މިއަދުން ފެށިގެން ޓީޖީއެސްޓީ އަށް 17 ޕަސެންޓް ނަގާނެ

ޓޫރިސްޓުންތަކެއް މާލޭގެ ބަނދަރު ސަރަހައްދުގައި. ޓީޖީއެސްޓީ މިއަދުން ފެށިގެން އެއް ޕަސެންޓު ބޮޑުވާނެ -- ފޮޓޯ: ނިޝާން އަލީ / މިހާރު

ފާތިމަތު ޝަނާ މުހައްމަދު، މިހާރު

01 ޖުލައި 2025 - 21:56

22 comments

މިއަދުން ފެށިގެން ޓީޖީއެސްޓީގެ ގޮތުގައި 17 ޕަސެންޓް ނަގަން ފަށާނެ އެވެ.

ޓީޖީއެސްޓީއަށް ކުރިން ނަގަމުން އައީ 16 ޕަސެންޓެވެ. އެއީ 2023 ވަނަ އަހަރުން ފެށިގެން ނަގަމުން އައި ރޭޓެވެ. އޭގެ ކުރިން ޓީޖީއެސްޓީގެ ގޮތުގައި ދައްކަނީ 12 ޕަސެންޓެވެ.

ސަރުކާރުން ޓީޖީއެސްޓީއަށް އެއް ޕަސެންޓު އިތުރުކުރަން އިއުލާނުކުރީ މިިދިޔަ އަހަރު އެވެ. އެ ބަދަލު ގެނެސްފައިވަނީ ފިސްކަލް ހާލަތު ރަނގަޅު ކުރުމުގެ ގޮތުން އާމްދަނީ އިތުރުވާނެ ފިޔަވަޅުތައް އެޅުމުގެ ގޮތުންނެވެ.

ބަޖެޓު ފޮތުގައިވާ ގޮތުން ޓީޖީއެސްޓީއަށް އެއް ޕަސެންޓް އިތުރު ކޮށްގެން މިއަހަރުގެ ބާކީ އޮތް މުއްދަތުގައި އެ ޓެކްސްއަށް އިތުރު 202 މިލިއަން ރުފިޔާ ލިބޭނެ އެވެ. ޓީޖީއެސްޓީގެ އިތުރުން އެއާޕޯޓް ޑިވަލޮޕްމެންޓް ފީ އާއި ޑިޕާޗާ ފީ އިން އިތުރު 1.5 ބިލިއަން ރުފިޔާ އަދި ގްރީން ޓެކްސް ބޮޑުކޮށްގެން އިތުރު 964 މިލިއަން ރުފިޔާ އާމްދަނީއަށް އިތުރުވާނެ ކަމަށް ލަފާކުރެ އެވެ.

ޓީޖީއެސްޓީއަކީ ދައުލަތަށް އެންމެ ބޮޑު އާމްދަނީއެއް ވަންނަ ޓެކްސް އެވެ. މިއަހަރުގެ މިހާތަނަށް ޓީޖީއެސްޓީގެ ގޮތުގައި 5.6 ބިލިއަން ރުފިޔާ ލިބިފައިވެ އެވެ. ފިނޭންސްގެ ހިސާބުތަކުން ދައްކާ ގޮތުން އެއީ އަހަރުގެ ބަޖެޓުގައި އަންދާޒާކުރި ވަރަށް ވުރެ 200 މިލިއަން ރުފިޔާ އިތުރު އަދަދެކެވެ. އެހެންވެ، އަހަރު ނިމޭ އިރު އެ އަދަދު އިތުރަށް ބޮޑުވުމުގެ ފުރުސަތު އެބަ އޮތެވެ.

ސަރުކާރުން 2011 ވަނަ އަހަރުން ފެށިގެން 3.5 ޕަސެންޓުގެ ޖީއެސްޓީއެއް ތައާރަފްކުރި އެވެ. ޖީއެސްޓީއާ ގުޅޭ ގާނޫނުގެ ތެރެއިން ޓޫރިޒަމަށް ހާއްސަ ޖީއެސްޓީ ނުވަތަ ޓީޖީއެސްޓީ ނަގަން ފެށީ 2013 ވަނަ އަހަރު އެވެ. އެންމެ ފުރަތަމަ ޓީޖީއެސްޓީގެ ގޮތުގައި ނެގީ އަށް ޕަސެންޓެވެ.

ޓޫރިސްޓުން ޓޫރިޒަމް ޓެކްސް ދައުލަތުގެ އާމްދަނީ ޓީޖީއެސްޓީ

22 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިސްޓަރ ވާން

16 July 2025

މީން އެގެނީ ސަރުކާރުގެ ނުކުޅެދުން ތެރިކަން. ކިތައްމެވަރަކަށް ދައުލަތަށް ފައިސާނެގިޔަސް ނޭންގޭ ބަޔަކަށް ނޭންގޭނެ ކަމެއް ކުރާކަށް. ކައި ހުސްވާނީ، އެއްކަމެއްވެސް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްސާން މުހައްމަދު

03 July 2025

ބޭރު މީހުންގެ އަތުން ނަގާ އެއްޗެއް. ދިވެހިންނަށް މީގެ ސަބަބުން ގެއްލުމެއް ނެތް. ވާނީ ފައިދާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ސަނީހް

03 July 2025

ވަރަށް ރަނގަޅު ނިންމުމެއް. އަހަރުމެންނަށް މީގެ ސަބަބުން ޑޮލަރ އިތުރަށް ލިބިގެން ދާނެ ކަމާމެދު އެއްވެސް ޝައްކެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

12091980

02 July 2025

12% އިން %16 އިން %17 އަށް ޓީޖީއެސްޓީ ބޮޑުވިރު ސާވިސްޗާޖުވެސް %12 ބޮޑު ކޮއްލިނަމަ ރައްޔަތުމީހާ ކިހާ ރަނގަޅުވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެފައާސާ.

02 July 2025

މަރުހަބާ. ރައީސްގެ މުއިއްޒުގެ އިސްނެންގެވުމާއި މަޝްވަރާއާއި އިރުޝާދުގެ ދަށުން ޖީއެސްޓީ ބޮޑުކުރެއްވުމަކީ ގައުމަށް ލިބުނު ފޫނުބެއްދޭވަރުގެ ބޮޑު ކާމިޔާބެއް. އަދި އިތުރަށް ދައުލަތަށް މި ލިބޭ ޓެކްސް ފައިސާ އިސްރާފު ނުވާނޭ ގޮތަކަށް ހަރުދަނާ އުސޫލަކުން، އިތުރު ސިޔާސީ މަގާމުތަކަށް ހޭދަކުރެއްވުމަށް ސަރުކާރަށް އިލްތިމާސް ދަންނަވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުނެލީ އިގޭ

02 July 2025

ޓެކުސް 100 ޕަސެންޓަށް ހެދިޔަސް ޓެކުސް ފައިސާއަށް ވެރިން ހިޔާނަތްތެރިވަންޔާ އޭގެން ރައްޔިތުންނަށް ކުރާނެ ފައިދާއެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާހިލެއްތަ!

02 July 2025

ގައުމެއް އަސްލު ހިނގަނީ ވިޔަފާރިތަކުން ޓެކުސް ދައްކާތީ. ސަރުކާރެއްގެ ބޭނުމަކީ އެފައިސާ މެނޭޖުކޮށް ރައްޔިތުންނަށް ހިދުމަތް ދިނުން. ސުވާލަކީ މުއިއްޒު މެން އެ ޓެކުސް ފައިސާއަށްހަދާ ގޮތް ދިވެހި ރައްޔިތުންނަށް ސާފުވޭހޭ؟ އޭނައަށް މިގައުމު އޮތް ހާލަތު އިހުސާސު ނުވަނީބާ ހަމަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލަފު ޝޭހުން ކޮބާ؟؟؟؟

02 July 2025

މަބުނީ،،،، ހަލާލު ޓުވަރިޒަމް ލޭބަލުގައި އުނގުވިޔަފާރި ރޭޓުގައި އެތައް ރަށެއް އެބަ ވިއްކައޭ. ދީނުގެ ނަމުގައި ހިންގާލާ މާސިންގާ ޖަރީމާއެއް އެއީ… ދީނާ ގައުމާ އިސްތިގުލާލު ދިފާއުކުރާ މީހުން ކޮބާތޭ މިހާރު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައުޓް،،، ނޯ 2028

02 July 2025

ޓެކުސް ބޮޑު ކޮއްގެން ދައުލަތައް އިތުރަށް އެތައް ބިލިއަން ޑޮލަރެއް ވަންނައިރު އޭގެ ކަންފުޅެއް މަމެން އާއްމުންނަކަށް ނުވޭ. މިހާރު އިގި ސާފު ވެއްޖެ މައްސަލައަކީ ސަރުކާރުކަން. ދެން ފައިބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުންބެ

02 July 2025

ރިއަލިޓީއަކީ ދިވެހިން ތިބީ ބޭސް ގުޅަ ނުލިބި، ބޮޑު ބައްޔެއް ވެއްޖިއްޔާ ފަންޑުފޮށި ބަހައްޓައިގެން. އެއްޗިސް އެހާ އަގުބޮޑު، ޑޮލަރެއް 20 ރުފިޔާއައްތުރެ މަތީގައި، ޓެކްސް ބޮޑުކޮއްގެން ވިޔަފާރިތަކުން ދިޔަ ފެލައިގެން ހަޒާނާއަށް އިތުރަށް ވަންނަ ޑޮލަރު/ރުފިޔާއަށް ހަދާނަހަދާއެއް ނޭގެ. ރިބަން ކަނޑަންވެސް 100 ވަރަކަށް މީހުން ފުލައިޓު ޗާޓަރުކޮއްގެން އެބަދޭ، ބޭރަށް އެވަރަށް ބޭކާރު ދަތުރު އަޅާ، ސިޔާސީ މަގާމުތައް 3000 ކައިރި ކަމަށްވޭ. އެވެސް ސިއްރުކޮއްގެން އެތިބީ