ހާއްސަ އެހީއަށް ބޭނުންވާ މީހުންނަށް އާމްދަނީ ހޯދައިދޭން "އެމްޕަވަމެންޓް ހަބް" އަޅަން ސޮއިކޮށްފި

އެމްޕަވަމަންޓް ހަބް ތަރައްގީކުރުމުގެ އެއްބަސްވުމުގައި ސޮއިކުރުން.

މާއިދާ މުހައްމަދު ރަޝާދު، މިހާރު

14 ޖެނުއަރީ 2025 - 18:11

ހާއްސަ އެހީ އަށް ބޭނުންވާ މީހުންނަށް އާމްދަނީ ހޯދުމުގެ ފުރުސަތު ހޯދައިދިނުމަށް އެމްޕަވަމަންޓް ހަބްގެ ނަމުގައި ހާއްސަ މަރުކަޒެއް އަޅަން ފަހި ދިރިއުޅުން ކޯޕަރޭޝަން (އެފްޑީސީ) އާ އެކު އެއްބަސްވުމެއްގައި ސޮއިކޮށްފި އެވެ.

ރާއްޖޭގައި މުޅިން އަލަށް ގާއިމުކުރާ މި މަރުކަޒު ތަރައްގީކުރުމުގެ އެއްބަސްވުމުގައި ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު އަހުމަދު އާތިފެވެ. އެފްޑީސީގެ ފަރާތުން ސޮއި ކުރެއްވީ މެނޭޖިން ޑިރެކްޓަރު ހަމްދާން ޝަކީލެވެ.

ފެމިލީ މިނިސްޓްރީން ކުރިން ބުނެފައިވާ ގޮތުގައި މިއީ ހާއްސަ އެހީއަށް ބޭނުންވާ މީހުންނަށް ހުނަރު ދަސްކޮށްދީ، އެ މީހުންގެ އުފެއްދުންތައް ވިއްކައި ވަޒީފާ އަދާކުރެވޭނެ މަރުކަޒެކެވެ. އެ ތަނުން އެމީހުންނަށް ބޭނުންވާ ހުނަރުތައް ދަސްކުރުމާއި އަމިއްލަ މަސައްކަތެއް ފެށުމާއި އާމްދަނީ ހޯދުމުގެ މަގު ތަނަވަސްވާނެ އެވެ.

އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން އިސްނަގައިގެން އެފްޑީސީިއާ ގުޅިގެން ނުކުޅެދުންތެރިކަން ހުންނަ ފަރާތްތަކަށް ކޮމިއުނިޓީ އެންޕަވަރމަންޓް ހަބެއް ތަރައްޤީކުރުމަށްޓަކައި ވެވޭ އެއްބަސްވުމުގެ ފަހުމުނާމާގައި ސޮއިކުރުމުގެ ރަސްމިއްޔާތުގެ ތެރެއިން pic.twitter.com/y3DakPvlHk
— Fahi Dhiriulhun Corporation Limited (@Fdc_mv) January 14, 2025

އެމްޕަވަމަންޓް ހަބް ހަދަން ނިންމާފައި ވަނީ ހުޅުމާލެ ދެއަކުން ލިބިފައިވާ 5،500 އަކަފޫޓުގެ ބިމެއްގަ އެވެ. އެ ތަނުގައި ހޮސްޕިޓަލިޓީ އަދި ކަލިނަރީ ތަމްރީނާއި އިންކްލޫސިވް ކެފޭއަކާއި ހާއްސަ އެހީއަށް ބޭނުންވާ މީހުން އުފައްދާ ތަކެތި ވިއްކަން ހާއްސަ ފިހާރައެއް ހުންނާނެ އެވެ.

Khassa ehee ah beynunva meehun ah aamdhanee hoadhai dheyn Empowerment Hub gaaimu kuranee

The most trusted news source in the Maldives

Mihaaru

އެ ހަބުގައި ވޯކްޝޮޕް ހިންގުމަށާއި އިންފޮމޭޝަން ޓެކްނޮލޮޖީގެ ދާއިރާއިން ތަމްރީނުދޭ ތަނެއް ވެސް ގާއިމްކުރާނެ އެވެ.

މިހާރު ޕްލެން އޮތް ގޮތުން ނަމަ މި އަހަރުގެ ތެރޭގައި އެ ތަން ހުޅުވާނެ އެވެ.

ހުޅުމާލެ ނުކުޅެދުންތެރިކަން ހުންނަ މީހުން ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ ފަހި ދިރިއުޅުން ކޯޕަރޭޝަން

1 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރާވެރިބެ

14 January 2025

މީ އެއްކަލަ ކަހަލަ ވާހަކައެއް. ޙާއްސަ އެހީއަށް ބޭނުންވާ އެތަށްހާސް މީހުން ރާއްޖޭގެ އެކި ރަށްރަށުގަ އެބައުޅޭ. ދެން ތިބެލާފަ ހުޅުމާލޭގަ ބޮޑު ސިންގާ ބިލްޑިންގއް އަޅާ އެތަން ހިންގަން ބޮޑު ޙަރަދެއް ކުރާނެ އިރު އެތަނުން ޙިދުމަތް ލިބޭނީ ހުޅުމާލޭގަ އުޅޭ ބަޔަކަށާ މާލެއިން ބަހުގަ ދަތުރުކޮށްފަ ދެޥޭ މަދު ބަޔަކަށް. ތިހުންނަނީ ނަމަކަށް ކުރާކަން ކަން. ކޮންމެ އަތޮޅެއްގަ ހުރި ސްކޫލް ފަދަ ތަންތަނާ ގުޅިގެން ތި ޕްރޮގްރާމް ހިންގޭނެ. ބޭނުންވަނީ ބޮޑު އިމާރާތެއް ނޫން.