އީގަލްސް، ޔޫވީ، ގްރީން، ސަސް އަދި ބުރުން އެފްއޭއެމްގެ ކޮންގްރެސް ބޮއިކޮޓްކޮށްފި

މިހާރު ކުރިއަށްދާ އެފްއޭއެމްގެ އެކްސްޓްރާ އޯޑިނަރީ ކޮންގްރެސްގައި، އެފްއޭއެމް ނޯމަލައިޒޭޝަން ކޮމިޓީގެ ޗެއާމަން އަހްމަދު މުއިއްޒު: ފުރަތަމަ ޑިވިޝަނުގެ ފަސް ކްލަބަކުން ވަނީ ކޮންގްރެސް ބޮއިކޮޓްކޮށްފަ --- ފޮޓޯ: ފަޔާޒު މޫސާ | މިހާރު

ހުސެއިން ހަބީބް، މިހާރު

15 މާޗް 2025 - 22:45

6 comments

އެއްވަނަ ޑިވިޝަނުގެ ފަސް ކްލަބަކުން އެފްއޭއެމްގެ މިރޭ ކުރިއަށްގެން އެކްސްޓްރާ އޯޑިނަރީ ކޮންގްރެސް ބޮއިކޮޓް ކޮށްފި އެވެ.

ކޮންގްރެސް ބޮއިކޮޓް ކުރި ރާއްޖޭގެ ޓޮޕް ޑިވިޝަންގެ ކްލަބްތަކަކީ؛ ކްލަބް އީގަލްސް، ޔުނައިޓެޑް ވިކްޓަރީ (ޔޫވީ)، ގްރީން ސްޓްރީޓްސް، ސުޕަ ޔުނައިޓެޑް ސްޕޯޓްސް (ސަސް) އަދި ބުރު ސްޕޯޓްސް އެވެ.

ފުރަތަމަ ޑިވިޝަނުގައި ވޯޓް ދެވޭ ކްލަބްތަކުގެ ތެރެއިން ކޮންގްރެސްގައި ބައިވެރި ވަނީ ވެލެންސިއާ އަދި މާޒިޔާ އަދި ޓީސީ އެވެ. އެވެ. އެ ޑިވިޝަނުގެ ކޮންމެ ކްލަބަކަށް ކޮންގްރެސްގައި ދެ ވޯޓް ދެވޭނެ އެވެ.

އެހެންވެ ޖުމުލަ 10 ވޯޓް ކޮންގްރެސްގައި ތަމްސީލު ނުކުރެ އެވެ. ކޮންގްރެސް ކޯރަމް ހަމަނުވި ނަމަވެސް ސްޕޯޓްސް މިނިސްޓަރު އަބްދުﷲ ރާފިއު އަށް ވާހަކަ ދައްކަން ފުރުސަތު ދިނުމުގެ ގޮތުން ކޮންގްރެސް ފެށި އެވެ. އެކަމަކު ކޮންގްރެސްގެ އެޖެންޑާގައި ހުރި ކަންކަން ކުރިއަށް ގެންދެވޭނީ ކޯރަމް ހަމަވެގެންނެވެ.

ކޯރަމްގެ މައްސަލައެއް ކުރިމަތިވުމުން، ކޮންގްރެސް އަށް ހާޒިރުވި ސީބީއެލްއާ ގުޅޭ މައްސަލައެއް ހައްލު ކުރުމަށް ފަހު ކޯރަމް ހަމަވި ކަމަށް ކަނޑައަޅައި ގާތްގަނޑަކަށް 15 މިނެޓް ފަހުން އަލުން ކޮންގްރެސް ފެށި އެވެ.

އެފްއޭއެމްގެ ކޮންގްރެސް، އޮބްޒާވްކުރުމުގައި ބައިވެރިވާ ފީފާގެ އޮފިޝަލް އަހްމަދު ހައްރާޒު --- ފޮޓޯ: ފަޔާޒު މޫސާ | މިހާރު

ކޮންގްރެސްގައި ބައިވެރިވި ފުރަތަމަ ޑިވިޝަނުގެ މާޒިޔާ އާއި ޓީސީ އަދި ވެލެންސިއާއަކީ، އެފްއޭއެމުން މީގެ ކުރިން ދެ ފަހަރަށް ބާއްވަން އުޅުނު އިންތިހާބުގައި ވާދަކުރެއްވި އަހްމަދު ތޯރިގް (ޓޮމް) އަށް ތާއީދު ކުރި ތިން ކްލަބެވެ.

މިރޭގެ ކޮންގްރެސް ބޮއިކޮޓް ކުރި ފުރަތަމަ ޑިވިޝަނުގެ ފަސް ކްލަބަކީ، އެ ދެފަހަރު އިންތިހާބުގެ ތެރެއިން ފުރަތަމަ ފަހަރު ޓޮމް އާ ވާދަކުރައްވަން ހުށަހެޅި އީގަލްސްގެ ސީއީއޯ އަދި އެފްއޭއެމްގެ އޭރުގެ އެގްޒެކެޓިވް ކޮމިޓީގެ މެންބަރު މުފާވިޒު ހާޝިމު (މުފާ) އާއި ދެވަނަ ފަހަރަށް އިއުލާން ކުރުމުން ކުރިމަތިލި އެފްއޭއެމްގެ އޭރުގެ ރައީސް ބައްސާމް އަދީލު ޖަލީލަށް ތާއީދު ކުރި ކްލަބްތަކެވެ.

މިރޭ ކުރިއަށްދާ ކޮންގްރެސް އަކީ އެފްއޭއެމްގެ ހިންގުމާ މިދިޔަ އަހަރު ފީފާއިން އައްޔަން ކުރި ނޯމަލައިޒޭޝަން ކޮމިޓީން ހަވާލުވި ފަހުން ބާއްވާ ފުރަތަމަ ކޮންގްރެސް އެވެ. ކޮންގްރެސްގެ އެޖެންޑާގައި ވަނީ ފިޔަވަޅު އަޅާ ކޮމިޓީ އާއި އިސްތިއުނާފް ކޮމިޓީ އަދި އެތިކްސް ކޮމިޓީ ހޮވަން ހިމަނައިފަ އެވެ. ދެން އެޖެންޑާގައި އޮތީ މިދިޔަ ދެ އަހަރުގެ އެފްއޭއެމްގެ މުއާމަލާތްތައް އޮޑިޓް ކުރާނެ އޮޑިޓް ފާމެއް ކަނޑައެޅުމެވެ.

ކްލަބް އީގަލްސް ފުޓްބޯޅަ އެފްއޭއެމް އެފްއޭއެމް ކޮންގްރެސް

6 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަސި.

16 March 2025

މާ ބޮޑު ކުލަބުތަކަކަށް މިއުޅެނީ، ކަމެއް ކުރިއަވެސް ދެނީއެއްނޫނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

16 March 2025

ލާރިގަނޑު ލިބުނު މީހުންތައް ފާޅުކޮށް އެނގުނީތަ މިިކަމުން. ތި ކްލަބްތައް ސަސްޕެންޑު ކުރުމަށް ނިންމަންވީ މިފަހަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 March 2025

ކ.މާލޭ ޤަބީލާތަކާއި، އެރަށު ކަންމަތީ ގޭންގްތަކުން ދިވެހިފުޓްބޯޅަ ޙިސޯރުކޮށްގެން ތިބުމުގެބޭނުމަށްޓަކާ ނަމުގެތެރެއަށް "ޤައުމީ" ލައިގެން ހަދާފައިވާ ފުޓްބޯޅަ އެސޯސިއޭޝަން ޤަބޫލު ނުކުރާނެކަމަށާއި، އެމީހުންގެ އެއްވެސްޙަރަކާތެއް ކުޅުދުއްފުށި، ތިނަދޫ، ފުވައްމުލައް އަދި އައްޑޫސިޓީގައި ނުހިންގޭނެކަމަށާއި، އަދި އެމީހުނަށް ކުރިންދޫކޮށްފައިހުރި މިދެންނެވި ސިޓީތަކުގެ ދަނޑުތައް ކައުންސިލްގެދަށަށް ގެންނާނެކަމަށް ކައުންސިލްތަކުން ފާސްކޮށް އާންމުކޮށް އިޢުލާންކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 March 2025

ނަމުގެކުރިއަށް "ޤައުމީ" ލައިގެން އުފައްދާފައިވާ Football Association of Maldives އުވާލާފައި ލާމަރުކަޒީއުސޫލުން ކުޅިވަރުތަށްވެސް ޑިސެންޓްރްލައިޒް ކުރުމަށްޓަކާ ތިލަދުންމަތިން ފާދިއްޕޮޅަށް ނޯތުރީޖަން، ކ.އަތޮޅުން (މާލެހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާންރީޖަން ކަމުގައިކަޑައަޅާ ކޮންމެރީޖަނެއްގައި ރީޖަނަލް ފުޓްބޯލް އެސޯސިއޭޝަންހަދާ ރީޖަންތަކުގެ އެސޯސިއޭޝަން ބައިވެރިވާ ޤައުމީ ފުޓްބޯޅަ ފެޑަރޭޝަން އުފައްދަންޖެހޭ ވަގުތު ޖެހިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 March 2025

މިދެންނެވިގޮތަށް 3 ރީޖަންގެ މައްޗަށް ލާމަރުކަޒުކޮށް ރީޖަންތަކަށް ރީޖަނަލް ލީޤް ބޭއްވުމުގެ ބާރުދީފައި ރީޖަނަލް އެސޯސިއޭޝަން ތަކުގެ ރައީސާއި ޖެނެރަލް ސެކްރެޓަރީ އަދި ރީޖަންގެ އެންމެ މޮޅު 4 ޓީމްގެ މެނޭޖަރާއި ކެޕްޓަނުން ވޯޓް ދީގެން އިންތިޙާބު ކުރާ ބަޔަކު ތިބޭ National Football Federation އުފައްދައިގެން ނޫނީ ކ.މާލޭގެ ކަންމަތީ ޤުރޫޕްތަކާއި، ޤަބީލާތަކުގެ އަތްދަށުގައި ރަޙީނު ކުރެވިފައިއޮތް ކުޅިވަރު ސަލާމަތްކޮށް ތިތަނުގެ ޙިޔާނާތްވެސް ނުހުއްޓުވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 March 2025

މަތީގައިދެންނެވި ބަދަލުގެނައުމަށްޓަކާ FIFA އާއި AFC ގެ ފަންނީ މާލީއެހީތެރިކަމަށް ކުޅިވަރުގެ ވުޒާރާއިން އެދެންޖެހޭ. އަދި ބަހާލެވޭ 3 ރީޖަންގެތެރޭގައި ހޯމްއަވޭ އުސޫލުން މުބާރާތްތައްބޭއްވުމަށްޓަކާ ރާއްޖޭގެ ބައިނަލްއަޤުވާމީ 3 އެއަރޕޯޓްއޮތް ކ.ހުޅުމާލެ، ހދ ހަނިމާދޫ އަދި އައްޑޫސިޓީގައި ސާފްގޭމްސް ބޭއްވޭވަރުގެ 3 ސްޓޭޑިއަމް ތައްޔާރުކުރުމަށް International Olympic Committee އާއި FIFA ގެ އެހީތެރިކަންހޯދައި ވަސީލަތްޤާއިމްކޮށް ކުޅިވަރަށް ކުރިއެރުން ހޯދަންޖެހޭ.