އާންމު ސިއްހަތަށް ގެއްލުންވާ ގޮތަށް އުޅޭ ތަންތަން ބަލައި ހުޅުމާލެ އިން 14 ބިދޭސީއަކު އަތުލައިގެންފި

އިމިގްރޭޝަނުން ރޭ ބަލައި ފާސް ކުރި ތަންތަނުގައި ދިރިއުޅުނު ބިދޭސީންނާ ޕޮލިހުން އަދި އިމިގްރޭޝަންގެ އޮފިސަރުން ވާހަކަ ދައްކަނީ.-- ފޮޓޯ: އިމިގްރޭޝަން

ފާތިމަތު އަޖްފާން، މިހާރު

02 ޑިސެމްބަރ 2024 - 10:37

6 comments

ހުޅުމާލޭގައި ގަވާއިދާ ހިލާފަށް އުޅުނު 14 ބިދޭސީއަކު އިމިގްރޭޝަންގެ ބެލުމުގެ ދަށަށް ރޭ ގެންގޮސްފި އެވެ.

އެ އިދާރާ އިން މިއަދު އެކްސްގައި ކުރި ޕޯސްޓެއްގައި ބުނީ، އާންމު ސިއްހަތަށް ގެއްލުންވާ ގޮތަށް ހުޅުމާލޭގައި ބިދޭސީން ދިރިއުޅެމުންދާ ދެ އެކޮމޮޑޭޝަން ބްލޮކެއް ރެއިޑް އޮޕަރޭޝަންގައި ބަލައި ފާސްކޮށްފައިވާ ކަމަށެވެ.

ގަވާއިދާ ހިލާފަށް އުޅެމުން ދިޔަ ނުވަ ފިރިހެނުން ފުރަތަމަ ތަނުން ހައްޔަރު ކޮށްފައިވާއިރު، ދެ ވަނަ ތަނުން ތިން އަންހެނަކާއި ދެ ފިރިހެނުން ހިމެނޭހެން ޖުމްލަ 14 ބިދޭސީން އިމިގްރޭޝަންގެ ބެލުމުގެ ދަށަށް ގެންދިޔަ ކަމަށް އެ އިދާރާ އިން ބުންޏެވެ.

އިމިގްރޭޝަނުން ރޭ ބަލައި ފާސް ކުރި ތަންތަން.-- ފޮޓޯ: އިމިގްރޭޝަން

ހޯމް މިނިސްޓަރު އަލީ އިހުސާން މިދިޔަ މަހު ވިދާޅުވެފައި ވަނީ ރާއްޖޭގައި ގަވައިދާ ހިލާފަށް އުޅެމުން ދިޔަ ބިދޭސީންގެ ތެރެއިން 5،000 އެއްހާ މީހުން މިދިޔަ އެއް އަހަރު ތެރޭ ޑީޕޯޓު ކޮށްފައިވާ ކަމަށެވެ.

ފުރުވާލާފައިވާ ބިދޭސީންގެ ތެރޭގައި ގަވާއިދާ ހިލާފަށް، ސައްހަ ވިސާއެއް ނެތި ރާއްޖޭގައި އުޅެމުންދާ ބިދޭސީންނާއި އެކިއެކި ކުށްތަކަށް އަރައިގެންފައިވާ ބިދޭސީން ހިމެނެ އެވެ. އޭގެ ތެރޭގައި ވައްކަމާއި މަސްތުވާތަކެތީގެ މައްސަލަ އާއި ހަށި ވިއްކުމުގެ ވިޔަފާރީގައި ޝާމިލުވާ ބިދޭސީން އެ އޮޕަރޭޝަނުގައި ޑީޕޯޓް ކޮށްފައިވެ އެވެ.

އިމިގްރޭޝަނުން ރޭ ބަލައި ފާސް ކުރި ތަންތަނުގައި ދިރިއުޅުނު ބިދޭސީންނާ އިމިގްރޭޝަންގެ އޮފިސަރަކު ވާހަކަ ދައްކަނީ.-- ފޮޓޯ: އިމިގްރޭޝަން

ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް، ރައީސް ޑރ. މުހައްމަދު މުއިއްޒުގެ އިސްނެންގެވުމަށް ކުރަމުން އަންނަ މަސައްކަތުގެ ތެރެއިން، ބިދޭސީން ދިރިއުޅޭ ތަންތަންނާއި މަސައްކަތްކުރާ ތަންތަން ވެސް އިމިގްރޭޝަނުން އަނަނީ ބަލައި ފާސްކުރަމުންނެވެ.

ހުޅުމާލެ އިމިގްރޭޝަން މޯލްޑިވްސް އިމިގްރޭޝަން ގަވާއިދާ ހިލާފަށް އުޅޭ ބިދޭސީން ބިދޭސީން

6 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

02 December 2024

އެންމެ ސައުދަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިޔާ

02 December 2024

އާންމު ސިއްހަތަށް ބަލާފަ މި އެންމެން ހޯދަން ޖެހޭ. ތި ދެން އިންސާނުން ދިރިއުޅޭ ވަރުގެ ތަންތަނެއްވެސް ނޫނެއްނު. ދެން ތިހެން ހުރެފަ ފެންނާނީ ގުޅަ ބަޖިޔާ ހަދާ ތަން މުންޑު ފޮތިގަނޑު ދަށުން. ގަވައިދާ ހިލާފަށް މިއުޅޭ ހުރިހާ ބިދޭސީން ހޯދާ މި ގައުމުގަ މި ބައިގަނޑު މަދުކުރަން ރައީސް މުއިއްޒު މި ކުރައްވާ މަސައްކަތަށް ފަށްފަށުން ޝުކުރު ހައްގު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަމްމޫން

02 December 2024

ފަސް ހާހެއްހާ މީހުން އަހަރެއް ތެރޭ ބޭރު ކޮށްލެވުމަކީ ވަރަށް ބޮޑު ކުރިއެރުމެއް. ސޯލިހު ދިޔައީ އަހަރަކަށް ފަންސާސް ހާސް މީހުން އެތެރެ ކުރަމުން. އެއްވެސް ކަހަލަ ކޮންޓްރޯލްއެއް ނެތް އޭރުގަ. ގަވައިދާ ހިލާފަށް އުޅޭ މީހުންގެ އަދަދު ދަނީ ދުވަހަކަށް ވުރެ ދުވަހެއް ގިނަ ވަމުން. އެކަމަކު މިހާރު ބަޔަކު މަސައްކަތް ކުރާކަންވެސް އެބަ އިނގޭ އެއްނު އަމަލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީހް

02 December 2024

ކޮންމެ ދުވަހަކުހެން އެތަށް ބޭރު މީހުން އެބަ ޑީޕޯޓް ކޮށްލާ. އިމިގްރޭޝަން އިން ބަލާ ފާސް ނުކުރަނީ ކޮންތަނެއް. ވަރަށް ޓަފް މި މީހުން. ގަވައިދާ ހިލާފަށް އުޅޭ ބައިގަނޑު މިތާ ގިނަ ވާނީ. އެންމެން ހޯދާ ދީޕޯޓް ކޮށްލަން ވީ