ޚަބަރު / ރާއްޖެއިން ބޭރުގައި އުޅޭ ދިވެހިން

މެލޭޝިއާގައި ކިޔަވާ ބޭރު ދަރިވަރުންގެ ކޮލެޖް ފީއިން 6 ޕަސެންޓުގެ ޓެކްސްއެއް ނަގަނީ

މެލޭޝިއާގެ މަގެއް: އެ ގައުމުގައި ކިޔަވާ ބޭރު ދަރިވަރުންގެ އަތުން ޓެކްްސްއެއް ނަގަން ވަނީ ނިންމާފައި

26 ޖޫން 2025 - 16:41

މެލޭޝިއާގައި ކިޔަވާ ބޭރު ގައުމުތަކުގެ ދަރިވަރުންގެ ކޮލެޖު ފީ އިން ހަ ޕަސެންޓުގެ ޓެކްސެއް އަންނަ މަހުން ފެށިގެން ނަގަން ނިންމައިފި އެވެ.

މި ޓެކްސް ދައްކަން ޖެހޭނީ ބޭރު ގައުމުތަކުގެ ދަރިވަރުންނަށް ފުރުސަތުދޭ، އަމިއްލަ ޕްރީސްކޫލްތަކާއި ސްކޫލްތަކާއި ކޮލެޖު އަދި ޔުނިވާސިޓީތަކުންނެވެ.

މިއީ މެލޭޝިއާގެ ޓެކްސްގެ ނިޒާމު ހަރުދަނާކޮށް، އާމްދަނީ އިތުރު ކުރާއިރު މެލޭޝިއާގެ ރައްޔިތުންނަށް އަސަރު ނުކުރާ ގޮތަށް ތައާރަފްކުރާ އާ ޓެކުހެކެވެ.

އެގޮތުން، ކޮލެޖު ޓިއުޝަން ފީގެ ގޮތުގައި އަހަރަކު 60،000 ރިންގިޓް ކަނޑައަޅާފައިވާ ތައުލީމީ މަރުކަޒުތަކުން އެ ޓެކުހަށް ރަޖިސްޓްރީކުރަން ވަނީ ލާޒިމުކޮށްފަ އެވެ.

މީގެ އިތުރުން ބޭރުގެ ދަރިވަރުންނަށް ކިޔަވަން ފުރުސަތު ދޭ ހުރިހާ ތައުލީމީ މަަރުކަޒުތަކުން އެ ޓެކުހަށް ރަޖިސްޓްރީކުރަން ލާޒިމުވާނެ އެވެ.

އެ ތަންތަނުގައި ކިޔަވާ މެލޭޝިއާގެ ދަރިވަރުންނަށް އެ ޓެކްސް ދައްކަން ނުޖެހޭނެ ކަމަށް ވެސް ބުނެފައިވެ އެވެ.

މެލޭޝިއާއިން 2015 ވަނަ އަހަރު އެކުލަވާލި އެޑިއުކޭޝަން ތަރައްގީ ކުރުމުގެ ގައުމީ ޕްލޭންގެ ދަށުން، މި އަހަރުގެ ނިޔަލަށް ބޭރުގެ 250،000 ދަރިވަރުންނަށް އެ ގައުމުގައި ކިޔެވުމުގެ ފުރުސަތު ދިނުމުގެ އަމާޒެއް ވަނީ ކަނޑައަޅައިފަ އެވެ.

ނަމަވެސް، އެ ޓެކުހާއެކު އެ އަމާޒު ހާސިލުކުރަން ދަތިވާނެ ކަމަށް ތަޖުރިބާކާރުން ދަނީ ބުނަމުންނެވެ.

މެލޭޝިއާގައި ގިނަ އަދަދެއްގެ ދިވެހި ދަރިވަރުން ކިޔަވަމުން ދާއިރު، އެ ދަރިވަރުންނަށް މި ޓެކުހުގެ ސަބަބުން ކޮލެޖު ފީ ބޮޑުވެގެންދާނެ އެވެ.

ތައުލީމް މެލޭޝިއާ ރާއްޖެ-މެލޭޝިއާ ރާއްޖެއިން ބޭރުގައި އުޅޭ ދިވެހިން

13 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިމިނާ

27 June 2025

ކުއްލިއަކަށް އަންނަ އެކަހަލަގެ ބަދަލުތަކަށް ވެސް ހަޔައެޑިޔުކޭޝަނުން އަންގަނީ އިޢުލާނު ކުރީމަ އެއަށް ލާށޭ. އިއުލާންކުރޭ އެބަ ބަދަލެއް އައިތާ އެއްއަހަރުފަހުންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވާރީ

27 June 2025

ލޯނު ނަގައިގެން ކިޔަވަން ދިޔަކުދިންނަށް މިފައިސާގެ މިންވަރު ލޯނުގެ ތެރެއިން އިތުރަށް ދެވެންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

27 June 2025

ސަރުކާރު ޚަރަދުގަ ގޮސްތިބި ކުދިންގެ ކަންކަން ރާއްޖެކޮޅުން ލަސްވާތީ އެއްމެބޮޑު މައްސަލައަކީ. ލަސްވެގެން ބެލެނިވެރިން އެކަމާއުޅެންޖެހޭތީ ނައްސަލައަކީ. ބެލެނިވެރިންގެ އެފަދަ ތަނަވަސްކަމެއް ނެތީމަ ސަރުކާރުގެޚަރަދުގަ މި ފޮނުވަނީ. ދިމާވާކަންކަމުގަ ލަސްވާތީވެ ކުއްޖާއަށް އޭގޭއަސަރުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑެބީ

27 June 2025

6 ޕަސަންޓްއަކީ މާބޮޑު އެއްޗެއްނޫން. 6 ޕަސަންޓް ނުދެއްކޭނަމަ ނޫނީ ދައްކަން ބޭނުންނުވާނަމަ ރާއްޖޭގައި ނޫނީ އެހެން ގައުމެއްގައި ކިޔަވާ. މިކަމާހެދި ރައީސްއަށް ސިޓީލިޔެ އެމްބަސީ ދޮރުމަތީ މުޒާހަރާކުރަން ހަދާނެކަމެއްނެތް.