ޚަބަރު / އިލެކްޝަންސް ކޮމިޝަން

އެންމެ މެންބަރުން ގިނަ ސިޔާސީ ޕާޓީއަކަށް ޕީއެންސީ ވެއްޖެ

ޕީއެންސީގައި މިހާރު 68،968 މީހުން އެބަތިބި ކަމަށް ހިސާބުތަކުން ދައްކާ. ދެން އެންމެ މެމްބަރުން ގިނަ އެމްޑީޕީގައި ތިބީ 43،755 މީހުން.

ޕީއެންސީގެ އެއްވުމެއްގެ ތެރެއިން

އައިޝަތު ނުޒުހާ، މިހާރު

23 ޖެނުއަރީ 2025 - 13:28

52 comments

މިވަގުތު އެންމެ މެންބަރުން ގިނަ ސިޔާސީ ޕާޓީއަކީ، ސަރުކާރު ހިންގާ ޕީއެންސީކަން އިލެކްޝަންސް ކޮމިޝަނުން އާންމުކުރި ތަފާސްހިސާބުތަކުން ދައްކައިފި އެވެ.

މިދިޔަ ޑިސެމްބަރު 31 އާ ހަމައަށް އިލެކްޝަންސް ކޮމިޝަންގެ ވެބްސައިޓުގައި ހިމަނާފައިވާ އެންމެ ފަހުގެ ތަފާސްހިސާބުތަކުން ދައްކާ ގޮތުން ޕީއެންސީގައި މިވަގުތު 68،968 މެންބަރުން އެބަ ތިއްބެވެ.

މިދިޔަ އަހަރު ފެށިއިރު 28،201 މެމްބަރުން ތިބި ޕީއެންސީން ވަނީ އެ ޕާޓީ އަށް މެންބަރުން އިތުރު ކުރުމަށް މިދިޔަ އަހަރެއްހާ ދުވަސް ތެރޭގައި ގިނަ ހަރަކާތްތަކެއް ހިންގައިފަ އެވެ.

ދެ ވަނައަށް މިވަގުތު އެންމެ ގިނަ މެންބަރުން ތިބީ އިދިކޮޅު އެމްޑީޕީގަ އެވެ. މީގެ ކުރިން އެންމެ ގިނަ މެންބަރުން ތިބި ޕާޓީގެ ގޮތުގައި އޮތް އެމްޑީޕީގައި މިހާރު ތިބި މެމްބަރުންގެ އަދަދަކީ 43،755 އެވެ. އެކަމަކު، މިދިޔަ އަހަރު ފެށިއިރު އެ ޕާޓީގައި 52،142 މެމްބަރުންނެވެ.

ތިން ވަނަ އަށް އެންމެ ބޮޑު ޕާޓީ ކަމަށްވާ ޖުމްހޫރީ ޕާޓީގައި މިހާރު ތިބި މެމްބަރުންގެ އަދަދަކީ 13،826 އެވެ. އުވައިލުމުގެ މަރުހަލާގައި އޮތް ޕީޕީއެމްގައި މިވަގުތު ވެސް 12،174 މެންބަރުން ތިބި ކަމަށް ތަފާސްހިސާބުތަކުން ދައްކަ އެވެ.

އެހެނިހެން ސިޔާސީ ޕާޓީތަކުގައި ތިބި މެންބަރުންގެ އަދަދުތައް:

- އަދާލަތު ޕާޓީ، 9،049 މެންބަރުން

- އެމްޑީއޭ، 9،210 މެންބަރުން

- އެމްއެންޕީ، 6،050 މެންބަރުން

- ދަ ޑިމޮކްރެޓްސް، 3،667 މެންބަރުން

- އެމްޓީޑީ، 2،359 މެންބަރުން

- ޕީއެންއެފް، 2،822

މީގެ އިތުރުން އުވާލަން ނިންމާފައިވާ އެމްއާރްއެމްގައި 1،867 މެންބަރުން ތިބި ކަމަށް އިލެކްޝަންސް ކޮމިޝަނުން ބުންޏެވެ.

އެންމެ ބޮޑު ޕާޓީއަކަށް ޕީއެންސީ ވެފައިވާއިރު، ވަގު ފޯމު ފުރައިގެން މެންބަރުން ވެއްދުމުގެ ތުހުމަތުތަކެއް ވެސް އެ ޕާޓީއަށް ވަނީ އަމާޒުވެފަ އެވެ. އެފަދަ ފޯމުތަކެއް ހުށަހެޅުނު ކަމަށް އެ ޕާޓީން ވެސް އެއްބަސްވިއިރު، އެ މައްސަލަ އީސީ އާއި ފުލުހުން އަންނަނީ ބަލަމުންނެވެ.

އެމްޑީޕީ ސިޔާސީ ޕާޓީ ޕީޕަލްސް ނެޝަނަލް ކޮންގްރެސް އިލެކްޝަންސް ކޮމިޝަން

52 ކޮމެންޓް, 65 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒޫމަލް

03 February 2025

އެއީ އެންމެނަށްވެސް ސާފުވެފަ އޮތް ހަގީގަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލޫސިޔާ

25 January 2025

"އެންމެ ބޮޑު ޕާޓީއަކަށް ޕީއެންސީ ވެފައިވާއިރު، ވަގު ފޯމު ފުރައިގެން މެންބަރުން ވެއްދުމުގެ ތުހުމަތުތަކެއް ވެސް އެ ޕާޓީއަށް ވަނީ އަމާޒުވެފަ އެވެ. އެފަދަ ފޯމުތަކެއް ހުށަހެޅުނު ކަމަށް އެ ޕާޓީން ވެސް އެއްބަސްވިއިރު، އެ މައްސަލަ އީސީ އާއި ފުލުހުން އަންނަނީ ބަލަމުންނެވެ." ވައްކަން ކޮށް އެކަން ކޫލްވެގެން އެ ތިބީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުހުތާނު

25 January 2025

އެންމެ ހަރާން ފައިސާ ދައުލަތުން ނަގާ ޕާޓީއޭ ހެޑް ލައިގައި ނުޖެހީ ކީއްވެބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު މުހައްމަދު އަލީ

24 January 2025

ހިނގާ ބަލަ އެއްވުމެއް ބާއްވަން ދޯ ؟ ރޭވެސް ފެނޭ ބޮނޑިބަތް ޕާކުގަ ބަޔަކު . 20 މީހުން ވެސް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުއްބޫހު

24 January 2025

މިއީ ވަގަކު ވައްކަންކޮށްގެން ނިކުމެ މިފަހަރު އެންމެ ގިނައިން ވައްކަންކުރީ ތިމަންނައޭ ބުނުންފަދަ ކަމެއް. އަދި އެބަހުއްޓެއްނު މިކަންކުރަން ކޮމިސަނެއް ހަދައި ވަރުވަރުންމުސާރަދޭ. ލަދުން ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުވާދު ތައުފީޤް

23 January 2025

ލަދުން ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯކް

23 January 2025

ޕާޓީ ސިސްޓަމް އުވާލާފަ މޮނާކީ ސިސްޓަމް ތާރަފްކުރަންވީ. ކޮން ބައިދަ ޕީޕިލް ފޯދަ ޕީޕަލްއެއް. ވެރިކަމަކީ ގިނަ މެޖޯރިޓީ މޮޔައިންތަކެއް ވޯޓް އަޅައިގެން ހޮވާ އެއްޗަކަށް ވުރެ ވެރިކަން ކުރުމުގެ ގާބިލްކަން ހުރި މީހާ އެކަން ކުރާކަމެއް. ޕާޓީ ސިސްޓަމްއާހެދި ގައުމުތައް ފުނޑެނީ. މިގައުމުގެ ވެރިކަންކޮށްފަ ތިބި އާއުލާތަކުގެ މެދުގަ މަޝްވަރާކޮށްފަ އެންމެ ގާބިލް މީހާ ހޮވީމަ ކަންކަން ހަމަޔަކަށް އެޅެންފަށާނެ.