"ލެޓްސް ކޮފީ" އަށް ވަދެ ގެއްލުން ދިން ދެ މީހުން ހައްޔަރުކޮށް، ބަންދަށް ފަސް ދުވަސް

ކެފޭއަށް ވަދެ ގެއްލުން ދީ ބިރު ދެއްކި މައްސަލާގައި ހައްޔަރުކުރި ދެ މީހުން؛ ދެ މީހުންގެ ބަންދަށްވަނީ ފަސް ދުވަސް ޖަހާފައި -- ފޮޓޯ: ފުލުހުން

އައިޝަތު ނުޒުހާ، މިހާރު

18 ޑިސެމްބަރ 2024 - 11:22

15 comments

މާލޭގެ ކެފޭއެއްގެ ތެރެއަށް މިދިޔަ ހަފުތާގެ ބުރާސްފަތި ދުވަހު ބަޔަކު ވަދެ އެ ތަނުގައި ހުރި ތަކެއްޗަށް ގެއްލުންދީ، އިންޒާރު ދިން މައްސަލައާ ގުޅިގެން ދެ މީހަކު ހައްޔަރުކޮށް، ތަހުގީގުގެ ބޭނުމަށް ބަންދަށް ފަސް ދުވަސް ޖަހައިފި އެވެ.

ބަޔަކު ވަދެގަނެ ގެއްލުން ދީފައިވަނީ ހަވީރީ ހިނގުމުގައި ހުންނަ "ލެޓްސް ކޮފީ" ކެފޭއަށެވެ. ސޯޝަލް މީޑިއާގައި އާންމު ކޮށްފައިވާ ވީޑިއޯއިން ފެންނަ ގޮތުގައި އެ ތަނަށް ވަދެގަނެފައިވަނީ ތިން މީހެކެވެ.

ފުލުހުން މިއަދު ބުނީ އެ ކެފޭ އަށް ވަދެ، ތޫނު ހަތިޔާރު ބޭނުން ކޮށްގެން މުވައްޒަފުންނަށް ބިރު ދެއްކި މައްސަލާގައި ކޯޓު އަމުރެއްގެ ދަށުން މިދިޔަ ހޯމަ ދުވަހު ދެ މީހަކު ހައްޔަރު ކޮށްފައިވާ ކަމަށެވެ.

އެއީ ގއ. ދެއްވަދޫ، ވައިލެޓްމާގޭ، އަހުމަދު ތައުފީގް، 31 އާއި ބ. ތުޅާދޫ، މީޒާން، އަސަދުﷲ ހާތިމް، 44 އެވެ.

އެ ދެ މީހުންގެ ބަންދާ މެދު ގޮތެއް ނިންމުމަށް އިއްޔެ ކޯޓަށް ހާޒިރުކުރުމުން ދެ މީހުންގެ ބަންދަށް ފަސް ދުވަސް ވަނީ ޖަހައިފަ އެވެ.

@PoliceMv we are in danger. We need help from the Police to protect our city and our belongings. Gangs have no right to steal our property. Please don't let them harm or rob our children. @MMuizzu pic.twitter.com/llUfVtqm2d
— Riyacco (@Riyacco2) December 12, 2024

ކްރިމިނަލް ކޯޓުގެ ބަންދު އަމުރުގައިވާ ގޮތުން އެ ދެ މީހުންގެ ބަންދަށް ފަސް ދުވަސް ދިނީ ވަކީލަކާ އެކު ކުރިއަށް ދާން ބޭނުންވާ ކަމަށް ދެ މީހުން ވެސް ބުނުމުންނެވެ.

އާންމުވެފައިވާ ވީޑިއޯއިން ފެންނަ ގޮތުގައި އެ ކެފޭގައި ޑެކަރޭޓްކުރަން ހަރުކޮށްފައި ހުރި ބައެއް ތަކެއްޗަށް އެ މީހުން ވަނީ ގެއްލުންދީފަ އެވެ. އެލުވާފައި ހުރި އެ ތަކެތި ނައްޓަމުން އެ މީހުން ބުނަމުންދިޔައީ "މިއީ ދިވެހިރާއްޖެ ކަމަށާއި މިތަނުގައި އެކަން ނުކުރެވޭނެ" ކަމަށެވެ.

އެވަގުތު ކެފޭގައި ތިބި ބިދޭސީ މުވައްޒަފުން އެ މަންޒަރު ވީޑިއޯ ކުރުމުން ވީޑިއޯ ޑިލީޓް ކުރަން ވެސް އިންޒާރު ދޭ ތަން ފެނެ އެވެ.

ކުށްކުރުން ފުލުހުން ހަމަނުޖެހުން ކެފޭ/ރެސްޓޯރެންޓް ތަންތަނަށާއި ތަކެއްޗަށް ގެއްލުންދިނުން

15 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަނު

18 December 2024

މީ ޓެރަރިޒަމް ގެ އަމަލެއް.. އެންމެ 5 ދުވަހެއް ނޫން ދޭންވާނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅި އަލީ

18 December 2024

އަހަރުމެން ކުޑައިރު މަގުމަތީ ލާޗާރު ބިޗާރު ހެދިގެން ދަމާ ކަނޑާ ކުދިންނަށް ކިޔަނީ ޕާޓޭއިން! މިހާރު މިއީ އޭގެ ފަހުގެ ވާސަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިޓް

18 December 2024

ފެނަ ބައްޑާއެއް! ކޯޓުން ކިހިނެއްވާނީި…؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސަ

18 December 2024

އިސްލާމްދީން ދަންނަ ކަމެއްނޫން އަނިޔާވެރިވުމާއި އަނިޔާ ދިނުމާއި ގެއްލުން ދިނުމަކީ! އިސްލާމްދީން ދަންނަކަމެއްނޫން ޙައްގަކާއި ނުލައި މީހުން މެރުމާއި ތަންތަން ގޮއްވުމާއި އިޚާނާތްރެރިކޮށް ކަންކަންކުރުން! އިސްލާމްދީން ދަންނަ ކަމެއްނޫން ވަކިގޮތަކަށް ހެދުން ލުން މަޖުބޫރު ކުރުވުމަކީ! އިސްލާމްދީން ދަންނަކަމަކީ އޮރިޔާން ނިވާކުރުމާއި ސާފުތާހިރުކަން! ކުރުތާ ލުމާއި ފައިކުރިބުރި ކުރުމާއި ބޮލުގައި ތެތްރުމާ އަޅައިގެން އުޅުމަކީ އިސްލާމްދީން ދަންނަކަމެއްނޫން!