އައިޖީއެމްއެޗް ބޭރުގައި ބަޔަކު މަޑުކޮށްލައިގެން. އައިޖީއެމްއެޗުން ފަރުވާ ދެމުން ދިޔަ އަންހެނަކު ވަނީ ސްވައިން ފްލޫ ޖެހިގެން މަރުވެފައި. - ފޮޓޯ: ނިޝާން އަލީ/ މިހާރު
16 މާޗް 2017 - 09:40
38 comments
ރާއްޖޭގައި ހަލުވިކަމާ އެކު ފެތުރެމުންދާ ސްވައިން ފްލޫ ޖެހިގެން އުމުރުން 51 އަހަރުގެ އަންހެނަކު ރޭ މަރުވެއްޖެ އެވެ.
އެނގިފައިވާ ގޮތުގައި އެޗް1އެން1 ވައިރަސް ޖެހިގެން އެ އަންހެން މީހާ މަރުވީ އައިޖީއެމްއެޗްގައި ފަރުވާ ދެމުން އަންނިކޮށް ރޭގެ ވަގުތެއްގަ އެވެ. ނަމަވެސް އެކަމާ ބެހޭ ގޮތުން އައިޖީއެމްއެޗުން އަދި މީޑިއާއާ ވާހަކައެއް ނުދައްކަ އެވެ.
ސްވައިން ފްލޫ ޖެހިގެން މަރުވީ ފ. ނިލަންދޫ ބުރުނީގެ ފާތިމަތު އިސްމާއިލެވެ.
އޭނާގެ އާއިލާގެ މެމްބަރަކު މިއަދު ބުނީ ސްވައިން ފްލޫ ޖެހިގެން ފާތިމަތު މަރުވިކަން، އައިޖީއެމްއެޗުން ބެލި ޑޮކްޓަރުން ކަށަވަރު ކޮށްދީފައިވާ ކަމަށެވެ. ނިލަންދޫން މާލެ ގެންނަން ޖެހުނީ ކުއްލިއަކަށް ވަރަށް ގަދައަށް ހުން އައިސް ގައިގައި ރިއްސާތީ ކަމަށް އޭނާ ބުންޏެވެ.
"ވެންޓިލޭޓަރެއްގެ އެހީގައި ނޭވާލަމުން ދަނިކޮށް ނިޔާވީ. މިހާރު ހަތަރު ދުވަސްވެއްޖެ ހޮސްޕިޓަލްގައި ފަރުވާދެމުން އަންނަތާ،" މަރުވި މީހާގެ އާއިލާގެ މެމްބަރަކު ބުންޏެވެ.
މިއީ ބަލި ޖެހިގެން މި އަހަރުގެ ތެރޭގައި މަރުވި ދެވަނަ މީހާ އެވެ. މީގެ ކުރިން ހުން ޖެހިގެން އައިޖީއެމްއެޗުގައި ފަރުވާ ދެމުން ދަނިކޮށް އުމުރުން 26 އަހަރުގެ ފިރިހެނަކު ވަނީ މަރުވެފަ އެވެ.
އެޗްޕީއޭއިން ރޭ އާންމު ކުރި ހިސާބުތައް ދައްކާ ގޮތުން އިއްޔެއާ ހަމަ އަށް 279 މީހަކު ވަނީ ސްވައިން ފްލޫ އަށް ޓެސްޓުކޮށްފަ އެވެ. އޭގެ ތެރެއިން 82 (29 ޕަސެންޓް) މީހުން ވަނީ ސްވައިން ފްލޫ އަށް ޕޮޒިޓިވް ވެފަ އެވެ. ހާލު ބޮޑު ހަތަރު މީހަކަށް އައިޖީއެމްއެޗުން ފަރުވާ ދެމުން އަންނަ އިރު، އޭގެ ތެރެއިން ދެ މީހަކު ސްވައިން ފްލޫ އަށް ޕޮޒިޓިވް ވެފައިވާ ކަމަށް އެޗްޕީއޭއިން ބުންޏެވެ.
ސްވައިން ފްލޫ އަށް ޕޮޒިޓިވްވާ މީހުންގެ އަދަދު އިތުރުވަމުންދާތީ ރާއްޖޭގެ ހުރިހާ ސްކޫލްތަކާއި ޔުނިވާސިޓީ އަދި ކޮލެޖްތައް ވެސް ވަނީ ބަންދުކޮށްފަ އެވެ. އަދި ސްކޫލްތަކުން ބާއްވާ އިތުރު ހަރަކާތްތަކާއި ގައުމީ ފުޓްބޯޅަ މުބާރާތް ވެސް ވަނީ މެދުކަނޑާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފްރޮސްޓް
16 March 2017
إِنَّا لِلّهِ وَإِنَّـا إِلَيْهِ رَاجِعونَ
ދަމާ
16 March 2017
މާލޭގެ މަގުގެ ކާނުތަކުގެައި ފެން ނުހިނގާ މަދިރި އިންތިހާއަށް ހުން ފެތުރެނީ ހަޑިބޮޑުވެ މަދިރި ގިނަވުމުގެ ސަބަބަުން
ހަމަ ތެދެއް
16 March 2017
އަޅެ މީ ރަޢީސެއް ނައިބު ރަޢީސެއްވެސް ނެތް ޤައުމެއްތަ؟؟
މާކޯޅި
16 March 2017
ފިލިކޯޅިއަށް މާބޮޑައް އެނގެނީ. ފިލިކޯޅިމެންގެއިން މީހަކު މިކަމުގަ މަރުވިޔަސް ސަރުކާރުދިފާއުކުރަން ހުރޭ. އާއިލާއިން އެބުނީނު ޑިޮކްޓަރު ބުންޏޭ ސުވައިންފުލޫއޭ
ޒަކީ
16 March 2017
ޜަސްގެފާނު ނެށުމައް ޕުރެކުޓިސް ކުރަން ބަރާބަރައް ކުދިން ގެންދަން ޖެހެޔޯލަ
ސޯޓު
16 March 2017
ސަރުކާރު އޮފީސްތަކާއި އެހެނިހެން އިދާރާތައްވެސް ހަފްތާއަކަށް ބަންދުކޮށްލަންވީނޫންތަ.. ސްކޫލްތައް ބަންދުކޮށްފައި އެކަމަކު ހުރިހާ އޮފީސްތަކާއި އިދާރާތައް ހުޅުވިފައި... އެމީހުންތަ ވައިރަސް ހިފައިގެން ގެއަށް ދިޔުމުން ކުދިންގަޔަށް އެއަރަނީ....
ޒޒޒ
16 March 2017
އާމީން
އުމަރު
16 March 2017
ރާއްޖޭގެ ރައީސުލް ޖުމްހޫރިއްޔާ ހިއެއްނުވޭ ތިޔަކަމާ އެހާ ކަންބޮޑުވާހެން، ރޭގަވެސް ޓީސީ ސްޕޯޓްސް ކުލަބުގެ ހަފްލާގައި އުފާކުރީ، ހިތާމައިގެ އެއްވެސް ބަހެއް ވިދާޅުނުވޭ އަދި މިބަލި ރާއްޖެއިން ނެތިދިއުމަށް ދުއާއެއްވެސް ނުކުރޭ ތިޔަ ބަލި ޖެހޭ މީހުން އަދި ޓެސްޓްކުރަންދާ މީހުންވެސް އެއްތަނުގައި އުޅޭތަން ފެންނަނީ، ހޮސްޕިޓާތަކަށް މާސްކުއަޅައިގެންނޫނީ އެކަކަށްވެސް ވަދެވިގެންނުވާނެ، ތިޔަ ފުލޫ ކޮންޓްރޯލްކުރެވޭނީ ސިއްހީދާއިރާގެ ކުރީގެ މީހުންވެސް ނެރެގެން، ކޮންމެ ރަށަކަށް ޓާސްކް ފޯހެއް ފޮނުވައިގެން އަދި ތިޔަ ފުލޫ ޖެހުނު ރަށުން މީހުން އެއްތަނުން އަނެއްތަނަށް ކުރާ ދަތުރު ހުއްޓުވާލައިގެން، މިފަދަ ކަމެއްގައި ސަރުކާރުން އަދިވެސް ގެންދަނީ ސިސްރުކުރަމުން ޓެސްޓްކުރާ މީހުން ގެއަށް ފޮނުވާލަމުން، އަދި ޤައުމީ ޓީވީންވެސް މިކަން ހޭލުންތެރިކުރުމަށް އެއްވެސްކަމެއް ނުކުރޭ، ހީވާކަހަލަ އަދިވެސް އެމަޖެންސީނުވަނީއޭ
ސައިމާ
16 March 2017
ބަލަ އެމީހެއްގެ ސަލާމަތްކަން އެމީހަކަު ހޯދަބަލަ. ރައްކާތެރިކަން ލިބިގަނެބަލަ. ގައުމު ހިގައިގެންނުން ސްވައިން ފލޫ އިން ރައްކާތެރިވާން ވެކްސިންވެސް ލިބޭނީ. އެންމެން ރަޖާ ލީމަ ކިހިނެއްވާނީ؟
ހޯގުޅާ
16 March 2017
ސައިމާ އަށް ނުވިސްނޭތީ ދެެރަވަން
ކޮލަމާފުށި
16 March 2017
އަދިވެސް އަންނަން އުޅޭ ރަސްގެފާނުގެ ތައްޔާރީތަކާއިގެން މުޅި ސަރުކާރު އުޅޭތަން މިފެންނަނީ....
ހ1ނ1
16 March 2017
إِنَّا لِلّهِ وَإِنَّـا إِلَيْهِ رَاجِعون