ކުރަނގި އޮޕަރޭޝަން: 18،000 އަށް ވުރެ ގިނަ ބިދޭސީންގެ ބަޔޮމެޓްރިކް ޑޭޓާ އެއްކޮށްފި

ބިދޭސީންގެ ބަޔޯމެޓްރިކް ޑޭޓާ ނެގުމުގެ މަސައްކަތް ކުރަނީ: މިހާތަނަށް 50 ރަށެއްގައި ބިދޭސީންގެ ބަޔޯމެޓްރިކް ޑޭޓާ ވަނީ ނަގާފައި.---ފޮޓޯ: ހޯމް މިނިސްޓްރީ

މަރިޔަމް އާޔާ، މިހާރު

18 ޑިސެމްބަރ 2024 - 14:03

14 comments

ރާއްޖޭގައި އުޅޭ ބިދޭސީންގެ މައުލޫމާތު އެއްކުރުމަށް ސަރުކާރުން ފަށާފައިވާ އޮޕަރޭޝަން "ކުރަނގި"ގެ ދަށުން މިހާތަނަށް 18،000 އަށް ވުރެ ގިނަ ބިދޭސީންގެ ބަޔޮމެޓްރިކް ޑޭޓާ އެއްކޮށްފި އެވެ.

ރާއްޖޭގައި އުޅޭ ހުރިހާ ބިދޭސީންގެ ބަޔޮމެޓޮރިކް މައުލޫމާތު ނަގަން ފަށައި، ގަވާއިދާ ހިލާފަށް އުޅޭ ބިދޭސީން ގަވާއިދަށް ފެއްތުމަށް "ކުރަނގި" އޮޕަރޭޝަން ފެށީ މިދިޔަ މެއި މަހުގެ ދެވަނަ ދުވަހު އެވެ.

ހޯމް މިނިސްޓްރީގެ ސްޓޭޓް މިނިސްޓަރު އަބްދުލްމަޖީދު "ސަރުކާރު" ވެބްސައިޓަށް ވިދާޅުވީ "އޮޕަރޭޝަން ކުރަނގި" ފެށި ފަހުން މިހާތަނަށް 18،919 ބިދޭސީންގެ ބަޔޮމެޓްރިކް ޑޭޓާ އެއްކޮށްފައިވާ ކަމަށެވެ. މި އޮޕަރޭޝަން މި ވަގުތު 194 ރަށެއްގައި ކުރިއަށް ގެންދާއިރު، 50 ރަށެއްގައި އެ މަސައްކަތް އެއްކޮށް ނިމިފައިވާ ކަމަށް އޭނާ ވިދާޅުވި އެވެ.

މި އޮޕަރޭޝަން ކުރިއަށް ގެންދަނީ ދެ މަރުހަލާއަކަށް ބަހާލައިގެން ތިން އަހަރު ދުވަހުގެ މުއްދަތަކަށެވެ.

ފުރަތަމަ މަރުހަލާގައި ބިދޭސީންގެ ފިންގާޕްރިންޓު ނަގައި، އެ މީހުން މަސައްކަތް ކުރަނީ ރާއްޖޭގެ ގާނޫނާއި ގަވާއިދާ އެއްގޮތަށްތޯ ބަލަ އެވެ. މި މަރުހަލާ ނިމުމުން، ދެވަނަ މަރުހަލާގައި ރަސްމީ ލިޔެކިޔުން ނެތި، ގަވާއިދާއި ހިލާފަށް ރާއްޖޭގައި އުޅޭ ބިދޭސީންގެ ބަޔޮމެޓްރިކް އައިޑެންޓިފިކޭޝަނެއް ހަދައި، އެ ގައުމުތަކުގެ އެމްބަސީތަކާ ގުޅިގެން އެމީހުން އަނބުރާ ގައުމަށް ފޮނުވާލުމުގެ މަސައްކަތް ކުރާނެ އެވެ.

ހޯމް މިނިސްޓްރީން ބުނި ގޮތުގައި، މި އޮޕަރޭޝަންގައި ބިދޭސީ މަސައްކަތްތެރިންގެ މައުލޫމާތު އެއްކުރި ނަމަވެސް އެ މީހުންނާ ދެކޮޅަށް ފިޔަވަޅު އެޅުމުގެ ބަދަލުގައި، ގަވާއިދާ އެއްގޮތަށް އުޅެން ބޭނުންވާ ބިދޭސީންނަށް އެ ފުރުސަތު ފަހި ވެސް ކޮށްދޭނެ އެވެ.

ގަވާއިދާ ހިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރުމަށް ހޯމް މިނިސްޓްރީ އާއި ފުލުހުންނާއި އިމިގްރޭޝަން ގުޅިގެން އަންނަނީ ގިނަ މަސައްކަތްތަކެއް ކުރަމުންނެވެ. އެ އިދާރާތަކުން ހިންގި އޮޕަރޭޝަންތަކުގައި ހިފެހެއްޓި ބިދޭސީންގެ ތެރެއިން ގަވާއިދާ ހިލާފަށް ރާއްޖޭގައި އުޅުނު 5،000 އަށް ވުރެ ގިނަ މީހުން މިހާރު ވަނީ ޑީޕޯޓްކޮށްފަ އެވެ.

ފުލުހުން ހޯމްލޭންޑް ސެކިއުރިޓީ މިނިސްޓްރީ ގަވާއިދާ ހިލާފަށް އުޅޭ ބިދޭސީން ބިދޭސީން މޯލްޑިވްސް އިމިގްރޭޝަން އިމިގްރޭޝަން

14 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުބައިބާކީ

19 December 2024

ރާއްޖޭގައި ލައްކައަކާއި ގާތްކުރާ އަދަދަށް ގަވާއިދާއި ޚިލާފަށް ބޭރުމީހުން އުޅޭއިރު އޭގެތެރެއިން %20 ގެ މައުލޫމާތެ އެއްކުރެވުމަކީ ކޮންމެވެސް ވަރެއްގެ ކުރިއެރުމެއް. އަދި ބޮޑުބައި އޮތީ ބާކީ. މިހާރުވެސް ފާޅުގައި މަގުމަތީގައިވެސް ސައިކަލު ފޮހުމާއި ކާތަކެތި ވިއްކުންފަދަ ކަންކަން ކުރަމުންދޭ. މާނައަކީ އެމީހުންނަށް ބިރެއްނެތޭ. މަސައްކަތް އެބަކުރެވެޔޭ. ފައިސާވެސް ބޭރަށް އެބަފޮނުވެޔޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާރުފޮހޭބޮއްދުތަކެއް

18 December 2024

ކާރުފޮހޭ2 ބޮއްދެއް ސަހަރާ ގޯޅިތެރޭ ވަރުއަރުވާފަ ކާރުފޮހެ ލާރިނަގަމުންދަނީ. ޕޮލިސް އޮފީހެއްވެސް މާދުރުނޫން ހިސާބެއްގަހުރޭ. ވާކަމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1818

18 December 2024

230،000 ބޮދުން މިތާގަ އެބައުޅޭ! ކީއްތަ ތިކުރަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނުވާލުން

18 December 2024

މީގެ ކިތަކެއް މީހުން މިހާރު ފޮނުވާލެވިއްޖެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާމަރަނގަ

18 December 2024

މަސައްކަތުގެ ސްޕީޑް 0 ދޯ އެހެންވީމަ... މިހައި ދުވަސްވެގެން ދިޔައިރު އެންމެ 18000 މީހުން. މި ޤައުމުގައި ލައްކައެއް ހައި ވަގު ބަންގާޅުން އުޅޭނެ. މަޖީދީމަގުން އެކަނި ވެސް 18000 ބަންގާޅުން މަ ހޯދަ ދީފާނަން. މިއަށްވުރެ ހާސިލުކުރާ މިންވަރު ރަގަޅު ވާންޖެހޭ، ކަންކަން ރަގަޅުކުރަން ކުރާ ކަމެއްހެން ހީނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ‫ުޙުއމާ

18 December 2024

ސ‫.ހިތަދޫގައި ބަނގްލާދޭޝްކަބީރުއާއި އޭނާގެ ތިމާގެމީހުން ރެސްޓޮރެންޓެއް ހިންގައެވެ. އެމީހުންއަމެއްލަ ނަމުގައި ރަޖިސްޓްރީނުވީމަ ރަޖިސްޓަރީކޮްށްފައިވަނީ ދިވެއްސެއްގެނަމުގައެވެ. މިވެސް ބަންދުކުރާނެކަމަށް އުއްމީދުކުރަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޯ އޮފް

18 December 2024

ތިޔާކުން ވާ އެއް ކަމެއް ވެސް ނެތް. ގަވާއިދާ ހިލާފަށް ވިސާ ނެތި އުޅޭ ބައި ލައްކަ ހާ ބަންގާޅުން ޔަގީން. ޝަމްއާނު މެން ގޮނު އަރުވަން ދެތިން ބަންގާޅި ފަހާ ދުވެފަ ފޮޓޯ ނެގީ މަސްހޫރު ވާން. މަދެއް ނުވޭ މަދެއް ނުވޭ!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

18 December 2024

ބަލަ މިގައުމުގާ ބިދޭސީން އެބައުޅޭ އާބާދީޔާ އެއްވަރައް އެކަމު އަދި ތި އެއްކުރެވުނީ އެންމެ 18000 މީހުންގެ މްއުލޫމާތު ހާދަފަހަތުގަޔޭ ދޯތި އުޅެނީ ބޯހަލަކި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަކަރިއްޔާ މުޙައްމަދު

18 December 2024

އަހަރުމެން އެހެން ގައުމެއްގައި ނަމަ ވިސާނުލިބޭ އުމުރުން ދޮށިވީމާ ވިސާ ނުލިބޭ ވިސާ ނަގައިގެން ދިވެހިރާއްޖޭގައި އުޅޭވޭ ދިވެހިރާއްޖޭއިން ބޭރުނުވެ 05 އަހަރަށް ވުރެ ގިނަ އަަހަރުވެސް. އެހެންގައުމެއްގައި އެއްފަހަރު ނަމަވެސް ބޭރުވާން ޖެހޭ 05 އަހަރުން އެއްފަހަރު . މިތާ ގަަވާއިދުތައް ހަދާ މީހުންނަސް ނުވިސްނެނީތަ އަޅެފަހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

18 December 2024

ވިސާ ފީ ނުދައްކާ ފިލައިގެން އުޅުނު އެތައް ހާސް ބިދޭސީން ވަނީ ސްޕޮންސަރަށް ނޭނގި އެހެން މީހެއްގެ ނަމަށް ބަދަލު ކޮށްދީފަ އެވެ. ހުރިހާ ޖޫރިމަނާ އެއް އަކާ ދިވެހި މީހާ ހަވާލު ވާން ވީ އެވެ. ބިދޭސީ މީހާ ފިލައިގެން ދެތިން އަހަރު އުޅެފަ އެހެން ސައިޓް އަކަށް ބަދަލު ވަނީ އެވެ. ވަޒީފާ ތަކަށް ގެނައީމަ އޮފީސް ތަކުން ކަސްޓަމަރުންގެ މައުލޫމާތު ނަގައިގެން އެހެން މީހެއްގެ ނަމުގަ އައިސް ވިޔަފާޜި ފަށާ ބިދޭސީން ވ ގިނަ ވެއްޖެ އެވެ.