އުޅަނދުތަކުގެ އަހަރީ ފީ އާއި ޖޫރިމަނާ ބަހާލައިގެން ދައްކަން ފުރުސަތު ދެނީ

މާލޭގެ މަގެއްމަތީ އުޅަނދުތައް: އުޅަނދުތަކުގެ އަހަރީ ފީގެ ޖޫރިމަނާ ބަހާލައިގެން ދައްކަން ފުރުސަތު ދޭން ގަވައިދެއް ވަނީ އެކުލަވައިލާފައި - ފޮޓޯ: މިހާރު

ނާޒިމް ހަސަން، މިހާރު

15 ޑިސެމްބަރ 2024 - 13:22

11 comments

އެއްގަމު އަދި ކަނޑު އުޅަނދުތަކުގެ އަހަރީ ފީ އާއި އެ ފީ ނުދެއްކުމުން އަރާފައިވާ ޖޫރިމަނާތައް އިންސްޓޯލްމަންޓް އުސޫލުން ބަހާލައިގެން ދެއްކުމުގެ ފުރުސަތު ލިބޭ ގޮތަށް ހަމަޖައްސައިފި އެވެ.

ޓްރާންސްޕޯޓް މިނިސްޓްރީން ވަނީ އެއްގަމު އުޅަނދާއި ކަނޑު އުޅަނދު ފަހަރާ ގުޅޭގޮތުން ދައްކަން ޖެހޭ އަހަރީ ފީ އާއި ޖޫރިމަނާގެ ފައިސާ ބަހާލައިގެން ދެއްކުމުގެ ގަވާއިދު"ގެ ނަމުގައި ގަވާއިދެއް މިއަދު ގެޒެޓްކޮށްފަ އެވެ.

އެ ގަވާއިދުގެ މަގްސަދަކީ އަހަރީ ފީ އާއި އެ ފައިސާ ނުދެއްކުމުގެ ސަބަބުން އަރާފައިވާ ޖޫރިމަނާގެ ފައިސާ ފައިސާ އެކީ އެއް ފަހަރާ ދައްކަން ދަތިވާ މީހުންނަށް ލުއިފަސޭހަ އިންތިޒާމެއް ހަމަޖެއްސުމެވެ.

އެ ގަވާއިދުގައިވާ ގޮތުން ފަސް ޝަރުތެއް ހަމަވާ މީހުންނަށް އަހަރީ ފީ އާއި ޖޫރިމަނާގެ ފައިސާ ބަހާލައިގެން ދައްކަން ފުރުސަތު ދެވޭނެ އެވެ. އެއީ؛

- ދައްކަން ޖެހި ނުދައްކާ ހުރި ފައިސާގެ އަދަދު 10،000ރ. އަށް ވުރެ އިތުރުވެފައިވުން

- ފައިސާ ދެއްކުމުގެ މުއްދަތު ހަމަވެފައިވުން

- ގަވާއިދުގެ ދަށުން ފައިސާ ބަހާލައިގެން ދައްކަން އަމިއްލައަށް ހުށަހެޅުން

- މީގެކުރިން ބަހާލައިގެން ފައިސާ ދެއްކުމުގެ ފުރުސަތު ދީފައިވާ ފަރާތަކަށް ނުވުން

- އެދޭ ފަރާތަކީ އުޅަނދުގެ ވެރިފަރާތް ކަމުގައިވުން.

ގަވައިދުގައިވާ ގޮތުން ބަހާލައިގެން ޖޫރިމަނާގެ ފައިސާ ދައްކަން ފުރުސަތު ދޭނީ ކޮމިޓްމަންޓް ފީއެއް ދެއްކުމުންނެވެ. އެ ފީ ދައްކަން ލިބޭ 14 ދުވަހުގެ ތެރޭގައި ނުދައްކައިފިނަމަ، ބަހާލައިގެން ޖޫރިމަނާގެ ފައިސާ ދެއްކުމުގެ ފުރުސަތު ގެއްލޭނެ އެވެ. ކޮމިޓްމަންޓް ފީ ކަނޑައަޅާފައިވަނީ އެ ގަވާއިދުގެ ދަށުންނެވެ.

ކޮމިޓްމަންޓް ފީ ދެއްކުމުން މިނިސްޓްރީން އެއްބަސްވުމެއް އެކުލަވާލާނެ އެވެ. މި އެއްބަސްވުމުގައި އިންސްޓޯލްމަންޓްގެ ގޮތުގައި ކޮންމެ މަހަކު ދައްކަން ޖެހޭ އަދަދު ކަނޑައަޅަނީ ކޮމިޓްމަންޓް ފީގެ ގޮތުގައި ދެއްކި އަދަދުން އެ ބައި އުނި ކުރުމަށް ފަހު އެވެ.

އެ ގަވާއިދުގައިވާ ގޮތުން އެއްބަސްވުމުގައި ސޮއިކުރާތާ 30 ދުވަސް ތެރޭ ފައިސާ ނުދައްކައިފިނަމަ، އެއްބަސްވުން ބާތިލް ކުރުމުގެ އިހްތިޔާރު މިނިސްޓްރީއަށް އޮވެ އެވެ.

ދަތުރުފަތުރު ވެހިކަލްތައް ޓްރާންސްޕޯޓް މިނިސްޓްރީ ޓްރެފިކް ގަވާއިދު

11 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސޭނުބެއްޔާ

15 December 2024

މި ގައުމަކީ ސަރުކާރަށް ދައްކަންޖެހޭ ފައިސާ ނުދައްކާ އުޅޭ މީހުންނަށް ފަހި ގައުމެއް. ގަވާއިދުން އެ ފައިސާ ދައްކާ މީހުންގެ އަގެއް ނޯވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަރީރު

15 December 2024

އަތުގަ ފައިސާ ނެތިގެން އަހަރީ ފީ ނުދެއްކިއްޖެނަމަ އަހަރުން އަހަރަށް ޖޫރިމަނާ އާއި ފީ އެބައަރާ. އެކަން ބަދަލުކޮށް ފީއާއި ޖޫރިމަނާ އެރުން ހުއްޓުވެން އޮންނަ އުސޫލެއް އޮންނަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމިޓްމަންޓް

15 December 2024

ކޮމިޓްމެންޓް ފީ ވެސް ބެހާލެވޭނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޭރުން

15 December 2024

ސައިކަލެއްގެ އަހަރީ ފީ އަކީ 640. ޖޫރިމަނާ ވެއްޖެނަމަ 750 އިތުރަށް ދައްކަންޖެހޭ. މިއީ ފޭރުން. އެހެން ނަމެއް ކިޔޭކަށް ނެތް. ސައިކަލެއް ކަހަލަ އަމިއްލަ އުޅަނދަކަށް މިވަރު ކުރާކަށް ނުޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލްޓިކޯ

15 December 2024

10000ރުފިޔާ 30 ދުވަހައް 333 ދުވާލަކު ޥަޒީފާގަ ލިބެނީ ދުވާލަކަށް 289ރުފިޔާ އެހެން ވީމަ ވަރަށްލުއި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖި ބްރާ

15 December 2024

ބްރޯ. 10000 ރުފިޔާ 30 ދުވަހަށް ބަހާވާހަކައެއްނޫނޭ އެދައްކަނީ. ކޮމެންޓް ނުކޮށް ކޮންމެވެސް އެހެންކަމަކާ އުޅެމާހިނގާބަލަ ދެމީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލްޓިކޯ

15 December 2024

30 ދުވަހުން 10000ރުފިޔާ ދައްކަން ވަރަށްލުއި ހާދަ ލުޔޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލްޓިކޯ

15 December 2024

ޚަބަރުގެ ފަހުޕެރްގުރާފް އިން ކުޑަކޮށް ވާނުވާ ވެއްޖެ 30 ދުވަހުން ދައްކަންވީ ކޮމިޓްމެންޓް ފީ ތޯ ޖޫރިމައިނާ އެއްކޮށްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

15 December 2024

އަހަރީ ފީނަގަން ވީ އެވެ. ފީ ނުދައްކާ ނަމަ މުއްދަތެއް ދީ އެއަށް ފަހު މައްސަލަ ކޯޓް އަށް ފޮނުވަން ވީ އެވެ. އެކަމަކު ޖޫރިމަނާ އުވާލަން ވީ އެވެ. ބައެއް ފަހަރު ދައްކަން ޖެހޭ އަދަދަށް ވުރެ ޖޫރިމަނާ އެބަ ބޮޑުވެ އެވެ. ސަރުކާރު މަސައްކަތެއް މުއްދަތަށް ނުނިންމައިފިނަމަ ޖޫރިމަނާ އެބަ ކުރެ އެވެ. އެކަމު މަސައްކަތް ނިންމާ ބިލް ހަވާލު ކުރީމަ ބައެއް ފަހަރު ފައިސާ ނުލިބި އެތައް މަހެއް އެބަ ވެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

15 December 2024

މުއްދަތުގައި ފީނުދެއްކީމާ ޖޫރިމަނާއެއްކުރުމަކީ އެންމެރަނގަޅުކަމެއް، ނަމަވެސް އުޅަނދުތަކުގެ ފީ ޑިލޭވީމާ ނަގާ ޖޫރިމަނާ މާބޮޑު މިސާލަކަށް ސައިކަލެއްގެ އަހަރީފީއަކީ ކޮންމެއަހަރަކު -/648ރ ވަރު، މިފީދެއްކުމަށް އޮންނަމުއްދަތުގައި ނުދެއްކީމާ ނަގާޖޫރިމަނާގެ އަދަދަކީ -/750ރ މީކޮންއިންސާފެއްތޯ؟ މީހަކަށް ކަމެއްދިމާވެގެންވެސް އަހަރީފީނުދެއްކިގޮސްސާނެ، ފީނުދެއްކި ނުވަތަ ނުދަށްކާލަސްވީމާ -/750ރ ޖޫރިމަނާކުރުމަކީ ރައްޔިތުން ހާލުގައިޖައްސާ ބިކަކުރުން