ފީނަން ގޮސް އުޅެނިކޮށް ގެއްލުނު ހަތް މީހުން ސަލާމަތްކޮށްފި

ވ. ތިނަދޫ ކައިރީގައި ޓޫރިސްޓުންތަކެއް ކެނޯ ދުއްވަނީ: ފީނަން ގޮސް އުޅެނިކޮށް ގެއްލުނު ހަތް މީހުން ވަނީ ސަލާމަތްކޮށްފައި.-- ފޮޓޯ: ފަޔާޒު މޫސާ | މިހާރު

މާއިދާ މުހައްމަދު ރަޝާދު، މިހާރު

09 ޖެނުއަރީ 2025 - 22:03

1 comments

ވ. ފުލިދޫ ކައިރިއަށް ފީނަން ގޮސް އުޅެނިކޮށް ގެއްލުނު ޗައިނާގެ ޓޫރިސްޓުންތަކެއް ސަލާމަތްކޮށްފި އެވެ.

ފުލުހުން ބުނީ ފުލިދޫ ކައިރީގައި އޮންނަ ބޯމަސް ކަނޑު ޑައިވް ސައިޓަށް ފީނަން ގޮސް އުޅެނިކޮށް ޗައިނާގެ ހަތް މީހަކު ގެއްލިފައިވާ ކަމަށް ރިޕޯޓްކުރީ މިރޭ އިރާކޮޅު ކަމަށެވެ.

އެ މީހުން ފެނުނީ، އެ ސަރަހައްދުގައި ހަރަކާތްތެރިވި ފުލިދޫގެ ލޯންޗަކަށެވެ. ކަނޑުމަތިން ފެނިގެން އެ އެންމެން ވެސް ސަލާމަތްކޮށްފައިވާ ކަމަށް ފުލުހުން ބުންޏެވެ.

ފުލުހުން ބުނި ގޮތުގައި އެންމެންގެ ހާލު ރަނގަޅެވެ.

ފީނަން އުޅެނިކޮށް މީގެ ކުރިން ވެސް ޓޫރިސްޓުން ގެއްލުމާއި ގެނބިގެން މަރުވުމުގެ ހާދިސާތައް ހިނގާފައިވެ އެވެ. މިދިޔަ އަހަރުގެ ފަހުކޮޅު ހިނގި ހާދިސާތަކުގައި ގާތްގަނޑަކަށް 8 ޓޫރިސްޓަކު ގެނބިގެން މަރުވި އެވެ.