންނެވިއިރުވެސް އޮތްބޭފުޅެއް. އެނގިދާނެތާ ތި ހުރި ހިތްވަރެއް.
އޮނަރަބްލް އަފީފު ދީދީ
02 October 2024
ރައީސުލް ޖުމްހޫރީއްޔާ އާއި މަޖިލިސް ރައީސާއި ނައިބް ރައީސްގެ ހިތްވަރު ހުރެއްޖެނަމަ، ދިވެހިދައުލަތުގެ ޙައްޤުގައިވެސް ތިކަން ކުރާންޖެހޭ. ދައުލަތުގެ 3 ބާރުގެތެރެއިން ވެރިކަންހިންގުމުގެބާރާއި ސަރުކާރު ޒިންމާދާރުކޮށް ޤާނޫނުހެދުމުގެ ބާރުތަކުގެ ވެރިންނަށްތިއްބެވި މިދެންނެވިބޭފުޅުންގެ ހިތްވަރާއި ކެރުންހުރިނަމަ ބިރުން ފަސްޖެހި ވަޑައިގަންނަވާނެ ކަމެއްނެތް. އެދުވަހު ރައީސް ނަޝީދު ޓެކްސް ތައާރަފްކުރުމުން ވެރިކަންވައްޓާލި ހެނެއް މިހާރު އެކަމެއް ނުކުރެވޭނެ.
އޮނަރަބްލް އަފީފު ދީދީ
02 October 2024
ދައުލަތް ދަރަނިކޮށް 6 ބިލިޔަނެއްހާ ޑޮލަރު ނަގައިގެން ތަރައްޤީކޮށް (އަދި ލޯނު އޮތީ އޮތްގޮތަށް ދަރަނީގެ ގޮތުގައި) ފައިވާ ކ.ހުޅުލެ އެއަރޕޯޓް ގެ ފަޅު އޮތްގޮތަށް TMA އަށް ދީފައި ހެގަރު ހަދަން ދީފައި އޮތް ބިމު ކުއްޔަށް ކަނަމަދެއް ވަރު އެތިކޮޅެއް ދީފައި އެމީހުންގެ އެއްގަމު އުޅަނދު ތަކުންވެސް ހުޅުލެ އޮންނަނީ ތޮއްޖެހިފައި. މުލި ކުންފުނީގެ ވޭޖަސްގެ %70 ހޭދަ ކުރަނީ ބިދޭސި މުވައްޒިފުންގެ މައްޗަށް!؟ ކޮބާ ސަރުކާރު ޒިންމާ! ކީއްވެ މިކަންކަން ރަނގަޅު ނުކުރީ!؟
އޮނަރަބްލް އަފީފު ދީދީ
02 October 2024
ޤައުމީ އެެއަރލައިން ކުންފުނީގެ ސީޕްލޭން އޮޕަރޭޓްކުރުމަށް ޖެއްސުންކުރާއިރު މުޅިމާކެޓް އެއްބައެއްގެ ނުފޫޒުގެދަށަށް ގެނެސް މޮނޮޕޮލައިޒްކުރަން ފުރުސަތުދީގެން ސަރުކާރު އޮންނަނީ!؟ ޑޮލަރުން ޓިކެޓްވިއްކާ މިކުންފުންޏަކީ ޓްއަރިޒަމް ވިޔަފާރީގެ ކުންފުންޏަކަށް ނުބަލާންވީ ކީއްވެ!؟ މިހެން ވީމާ މިބުނަނީ ފުރަތަމަ ޓްއަރިޒަމް މާނަ ކުރާގޮސްވެސް ބުނެދޭށޭ. އެއީ ހަމަ އެކަނި ރިސޯޓް އެނދު ވިއްކުންތޯ ނުވަތަ ކޮންގޮތަކަށް އޮތް ކަމެއްތޯ!؟ ދިވެހިންނަށް ރިސޯޓް އެނދު ގަނެވޭތޯ!؟
އޮނަރަބްލް އަފީފު ދީދީ
02 October 2024
އަންނަމަހު ޤަވާއިދު ގެޒަޓްކޮށް 3 މަސް ފަހުން ޤަވާއިދު ތަންފީޒުކުރާނެކަމަށްބުނެ އޭގެ 3 މަސް ފަހުން 2025 ގައި އިތުރު 3 މަހަށް ޤަވާއިދު ތަންފީޒުކުރުން ލަސް ކުރާނެ. އެ ތިން މަސް ނިމެން ކައިރިވުމުން މީރާއާއި އަދި ގުޅުންހުރި އިދާރީ އިންތިޒާމް ހަމަނުޖެހޭތީ އަންނަ 2026 ޖެނުއަރީ އެކަކުން ފެށިގެން އަމަލުކުރާގޮތަށް ނިންމާފައި ޖެނުއަރީ ފުރަތަމަ ހަފްތާގައި އެއްކަލަ "ޕައިނީއަރުންގެ" މަޓީ އިން ބައްދަލު ކުރާން އެދިގެން ލަސްކޮށް މިޙާލެއްގައި ތިކަން ދެމިގެންދާނެ.
އޮނަރަބްލް އަފީފު ދީދީ
02 October 2024
ދަންނަވަންތޯ ތިޔަ ޤާނޫނެއް ނުހިންގޭނެ. އަދި ތޮޔަ ޤާނޫނު ތަންފީޒު ކުރާކަށް ސަރުކާރަށް ނުވެސް ކެރޭނެ. ބޭޅާއަކީ އެންމެ ފަހުގެ ޤަވަރު ނަރަށް ނުކުރެވުނު ކަމެއް ކުރެވޭނެ ޤާބިލްކަމާއި ތަޢުލީމް ވެސް ހުރި އަދި އަލީގެ ކިބައިގަ ހުރިފަދަ ނަޒާހަތް ތެރިކަމާއި ގޮތެއްގައި ދެމިހުރުމުގެ ހަރުދަނާ ސިފަވެސް ހުރި މީހެއްނޫން އިގޭތޯ. # ހަދާން ކުރަންވީ މީގެ މާނައަކީ ނަގައިގަތް ކަތީބު އަލީ ހާޝިމް ކަންކުރީ އެންމެ ރަނގަޅަށް މޮޅަށް ކަމަށް ބުނުމެއްވެސް ނޫން އިގޭތޯ.
ކޮލިބެ ގާސިން ސިޔާމް.
01 October 2024
ދިވެހިންނަކީ ޑޮލަރު ނިލިބިގެން ސަލާންޖަހަން ޖެހޭހާލުގަ ތިބިބައެއްނޫން މިކަން މިގޮތައް ފަރުމާކޮއްފަ އޮތީ ދެތިން ރިސޯޓު އޯނަރަކާ ސަރުކާރުގެ ބޮޑުންކޮޅެއް ގުޅިގެން ވައްކަންކޮއް ދިވެހިން ދިވެހި ގައުމުގަ ބިކާރީ ކުރަން އޭގެ ހިތިނަތީޖާ ދިވެހިންނައް މިފެންނަނީ .
ކައްކާ
01 October 2024
ދައުރު ނިމޭއިރު 15 އަށް ޑޮލަރު ތިރިވާނެބާ؟
ކަނޑޫމާ
03 October 2024
ދައުރު ނިމޭއިރު ޑޮލަރުގެއަގު 15 ރ އަށް ތިރިވުމަކީ އަޅުގަނޑުމެންގެ ހުވަފެން. إنشاء الله