ޚަބަރު / އެޗްޑީސީ

މީހުން އާބާދުވާން ފެށިތާ ފަސް އަހަރު ފަހުން ހުޅުމާލެ 2 ގައި ފަޔާ ހައިޑްރަންޓް ސިސްޓަމް ބަހައްޓަން ފަށައިފި

ހުޅުމާލެ 2 ގައި އަލިފާން ނިއްވާ ސިސްޓަމް ބަހައްޓަން ފަށަނީ.-- ފޮޓޯ: އެޗްޑީސީ

އާސިމާ ނިޒާރު، މިހާރު

20 ޖެނުއަރީ 2025 - 16:07

2 comments

ހުޅުމާލެ 2 ގައި ފަޔާ ހައިޑްރެންޓް ސިސްޓަމް ބަހައްޓަން މިއަދު ފަށައިފި އެވެ.

އެޗްޑީސީން ސޯޝަލް މީޑިއާގައި ކުރި ޕޯސްޓެއްގައި ބުނީ، އަލިފާނުގެ ހާދިސާތަކުގައި ފެން ނަގަން ބޭނުންކުރާ ސިސްޓަމް ބަހައްޓަނީ ހުޅުމާލެއަކީ ރައްކާތެރި ތަނަކަށް ހެދުމަށް ކަމަށެވެ.

ބޮޑު ހޭދައެއް ކޮށްގެން ހިއްކައި، ތަރައްގީކުރި ހުޅުމާލެ 2 ޑިޒައިންކުރީ ފަޔަ ހައިޑްރެންޓް ސިސްޓަމްތައް ވެސް ބަހައްޓާ ގޮތަށެވެ. އެކަމަކު،، އެ ތަނުގައި މީހުން އާބާދުވިތާ ފަސް އަހަރު ވީއިރު ވެސް އެކަން މިހާތަނަށް ތަންފީޒެއް ނުކުރެވެ އެވެ.

އެހެންވެ، އެޗްޑީސީން ފެށީ އަލިފާން ނިއްވާ ސިސްޓަމްތައް ބެހެއްޓުމުގެ މަސައްކަތެވެ. އެކަމަކު އޭގެ ތެރޭގައި ބަހައްޓާ ސިސްޓަމްތަކުގެ ޖުމްލަ އަދަދެއް އަދި ސާފެއް ނުވެ އެވެ.

ހުޅުމާލެ 1 ގައި ވެސް ފަޔާ ހައިޑްރެންޓް ސިސްޓަމް ބަހައްޓާފައި އެބަހުއްޓެވެ. އިތުރު ސިސްޓަމް ބަހައްޓަން ފަންޑު ލިބުނަސް، ބައެއް މަސައްކަތްތަކާ ހެދި މި ވަގުތު ވަނީ މަޑުޖެހިފަ އެވެ.