ފިނޭންސް މިނިސްޓަރު ޒަމީރު ރައްޔިތުންގެ މަޖިލިހުގެ މިއަދުގެ ޖަލްސާ އަށް އަންނަ އަހަރުގެ ބަޖެޓް ހުށަހަޅުއްވައި ދެއްވަނީ.
31 އޮކްޓޯބަރ 2024 - 14:53
13 comments
އިގުތިސާދީ ހާލަތު ހަމައަކަށް އެޅުވުމަށްޓަކައި އިކޮނޮމިކް ރިފޯމް އެޖެންޑާ ތަންފީޒު ކޮށްގެން ރާއްޖޭގެ އުފެއްދުންތެރިކަން 2028 ވަނަ އަހަރު 10 ބިލިއަން ޑޮލަރާ ހަމައަށް އެރުވުމަކީ އަމާޒެއް ކަމަށް އިކޮނޮމިކް މިނިސްޓަރު މޫސާ ޒަމީރު މިއަދު ވިދާޅުވެއްޖެ އެވެ.
އަންނަ އަހަރަށް ލަފާކުރާ ދައުލަތުގެ ބަޖެޓު ހުށަހަޅުއްވައި ދެއްވަމުން މިނިސްޓަރު ވިދާޅުވީ، މި ރިޔާސީ ދައުރު ނިމޭއިރު އިގުތިސާދީ މައި މަރުކަޒުތައް ހެދުމަށް އަމާޒު ހިފާފައިވާ ކަމަށެވެ. އެކަން ކުރުމަށް ރާއްޖޭގެ އެކި ސަރަހައްދުތަކުގައި އާބަން ސެންޓަރުތައް ހަދައި، ސަރަހައްދީ ތަރައްގީ ގެންނާނެ ކަމަށް އޭނާ ވިދާޅުވި އެވެ.
މި އަހަރު ރާއްޖޭގެ ޖީޑީޕީ ހުރީ 6.9 ބިލިއަން ޑޮލަރުގަ އެވެ. އެހެންވެ، ސަރުކާރުގެ އަމާޒަށް ވާސިލުވާން ކުރިއަށް އޮތް ތިން އަހަރު އުފެއްދުންތެރިކަމަށް ހަތަރު ބިލިއަން ޑޮލަރު އިތުރު ކުރަން ޖެހޭނެ އެވެ. ޖީޑީޕީ އަކީ ގައުމުގައި ވަކި މުއްދަތެއްގެ ތެރޭގައި އުފައްދައި ފޯރުކޮށްދޭ ހުރިހާ މުދަލާއި ހިދުމަތެއްގެ ބާޒާރުގެ އަގު ވަޒަންކުރާ ފައިސާގެ މިންގަނޑެވެ. ޖީޑީޕީ ކުރިއެރުވުމަށް ރާއްޖޭގެ އިގްތިސާދުގެ ހުރިހާ ދާއިރާތަކެއް ކުރިއަރުވަން ޖެހޭނެ އެވެ.
މަޖިލީހުގެ މިއަދުގެ ޖަލްސާގައި އަންނަ އަހަރަށް ލަފާކުރާ ބަޖެޓު ފިނޭންސް މިނިސްޓަރު ޒަމީރު ހުށަހަޅައި ދެއްވަނީ. --ފޮޓޯ: މަޖިލީހުގެ އިދާރާ
"އިގުތިސާދީ ކުރިއެރުމަކީ އެންމެހައި ރައްޔިތުންނަށް އޭގެ މަންފާ ހަމަހަމަކަމާއެކު ލިބޭނެ ފަދަ ކުރިއެރުމަކަށް ހެދުމަށް ދިވެހިން ގެދޮރުވެރިވުން ކޮންމެހެން މުހިންމު. ފާއިތުވި ސަރުކާރުތަކުން ދިވެހިން ގެދޮރުވެރިކުރުވުމަށް މަސައްކަތްތަކެއް ކޮށްފައިވީ ނަމަވެސް އަދާ ހަމައަށް މި މައްސަލައަށް ވަނީ އެދެވޭ ހައްލެއް ނުލިބި،" ޒަމީރު ވިދާޅުވި އެވެ.
އޭނާ ވިދާޅުވީ، މިވަގުތު ބަޖެޓު ތަންފީޒުކޮށް ރައީސް މުއިއްޒުގެ އަމާޒުތަކުގެ ތަސައްވުރު ތަންފީޒު ކުރުމަށް ބޭނުންވާ އެންމެ ބޮޑު ގޮންޖެހުމަކީ ފިސްކަލް ހާލަތު ކަމަށެވެ.
"ސަރުކާރުގެ ހަރަދު ކުޑަކުރަން ފިޔަވަޅު އެޅުން އަހަރުތަކެއް ވަންދެން ފަސްކޮށް، ބޮޑެތި އަދަދުތަކުން ޑެފިސިޓް ބަޖެޓުތައް ތަންފީޒު ކުރަމުން ގޮސްފައި ވުމުގެ ނަތީޖާއަކީ، ދައުލަތުގެ ދަރަނި އިތުރުވެ، ދައުލަތުގެ އާމްދަނީއާ ބައްދަލު މިންވަރަކަށް ހަރަދުތައް ކުޑަކުރުމަށް އެކީ އެއްފަހަރާ ގިނަ ނިޒާމީ ބަދަލުތަކެއް ގެންނަން މަޖުބޫރު ވުން،" މިނިސްޓަރު ވިދާޅުވި އެވެ.
އަންނަ އަހަރަށް ލަފާކޮށް ސަރުކާރުން މަޖިލިހަށް މިއަދު ހުށަހެޅީ 56.6 ބިލިއަން ރުފިޔާގެ ބަޖެޓެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާވެރިބެ
31 October 2024
ޖީޑީޕީ 10 ބިލިއަނަށް ކުރިއަރުވަން ތި ހިފާ އަމާޒު ބަރާބަރު. އެކަމަކު މައްސަލައަކީ ރާއްޖޭގެ އެންމެ ބޮޑު ސިނާއަތުގަ ގެސްޓް ހައުސް ފިޔަވައި ގިނަ ރިސޯޓުތަށް ބޭރު މީހުންގެ އަތްމައްޗަށް ގޮސް ހުސްވާކަން. މުސްތަގުބަލަށް މީ ވަރަށް ނުރައްކާ ބޮޑު ކަމެއް. މިހާރު ސަރުކާރަށް ވަރިހަމަ ވާނެތާ ކޮންމެ ގޮތަކަށް ވިޔަސް ޓެކްސް ލިބެންޏާ. އެކަމަކު މިކަމުގެ ހިތި މާގިނަ ދުވަސް ތަކެއް ނުވެ ފެންނާނެ.
ފިރުޒުލް.
31 October 2024
އިގްތިސާދު ތިވަރަށް ދާނެ. މިހާރު އަަޅާ ފިޔަވަޅުތަކުން ތިކަން ވާނެ އިންޝާﷲ
އިސްމާއިލް އުޝާމް
31 October 2024
ރައީސް މުއިއްޒް އަށް ވާނެ. އިގްތިސާދު ހަމަޔަކަށްވެސް އަޅުވާނެ
އާދިލް ރިޒާ
31 October 2024
ވިޝަންއަކާ އުއްމީދެއް އޮތިއްޔާ ވާނެ. ހެޔޮ މިސްރާބަށް ތިދަނީ
މުއްތަލިބް
31 October 2024
މިހެންވެ ބުނަނީ މިގައުމުގެ އިގްތިސާދު ނަގާ ކޮޅަށް ޖަހާނެ ވެރިޔަކަށް ވާނީ ރައީސް މުއިއްޒް
ސަނާހް
31 October 2024
މިކަން ވާނެ. ރައީސް މުއިޒްގެ އެ ކެޕޭސިޓީ ހުންނާނެ
އިލްޔާސްް
31 October 2024
ތީ ނުކުރެވޭނެ ވަރުގެ މަސައްކަތެއްނޫން. އުއްމީދު ކުރަނީ ތި ލަޑުދަޑިތައް ހާސިލްވާނެ ކަމަށް
ނުއުމާން
31 October 2024
އިހުލާސްތެރި ކަމާއެކު ގައުމުމާ މެދު ވިސްނާވެރިއެއް މުއިއްޒު މީ
ފިރާގް
31 October 2024
އިގްތިސޯދު ހަރުދަނާ ކުރުމަށް މި ސަރުކާރުން މި ކުރާ މަސަކަތް ކާމިޔާބު ވާނެ އިންޝާﷲ.
ކުޑާދަނު
31 October 2024
މިއަހަރު ރާއްޖޭ ޖީޑީޕީ އަކީ106.398 ބިލިޔަން ރުފިޔާއެވެ. އަންނަ އަހަރަށް ލަފާކުރާ ބަޖެޓަކީ 56.6 ބިލިޔަން ރުފިޔާއެވެ. މި 56.6 ބިލިޔަން ރުފިޔާވެސް ދައުލަތަކަށް މި އިކޮނޮމީގެތރެއިން ދުވަހަކުވެސް ރިކަވަރ ކުރެވިދާނެބާ!!!!!