އެންސްޕާ ހިންގާނެ އިމާރާތެއް ހޯދަން އަނެއްކާވެސް އިއުލާނުކޮށްފި

އެންސްޕާ: އެންސްޕާ ހިންގާނެ އިމާރާތެއް ހޯދަން އަނެއްކާވެސް ވަނީ އިއުލާނުކޮށްފައި.-- ފޮޓޯ: ނިޝާން އަލީ/ މިހާރު

މާއިދާ މުހައްމަދު ރަޝާދު، މިހާރު

04 ފެބުރުއަރީ 2025 - 16:17

ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) ހިންގާނެ އޮފީހެއް ހޯދަން ފިނޭންސް މިނިސްޓްރީން އަނެއްކާވެސް އިއުލާނުކޮށްފި އެވެ.

އެ މިނިސްޓްރީން ކުރި އިއުލާނެއްގައި ބުނީ ފަސް އަހަރުގެ މުއްދަތަކަށް އެންސްޕާގެ އޮފީސް ހިންގާނެ އިމާރާތެއް ހޯދަން ބޭނުންވާ ކަމަށާއި އެކަމަށް ބީލަން ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ.

އެ މަސައްކަތަށް ޝަރުތު ހަމަވާ ފަރާތެއް ކަނޑައަޅާނީ ނޭޝަނަލް ކޮމްޕެޓިޓިވް ބިޑިންގެ ދަށުން ކަމަށް އިއުލާނުގައި ވެ އެވެ.

އެ ޕްރޮޖެކްޓްގެ ބިޑް ސެކިއުރިޓީގެ ގޮތުގައި 252،000ރ. ހުށަހަޅަން ޖެހެ އެވެ.

ޕްރޮޖެކްޓްގެ ބިޑު ހުށަހަޅަން ޖެހޭނީ މި މަހުގެ 16 ވަނަ ދުވަހު މެންދުރު 1:00 ގެ ކުރިންނެވެ. ބިޑު ހުޅުވާނީ ޖެހިގެން އަންނަ 17 ވަނަ ދުވަހު އެވެ.

އެންސްޕާ ހިންގާނެ އިމާރާތެއް ހޯދަން ފިނޭންސް މިނިސްޓްރީން އަނެއްކާވެސް އިއުލާން ކުރިއިރު، އެންސްޕާ އިން ވަނީ މިދިޔަ އަހަރުގެ ޖޫން މަހުގެ ތެރޭގައި ވެސް އޮފީސް އިމާރާތެއް ހޯދަން އިއުލާނުކޮށްފަ އެވެ.

އެންސްޕާ ހިންގަން ތިން ފްލޯ އޭރު ކުއްޔަށް ނެގީ ކުރީގެ މިނިސްޓަރު އަހުމަދު ތަސްމީން އަލީގެ އާއިލީ ގެ ކަމަށްވާ މއ. ސީރާޒީ ގެއިންނެވެ. އެކަމަކު އެެއީ އެމްއެމްޓީވީ ހިންގާ މޯލްޑިވްސް މީޑިއާ ހައުސް އިން ދިގު މުއްދަތަކަށް އެގެއިން ކުއްޔަށް ނަގާފައިވާ ފްލޯތަކުގެ ތެރެއިން ތިން ފްލޯ އެވެ.

NSPA ah aa imaaraatheh hoadhan hedhi ebbasvun baathil kuran nimmaifi

The most trusted news source in the Maldives

Mihaaru

އެ މައްސަލާގައި ފާޑުކިޔުން އަމާޒުވީ އެންސްޕާ ހިންގުމަށްޓަކައި ތަނެއް ހޯދަން ފިނޭންސް މިނިސްޓްރީގެ ޓެންޑަ ބޯޑުން އިއުލާން ކުރުމުން އެކަމަށް ކުރިމަތިލި ހަމައެކަނި ކުންފުނި ކަމަށްވާ މޯލްޑިވްސް މީޑިއާ ހައުސް އިން ކުއްޔަށް ދޫކުރާ ތަނެއްގައި އެންސްޕާ ޓެންޑަ ބޯޑުން ނިންމުމުންނެވެ.

އެ ގޭގައި އެންސްޕާ ހިންގަން މިދިޔަ އޮގަސްޓް މަހު އެވޯޑްކުރީ ފަސް އަހަރު ދުވަހުގެ މުއްދަތަކަށެވެ. އެ މުއްދަތަށް އެތަނުގެ ކުއްޔަކީ 34.8 މިލިއަން ރުފިޔާ އެވެ.

އެކަމަކު ގިނަ ބައެއްގެ ފާޑުކިޔުން އަމާޒުވި މައްސަލާގައި އެންމެ ފަހުން އެއްބަސްވުން ބާތިލުކުރީ އެވެ.

އެންސްޕާ މިހާރު ހިންގަމުން އަންނަނީ "މޫކައި ސުއިޓްސް" ގަ އެވެ. އެކަމަކު އެ އިމާރާތް ވަރަށް ބޮޑަށް ބާވެ، މަރާމާތު ކުރަން ޖެހޭތީ މިދިޔަ އަހަރުގެ ޑިސެމްބަރު މަހު އެތަނުން ނުކުންނަން ޖެހޭ ކަމަށް އެންސްޕާ އިން ކުރިން ބުނެފައި ވެ އެވެ.

ފިނޭންސް މިނިސްޓްރީ އެންސްޕާ

12 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ ވާންޗޯ

05 February 2025

ބޭނުންވާ އިމާރާތާ އެތަނުގެ ޑީލް ހަމަޖެހުނީމަ ބިޑްހުޅުވާގޮތަށް ކަންތަށް ތިޔައޮތީކޮށްފަ. ޑައިރެކްޓް ޑީލް އެއްގެދަށުންނޫނީ ނުދޭނެވަރުގެ ބިޑްސެކިއުރިޓީއެއް. ކޮންކަމަކަށް ބަލާފަތޯ ތިވަރުގެ ބިޑްސެކިއުރިޓީއެއް ދޭންމިޖެހުނީ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކާރު ބޭކާރު!!!

05 February 2025

ކީއްކުރަން ހޭ ބޭކާރު ހަރަދު ކުރަނީ؟ މިހާރުވެސް އެހެރީ ޖެންޑާ ފެމިލީ މިނިސްޓުރީ އަށް ވަރު ހުރި އިމާރާތެއް ދީފަ ހުޅުމާލޭން، އެކަމަކު ވާކަމެއް ހަރާން! އެތަނަކަށް ރައްޔިތުން ހުށަހަޅާ މައްސަލަތައް އަވަސް އަރުވާފަ ފައިލު ކުރަނީ، ނޫނި މައްސަލަ ނުބަލާ، ގެއްލުވާ، ބޮލުން ކަޓުވާ، ޖަވާބުދާރީނުވެ ތިބެފަ ރައްޔިތު މީހަ ގުޅީމަ މި ޗެކުކޮއްފަ ގުޅަނީ ރިވިއުކުރަނީ އިން ނުނެއްޓި އެތިބެނީ އެމީހުން! އެހެންވީމަ އިމާރާތަކުން ވާ ކަމެއް ނެތޭ ފެންނާކަށް. ހުސް ފެއިލުއާ ހަމަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިސްޓުރީ އޮފް އެފިޝިއަންސީ ބައި އެލަން

05 February 2025

ކަލޭނޭ ރާއްޖެ ސަރުކާރު އެލަން މަސްކު އާ ހަވާލު ކުރަންވީ. އޭރަށް މިއޮތް ޓެކު ޒަމާނު ތިޔަ ހޯދާ ބޭކާރު އިމާރާތް ތަކާ ޕާޓީ މީހުންނަށް ވަޒީފާދޭން ކުރާ ހަރަދުގެ ޖަރީމާ ކުޑަ ކުރެވޭނެ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚާންޖީ

05 February 2025

ޚޯޓްގައި ޖާގަ ދަތިވިޔަސް ފަރުވާލެއް ނެތެވެ. އެންސްޕާގައި ޖާގަ ނެތީއްޔާ މައްސަލައެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

05 February 2025

ފިނޭންސް މިނިސްޓަރކަންކުރި އެންމެން ފިނޭންސް މިނިސްޓްރީއަށް އެޑްވައިޒަރުންނަށް ލައިގެންވެސް ދައުލަތުން އިސްރާފްކުރަމުން މިގެންދާ ފައިސާ ސަލާމަތްކުރުމުގެ ވިސްނުމެއް އެއްވެސް ސަރުކާރަކަށް ނާންނާތީ ހައިރާންވެއެވެ. ލޯނުނަގައިގެންވެސް ހުރަވީ ބިލްޑިންގއާއި ޣާޒީ ބިލްޑިންގ ހުސްކުރި ތަންތަނުގައި 25 ބުރީގެ އިމާރާތްތަކެއް އަޅައިގެންވެސް މުސްތަގްބަލަށް ބަލާއިރު އޭގެ ފައިދާ ބޮޑުވާނެއެވެ. އެކަމަކު ނިންމަންތިބި ބަޔަކަށް މަންފާކުރާކަމެއް ބަދަލެއް ނުކުރާނެތާއެވެ.