އެއާޕޯޓުގައި ފުރަން ގޮސް ތިބި ބަޔަކު -- ފޮޓޯ: މިހާރު
01 ޑިސެމްބަރ 2024 - 18:14
49 comments
އެއާޕޯޓު ޑިވެލޮޕްމެންޓް ފީ (އޭޑީއެފް) އާއި ޑިޕާޗާ ޓެކްސް އަށް ބޮޑެތި ބަދަލުތަކެއް ގެނެސް، ރާއްޖޭގެ އެއާޕޯޓަކުން ބޭރަށް ފުރާ ފަސިންޖަރުންގެ އަތުން ޓެކްސް އާއި ފީ ނެގުމާ ބެހޭ ގާނޫނަށް ގެނައި އިސްލާހަށް އަމަލުކުރަން ފަށައިފި އެވެ.
އެއާޕޯޓު ޑިވެލޮޕްމެންޓް ފީ އާއި ޑިޕާޗާ ޓެކްސްއަށް ގެނައި ބަދަލާއެކު، އިކޮނޮމީ ކްލާހުގައި ރާއްޖެއިން ބޭރަށް ދަތުރުކުރާ ދިވެހިންގެ އަތުން ނަގާ ޓެކްސްއަށް ބަދަލެއް ނަޔަސް، ބިދޭސީންގެ އަތުން ނަގަމުން އައި 30 ޑޮލަރުގެ ބަދަލުގައި 50 ޑޮލަރަށް ބޮޑުވާނެ އެވެ.
އަދި ބިޒްނަސް ކްލާހުގައި ދަތުރުކުރާ ދިވެހިންނާއި ބިދޭސީންގެ އަތުން ނަގާ ފީ ވެސް 120 ޑޮލަރަށް ބޮޑުވާއިރު، ފަސްޓް ކްލާހުގައި ދަތުރުކުރާ މީހުންގެ އަތުން ނަގާ ފީ 240 ޑޮލަރަށް ބޮޑުވާނެ އެވެ.
މީގެ އިތުރުން ޕްރައިވެޓް ޖެޓުގައި ދަތުރު ކުރާ މީހުންގެ އަތުން 480 ޑޮލަރު ނަގާނެ އެވެ. އެއީ ކުރިން ނަގަމުން އައި އަދަދަށް ވުރެ 300 ޕަސެންޓުގެ އިތުރުވުމެކެވެ.
އެއާޕޯޓު ޑިވެލޮޕްމެންޓް ފީ އާއި ޑިޕާޗާ ޓެކްސް އަށް ގެންނައި އިސްލާހު:
- އިކޮނޮމީ ކްލާސް (ބިދޭސީން):
ކުރިން: 30 ޑޮލަރު
ބޮޑުކުރާ ރޭޓް: 50 ޑޮލަރު
- ބިޒްނަސް ކްލާސް (ދިވެހިންނާއި ބިދޭސީންނަށް)
ކުރިން: 60 ޑޮލަރު
ބޮޑުކުރާ ރޭޓް: 120 ޑޮލަރު
- ފަސްޓް ކްލާސް (ދިވެހިންނާއި ބިދޭސީންނަށް)
ކުރިން: 90 ޑޮލަރު
ބޮޑުކުރާ ރޭޓް: 240 ޑޮލަރު
- ޕްރައިވެޓް ޖެޓް (ދިވެހިންނާއި ބިދޭސީންނަށް)
ކުރިން: 120 ޑޮލަރު
ބޮޑުކުރާ ރޭޓް: 480 ޑޮލަރު
މިއަދުން ފެށިގެން ދަތުރު ކުރާ ފަރާތްތަކުގެ ޓިކެޓުން މި އަދަދުތައް ޗާޖުކުރަން ފަށާނެ އެވެ.
މި އަދަދުތަކާ އެއްގޮތަށް ޑިޕާޗާ ޓެކްސް އާއި އެއާޕޯޓު ޑިވެލޮޕްމެންޓް ފީ ވެސް ނަގާނެ އެވެ.
އޭގެ ތެރެއިން ޑިޕާޗާ ޓެކްސް އަށް ލިބޭ ޑޮލަރުން ރިޒާވް އިތުރުވާނެ އެވެ. އެއާޕޯޓް ޑިވެލޮޕްމެންޓް ފީ އަށް އިތުރުވާ އަދަދު ޖަމާކުރާނީ މިހާރެކޭ އެއްގޮތަށް ސޮވަރިން ޑިވެލޮޕްމެންޓް ފަންޑަށެވެ.
މި ގެނައި ބަދަލާ އެކު ޖުމްލަ އާމްދަނީ އަށް 1.5 ބިލިއަން ރުފިޔާ އިތުރުވާނެ ކަމަށް ފިނޭންސް މިނިސްޓްރީން ލަފާކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާނިމް
02 December 2024
މިއަދު ގައުމު އޮތް ހާލަތުން މިކަން ނުކޮށްނެތް ވާކަށް. ގައުމުގެ އިގްތިސޯދު ހަމަޔަށް އަޅުވަން ޖެހޭ
ހައިޝަމްް
02 December 2024
މިއީ ނަގަންޖެހޭ އެއްޗެއް. ދުނިޔޭގެ ކުރިއަރާފަ ހުރި ގައުމްތަކުންވެސް މިކަން ކުރަނީ މިފަދައިން.
ހުށާމްް
02 December 2024
ރައްޔިތުންނަށް ބުރަނުވާގޮތަށް ދައުލަތުން އާމްދަނީ ނެގުމަކީ ވަރަށް ތާއިދްކަމެއް.
ރާފިއުު
02 December 2024
ރާއްޖެއަށް ގެސްޓުންއަންނަވަރު މަދެއް ނުވާނެ. ވަންޏާވާނީ ގިނަ. ގެސްޓުން މިތަނަށް ކޮންމެ އަގެެއްގައިވެސް އަންނާނެ.
ފޮނިފޮނިޓައްޕު ކުމާރު
02 December 2024
ތިއުޅެނީ ރަންބިސްއަޅާ ކުކުޅު ބަނޑުފަޅާ ބިސްތައް އެއްލަކިން ނަގާންތަ؟
އަސްނާދް
02 December 2024
މިއުޅެނީ މިގައުމު ވެއްޓިފައިން ހާލަތުން އަރައިގަންނަން. މިކަން ކުރަންޏާ ކުރަން ބޭނުންނުވާ ކަންކަން ކުރަންޖެހޭނެ.
ތެފައާސާ.
02 December 2024
"...މި ގެނައި ބަދަލާ އެކު ޖުމްލަ އާމްދަނީ އަށް 1.5 ބިލިއަން ރުފިޔާ އިތުރުވާނެ ކަމަށް ފިނޭންސް މިނިސްޓްރީން ލަފާކުރެ އެވެ..." އެހެންވީމާ ލަސްނުކުރައްވާ މި އިތުރުވާ 1.5 ބިލިއަން ރުފިޔާއަށްވާވަރަށް ސިޔާސީ މަގާމުތައް އުފައްދަވައި ޕާޓީ ބޭކަލުން އައްޔަންކުރެއްވުމަށް ސަރުކާރަށް އިލްތިމާސް ދަންނަވަން.
ސަންގު ދެކުނު
02 December 2024
ވެރިކަން ކުރާން ނޭގޭ ބަޔަކަށް ވެރިކަން ދިނީމަ ވާނެ ގޮތް ތިވަނީ. ގައުމު ދަނީ ބަގުރޫޓު ވުމާއި ދިމާލަށް
ލަމާންް
02 December 2024
މި ގައުމު ގަސްތުގައި ބަނގުރޫޓްކޮށްލަން ރޭވީ އެމްޑީޕީއިން. މިހާރު އަހަރެމެން މި އުޅެންޖެހޭ ހާލަތުގެ ފުރިހަމަ ޒިންމާ ނަގަންޖެހޭނީ އެމްޑީޕީއިން. ވެރިކަން ކުރަން އެނގޭތީ ފައިސާ ޗާޕްނުކޮށް އަހަރެއް ނިންމާލީ. ރައީސް މުއިިއްޒުއާ ހަވާލުވީ ފެލާލާފައި އޮތް ވެރިކަމަކާ. އެހެންވީމާ ކަންކަން ފަސޭހަވާނީ އުނދަގޫވެގެން. އެކަމަކު ރާއްޖެ ބަނގުރޫޓް ނުވާނެކަމުގެ ފުރިހަމަ ޔަގީންކަން އެބައިން.
ކައްޒާބު ސަލާން ބުނި
02 December 2024
ކަލޭނޭ!! ދެން ފަތުރުވެރިން ވައި ކުޑައިގަވެސް ރާއްޖެ އަންނާނެ. ޓެކުސް ބޮޑު އެއާޕޯޓު ފީ ބޮޑު ވި ވަރެއް ރަގަޅު ވެގެން. މި އަޅެ ކާކު މުއިއްޒު އަށް ދިން އައިޑިއާ އެއް ބާ؟
އޮނަރަބްލް އަފީފު ދީދީ
02 December 2024
ދުނިޔޭގެ އެހެން ޤައުމުތަކުގައިވެސް އެޤައުމުގެ އެންމެބޮޑު ނުވަތަ ތަރައްޤީ އެއަރޕޯޓުތަކުން ނަގާ ހިދުމަތުގެއަގުތަކާއި އެއްވަރުއަގެއް ރަށްފުށުގެ ނުވަތަ ތަރައްޤީކުރާން ބޭނުންވާ ސަރަޙައްދުތަކުގެ އެއަރޕޯޓްތަކުން ނުނަގާފަދައިން ރާއްޖޭގެ ބައިނަލްއަޤުވާމީ އެއަރޕޯޓުތަކުން ނަގާން ކަޑައެޅި Airport Development Fee and Departure Tax ގެ އަގުތައް ކ.މާލެއާއި ދުރުގައިއޮތް ހަނިމާދުއާއި GAN International Airport ނުނަގާގޮތަށް ތިޔަޤާނޫނަށް އިސްލާޙް ގެނައިނަމަ ރަނގަޅު.
އޮނަރަބްލް އަފީފު ދީދީ
02 December 2024
ހަނިމާދުއާއި GAN International Airport އިން މިދެންނެވި ޓެކްސް ދައުލަތަށް ނުލިބުނު ކަމުގައިވިޔަސް މި އެއަރޕޯޓް ތަކުގެ ފިއުލްފާމް ސްޓޯރޭޖް ބޮޑުކޮށް ތެޔޮވިއްކައިގެންނާއި، ޕާކިންގ އަެރިޔާ ތަރައްޤީކޮށް މާލެއަންނަ ޖެޓްތަކަށް ޕާކިންގ ވިއްކައިގެން (މިހާރު ތެޔޮ އެޅުމަށާއި ޕާކިންގ އަށް ގިނަ ޖެޓްތައް ދަނީ ސިލޯނަށް) އާމްދަނީ އިތުރު ކުރެވިދާނެ. އަދި އައްޑުއާއި ހަނިމާދޫގައި އެއަރލައިން ކުރޫ ތިބޭނެ ފެސިލިޓީޒް ހަދާފައި އެއަރޕޯޓަށް އިތުރު އާމްދަނީ ހޯދިދާނެ.