އާސަންދަ ނިޒާމު ހަމަ މަގަށް ގެނައުމުން ފަރުވާއަށް ސަލާންޖެހުން ނިމުމަކަށް ގެނެވޭނެ: ހީނާ

އެންސްޕާގެ ސީއީއޯ ހީނާ "މިހާރު"އަށް މިއަދު އިންޓަވިއު ދެއްވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

14 ނޮވެމްބަރ 2024 - 16:26

އާސަންދަ ނިޒާމް ރިފޯމް ކޮށްގެން ނުވަތަ ހަމަ މަގަށް އަޅުވައިގެން ބޭސް ފަރުވާއަށް ސަލާން ޖެހުން ހުއްޓުވުމުގެ ފުރުސަތު ލިބޭނެ ކަމަށް އެންސްޕާގެ ސީއީއޯ ހީނާ ވަލީދު މިއަދު ވިދާޅުވެއްޖެ އެވެ.

އޭނާ "މިހާރު" އަށް ވިދާޅުވީ ބޭސް ފަރުވާއަށް ސަލާން ޖެހުން ހުއްޓުވުމުގެ ވާހަކަ ހުރިހާ ސަރުކާރަކުން ވެސް ދައްކާ ކަމަށެވެ. އެކަމަކު، މިހާތަނަށް އެއްވެސް ބަޔަކު އެ ނިޒާމަށް ބަދަލެއް ނުގެންނަ ކަމަށް ހީނާ ވިދާޅުވި އެވެ.

މި ސަރުކާރުން ވަނީ، މި މަހުން ފެށިގެން އާސަންދަ ނިޒާމަށް ބަދަލުތައް ގެންނަން ފަށައިފަ އެވެ. އޭގެ އެންމެ ފުރަތަމަ ކަމަކީ، އަމިއްލަ އިންޝުއަރެންސެއް އޮތް މީހެއް ނަމަ، ޓްރާންސެކްޝަން ހަދާއިރު އެ އިންޝުއަރެންސަށް އިސްކަންދިނުން ހިމެނެ އެވެ.

އޭގެ އިތުރުން، އެންމެ މުއްސަނދިންގެ އަތުން އަންނަ އަހަރުން ފެށިގެން ވަކި އަދަދެއް ނަގައި، އާސަންދަ ނިޒާމަށް ދައުލަތުން ކުރާ ހޭދަ ކުޑަކުރަން ވެސް ވަނީ ނިންމައިފަ އެވެ.

ބޭސްފަރުވާއަށް މި އަހަރު މިހާތަނަށް އެކަނި ވެސް އާސަންދައިން 2.5 ބިލިއަން ރުފިޔާ ވަނީ ހަރަދުކޮށްފަ އެވެ. އެއީ ފާމަސީތަކާއި ފަރުވާތަކަށެވެ.

ސިއްހީ ފަރުވާ އަށް ކުރާ ހޭދަ އެއް އަހަރުން އަނެއް އަހަރަށް އިތުރުވިއަސް، ބޮޑެތި ބަލިތަކަށް ފަރުވާ ހޯދަން އަދި ވެސް ގިނަ ބަޔަކު ސަލާން ޖަހަ އެވެ. އޭގެ ތެރެއިން ސޯޝަލް މީޑިއާގެ އެކި ޕްލެޓްފޯމުތަކާއި ރަށްރަށުގައި ވެސް ފަންޑުރައިޒިން ކެމްޕެއިންތައް ކުރިއަށް ގެންދެ އެވެ.

ފާމަސީތަކެއް ކައިރިން މީހަކު ހިނގާލާފައި ދަނީ.-- ފޮޓޯ: ފަޔާޒު މޫސާ/ މިހާރު

ހީނާ ވިދާޅުވި ގޮތުގައި އާސަންދައިން ކުރާ ހޭދަތައް ހަމަ މަގަށް އެޅުވުމުން އެންމެ ބޭނުން ޖެހިފައިވާ މީހުންނަށް ފުރިހަމަ އެހީތެރިކަން ދެވޭނެ އެވެ.

"ބޭސް ސިޓީއަށް ސަލާންޖެހުން އެބައޮތް. އެއީ ހުރިހާ ސަރުކާރުތަކުން ވެސް ދައްކަމުން އައި ވާހަކައެއް އެއީ އެ ނިޒާމް ހުއްޓުވާނަމޭ. ހަގީގަތަކީ ބޭސް ސިޓީ އަށް ސަލާން ޖަހަމުން މި ދަނީ. މި ނިޒާމަކަށް ބަދަލެއް ނާދޭ. އަޅުގަނޑުމެން މި ދަންނަވާ ވާހަކައަކީ، މީގެ ތެރެއިން އަޅުގަނޑުމެންނަށް ފުރުސަތު ލިބެއޭ ބޭސް ސިޓީއަށް ސަލާން ޖެހުން ހުއްޓުވަން،" ހީނާ ވިދާޅުވި އެވެ.

"ބޮޑެތި، ދާއިމީ ބަލިތަކަށް ފަރުވާކުރާ ފަރާތްތަކަށް މި ކަމުގައި އާސަންދަ މެދުވެރިކޮށް ވެސް ފުރިހަމަ ރައްކާތެރިކަން ލިބޭނެ ނިޒާމެއް ގާއިމްކުރަން. އަދި ހަމަ އެހެންމެ ހާލަތެއް ދިމާވެގެން މީހަކަށް ދިމާވާ ސިއްހީ ހާލަތެއްގެ ސަބަބުން އެ މީހަކަށް ބޭސް ފަރުވާގެ ފުރުސަތު ފުރިހަމައަށް ފަހިކޮށްދެވޭނެ ނިޒާމެއް ގާއިމްކުރުން."

ހީނާ ވިދާޅުވީ މުޖުތަމައުގެ ތެރޭގައި ހަގީގަތުގައި ވެސް އެހީތެރިކަން ބޭނުންވާ ވަރަށް ގިނަ ބަޔަކު އެބަތިބި ކަމަށެވެ. ނަމަވެސް، އެ ނިޒާމު އޮތްގޮތުން އަދި ޕްރެކްޓިސް ކުރަމުން އައީ އެހެން ގޮތަކަށް ކަމަށް ވިދާޅުވި އެވެ.

"އެންމެ ބޮޑަށް އެހީތެރިކަން ލިބެންޖެހޭ މީހާ އަށް މުޖުތަމައުގެ ތެރޭގައި، އެންމެ ވަލްނަރަބްލް މީހާއަށް މީގެ ބޭނުން ހިފޭނެ ގޮތަކަށް މި ނިޒާމްތައް އަތުރާލުމުގެ މަސައްކަތް މިހާރު ކުރަމުން މި ދަނީ." ހީނާ ވިދާޅުވި އެވެ.

ސިއްހަތު އާސަންދަ ހެލްތު މިނިސްޓްރީ ހީނާ ވަލީދު (ސީއީއޯ، އެންސްޕާ) އާސަންދަ ޕްރައިވެޓް ލިމިޓެޑް އެންސްޕާ

17 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވައިއި

14 November 2024

ޙަގަގީގަތުގަ ކްލިނިކުތަކުން އާސަންދައިގެ ނާޖާޒު ފައިދާ ނަގާ... ބޭނުން ކުރަން ނުޖެހޭ ބޭސްތައް އަގު ބޮޑުކޮށް ވިއްކާ... ރައްޔިތުންނަށް ނޭގެނީ މުއްސަދި ކްލިނިކް އޯނާރުން ރައްޔިތުންގެ ފާއިސާ ނަހަމަ ގޮތުގަ ބޭނުން ކުރާ ވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްރު45

14 November 2024

ޢާސަންދަ ހިނގަން އެކައުންޓަށް މަހަކު ފަސްދޮޅަސް ހާސްރުފިޔާ އަށް ވުރެގިނައިން ވަންނަ މީހުން އަތުން، އިންކަމް ޓެކްސްގެ އިތުރުން، ކޮންޓްރިބުއިސަން އެއްގެ ނަމުގާ ފައިސާ އަތުލާފަ، ޕާރޓީގަ ތިބޭ ފަގީރު ގުދީންނަށް ބޭސް ކޮށްދިނީމަ އޯކޭ އެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމޮޅު

14 November 2024

އެހެންވީމާ އިންޝިއުރެންސް އޮންނަ ފަރާތްތަކަށް އާސަންދަ ދާއިމީ ކޮށް ކަނޑާލީމާ އެޖެހުނީ ސަލާންޖަހާކަށް ނޫންތޯ؟ ކަމަނާފާނުމެން ބަލިފުޅު ވެލެއްވީމާ ގައުމުން ބޭރުގަ ބޭސްފަރުވާ ކުރެއްވިޔަސް އަޅުގަނޑުމެން ނިކަމެތިން ސަލާން ޖަހަން ދާން ޖެހެނީ ހަމަ ކަމަނާމެން އަރިއަހަށް ނޫންތޯ؟ އިހަށް ދުވަހު ވިހައިގެން އައި މީހަކު އައީ 25000/- ހޮސްޕިޓަލް އަށް ދައްކާފަ. އާސަންދަ ކަނޑާފަ އިނދެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރުކަލޭގެފާނު

14 November 2024

އެއިރުން ސަލާމް ޖެހުން އިތުރުވާނީ؟ ކަމަނާއަށް ތިޔަ ކިޔާއެއްޗެއް އަދި ސަރުކާރުން މަޖިލީހަށް ހުށަ ހަޅައިގެން މިއުޅޭ އެއްޗެއް އެނގޭ ހެއްޔެވެ؟ ސަރުކާރުގެ އެކި ގުނަންތަށް މިހާ ޑިސްކަނެކްޓްވެ އެކަތި އަނެކެއްޗާއި ދިމާނުވެ، އެކި ކަންތަށް އެކި ގޮތްގޮތަށް، ތަރުތީބު ގެއްލި މިވެގެން އުޅެނީ ކިހިނެއްތޯއެވެ. ކަމަނާ ހަމަ އެކަނި މިހާރު ނޫސް ވިދާޅުވާން ގޭގައި ހުއްޓަސް މިވާން އުޅޭއެއްޗެއް ކޮންމެވެސް ވަރަކަށް ސާފުވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލުމަށް

14 November 2024

އާސަންދައިން މިހާރު ގެންނަމުންދާ ބަދަލުތަކުން ގިނަ ބޭސްތަށް މާކެޓުން ލިބުން ދަތިވެއްޖެ...އަމިއްލަ ޖީބުން ކޮންމެސް ވަރެއްދައްކަން ބައެއްބޭސްތަކަށް އެބަޖެހޭ...މިކަމަކީ ރައްޔިތުންގެ ފަރުވާއާއި ގުޅުންހުރި ކަމަކަށްވާތީ ރައްޔިތުންގެ ނުރުހުން އިތުރުވުން ނޫންކަމަކަށް ނުވާނެ...ރާއްޖެއިން ބޭސްނަގަނީ ވަރަށް އާދައިގެ ރައްޔިތުން...މަހުޖަނުން، މެމްބަރުން މިހާރުވެސް ފަރުވާކުރައްވަނީ ބޭރު ގައުމުތަކުން...ރަނގަޅު މިސްރާބަކަށްދާކަމަކަށް ނުބެލެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައިއި

14 November 2024

އާދައިގެ ރައްޔިތުންނަށް އާސަންދަ ލިބޭ... ބޭސް ވެސް ލިބޭ.. އަމިއްލަ ޖީބުން ދައްކަން ޖެހެނީ އާސަންދައިން ކުރިން ވެސް ނުލިބޭ ބޭސްތައް... ޙަގަގީގަތުގަ ކްލިނިކުތަކުން އާސަންދައިގެ ނާޖާޒު ފައިދާ ނަގާ... ބޭނުން ކުރަން ނުޖެހޭ ބޭސްތައް އަގު ބޮޑުކޮށް ވިއްކާ... ރައްޔިތުންނަށް ނޭގެނީ މުއްސަދި ކްލިނިކް އޯނާރުން ރައްޔިތުންގެ ފާއިސާ ނަހަމަ ގޮތުގަ ބޭނުން ކުރާ ވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗް އެމް

14 November 2024

ބޭހުގެ އަގު ކޮންޓްރޯލް ކުރިވާހަކަ ދާދި އިހަކަށް ދުވަހު ނޫހުން ފެނުނު. ކޮންޓްރޯލުވީ އާސަންދަ ގަންނަ އަގު. ބޭސް ފިހާރަތަކުން އެބޭސް ތަށް އާސަންދަ އަށް ދޫނުކޮރޭ. ފައިސާދީފަ ވިއްކި އަގަކަށް ގަންނަން މިޖެހެނީ. މިވީގޮތުން ސަރުކާރަށް ވެސް ލުއިލިބިފަ ބޭސް މަހުޖަނުންނަށްވެސް ފައިދާވީ.