އައިޖީއެމްއެޗް.-- ފޮޓޯ: ނިޝާން އަލީ | މިހާރު
26 މާޗް 2025 - 13:18
އއ. ރަސްދޫގައި ފިހުނު ދެމަފިރިންގެ ހާލު ސީރިއަސް ކަމަށާއި އެ މީހުންނަށް އަދިވެސް ފަރުވާދެމުން އަންނަނީ ވެންޓިލޭޓަރުގައި ކަމަށް އާއިލާ އިން މިއަދު ބުނެފި އެވެ.
މިދިޔަ ހޯމަ ދުވަހުގެ ރޭ ދަންވަރު ހިނގި، އެ ހާދިސާގައި އަލިފާން ރޯވީ އުމުރުން 31 އަހަރުގެ ދެމަފިރިންގެ ގައިގަ އެވެ.
އެ ދެ މީހުންނަށް އިތުރު ފަރުވާ ދިނުމަށް ހަމަ އެ ރޭ މާލެ ގެނެސް އަންހެން މީހާއަށް ފަރުވާދިނީ އައިޖީއެމްއެޗުގެ އައިސީޔޫގައި ވެންޓިލޭޓަރުގައި ބާއްވައިގެންނެވެ. އައިސީޔޫ އިން ޖާގަ ލިބުމުން، އިއްޔެ މެންދުރު ފަހު ފިރިހެން މީހާ ވެސް އެތަނަށް ވަނީ ބަދަލުކޮށްފަ އެވެ. އޭނާ އަށް ވެސް ފަރުވާދެމުން ދަނީ ވެންޓިލޭޓަރުގަ އެވެ.
އުމުރުން ފަސް އަހަރުގެ ކުއްޖަކު ވެސް ހުރި ދެ މީހުން ވެސް ވަނީ 80-90 ޕަސެންޓަށް ފިހިފަ އެވެ. އެ ދެ މީހުން ވެސް ސަލާމަތް ކުރެވޭނެ ކަމުގެ އުންމީދު ޑޮކްޓަރު ކަނޑާލާފައިވާ ކަމަށް އާއިލާ އިން އިއްޔެ ބުނެފައިވެ އެވެ.
މައުލޫމާތު އެނގޭ މީހަކު ބުނީ، ދެމަފިރިންގެ ހާލު އަދިވެސް "ވަރަށް ކްރިޓިކަލް" ކަށާއި އަދި ކުރިއެރުމެއް ނުލިބޭ ކަމަށެވެ.
އެ ދެމަފިރިންގެ ކޮޓަރީގައި މާބޮޑަށް އަލިފާން ނުހިފަ އެވެ. ރޯވެފައި ވަނީ ކޮޓަރީގެ ދޮރު ފޮތިގަނޑެއްގައި އެކަންޏެވެ. އެކަމަކު އެ މީހުންގެ ގައިގައި އެހާ ބޮޑަށް އަލިފާން ރޯވި ގޮތެއް ސާފެއް ނޫނެވެ.
އެ މައްސަލާގައި ފުލުހުން ބުނީ ހޯމަ ދުވަހުގެ ރޭ 11:15 ހާއިރު ރަސްދޫ ގެއެއްގައި އަލިފާން ރޯވެގެން ރިޕޯޓުކޮށްފައިވާ ކަމަށާއި އެ މައްސަލަ ތަހުގީގުކުރަމުން އަންނަ ކަމަށެވެ. އެކަމަކު އިތުރު ތަފްސީލެއް އަދި ނުދެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އާމުލީ
28 March 2025
އަނެއްކާވެސަ ދެމަފިރިންނޭ ލިޔެފައި އޮތީމަ އޮޅޭގޮތްވެއްޖެ. ދެމަފިރިންތޯ ނޫނީ ކުރިން ކައިވެނިކޮށް މިހާރު ވަރިކޮށްފައިތޯ
ހޯމިސައިޑް
26 March 2025
އަނެެއްކާ ނ ހޮަޅުދޫ ޒަކިއްޔާކޭސް ހެން ކްރައިމް ސީން ރޫޅާ މައްސަލަ ނިންމާލާނީކީ ނޫން ފުލުހުންނޭ.
ރަންނަބަނޑޭރި
26 March 2025
ތަހުގީގަށް ހުރަސްނޭޅޭ ގޮތަށް މައުލޫމާތު ދޭން އެނގޭ ފުލުހުންނެއް މިގައުމަކު ނޫޅޭނެ. ތިން ހަތަރު މަސް ވާއިރުވެސް ވާނުވާއެއް ނޭންގޭނެ. ދެން ރަށު ރައްޔިތުން އެމީހަކަށް ފެނުނު ގޮތަކަށް ވާހަކަ ހަދައިގެން ފަތުރާ އެންމެން ނަފުސާނީވެ ދެދުވަހުން އެއް ދުވަހު ނުކުމެ މުޒާހަރާކުރަން ފެށީމަ ނިވްސް ކޮންފަރެންސެއް ބާއްވާ މޮޅަތި ވާހަކަ ދައްކާނެ. އޭރު އޮންނާނީ ފުލުހުންނާ މެދު ރައްޔިތުންގެ އިތުބާރު ގެއްލި ވާނެ އެއްޗެއް ވެނިމިފަ.