ކެފޭ އުސޫލުން ޑްރަގުގެ ވިޔަފާރިކުރާ ތަނަކުން ދެ މީހަކު ހައްޔަރުކޮށްފި

މަސްތުވާތަކެތީގެ ހާލަތު ރާއްޖޭގައި އޮތް މިންވަރު ކިޔައިދޭން ބޭއްވި އިވެންޓެއްގައި މާލޭ ތެރޭގައި އައްޑާތައް ހުންނަ ގޮތުގެ ސްޓޯލްއެއް ފުލުހުން ހަދާފައި.-- ފައިލް ފޮޓޯ: މިހާރު

އިފްރާޒް އަލީ، މިހާރު

14 އޮކްޓޯބަރ 2024 - 10:53

9 comments

މާލޭގައި ކެފޭ އުސޫލުން މަސްތުވާތަކެތީގެ ވިޔަފާރިކުރާ ތަނަކުން ދެ މީހަކު ހައްޔަރުކޮށްފި އެވެ.

ކްރިމިނަލް ކޯޓުން އިއްޔެ ވަނީ އެ ދެ މީހުންގެ ބަންދަށް ހަތް ދުވަސް ދީފަ އެވެ.

އެ މައްސަލާގައި ހައްޔަރުކޮށްފައި ވަނީ މާލެ، މ. ރޫބީ، ހުސެއިން ނިޔާޒް، 35 އާއި މާލެ، ގ. ޕާކަރުހައުސް، އަބްދުﷲ ޖިނާހު، 28 އެވެ.

ކޯޓު އަމުރުގައި ބުނި ގޮތުގައި، އެ ދެ މީހުން ވެސް ހައްޔަރުކުރީ ކެފޭ އުސޫލުން މަސްތުވާތަކެތީގެ ވިޔަފާރިކުރާ ތަނަކުންނެވެ. އެ ތަނުގެ ތެރެއިން މަސްތުވާތަކެތި ފެނިފައިވާ ކަމަށާއި އެ ދެ މީހުންގެ ކުޑަކަމުދާ ތަކެތި ޓެސްޓްކުރުމުން ޕޮޒިޓިވްވެފައިވާ ކަމަށް ވެސް ކޯޓު އަމުރުގައި ބުންޏެވެ.

އެ ދެ މީހުން ހައްޔަރުކުރީ އުސޫލާ އެއްގޮތަށް ކަމަށް ވެސް މި މައްސަލަ ބެއްލެވި ކްރިމިނަލް ކޯޓުގެ ގާޒީ ސޮފްވަތު ހަބީބް ވަނީ ކަނޑައަޅުއްވައިފަ އެވެ.

މާލޭގައި ކެފޭ އުސޫލުން މަސްތުވާތަކެތީގެ ވިޔަފާރިކުރާ ތަންތަން ވަރަށް ގިނައިން ހުރެ އެވެ. އެ މައްސަލަ ހައްލުކުރުމަށްޓަކައި ފުލުހުން ވަނީ މީގެ ކުރިން ރެއިޑް އޮޕަރޭޝަންތައް ވެސް ހިންގައިފަ އެވެ. ފަޅަށް ހުރި ސަރުކާރުގެ ބައެއް އިމާރާތްތަކާ އެކު މާލޭގައި 50 އަށް ވުރެ ގިނަ ޑްރަގު އައްޑާ ހުރި ކަމަށް ވެސް ހޯމްލޭންޑް މިނިސްޓްރީން މިދިޔަ ޖޫން މަހު ބުނެފައިވެ އެވެ.

ފުލުހުން މާލެ ކްރިމިނަލް ކޯޓް މަސްތުވާތަކެތި ޑްރަގް ޓްރެފިކްކުރުން

9 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިއީކާކު

14 October 2024

ގަލޮޅުމަސްކައްކާގޭގެ ގޯޅީގައިވެސް ވަރަށްފުޅާދާއިރާއެއްގައި ތިކަމެއްކުރަމުންދާ ކަމަށް އެހިސާބުގައި ދިރިއުޅޭ ފަރާތްތައް ހާމަކުރޭ. އަދި އެކަންކުރާތަނުގެ ބޭރުގައި ސީސީޓީވީ ކެމެރާހަރުކޮށްފައި ހުންނަކަމަށް ވަނީ. މިކަމަށް އަވަސްޙައްލެއް ހޯދަންޖެހޭނެ ކަމަށް ޤަބޫލުކުރަން. ޙައްލެއްބޭނުން!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

14 October 2024

ސެންޓް ގޭ ގޯޅިތެރޭގަ އެހުރީ އެވެ. ސެންޓް ގޭގެ ބައެއްގަ އެވެ. ފުލުހުން އައިސް މަގުމަތީން ސުވާލު ކޮށްލާފަ ދަނީ އެވެ. އެގެ އަކަށް ނުވަދެ އެވެ. ކޮންމެ ދުވަހަކު ދެދަޅަ އަށް ފަހަރަކު މީހަކު ވަދެ ބޮއި ، ހިފައިގެން އެދަނީ އެވެ.