ތުރުކީގެ އިސްތަންބޫލަށް ވަރުގަދަ ބިންހެލުމެއް

މީގެ ކުރިން ތުރުކީއަށް އައި ބިންހެލުމެއްގައި ގެއްލުންވެފައި. -- ފޮޓޯ: އޭއެފްޕީ

23 އެޕްރީލް 2025 - 15:24

ތުރުކީގެ އިސްތަންބޫލާއި އެ ސިޓީގެ ކައިރި ސަރަހައްދުތަކަށް ވަރުގަދަ ބިންހެލުމެއް އަތުވެއްޖެ އެވެ.

ތުރުކީގެ ޑިޒާސްޓާ އެންޑް އިމަޖެންސީ މެނޭޖްމަންޓު ޕްރެޒިޑެންސީން ބުނީ ބިންހެލުމުގެ ބާރުމިން ހުރީ 6.2 މެގްނިޓިއުޑްގައި ކަމަށެވެ.

ބިންހެލުން އައުމާ އެކު މީހުން ދުވެފައި އިމާރާތްތަކުން ނުކުންނަ މަންޒަރު ވަނީ ވެފަ އެވެ. އެކަމަކު ބިންހެލުމުގެ ސަބަބުން ގެއްލުންވި ކަމުގެ ރިޕޯޓެއް އަދި ނެތެވެ.

6.2 Earthquake in Istanbul, Turkey
All networks are currently down, people are scared to go back to their homes
There were 6 stronger aftershocks. pic.twitter.com/dnco5ndj3Z
— Disasters Daily (@DisastersAndI) April 23, 2025

ޖަރުމަނުގެ ރިސާޗް ސެންޓަ ފޯ ޖިއޯސައިންސް (ޖީއެފްޒެޑް) އިން ބުނީ ބިންހެލުން އައިސްފައިވަނީ 6.02 މެގްނިޓިއުޑްގެ ބާރުމިނުގައި ކަމަށާއި އެއީ 10 ކިލޯމީޓަރު (6.21 މޭލު) އަޑިން އައި ބިންހެލުމެއް ކަމަށެވެ.

ބިންހެލުމަށް ފަހު އެތައް ބައިވަރު ލޮޅުންތަކެއް މިހާތަނަށް ވެސް ވަނީ އައިސްފަ އެވެ.

މި ބިންހެލުމުގެ އަސަރު ވަނީ ތުރުކީގެ ކައިރި ބައެއް ގައުމުތައް ކަމަށްވާ ބަލްގޭރިއާ އާއި ގްރީސް އަދި މެކެޑޯނާ އަށް ވެސް ކޮށްފަ އެވެ.