"ރިސޯޓް، ހޮޓާ، ސަފާރީތަކުން ކޮންމެ ޓޫރިސްޓަކަށް، ބޮލަކަށް 500 ޑޮލަރުގެ ރޭޓުން އެ މަހެއްގައި އައިސްފައިވާ ޖުމްލަ ޓޫރިސްޓުންނަށް ޖެހޭ އަދަދު ބޭންކަކަށް ޖަމާކުރަން ޖެހޭ"
މަރުކަޒީ ބޭންކް އެމްއެމްއޭ އޮފީސް ބިލްޑިންގް. ޓޫރިޒަމުން 750 މިލިއަން ޑޮލަރު އަހަރަކު މާރުކުރަން ޖެހޭ ގޮތަށް ވަނީ ގަވައިދަށް އިސްލާހުކޮށްފައި -- ފޮޓޯ: ނިޝާން އަލީ / މިހާރު
01 އޮކްޓޯބަރ 2024 - 20:19
94 comments
ޓޫރިޒަމް ދާއިރާ އަށް ބޭރު ފައިސާ އިން ލިބޭ އާމްދަނީން އަހަރަކު ޖުމްލަ 750 މިލިއަން ޑޮލަރާ ހަމައަށް ރާއްޖޭގެ ބޭންކުތަކުން މާރުކުރަން ޖެހޭ ގޮތަށް މަރުކަޒީ ބޭންކު، އެމްއެމްއޭގެ ބޭރު ފައިސާއާ ބެހޭ ގަވައިދަށް އަމަލުކުރަން ފަށައިފި އެވެ.
މިއީ ރާއްޖޭގެ ބޭންކުތަކުން ޑޮލަރު މާރުކުރަން ޖެހޭ ގޮތަށް މިހާތަނަށް ކަނޑައެޅި ފުރަތަމަ ފަހަރެވެ.
ބޭރު ފައިސާއާ ބެހޭ ގަވައިދު އިސްލާހުކޮށް މިއަދު ގެޒެޓު ކުރުމާ އެކު، މިއަދުން ފެށިގެން އަމަލު ކުރަން ވަނީ ފަށައިފަ އެވެ. މި ބަދަލާ އެކު، އެމްއެމްއޭ އިން މާޗް 1، 1987 ވަނަ އަހަރުން ފެށިގެން އަމަލުކުރަމުން އައި މަނިޓަރީ ގަވާއިދު އުވުނީ އެވެ.
ގަވައިދަށް ގެނައި ބަދަލާ އެކު ރިސޯޓުތަކާއި ގެސްޓްހައުސްތަކުން މާރުކުރަން ޖެހޭ އަދަދު -- ގްރެފިކްސް | މިހާރު
މަރުކަޒީ ބޭންކް އެމްއެމްއޭ އިން އާންމުކުރި އާ ގަވާއިދުގައިވާ ގޮތުން، ޓޫރިޒަމް ދާއިރާގެ ހުރިހާ ފެސިލިޓީތަކަކުން ވެސް ކަނޑައަޅާފައިވާ ވަކި އަދަދެއް ބޭންކްތައް މެދުވެރިކޮށް މާރުކުރަން ޖެހޭނެ އެވެ.
ކެޓަގަރީ "އޭ" ގައި ހިމެނެނީ ރިސޯޓުތަކާއި ހޮޓާތަކާއި ޓޫރިސްޓް އުޅަނދުތަކެވެ. ކެޓަގަރީ "އޭ" ގައި ހިމެނޭ ފަރާތްތަކުން ކޮންމެ ޓޫރިސްޓަކަށް، ބޮލަކަށް 500 ޑޮލަރުގެ ރޭޓުން، އެ މަހެއްގައި އައިސްފައިވާ ޖުމްލަ ޓޫރިސްޓުންނަށް ޖެހޭ އަދަދު ބޭންކަކަށް ޖަމާކުރަން ދެން މަޖުބޫރުވާނެ އެވެ.
ކެޓަގަރީ "ބީ" ގައި ހިމެނެނީ ގެސްޓް ހައުސްތަކެވެ. އެ ތަންތަނުން ކޮންމެ ޓޫރިސްޓެއްގެ ބޮލަކަށް 25 ޑޮލަރުގެ ރޭޓުން ކޮންމެ މަހަކު އަންނަ ޖުމްލަ ޓޫރިސްޓުންނަށް ޖެހޭ އަދަދު ބޭންކަކަށް ޖަމާކުރަން ޖެހޭނެ އެވެ.
"އެކްސްޗޭންޖް ރޭޓް ސިޔާސަތު ތަންފީޒު ކުރުމަށް ޓަކައި އެމްއެމްއޭ އިން ފޮރިން އެކްސްޗޭންޖް މާކެޓަށް ވިއްކަމުންދާ ބޭރު ފައިސާގެ އަދަދު އިތުރުކުރުމަށް ވެސް މަގުފަހިވެގެން ދާނެ އެވެ. ވަކިން ހާއްސަކޮށް މި ގަވާއިދުތަކުގެ ސަބަބުން، ރައްޔިތުންނަށް ފައިދާތަކާއި ފަސޭހަތަކެއް ލިބިގެންދާނެ އެވެ،"--- އެމްއެމްއޭ
މިދިޔަ އަހަރު ރާއްޖެ އަށް 1.8 މިލިއަން ޓޫރިސްޓުން އައި އިރު އޭގެ ތެރެއިން 1.5 މިލިއަން ޓޫރިސްޓުން އައީ ރިސޯޓުތަކަށެވެ. އެހެންވެ، އެ އަދަދުން ބަލާ ނަމަ ރިސޯޓުތަކުން ޑޮލަރު މާރުކޮށްގެން ބޭންކްތަކަށް އަހަރަކު 750 މިލިއަން ޑޮލަރު ލިބޭނެ އެވެ. ގެސްޓް ހައުސްތަކުން 7.5 މިލިއަން ޑޮލަރު ބޭންކްތަކަށް މާރުކުރަން ޖެހޭނެ އެވެ.
އެމްއެމްއޭގެ އާ ގަވާއިދުގައިވާ ގޮތުން އެކަން ކުރަން ޖެހޭނީ ކޮންމެ މަހެއް ނިމި 87 ދުވަހުގެ ކުރިން ބޭންކަށް އެ ފައިސާ ޖަމާކުރަން ޖެހޭނެ އެވެ.
ޓޫރިޒަމް ދާއިރާއިން ބޭންކުތަކަށް 2019 ވަނަ އަހަރު މާރުކުރީ 153 މިލިއަން ޑޮލަރެވެ. އެކަމަކު މިދިޔަ އަހަރު މާރުކުރި ވަރު ވަނީ 68 މިލިއަން ޑޮލަރަށް ދަށަށް ގޮސްފަ އެވެ. އެހެންވެ، އެއީ ޖުމްލަ ޓޫރިޒަމް އާމްދަނީގެ އެންމެ ތިން ޕަސެންޓެވެ.
އަލަށް ގެނައި ބަދަލާ އެކު، ޓޫރިޒަމްގެ ޖުމްލަ އާމްދަނީގެ 15 ވަރަކަށް ޕަސެންޓު ބޭންކްތަކުގައި މާރު ކުރެވޭނެ ގޮތް ފަހިވާނެ އެވެ.
ަވޮލެޓަކުން ޑޮލަރު ނަގަނީ. އެމްއެމްއޭގެ ބޭރު ފައިސާއާ ބެހޭ ގަވައިދާ އެކު ރާއްޖޭގައި ބޭންކިން ނިޒާމަށް ޑޮލަރު ވަންނަ ވަރު ވަރަށް ބޮޑަށް އިތުރު ކުރެވޭނެ ކަމަށް އެމްއެމްއޭ އިން ބުނެފައިވޭ --ފޮޓޯ: ނިޝާން އަލީ / މިހާރު
އެމްއެމްއޭ އިން ބުނީ އެ ގަވާއިދުތަކުގެ ސަބަބުން ރާއްޖޭގެ ބޭންކިން ނިޒާމަށް ވަންނަމުންދާ ބޭރު ފައިސާގެ ނިސްބަތް އިތުރުވެ އަދި ބޭންކިން ނިޒާމުން ވިޔަފާރިތަކަށާއި އާންމުންގެ ބޭނުންތަކަށް ފޯރުކޮށްދޭ ބޭރު ފައިސާގެ ނިސްބަތް އިތުރުވާނެ ކަމަށެވެ.
"އެކްސްޗޭންޖް ރޭޓް ސިޔާސަތު ތަންފީޒު ކުރުމަށް ޓަކައި އެމްއެމްއޭ އިން ފޮރިން އެކްސްޗޭންޖް މާކެޓަށް ވިއްކަމުންދާ ބޭރު ފައިސާގެ އަދަދު އިތުރުކުރުމަށް ވެސް މަގުފަހިވެގެން ދާނެ އެވެ. ވަކިން ހާއްސަކޮށް މި ގަވާއިދުތަކުގެ ސަބަބުން، ރައްޔިތުންނަށް ފައިދާތަކާއި ފަސޭހަތަކެއް ލިބިގެންދާނެ އެވެ،" އެމްއެމްއޭގެ ބަޔާނުގައި ވެ އެވެ.
ވަކި ހާލަތްތަކެއްގައި އެ އަށް ވުރެ މަދުން މާރުކުރުމުގެ ހުއްދަ އަށް އެދެވިދާނެ
- ބޭރު ފައިސާ އިން ޓެކްސް ދެއްކުން.
- މާލީ އިދާރާއަކަށް ބޭރު ފައިސާ އިން ދަރަނި ދެއްކުން.
- ކޯޓު ހުކުމަކުން ކަނޑައަޅާފައިވާ ބޭރު ފައިސާގެ އިލްތިޒާމެއް.
- އޮތޯރިޓީން ހުއްދަދޭ އެހެން ވެސް ބޭރު ފައިސާގެ އިލްތިޒާމެއް.
އެމްއެމްއޭ އިން ބުނީ، ބޭންކުތަކަށް މާރުކުރާ ފައިސާގެ ތެރެއިން ކޮންމެ ހަފުތާއަކު ލިބޭ ބޭރު ފައިސާގެ 60 ޕަސެންޓު އެ ހަފުތާއެއްގެ ބުދަ ދުވަހުގެ ކުރިން އެ އޮތޯރިޓީ އަށް ވިއްކަން ޖެހޭނެ ކަމަށެވެ. މިއީ އެމްއެމްއޭ އިން މިފަދަ ގޮތަކަށް ބޭންކްތަކުން ޑޮލަރު ގަންނަން ކަނޑައެޅި ފުރަތަމަ ފަހަރެވެ.
ބޭންކްތަކުން ކޮންމެ މަހެއްގެ ތެރޭގައި ލިބޭ ބޭރު ފައިސާގެ ތަފްސީލުތައް ވެސް އެމްއެމްއޭ އަށް ހުށަހަޅަން ޖެހޭނެ އެވެ.
ކޮންމެ މަހެއްގެ ތެރޭގައި ބޭންކަކަށް މާރުކޮށްފައިވާ ބޭރު ފައިސާގެ ތަފްސީލު އެ މަހެއް ނިމޭތާ 10 ވަނަ ދުވަސް ތެރޭ ޓޫރިޒަމް ފެސިލިޓީތަކުން އެމްއެމްއޭއަށް ހުށަހަޅަން ޖެހޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާޞިރު ޙުސައިން
04 October 2024
ޤައުމުގެ ވެރިއަކު ކަންކަން ނިންމަވާއިރު ބައްލަވަންޖެހޭނީ ގިނަ ރައްޔިތުންނަށް ލުއި ފަސޭހަކަން ލިބޭނެ އަދި އެކަމަކުން މުޅި ޤައުމަށް އެންމެ ފައިދާ ހުރި އެންމެ ރަނގަޅު ގޮތަށެވެ. މަދު ބަޔަކަށް ލިބޭ ބޮޑު މަންފާއަކަށް ނޫނެވެ. މިގޮތުން ބަލާއިރު ޑޮލަރާއި ގުޅިގެން އެޅުއްވި ފިޔަވަޅަކީ ރަނގަޅު ފިޔަވަޅެއްކަމުގައި ދެކެމެވެ.
ޖަމްޝަދްް
03 October 2024
ރައީސް މުއިއްޒުއަށް ދެވަނަ ދައުރެއް ދޭންޖެހޭ. ސަބަބަކީ މިކަންކަން އިސްލާހުކޮށް ގައުމު ހަމަޔަކަށް އެޅުވީމަ އަނެއްކާ އެމްޑީޕީއިން މިގައުމުގެ ހަލާކުކޮށްލާނެ. މިފަހަރު އެ ފުރުސަތު އެމްޑީޕީއަށް ދީގެން ނުވާނެ.
ޝުކުލަތްް
03 October 2024
އެމްޑީޕީގެ ފެންވަރެއް ނޫން ސުޕަރ މެޖޯރިޓީ އޮވެ ސަރުކާރެއް އޮވެ މިފަދަ ކަމެއް ކޮށްލުން. ނުހުންނާނެ ގަޓެއް. މީ ވަރަށް ވާހަކަ. ރައްޔިތުންނަށް ތަފާތު އެބަ ފެނޭ.
އާސިމްް
03 October 2024
1980 އަހަރުތަކުން ފެށިގެން މިޔަދާ ހަމަޔަށް އެތަށް ފިއްތުންތަކާއިއެކު ބަޔަކަށް ކުރަން ނުކެރުނު ކަމެއް މިޔަދު ރައީސް މުއިއްޒު ކުރުން އެއީ އާދައިގެ ކަމެއްނޫން. އެއީ ވަރަށް ހިއްވަރާއި ގަޓު ހުރެގެން ކުރެވޭނެ ކަންކަން. މިފަދަ ނިންމުމެއް ދިވެހި ރައްޔިތުންނަށްޓަކާ ރައީސް މުއިއްޒު ނިންމެވުން އެއީ ރައްޔިތެއްގެ ހައިސިއްޔަތުން އިންތިހާއަށް ޝުކުރުވެރިވާކަމެއް. މުސްތަގްބަލަށް އޮތް އުންމީދު މިޔަދު ބޮޑު.
ރުޝްދާންް
03 October 2024
މިއީ އަދި އައިސްބާރގް ގެ ޓިޕް. ކަންކަން އެތުރެން ފެށޭ ހިސާބުން ރައްޔިތުންނަށް އެނގިހާމަވެގެންދާނެ ރައީސް މުއިއްޒުގެ ގުރުބާނީ. ތިޔައީ ހަމަ ހަގީގަތުގަވެސް ދިވެހިންގެ ރައީސް.
ނިޒާރްް
03 October 2024
މިއީ ނޫންތޯ ރައްޔިތުންނާ ދޭތެރޭ ވިސްނަވާ ލީޑަރުން ކަންކުރައްވާނެ ގޮތަކީ. ރައީސް މުއިއްޒު ގައުމެއްގެ ވެރިކަންކުރަންވީ ގޮތުގެ ލާމަސީލު މިސާލު ނުޖައްސާވާ ދުވަހެއް ނުދޭ.
ފޮނިޓައްޕު ހަސަނު
03 October 2024
ރައީސް މުއިޒަށް ދަންނަވާލަން އޮތީި އެމް.އެމް.އޭގެ އިން ތިޔަ އިސްލާހު ކުރި ގަވާއިދުގެ ސަބަބުން މިގައުމުގެ އިގްތިސާދު ރަނގަޅުވެ، ރައްޔިތުންނަށް އޭގެ ހެޔޮ މަންފާ ކުރިއަށް އޮތް 2 މަސްދުވަހުގެ ތެރޭގައި ފެންނަން ފަށާނެއޭ. ރިސޯޓު އޯނަރުންގެ ޕްރެޝަރަށް ކުޑަތަންކޮޅެއް ވެސް ދޫ ނުދެއްވާށޭ. ރިސޯޓު އޯނަރުން ބްލެކް މާރުކޭޓު ރޭޓުން ޑޮލަރު މާރުކޮށްގެން 1 ބިލިއން ރުފިޔާގެ ކަޅުފައިސާގެ އާމްދަނީއެއް މަހެއްގެ މައްޗަށް ދަނީ ހޯދަމުންނޭ.
ބަދީއުލް އަޖާއިބް
03 October 2024
މިއީ ނޯތު ކޮރެއާ އެއް ނޫން
ސޯބެ
02 October 2024
30 ރޫމުން މަތީގެ މަލިޓި ސްޓޯރީ ބިލިޑިންގ ހަދައިގެން އުޅެނީ ލަގްޒަރީ ހޮޓެލް ފެންވަރުގަ ނޫންތޯ؟ އެހޮޓެލް ތަކާއި، ރިސޯޓް އަދި ސަފާރީ ތަކުން ދައްކާޓެކްސް %19 ބޮޑު ކުރަންޖެހޭ. އަދި ޑޮލަރުގެ އާމްދަނީ ބޭންކަށް ޖަމާކުރުން ލާޒިމްކުރުން މުހިންމު. އޭރުންތާ އެގޭނީ ރިސޯޓް، ލަގްޒަރީ ހޮޓެލް އަދި ސަފާރީ ޔޮޓް ތަކުގެ އާމްދަނީ. ނަމަވެސް 30 ރޫމުން ދަށުގެ ގެސްޓްހައުސް ތަކުގެ ޓެކްސް %11 ކުޑަކޮށް ޑޮލަރު މަރުކުރުމުގައި ލުއީދިނުމަކީ ދައުލަތަށް ފައިދާ ވާނެގޮތެއް.
ކަޑަބޮއް ސައީދު
02 October 2024
ގައުމުގައި މިތިބަ ފަގީރު ހާލު ދެރަވެފައި ތިބި ރިސޯޓު އޯނަރސް ތިޔަކަން ވިޔަކަ ނުދޭނެ،