މަރަދޫ ފަޅުތެރޭގައި ދޯނިތަކެއް އަޅާފައިވާއިރު މީހަކު މަސް ކަނޑަނީ: އެ ރަށު ދޯންޏެއްގެ ހަބަރެއް ނުވެގެން އަންނަނީ ހޯދަމުން.---ފޮޓޯ/ ކިޔުންތެރިއެއް
13 މާޗް 2017 - 20:33
4 comments
ކަންނެލި މަސްވެރިކަމަށް 13 މީހުންނާ އެކު ނުކުމެ އުޅުނު އައްޑޫ މަރަދޫ ދޯންޏެއްގެ ޚަބަރެއް ނުވެގެން އެމްއެންޑީއެފް ކޯސްޓް ގާޑުން މިއަދު ހޯދަން ފަށައިފި އެވެ.
ދޯނީގެ ވެރިމީހާ އާ ހަވާލާދީ، އެމްއެންޑީއެފުން ބުނީ "އޮއިވަރު" ނަމަކަށް ކިޔާ އެ ދޯންޏާ އެންމެ ފަހުން ގުޅިފައި ވަނީ މި މަހުގެ ހަ ވަނަ ދުވަހު ކަމަށެވެ.
އެކަމަކު ދޯނީގެ ޚަބަރެއް ނުވެގެން ކޯސްޓްގާޑަށް ރިޕޯޓް ކޮށްފައި ވަނީ މިއަދު ހަވީރެވެ. "އޮއިވަރު" ދޯންޏަކީ 78 ފޫޓުގެ ދޯންޏެކެވެ. އެ ދޯނީގެ ބޭރުގައި ހުދު ކުލައިގެ ދަވާދު ލާފައިވާއިރު، ދޯނީގެ ގެ ގަނޑުގައި ފެހި ކުލައިގެ ދަވާދު ލާފައިވާ ކަމަށް އޭގެ ވެރިމީހާ އާ ހަވާލާދީ ކޯސްޓް ގާޑުން ބުންޏެވެ. "އޮއިވަރު" ދޯންޏާ ބެހޭ އެއްވެސް މައުލޫމާތެއް ލިބިއްޖެ ނަމަ ކޯސްޓް ގާޑްގެ ހިލޭ ގުޅޭ ނަމްބަރު 191 ނުވަތަ 3395981 އަދި 3398898 ފޯނަށް ހިއްސާ ކުރުމަށް އެމްއެންޑީއެފުން ވަނީ އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައުންސެލަރު
13 March 2017
ޓްރެކިން ހަރުކުރަން މަޖުބޫރު ކުރަންވީ އެހެން ހުރިހާކަމެއް ހުއްޓާލާފަ.
މަންސޫރު
13 March 2017
ތިޔަ ދޯނިފަހަރު ކޮންމެ ދުވަކު އެއްފަހަރު ނަމަވެސް ލޮކޭޝަން ފޮނުވަން މަޖުބޫރުކުރަން ވެއްޖެއެންނު؟ ނުފޮނުވައިވިއްުޔާ ގުޅަން އުޅެވޭނެތާ؟ ނުގުޅިއްޖެއްޔާ ކޮންމެވެސް ކަމެއް ރަނގަޅުނޫން ކަމަށް ބެލެވޭނެއެންނު؟ އޭރުން އެތަކެއް ދުވަހެއް ވަންދެން އަނދިރީގައި ތިބޭކަށް ނުޖެހޭނެއެންނު؟ ހާލުގައި ޖެހިއްގެއްޔާ އެހީއެއް ފޯރުކުރުމުގެ ޗާންސްވެސް މާ ބޮޑުވާނެ އެންނު؟
ރޯނުއެދުރު
13 March 2017
ވަރަށްއާދޭހާއެކު ސަރުކާރަށްގޮވާލަން މިހެން ހަބަރެއް ނުވެގެން ހޯދާ އުޅަނދު ހޯދުމަށް ރާޑާރ ހަރުކުރެވިފައިވާ ވައިގެ އުޅަނދު ހޯދުަމަށް....މިމީހުން އަނެއްކާމަސް އައިނެއް ފހަތުން ދިޔައިބާ !!!
ޢަހަރެން
13 March 2017
މިހާރު އުޅޭނެ ގަދަ އައިނެއްގަ ޖެހިގެން