ރާއްޖެއާއި ޗައިނާގެ ގުޅުން ރަމްޒުކޮށްދޭ ޕާކެއް މިއަދު ހުޅުވައިފި އެވެ.

މާލެއިން ބްރިޖަށް އަރާ ހިސާބުގައި ތަރައްގީކުރި ކުޑަ ޕާކު ހުޅުވައިދެއްވީ ކޮންސްޓްރްކަޝަން މިނިސްޓަރު ޑރ. އަބްދުﷲ މުއްތަލިބު އަދި ޗައިނާއިން ރާއްޖެ ކަނޑައަޅާފައިވާ ސަފީރު ވަންގް ލީޝިން އެވެ.

ކޮންސްޓްރަކްޝަން މިނިސްޓަރު ޑރ. މުއްތަލިބު އަދި ޗައިނާ ސަފީރު ވަން ލިޒިން، ބްރިޖު ޕާކް މިއަދު ހުޅުވައިދެއްވަނީ.-- ފޮޓޯ: ފަޔާޒު މޫސާ/ މިހާރު
ކޮންސްޓްރަކްޝަން މިނިސްޓަރު ޑރ. މުއްތަލިބު އަދި ޗައިނާ ސަފީރު ވަން ލިޒިން، ބްރިޖު ޕާކް މިއަދު ހުޅުވައިދެއްވަނީ.-- ފޮޓޯ: ފަޔާޒު މޫސާ/ މިހާރު

ކޮންސްޓްރަކްޝަން މިނިސްޓްރީން ބުނީ ބްރިޖް ޕާކަކީ މުޖުތަމައު ގުޅުވާލުމަށް ޗައިނާގެ އެހީގައި ކުރިއަށްގެންދިޔަ މަޝްރޫއުތަކާއި ދެ ގައުމުގައި އޮތް ޒަމާންވީ ގާތް ގުޅުން ދައްކުވައިދޭ ތަނެއް ކަމަށެވެ.

އިށީނދެވޭ ގޮތަށް ތަރައްގީކޮށްފައިވާ ޕާކުގެ ތެރޭގައި، ސިނަމާލެ ބްރިޖު މަޝްރޫއު ތަރައްގީކުރުމުގެ އެކި ފިޔަވަހިތަކުގެ ފޮޓޯ ބަހައްޓާފައިވެ އެވެ.

ބްރިޖު ޕާކް ހުޅުވަން މިއަދު ބޭއްވި ރަސްމިއްޔާތުގައި ކޮންސްޓްރަކްޝަން މިނިސްޓްރީގެ އިސްވެރިންނާއި ކުޑަކުދިންތަކެއް ބައިވެރިވަނީ.-- ފޮޓޯ: ފަޔާޒު މޫސާ/ މިހާރު
ބްރިޖު ޕާކް ހުޅުވަން މިއަދު ބޭއްވި ރަސްމިއްޔާތުގައި ކޮންސްޓްރަކްޝަން މިނިސްޓްރީގެ އިސްވެރިންނާއި ކުޑަކުދިންތަކެއް ބައިވެރިވަނީ.-- ފޮޓޯ: ފަޔާޒު މޫސާ/ މިހާރު

މާލެއާ ހުޅުމާލެ ގުޅުވާލި މި ބްރިޖަކީ ޗައިނާ ސަރުކާރުގެ ބޮޑު އެހީއެއްގައި ނިންމި މަޝްރޫއެކެވެ. ސިނަމާލެ ބްރިޖަށް ގާތްގަނޑަކަށް 200 މިލިއަން ޑޮލަރު ހަރަދުވި އެވެ. އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އަދި ލޯނެއްގެ ގޮތުގައި 72 މިލިއަން ޑޮލަރު ދިން އިރު، ދިވެހި ސަރުކާރުން ވަނީ 12 މިލިއަން ޑޮލަރު ހަރަދުކޮށްފަ އެވެ.