ޑޮމެއިން ނަމްބަރުތައް ވިއްކުން އަންނަ މަހު އަލުން ފަށަނީ

ރައްޔިތުންގެ މަޖިލީހުގެ އިދާރާގެ ކުރިމަތި ނުވަތަ ގްރީން ޒޯނުގެ ޕާކިން ޒޯނުގައި ޑޮމެއިން ނަމްބަރު ޖަހާފައި އޮތް ކާރެއް.-- ފޮޓޯ: ފަޔާޒް މޫސާ | މިހާރު

ފާތިމަތު އަޖްފާން، މިހާރު

26 އޮކްޓޯބަރ 2024 - 18:24

14 comments

އަންނަ މަހުން ފެށިގެން އަލުން ޑޮމެއިން ނަމްބަރުތައް ވިއްކަން މަސައްކަތް ކުރަމުންދާ ކަމަށް ޓްރާންސްޕޯޓް މިނިސްޓްރީން މިއަދު ބުނެފި އެވެ.

ބޮޑު އަގުގައި އަދި ނީލަމުގެ އުސޫލުން ވިއްކަމުން ދިޔަ ޑޮމެއިން ނަމްބަރުތައް ވިއްކުން ހުއްޓާލީ ކުރީގެ ސަރުކާރުގައި އޮގަސްޓް، 2023 ގަ އެވެ.

ޓްރާންްސްޕޯޓް މިނިސްޓްރީން ނެރުނު ބަޔާނެއްގައި ބުނީ އަލުން ޑޮމެއިންގެ ހިދުމަތް ފަށާއިރު މިހާރު އަމަލު ކުރަމުން އަންނަ އުސޫލުތަކާއި ގަވާއިދުތައް ވެސް އިސްލާހު ވާނެ ކަމަށެވެ.

އެގޮތުން ޑޮމެއިން ހިދުމަތް ދިނުމާގުޅޭ ލިޔެކިޔުންތަކަކީ ސެކިއުރިޓީ ފީޗާސް އެކުލެވޭ ލިޔެކިޔުންތަކަކަށް ބަދަލުވެގެން ދާނެ ކަމަށް ވެސް މިނިސްޓްރީން ބުންޏެވެ.

އެ ނަމްބަރުތައް ވިއްކުމުގައި މަގްސަދަކަށް ވާނީ ޑޮމެއިން ހިދުމަތާއި ގުޅިގެން ކުރިމަތިވެފައިވާ މައްސަލަތަކަށް ގާނޫނީ ހައްލު ހޯދައިދީ އެ ހިދުމަތަކީ ފަސޭހައިން ލިބޭ ހިދުމަތަކަށް ހެދުން ކަމަށް ވެސް މިނިސްޓްރީން ބުންޏެވެ.

"މި މިނިސްޓްރީން މަސައްކަތް ކުރަމުން މިދަނީ މި އަންނަ ނޮވެމްބަރު މަހުގެ ތެރޭގައި އަލުން ޑޮމެއިންގެ ހިދުމަތް ފަށައި، ދިމާވެފައިވާ މައްސަލައަށް ހައްލު ކުރުމުގެ މަސައްކަތް ފެށުމަށެވެ.'' އެ ބަޔާނުގައިވެ އެވެ.

އަލުން އެ މަސައްކަތް ފެށި ނަމަވެސް މިނިސްޓްރީން ވަނީ އެއްވެސް މީހެއްގެ ހައްގަކަށް އުނިކަމެއް ނާންނާނެ ކަމުގެ ޔަގީންކަން ދީފަ އެވެ.

ޓްރާންސްޕޯޓް މިނިސްޓަރު މުހައްމަދު އަމީން ކުރިން ވިދާޅުވެފައިވަނީ ޑޮމެއިން ނަމްބަރު ވިއްކުން ހުއްޓާލުމާ ހަމައަށް 1،200 ނަމްބަރު ދޫކޮށްފައިވާ ކަމަށެވެ. އޭގެ ތެރެއިން 50 ޕަސެންޓް ނަމްބަރުގައި މައްސަލަތައް ހުރި ކަމަށް މިނިސްޓަރު އޭރު ވިދާޅުވެފައިވެ އެވެ.

ވެހިކަލްތައް ޓްރާންސްޕޯޓް މިނިސްޓްރީ

14 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރާވެރިބެ

27 October 2024

ޑޮމެއިން ވިއްކަން އެންމެ އިންސާފުވެރި ގޮތަކީ ނީލަން ކިޔުން. ކޮންމެ މަހަކި އެއް ދުވަހު ނީލަން ކިޔުން ބާއްވާނީ ހުޅުވާލައިގެން އެންމެނަށް ބައިވެރި ވެވޭގޮތަށް. ނީލަން ކާމިޔާބުވާ މިޙާ 24 ގަޑި އިރުތެރޭ ފައިސާ ދައްކާފަ ނަމްބަރާ ހަވާލުވާން ޖެހޭނެ.